Zozue 10:2 - A SƐB-SÕW

² A yele á ŋá bɛ na tɩ wõ a tɩ ƴãw nɩ pʋl-vʋ̃ɔ yaga a Zerizalɛm tẽw pʋɔ, bʋ̃ʋ n'ʋ vɛ̃, a Gabaɔ̃ tɩ ɩ n tẽ-kpɛ̃ɛ, ʋ tɩ ɩ n kpɛ̃ɛ zuo a Aɩ, ɛ́ sɛw a na-mɩnɛ tẽ-bɛrɛ, ɛ́ a ʋ dɛbr za tɩ kpɛ socir.

Zozue 10:2 Iomraidhean Croise

2 Samɩɛl 12:26

A sojarɩ nɩ-kpɛ̃ɛ Zowab tɩ zɛb'ɩ nɩ a Amɔ̃ tẽw dem tẽ-kpɛ̃ɛ Araba, zɛb de a zie ʋl a nãà na kpɩɛr a.

Zʋkpaɩ 10:24

A ʋlɩ bom nɛ a nɩ-faar na mɩ́ zɔrɛ a n'ʋ mɩ́ ta bɛ. A ʋlɩ bom nɛ a nɩ-mɩn na mɩ́ bɔbr a, bɛ mɩ́ páw ʋ na.

Wulu-ayi-sob 11:25

Nɩr za kʋ̃ tʋ̃ɔ́ bà gbɛ́r a nyɩ niŋé ɩ. A tẽw zie za nyɩ na cere a, a Sore nyɩ Naaŋmɩn na ɩ na nyɩ ƴãwnɛ a tẽw dɛ̃bɩ̃ɛ nɩ pʋl-vʋ̃ɔ, mɛ̃ a lɛ ʋ na yel kʋ̀ nyɩ a.

Wulu-ayi-sob 2:25

A dɩ̃a bibir na dɛ vɩɛ a, ɩ̃ na ɩ na pʋ̀lá mɩ́ vʋ̃ɔnɛ a tẽ-daa nɩ-bʋʋrɛ za a nyɩ ƴãw, ɛ́ bɛ zɔrɛ nyɩ. Bɛlɛ wa wone bɛ pore a nyɩ yúor a, pʋl-vʋ̃ɔ na mɩ́ tɛr bɛ na bɛ màwr.»

Wulu-ayi-sob 28:10

A tẽw zu nɩ-bʋʋrɛ za na nyɛ̃ na k'aa Sore so nyɩ na a ʋ tome ƴãw, ɛ́ bɛ na zɔrɛ nyɩ na.

Ebre 10:27

A ƴɛ̀rʋ-maalʋ tɛwr'a cɛ tɩ na pi pee gùre nɩ, nɩ a vũu-tʋlʋ kpãkpã na na dɩ a zu-kpɛn dem a.

Ebre 10:31

A Naaŋmɩn na vʋʋrɛ a na na ƴãw fʋ nũú a, a ɩrɛ nɩ dɛ̃bɩ̃ɛ bɛ dɩ vuo ɩ!

Zozue 2:24

Bɛ tɩ yel ʋ na: «Sɩza n'a, a Sore de nɩ a tẽw za ƴãw a tɩ nuru pʋɔ. A tẽw nɩbɛ za màwr'ɩ a tɩ niŋé.»

Zozue 9:24

A Gabaɔ̃ tẽw dem tɩ sɔw nɩ a Zozue yel: «Tɩ tɩ wõ na k'aa Sore fʋ Naaŋmɩn, tɩ yel'ɩ a ʋ tõ-tõ-bie Moyiir k'ʋʋ kʋ̀ nyɩ a tẽw ŋa za, nɩ k'aa fɛr'a kɛ́ nyɩ kʋ a tẽw ŋa nɩbɛ pàw pɛr. Tɩ tɩ zɔ nyɩ na bɛ dɩ vuo ɩ, ɛ́ tɩ zɔ dɛ̃bɩ̃ɛ tɩ na na kpi a ƴãw, alɛ n'a so tɩ ɩ à à ŋá.

Zozue 9:3

A Gabaɔ̃ tẽw dem na ɩ Hivitɩ mɩnɛ a tɩ wõ n a lɛ a Zozue na tɩ ɩ a Zeriko nɩ a Aɩ a.

1 Samɩɛl 27:5

A Daviir tɩ yel'ɩ a Akisɩ à ŋá: «Fʋ̃ʋ wa de a ɩ̃ yele a, fʋ̃ʋ ɩ bɛ kʋ̀ m zie a kura pʋɔ ɩ̃ kpɩɛr. Bʋ̃ʋ ƴãw n'a ɩ̃ na lãw kpɩɛr'ɩ fʋ a nãà tẽ-kpɛ̃ɛ pʋɔ?»