Zozue 11:23 - A SƐB-SÕW

²³ A Zozue tɩ zɛb'a de a tẽw za, a tu a lɛ za a Sore na tɩ yel kʋ̀ a Moyiir a, ɛ́ de ʋ põ kʋ̀ a Ɩsɩrayɛl dɔwlʋ, ʋ ɩ a bɛ sób. Lɛ n'a a Ɩsɩrayɛl nɩbɛ tɩ pɩ̃ɛnɩ nɩ a zɛbr.

Zozue 11:23 Iomraidhean Croise

Neemi 9:24

Bɛ kpɛ n a be de ʋ, so ʋ. Fʋ ɩ na bɛ so a tẽw dem, a Kanãa tẽw dem. Fʋ ƴãw bɛ nɩ a bɛ nuru pʋɔ, bɛlɛ nɩ a bɛ na-mɩnɛ nɩ a bɛ nɩ-bʋʋrɛ. A tɩ sãàkʋm-kore tɩ ɩ bɛ nɩ lɛ bɛ na bɔbr a.

Sɛb-sõw yielu 46:9

Nyɩ wa bɛl a Sore tome ʋ na tõ a kaa, a pʋl-vʋ̃ɔ yele ʋ na maalɩ a tẽw zu a:

Eziptɩ tẽw yib 34:11

Nyɩ tuur a lɛ ɩ̃ na yere kʋ̀rɛ nyɩ a dɩ̃a a vla. Ɩ̃ na diw nɩ a Amoritɩ mɩnɛ, a Kanãa tẽw dem, a Hititɩ mɩnɛ, a Perizitɩ mɩnɛ, a Hivitɩ mɩnɛ nɩ a Zebizitɩ mɩnɛ a nyɩ niŋé.

Ezekɩɛl 45:8

À ŋá n'a a na-mɩnɛ na tɛr a bɛ tẽsɔw a Ɩsɩrayɛl tẽw pʋɔ. Bɛ kʋ̃ cãà nɛbr a Sore nɩ-bʋʋrɛ ɩ, bɛ na bɛr'ɩ a tẽw na cɛ a kʋ̀ a Ɩsɩrayɛl dɔwlʋ.»

Wulu-ayi-sob 1:38

A fʋ tõ-tõ-bie Zozue na ɩ Nun bidɛb a n'ʋ na kpɛ. Ɩ ʋ tɛr kanyir, ʋlɛ na n'ʋ na tɛr a Ɩsɩrayɛl nɩbɛ bɛ zɛb de a tẽw a ƴãw.»

Wulu-ayi-sob 25:19

Ƴɛrɛŋa a, a Sore nyɩ Naaŋmɩn na gù nyɩ nɩ a nyɩ dɔ̃ dem za na jil koli nyɩ a ƴãw, a tẽw ʋ na na kʋ̀ nyɩ nyɩ so a pʋɔ. A lɛn daar a, nyɩ na kʋ n a Amalesitɩ mɩnɛ za pàw pɛr, kɛ̀ nɩsaal za ta cãà tɛr a bɛ tɩɛrʋ a tẽw zu ɛ. Nyɩ taa yiire a yel ŋa ɩ.

Zozue 11:18

A zɛbr a Zozue na tɩ zɛb'ɩ a na-mɩnɛ bɛ ŋa za a tɩ kɔwr'ɩ yaga.

Zozue 12:7

Al pùorí, a Zozue nɩ a Ɩsɩrayɛl nɩbɛ tɩ zɛb'a tʋ̃ɔ́ a na-mɩnɛ na kpɩɛr a Zurdɛ̃ mʋ̃tɔ̃w-kpɛb-lowr a, a bɛ ten tɩ yi n a Baal-Gadɩ a Libã fʋɔla pʋɔ, a saa-pɛrɩ́-gʋba-lowr, ɛ́ tɩ sãá a Tã-kpalɛ na pɩɛl a Seyiir a, a saa-pɛrɩ́-dʋrʋ-lowr. A Zozue tɩ de nɩ a ten á ŋá põ kʋ̀ a Ɩsɩrayɛl dɔwlʋ nɩbɛ.

Zozue 18:10

A Zozue tɩ lɔb'ɩ a bie, a Sore niŋé a Silo, põ a tẽw kʋ̀ a Ɩsɩrayɛl nɩbɛ, ŋa za mɩ́ páw a ʋ dem.

Zozue 22:4

Ƴɛrɛŋa a Sore nyɩ Naaŋmɩn na kʋ̀ pɩ̃ɛnʋ a nyɩ yɛbr, mɛ̃ a lɛ ʋ na tɩ yel kʋ̀ bɛ a, nyɩ na tʋ̃ɔ́ na lɛb kul a nyɩ yie pʋɔ, a tẽw ʋl nyɩ na so a pʋɔ, a ʋl a Sore tõ-tõ-bie Moyiir na kʋ̀ nyɩ a Zurdɛ̃ saa-pɛrɩ́ a.

Zozue 23:1

A tɩ cɛlɩ nɩ yaga a Sore na tɩ kʋ̀ a pɩ̃ɛnʋ a Ɩsɩrayɛl nɩbɛ, faa bɛ a bɛ dɔ̃ dem za na tɩ viiri koli bɛ a nuru pʋɔ a. A Zozue tɩ kor'a tɩ nyãwnɩ ʋ za.