Zozue 10:1 - A SƐB-SÕW

¹ A Zerizalɛm tẽw nãà, Adoni-Sedɛkɩ, tɩ wõ na k'aa Zozue zɛb'a de a Aɩ tẽw, sãw ʋ za bɛr, k'ʋʋ tɩ ɩ n a Aɩ tẽw nɩ a ʋ nãà mɛ̃ a lɛ ʋ na tɩ ɩ a Zeriko tẽw nɩ a ʋ nãà a. Ʋ mɩ̀ tɩ wõ na k'aa Gabaɔ̃ tẽw dem maal'ɩ nɩ a Ɩsɩrayɛl nɩbɛ ƴã-ɓaarʋ wõ-taa, ɛ́ kpɩɛr a bɛ sɔgɔ.

Zozue 10:1 Iomraidhean Croise

Yele-za-pɛr-tib 14:18

Mɛlkɩsedɛkɩ na tɩ ɩ Salɛm tẽw nãà a ɛ́ ɩ a Naaŋmɩn-na-do-saa-bɛ-pɩɛl-a bàwr-maalɛ a, tɩ wa n nɩ dipɛ̃ nɩ divɛ̃.

Ebre 7:1

A Mɛlkɩsedɛkɩ ŋa na tɩ ɩ Salɛm tẽw nãà ɛ́ ɩ a Naaŋmɩn-na-do-saa-bɛ-pɩɛl-a bàwr-maalɛ a tɩ tuor'ɩ a Abraham ɛ́ maalɩ ʋ, a lɛn daar a Abraham na tɩ zɛb tʋ̃ɔ́ a na-mɩnɛ ɛ́ lɛb waar a.

Zozue 10:3

A Zerizalɛm nãà, Adoni-Sedɛkɩ, tɩ tõ na bɛ tɩ yel a Ebrɔ̃ tẽw nãà, Hoham, nɩ a Yarmutɩ tẽw nãà, Pireyam, nɩ a Lakisɩ tẽw nãà, Yafɩa, nɩ a Egɩlon tẽw nãà Deviir:

Zozue 6:21

Bɛ tɩ sãw nɩ bom za na be a tẽw pʋɔ a bɛr, a dɛbr nɩ a pɔwbɛ, a pɔlbili nɩ a dɛb-nyamɛ, a nĩi, a píir nɩ a bòn, bɛ kʋ n a za.

Zozue 8:2

Fʋ na ɩ n a Aɩ tẽw nɩ a ʋ nãà mɛ̃ a lɛ fʋ na ɩ a Zeriko tẽw nɩ a ʋ nãà a. Ɛcɛ nyɩ na tʋ̃ɔ́ na de a tẽw bome nɩ a dʋn a ɩ zɛbr bome nyɩ na zɛb de a. Ƴãw nɩbɛ bɛ tɩ sɔwlɩ a tẽw pùorí, wa ùr yi a ʋ ƴãw.»

Zozue 8:21

A Zozue nɩ a ʋ nɩbɛ tɩ nyɛ̃ na k'aa sojarɩ na tɩ sɔwlɩ a tẽw pùorí a, tɩ de nɩ a tẽw, bɛ tɩ nyɛ̃ nɩ a zʋ̀ʋ́r na ŋmɛlɛ dúor a. Bɛ tɩ lɩɛb'ɩ pɛ-tul lo a Aɩ nɩbɛ zu.

Zozue 9:3

A Gabaɔ̃ tẽw dem na ɩ Hivitɩ mɩnɛ a tɩ wõ n a lɛ a Zozue na tɩ ɩ a Zeriko nɩ a Aɩ a.