Zozue 11:15 - A SƐB-SÕW

¹⁵ A lɛ a Sore na tɩ yel kʋ̀ a ʋ tõ-tõ-bie Moyiir a, lɛ n'a a Moyiir mɩ̀ yel kʋ̀ a Zozue, ɛ́ lɛ tɔr za n'a a Zozue ɩ: ʋ bɛ tɩ zawrɩ bom kãw za a Sore na tɩ yel kʋ̀ a Moyiir a bɛr ɛ.

Zozue 11:15 Iomraidhean Croise

2 Bibie za yel-manɩ 30:12

A Zuda naalʋ-tẽw pʋɔ a, a Sore tɩ ɩ na a nɩbɛ lãw taa sàw tu a lɛ a nãà nɩ a ʋ tõ-tõ-bi-bɛrɛ na tɩ yel a.

Sɔr-nɛ́ɛ 33:50

A Sore tɩ yel'ɩ a Moyiir, a Mowab tɩ̃talɛ pʋɔ na pɩɛlɩ a Zurdɛ̃, ɛ́ tori a Zeriko a:

Sɔr-nɛ́ɛ 33:52

nyɩ na diw nɩ a tẽw dem za a nyɩ niŋé, nyɩ na ɩ n a bɛ ŋmɩmɛ dasuli za bɛ na maal'ɩ kʋsɛbɛ bɩɩ kure a, a bɔr, ɛ́ nyɩ sãw a bɛ maalʋ-ziir za bɛr.

Matie 23:23

Baw-bio dem'ɩ nyɩ, nyɩɩm Naaŋmɩn wulu sɛ-sɛbrbɛ nɩ nyɩɩm Faarizɩ̃ɛ mɩnɛ, nɩsaal-libelibe e! Nyɩ mɩ́ kʋ̀ n a Naaŋmɩn a nyɩ bʋ̃-tɛrɩ ziir pie sob, a zɛ-va-bʋʋrɛ a mɩnɛ ƴãw, mɛ̃ a mãtɩ, a fenil nɩ a kimɛ̃ a, ɛ́ nɩ̃ɛ mɩ́ ƴãw dere a Naaŋmɩn wulu yel-bɛrɛ á ŋá ƴãw: a mɩnʋ, a su-ɓaarʋ nɩ a naaŋmɩn-sàw-deb. Ɛcɛ à á ŋá n'a a tɩ fɛrɛ kɛ́ nyɩ tuur, ɛ́ ta bɛr a al na cɛ a ɩ.

Luka 11:42

Baw-bio dem n'ɩ nyɩ Faarizɩ̃ɛ mɩnɛ ɛ! A zɛ-va-foli al na mɩ́ bul a tʋɔra, bɛ bʋɔlɛ mãtɩ nɩ uru a, lãwnɩ zɛ-va-nyuure nɩ zɛ-va-bʋʋrɛ za nyɩ na mɩ́ kɔ a, nyɩ mɩ́ põ a nɩ ziir pie ír a zi-been sob kʋ̀ a Naaŋmɩn, ɛ́ nɩ̃ɛ bɛ mɩ́ cɛlɛ a yel-mɩnʋ nɩ a Naaŋmɩn nɔ̃wfʋ zie ɩ. Ɛcɛ al pùor'a a mɩ́ fɛr kɛ́ nyɩ tu, ɛ́ ta bɛr a ŋmãa á ŋá ɩ.

Nɩ-toni 20:20

Bom nɛ za a na sɛw kɛ́ nyɩ bãw a, ɩ̃ bɛ sɔwl'ʋ a nyɩ zie ɩ. Ɩ̃ nɩ̃ɛ na kanɩ nɩ nyɩ, ɩ̃ wul nyɩ nɩ a nɩbɛ pʋɔ bɩɩ a nyɩ tɛwr zie.

Nɩ-toni 20:27

A lɛ a Naaŋmɩn na cɔbrɩ a yele bin a, ɩ̃ manɩ nɩ a za kʋ̀ nyɩ, ɩ̃ bɛ sɔwlɩ bom za a nyɩ zie ɩ.

Wulu-ayi-sob 31:3

A Sore nyɩ Naaŋmɩn mɩŋa n'ʋ na de nyɩ a niwn. Ʋ na kʋ n a nɩ-bʋʋr-yoru nyɩ na na tuore a, ɛ́ nyɩ mɩ́ so a bɛ tẽw. Ɛ́ Zozue n'ʋ na ɩ a nyɩ nɩ-kpɛ̃ɛ, mɛ̃ a lɛ a Sore na yel a.

Wulu-ayi-sob 31:5

A Sore na ƴãw bɛ nɩ a nyɩ nuru pʋɔ, ɛ́ nyɩ na ɩ bɛ na mɛ̃ a lɛ tɔr za ɩ̃ na yel kʋ̀ nyɩ a.

Wulu-ayi-sob 31:7

Al pùorí, a Moyiir tɩ bʋɔl'ɩ a Zozue wa yel ʋ a Ɩsɩrayɛl nɩbɛ za niŋé: «Kpɛ socir ɛ́ kpɛmɛ! Fʋ̃ʋ n'ʋ na tɛr a Ɩsɩrayɛl nɩbɛ kpɛ n a tẽw ʋl pʋɔ, a Sore na pɔ yel a bɛ sãàkʋm-kore zie k'ʋʋ na kʋ̀ bɛ na a, fʋ̃ʋ n'ʋ na põ ʋ kʋ̀ bɛ.

Wulu-ayi-sob 4:2

Nyɩ taa dɔwlɛ bom za a nɛ-ƴãwnɩ zu, a Sore nyɩ Naaŋmɩn na ƴãw ɩ̃ kʋ̀ nyɩ a ɩ, nyɩ mɩ̀ taa íre bom za bɛrɛ ɩ: nyɩ tuur a za.

Wulu-ayi-sob 4:5

Nyɩ nyɛ̃, ɩ̃ kʋ̀rɛ nyɩ nɩ wulu nɩ tub, mɛ̃ a lɛ a Sore ɩ̃ Naaŋmɩn na yel kʋ̀ m a. Nyɩmɛ wa kpɛ a tẽw nyɩ na na so a pʋɔ a, nyɩ tuur a wulu nɩ a tub á ŋá.

Wulu-ayi-sob 7:2

A Sore nyɩ Naaŋmɩn na ƴãw bɛ nɩ a nyɩ nuru pʋɔ, nyɩ na zɛb'a tʋ̃ɔ́ bɛ, ɛ́ a ʋl zũú nyɩ kʋ bɛ pàw pɛr. Nyɩ taa maalɛ nɩ bɛ wõ-taa kãw za ɩ, ɛ́ taa zɔrɛ bɛ nɩbaalʋ ɛ.

Zozue 1:7

Dɛ́ kpɛmɛ ɛ́ dɩ kanyir yaga. Ƴãw fãw tuur a wulu a ɩ̃ tõ-tõ-bie Moyiir na lʋɔrɩ kʋ̀ b a: taa zawrɛ ʋ bɛrɛ towtow ɛ, lɛ n'a bom za na mɩ́ tu b.

Zozue 11:12

A Zozue tɩ zɛb'a tʋ̃ɔ́ a na-mɩnɛ na tɩ lãw taa a ʋ ƴãw a, ɛ́ de a bɛ ten. Ʋ tɩ kʋ n a na-mɩnɛ nɩ a ten nɩbɛ pàw pɛr, mɛ̃ a lɛ a Sore tõ-tõ-bie Moyiir na tɩ yel a.

Zozue 11:14

A ten á ŋá bome nɩ a dʋn a, a Ɩsɩrayɛl nɩbɛ tɩ de a na, a ɩ zɛb-tʋ̃ɔ́fʋ bome, ɛcɛ bɛ tɩ kʋ n a nɩbɛ pàw pɛr, bɛ bɛ tɩ cɛ bʋ̃-vʋʋra bɛr ɛ.

Zozue 11:16

À à ŋá n'a a Zozue tɩ zɛb de a tẽw za: a tan vuo, a Negɛɛvʋ za, a Gosɛn tẽw za, a Ba-Peyi, a Zurdɛ̃ fʋɔla, nɩ a saa-pɛrɩ́-gʋba-lowr tan vuo, nɩ a zi-tɩ̃talɛ.

1 Samɩɛl 15:11

«Mãa tɩ bãw kɛ́ lɛ a, ɩ̃ kʋ̃ʋ tɩ ɩ a Sawul ʋ ɩ a nãà ɩ, bʋ̃ʋ n'ʋ vɛ̃, ʋ zawrɩ mɛ̃ na bɛr, ɛ́ bɛ tu a lɛ ɩ̃ na yel a ɩ.» A tɩ dam'ɩ a Samɩɛl, ɛ́ a tɩ̃ɩsɔw ɓil za ʋ zɛlɩ a Sore.