Zozue 1:8 - A SƐB-SÕW

⁸ A wulu sɛbɛ ŋa ƴɛ̀r-bie kʋ̃ yi zaa a fʋ nʋɔrɩ́ ɛ. Tɛr a tɩ́ɛrɛ mʋ̃tɔ̃w nɩ tɩ̃ɩsɔw za, kɛ́ fʋ tʋ̃ɔ́ ƴãw fãw ɩrɛ mɛ̃ a lɛ na sɛb a wulu sɛbɛ pʋɔ a, lɛ n'a a fʋ yele za na mɩ́ tu vla vla za.

Zozue 1:8 Iomraidhean Croise

Yele-za-pɛr-tib 24:63

Zaanʋɔra kãw ʋ na tɩ yi a wɩ̀ɛ pʋɔ tɩ cɔlɛ a, ʋ wa jɩ́r'a nyɛ̃ nyɔ̃wmɩ na waar a.

2 Bibie za yel-manɩ 26:5

A Zekarɩahu na mɩ́ tɩ bãw a bʋ̃-nyɛrɩ a Naaŋmɩn na tɩrɛ a pɛr a, a ʋ cãafʋ daar za a, a Ozɩasɩ tɩ ƴãw nɩ fãw bãw a Sore Naaŋmɩn pʋ-tɩɛrʋ, ɛ́ a Naaŋmɩn mɩ́ ɩ a ʋ yele za maalɩ vla.

Sɛb-sõw yielu 119:11

Ɩ̃ maal'a tɛr a fʋ wulu a ɩ̃ socir pʋɔ, k'ɩ̃ɩ taa wa sãwnɛ fʋ ɛ.

Sɛb-sõw yielu 119:15

Ɩ̃ na tɩɛrɛ nɩ a fʋ tub a na fɛr kɛ́ bɛ tuur a, ɛ́ tuur a sɔ́r fʋ na puo kʋ̀ m a vla.

Sɛb-sõw yielu 119:97

Nɔ̃wfʋ bɛ n'a ɩ̃ nɔ̃w a fʋ wulu ɛ! Ɩ̃ mɩ́ tɛr ʋ na tɩɛrɛ a bibie za.

Sɛb-sõw yielu 119:99

Ɩ̃ bãw a na zuo a ɩ̃ wul-wulbɛ za, ɩ̃ na mɩ́ tɛr a lɛ fʋ na yel a tɩɛrɛ a ƴãw.

Sɛb-sõw yielu 19:14

Mɩ̀ gù a fʋ tõ-tõ-bie a pɔ̀lʋ dem ƴãw, bɛ taa wa nanɩ tʋ̃ɔ́nɛ mɛ̃ ɩ. Lɛ n'a ɩ̃ kʋ̃ tɛr sãwna ɩ, ɛ́ yel-bier-kpɛ̃ɛ dɛwr kʋ̃ be ɩ̃ zie ɩ.

Sɛb-sõw yielu 40:10

Ɩ̃ hier'a yel a faafʋ yel-nʋ̃ɔ̀ a lãw-kpɛ̃ɛ pʋɔ. Nyɛ̃, ɩ̃ bɛ pàw a nʋɔr ɛ, Sore e, fʋ bãwnɩ a na.

Zʋkpaɩ 3:1

Ɩ̃ bie e, taa wa yiire a ɩ̃ wulu bɛrɛ ɩ, tɛr a ɩ̃ nɛ-ƴãwnɩ a fʋ socir pʋɔ.

Ɩzayi 59:21

A Sore yere na ƴãw pʋɔ: «Ɛ́ a mãa a, nyɛ̃ a wõ-taa ɩ̃ na maalɛ nɩ a nɩbɛ bɛ ŋa a: A ɩ̃ vʋʋrʋ be n a nyɩ zu, ɩ̃ɩ ƴãw nɩ a ɩ̃ ƴɛ̀rʋ a nyɩ nɛ̃ɛ́. Nyɩmɛ so a, a nyɩ bibiir so a, nɩ a bɛ bibiir mɩ̀ bibiir, a ƴɛrɛŋa nɩ kʋralɛ. Ɩ̃ bɛ lɛb dier a a nyɩ zie towtow ɛ. A mãa, a Sore, mãa n'ʋ yere.»

Matie 12:35

A nɩ-vla mɩ́ íre nɩ bʋ̃-vɩɛlɩ a ʋ na-bʋ̃-vɩɛlɩ pʋɔ, ɛ́ a nɩ-faa íre bʋ̃-faar a ʋ na-bʋ̃-faar pʋɔ.

Matie 28:20

ɛ́ zànɩ nɩ bɛ bɛ tuur a al za ɩ̃ na ƴãw nʋɔr kʋ̀ nyɩ a. Ɛ́ mãa a, ɩ̃ be n a nyɩ zie bibie za na tɩ ta n a tẽw baarʋ daar.»

Matie 7:21

«A bɛlɩ dem na mɩ́ yere a ɩ̃ zie: “Sore e, Sore e”, bɛlɛ bɛ nɛbɛ na kpɛ a tẽ-vla Naalʋ pʋɔ ɩ. A bɛl na maalɛ a ɩ̃ Sãà na be a tẽ-vla pʋɔ a pʋ-tɩɛrʋ a, bɛlɛ nɛbɛ na kpɛ a tẽ-vla Naalʋ pʋɔ.

Matie 7:24

«A na ɩ à ŋá a, nɩr za na bɛrɛ wone a ƴɛ̀r-bie á ŋá ɩ̃ na ƴɛ̀r a ƴɛrɛŋa ɛ́ tuur a a, ʋ ŋmɛ̃ na taa nɩ yã-bãwnɛ na ŋmãa a ʋ yir kʋsɛ-pan zu a.

Luka 11:28

Ɛcɛ a Yeezu ʋl tɩ sɔw ʋ na: «Zu-nʋ̃ɔ̀ dem nɩ̃ɛ n'ɩ a bɛlɩ dem na mɩ́ wõ a Naaŋmɩn ƴɛ̀rʋ, ɛ́ de tɛr a!»

Zã 13:17

Nyɩ na bãw à à ŋá a, zu-nʋ̃ɔ̀ dem n'ɩ nyɩ nyɩmɛ wa tuur a.

Zã 14:21

Ʋlɩ sob na sàwr a ɩ̃ nɛ-ƴãwnɩ ɛ́ tuur a vla a, a sob ŋa n'ʋ nɔnɛ mɛ̃. Ɛ́ ʋlɩ sob na nɔnɛ mɛ̃ a, a ɩ̃ Sãà na nɔnɛ ʋ na, ɩ̃ mɩ̀ na nɔnɛ ʋ na, ɩ̃ɩ na wul'ɩ ɩ̃ tʋɔra a ʋ sob.»

Efɛɛzɩ 4:29

Ƴɛ̀r-faa za bɛ sɛw k'ʋʋ yi a nyɩ nʋɔrɩ́ ɛ, ɛcɛ nyɩ ƴɛ̀rɛ ƴɛ̀r-bie na tɛr yel-ɩra na na tʋ̃ɔ́ sõw ɛ́ wa n maalʋ a bɛlɩ dem na bɛrɛ wone nyɩ a zie a.

Wulu-ayi-sob 29:8

Alɛ n'a so a fɛr kɛ́ nyɩ maal tɛr a wõ-taa, a Naaŋmɩn na maal'ɩ nyɩ a, ƴɛ̀rʋ vla, ɛ́ sàwr a. À ŋá n'a a nyɩ yele za na mɩ́ cere vla.

Wulu-ayi-sob 29:9

Ɩsɩrayɛl nɩbɛ ɛ, nyɩmɛ n'ɩ bɛ ŋa àr nyɩ za a Sore nyɩ Naaŋmɩn niŋé a dɩ̃a: a nyɩ nɩ-bɛrɛ, a nyɩ dɔwlʋ nɩ-bɛrɛ, a nyɩ nɩ-kore nɩ a nyɩ sɛ-sɛbrbɛ, a Ɩsɩrayɛl dɛbr za,

Wulu-ayi-sob 30:14

Lɛ bɛ n'a ɩ, a ƴɛ̀rʋ ŋa pɩɛlɩ nyɩ nɩ yɩ̃ɛyɩ̃ɛ lɛ. Ʋ be n a nyɩ nʋɔrɩ́ nɩ a nyɩ socir pʋɔ kɛ́ nyɩ tuur ʋ.

Wulu-ayi-sob 31:24

A Moyiir na tɩ sɛb a Naaŋmɩn wulu ƴɛ̀r-bie za ƴãw sɛbɛ zu baar'a,

Wulu-ayi-sob 5:1

A Moyiir tɩ bʋɔl'ɩ a Ɩsɩrayɛl nɩbɛ za wa yel bɛ à ŋá: «Ɩsɩrayɛl nɩbɛ ɛ, nyɩ wone a wulu nɩ a tub ɩ̃ na kʋ̀rɛ nyɩ a dɩ̃a a. Nyɩ zanɩ a ɛ́ ƴãw fãw tuur a.

Wulu-ayi-sob 5:29

Bɛlɛ ɩ mɛ̃ bɛ ƴãw nɩ fãw zɔrɛ mɛ̃ ɛ́ sàwr a ɩ̃ nɛ-ƴãwnɩ za a, bɛlɛ nɩ a bɛ bʋʋrɛ na nyɛrɛ nɩ nʋ̃ɔ̀ a pʋɔ kʋralɛ.

Wulu-ayi-sob 5:32

A Moyiir tɩ cãà na yel a Ɩsɩrayɛl nɩbɛ à ŋá: Nyɩ ƴãw fãw ɩrɛ mɛ̃ a lɛ a Sore nyɩ Naaŋmɩn na yel kʋ̀ nyɩ a, ɛ́ taa gãwnɛ a ʋ nɔ-ƴãwna kãw za bɛrɛ ɩ.

Kɔlɔsɩ 3:16

A Kɩrɩta ƴɛ̀rʋ, ʋ be a nyɩ pʋɔ yaga za. Nyɩ wule taa ɛ́ kpaalɛ taa nɩ yã-bãwfʋ. Nyɩ yiele puore nɩ a Naaŋmɩn yãanɩ nɩ nyɩ pʋɔ za, nɩ Sɛb-sõw yielu, nɩ danʋ, nɩ yielu Vʋʋrʋ Sõw na waalɩ kʋ̀ nyɩ a.

Zozue 1:7

Dɛ́ kpɛmɛ ɛ́ dɩ kanyir yaga. Ƴãw fãw tuur a wulu a ɩ̃ tõ-tõ-bie Moyiir na lʋɔrɩ kʋ̀ b a: taa zawrɛ ʋ bɛrɛ towtow ɛ, lɛ n'a bom za na mɩ́ tu b.

Zozue 8:34

Al pùorí, a Zozue tɩ kanɩ nɩ a Naaŋmɩn wulu ƴɛ̀r-bie za — a maalʋ ƴɛ̀r-bie nɩ a ŋmɛ-ƴãw ƴɛ̀r-bie — mɛ̃ a lɛ a za na sɛb a Naaŋmɩn wulu sɛbɛ pʋɔ a.

Yel-wula 22:14

Zu-nʋ̃ɔ̀ dem'ɩ a bɛlɩ dem na pɛ́wr a bɛ kparɩ, kɛ́ bɛ tʋ̃ɔ́ tɛr sɔ́r dɩ a nyɔ-vʋʋrʋ tɩɛ wɔmɛ, ɛ́ tu a dɩ̃dɛɛ ƴãw kpɛ a tẽw pʋɔ a.