Zozue 1:6 - A SƐB-SÕW

⁶ Kpɛmɛ ɛ́ dɩ kanyir, bʋ̃ʋ n'ʋ vɛ̃, fʋ̃ʋ n'ʋ na de a tẽw kʋ̀ a nɩ-bʋʋrɛ bɛ ŋa bɛ so ʋ, a tẽw ŋa ɩ̃ na pɔ yel k'ɩ̃ɩ na kʋ̀ n a bɛ sãàkʋm-kore a.

Zozue 1:6 Iomraidhean Croise

Yele-za-pɛr-tib 12:7

A Sore tɩ ɩ na a Abram nyɛ̃ ʋ, ʋʋ yel ʋ: «A fʋ bʋʋrɛ nɛbɛ ɩ̃ na kʋ̀ a tẽw ŋa.» A Abram tɩ mɛ n bàwr-maal-kuur a Sore ƴãw, a be a Sore na tɩ ɩ ʋ nyɛ̃ ʋ a.

Yele-za-pɛr-tib 26:3

Kpɩɛr a ʋlɩ tẽw nɛ, ɩ̃ na be n a fʋ zie, ɩ̃ɩ na maalɩ fʋ na. Bʋ̃ʋ n'ʋ vɛ̃, fʋ̃ʋ nɩ a fʋ bʋʋrɛ nɛbɛ ɩ̃ na kʋ̀ a ziir á ŋá. Ɛ́ à à ŋá n'a ɩ̃ na tu a nʋɔr ɩ̃ na ƴãw kʋ̀ a fʋ sãà Abraham a.

2 Samɩɛl 10:12

Kpɛ socir, tɩ zɛbr'ɩ soci-kpɛ̃w, a tɩ nɩ-bʋʋrɛ nɩ a tɩ Naaŋmɩn tẽ-bɛrɛ ƴãw. Ɛ́ a Sore a, ʋ ɩ lɛ na pɛlɩ a ʋ pʋɔ a.»

1 Na-mɩnɛ 2:2

«Mãa kule na, mɛ̃ tẽsɔw bom za na tɔlɛ a. Dɩ kanyir, ɛ́ ɩ dɛb.

1 Bibie za yel-manɩ 22:13

Fʋ̃ʋ wa tuur a nɛ́ɛ nɩ a tub al a Sore na kʋ̀ a Moyiir a Ɩsɩrayɛl ƴãw a, fʋ na ɩ n nɩr a yele za pʋɔ. Kpɛmɛ ɛ́ kpɛ socir. Ta zɔrɛ bom ɛ, ɛ́ ta kpɛ dɛ̃bɩ̃ɛ ɩ.

1 Bibie za yel-manɩ 28:10

Ƴɛrɛŋa a, jɩ́r nyɛ̃: a Sore kaa na ír fʋ kɛ́ fʋ ŋmãa yir na na ɩ a ʋ zi-sõw a. A na ɩ à ŋá a, dɩ kanyir ɛ́ tĩ a tome.»

1 Bibie za yel-manɩ 28:20

Ʋ tɩ cãà na yel ƴãw pʋɔ: «Ɩ̃ bie e, dɩ kanyir ɛ́ kpɛmɛ, bɛr dɛ̃bɩ̃ɛ ɛ́ ìr tĩ a tome. Ta sàw bom za vʋ̃ɔ fʋ pʋ̀lá ɩ! A Sore ɩ̃ Naaŋmɩn kʋ̃ zawrɩ fʋ bɛr ɛ. Ʋ be n a fʋ zie, ʋ na tɩɛ fʋ na tɛr ɛ́ gù a ʋ yir tome tɩ tõ baarɩ.

2 Bibie za yel-manɩ 15:7

Ɛcɛ, nyɩɩm a, ƴɛrɛŋa a, nyɩ kpɛmɛ, nyɩ ta bàl tɩɛ bɛr ɛ. Sã-ya na be n be a nyɩ ton ƴãw!»

2 Bibie za yel-manɩ 20:11

A nɩbɛ bɛ ŋa n'ɩ bɛ ŋan dɩ̃a wa diwr tɩ a tẽw fʋ na kʋ̀ tɩ a zu, kɛ́ bɛ yáa tɩ a san!

2 Bibie za yel-manɩ 20:7

Tɩ Naaŋmɩn i, fʋ̃ʋ bɛ n'ʋ diw a tẽw ŋa nɩbɛ a fʋ nɩ-bʋʋrɛ Ɩsɩrayɛl niŋé, ɛ́ de ʋ kʋ̀ a fʋ nɩ-nɔnɩ Abraham bʋʋrɛ kʋralɛ ɩ?

Sɛb-sõw yielu 27:14

— Ƴãw a fʋ tɩ́ɛrʋ a Sore ƴãw, dɩ kanyir ɛ́ tɛr soci-kpɛ̃w, ƴãw a fʋ tɩ́ɛrʋ a Sore ƴãw.

A naaŋmɩn-ƴɛ̀r-manɛ Aaze sɛbɛ 2:4

Alɛ n'a so, a mãa, a Sore, ɩ̃ yere na kʋ̀rɛ nyɩ: Zorobabɛl ɩ, ƴãw fãw! Yehosadakɩ bidɛb Zozue e, fʋ̃ʋ na ɩ a bàwr-maal-kara a, ƴãw fãw! Nyɩɩm, a tẽw nɩbɛ za, nyɩ mɩ̀ ƴãw fãw! Nyɩ nyɔw a tome, ɩ̃ na be n a nyɩ zie, a mãa, a Sore, a Kpɛnʋ-za-sob.

Zakari 8:9

À ŋá n'a a Sore, a Kpɛnʋ-za-sob, yere: «Nyɩ ƴãw fãw! Nyɩ̀ wone nɩ a ƴɛrɛŋa, a ƴɛ̀rʋ á ŋá ɩ̃ na tɩ dãw ƴãw a ƴɛ̀r-manbɛ ƴɛ̀r, a lɛn daar bɛ na tɩ lɔb a yir-kpɛ̃ɛ pɛr, a ʋ mɛb ƴãw a.

Sɔr-nɛ́ɛ 26:53

«A dɔwlʋ n'a bɛ na põ a tẽw kʋ̀, ɛ́ mɩ́ bãwnɩ a nɩbɛ nʋɔr:

Sɔr-nɛ́ɛ 33:53

Nyɩ na de nɩ a bɛ tẽw so ʋ kpɩɛr a be. Ɩ̃ de ʋ na kʋ̀ nyɩ nyɩ so ʋ.

1 Korɛ̃tɩ 16:13

Nyɩ bɛr gʋ̃ɔ, nyɩ kpɛmɛ a sàw-deb pʋɔ, nyɩ ɩ dɛbr, nyɩ tɛr fãw.

Efɛɛzɩ 6:10

A al na cɛ a n'ɩ kɛ́ nyɩ tɛr fãw na yi nyɩɩm nɩ a Sore lãw-taa pʋɔ a, nyɩ tɛr fãw na yi a ʋ fãw na kpɛmɛ bɛ tɛr tɔ a pʋɔ.

Wulu-ayi-sob 1:21

Nyɩ nyɛ̃, a Sore nyɩ Naaŋmɩn ɩ na a tẽw sãá a nyɩ niŋé. Nyɩ do tɩ de ʋ, so ʋ, mɛ̃ a lɛ a Sore, a nyɩ sãàkʋm-kore Naaŋmɩn na yel kʋ̀ nyɩ a. Nyɩ tɛr kanyir, nyɩ ta zɔrɛ dɛ̃bɩ̃ɛ ɩ!»

Wulu-ayi-sob 1:8

Nyɩ nyɛ̃, ɩ̃ kʋ̀rɛ nyɩ nɩ a tẽw ŋa. Nyɩ cen tɩ de ʋ, só ʋ. Bʋ̃ʋ n'ʋ vɛ̃, a tẽw ŋa n'ʋ a mãa, a Sore, yel k'ɩ̃ɩ na kʋ̀ n a nyɩ sãàkʋm-kore Abraham, Ɩzaakɩ nɩ Zakɔb nɩ a bɛ bʋʋrɛ a pùorí.»

Wulu-ayi-sob 11:8

A na ɩ à ŋá a, nyɩ sàwr a nɛ-ƴãwnɩ za ɩ̃ na kʋ̀rɛ nyɩ a dɩ̃a a, kɛ́ nyɩ tʋ̃ɔ́ tɛr fãw de nɩ a tẽw nyɩ na na kpɛ a pʋɔ,

Wulu-ayi-sob 31:23

Al pùorí, a Sore tɩ ƴɛ̀r'ɩ a ʋ ƴɛ̀rʋ kʋ̀ a Nun bidɛb Zozue, ɛ́ yel ʋ: «Kpɛ socir ɛ́ kpɛmɛ! Fʋ̃ʋ n'ʋ na tɛr a Ɩsɩrayɛl nɩbɛ kpɛ n a tẽw ʋl pʋɔ ɩ̃ na pɔ yel k'ɩ̃ɩ na kʋ̀ bɛ na a. Ɛ́ mãa a, ɩ̃ na be n a fʋ zie.»

2 Timote 2:1

A na ɩ à ŋá a, fʋ̃ʋ ɩ̃ bie e, ƴãw fãw kpɛmɛ a maalʋ na yi a Kɩrɩta Yeezu zie a pʋɔ.

Zozue 1:18

Nɩr za wa gaarɛ bɛ sàwr a lɛ za fʋ na yere kʋ̀rɛ tɩ a, bɛ na kʋ ʋ na. Fʋ̃ʋ ƴãw a, kpɛmɛ ɛ́ dɩ kanyir!»

Zozue 1:7

Dɛ́ kpɛmɛ ɛ́ dɩ kanyir yaga. Ƴãw fãw tuur a wulu a ɩ̃ tõ-tõ-bie Moyiir na lʋɔrɩ kʋ̀ b a: taa zawrɛ ʋ bɛrɛ towtow ɛ, lɛ n'a bom za na mɩ́ tu b.

Zozue 1:9

Ɩ̃ bɛ yel kʋ̀ b kɛ́ fʋ kpɛmɛ ɛ́ dɩ kanyir e? Ta màwr ɛ, ta zɔrɛ dɛ̃bɩ̃ɛ ɩ, bʋ̃ʋ n'ʋ vɛ̃, a mãa Sore fʋ Naaŋmɩn, ɩ̃ na be n a fʋ zie, be za fʋ na cere a.»

Zozue 10:25

ɛ́ a Zozue yel bɛ à ŋá: «Nyɩ ta zɔrɛ bom za ɩ, ɛ́ ta bɛr a yele tʋ̃ɔ́ nyɩ ɛ. Nyɩ kpɛmɛ ɛ́ dɩ kanyir, bʋ̃ʋ n'ʋ vɛ̃, à ŋá n'a a Sore na ɩ a nyɩ dɔ̃ dem za nyɩ na na zɛb'ɩ a.»

Zozue 13:6

lãwnɩ a tan vuo ʋl na be a Libã nɩ a Misirefɔtɩ-Mayim cará a. Sɩdɔ̃ tẽw dem nɛbɛ kpɩɛr a be. A Ɩsɩrayɛl nɩbɛ na cere na, ɩ̃ɩ diwr a voru á ŋá nɩbɛ bɛrɛ a bɛ niŋé. Fʋ na ŋmɛ n gbãw põ a ziir kʋ̀ a Ɩsɩrayɛl nɩbɛ, mɛ̃ a lɛ ɩ̃ na yel kʋ̀ b a.

Zozue 18:3

A Zozue tɩ yel'ɩ a Ɩsɩrayɛl nɩbɛ à ŋá: «Debor'a nyɩ na gù tɩ ta, ɛ́ wa bãw cen tɩ de a tẽw, a Sore, a nyɩ sãàkʋm-kore Naaŋmɩn, na kʋ̀ nyɩ a?

Zozue 21:43

A Sore tɩ kʋ̀ n a Ɩsɩrayɛl nɩbɛ a tẽw ʋl za ʋ na tɩ pɔ yel k'ʋʋ na kʋ̀ n a bɛ sãàkʋm-kore a. Bɛ tɩ de ʋ na kpɩɛr.

Zozue 5:6

A Ɩsɩrayɛl nɩbɛ tɩ cen nɩ a wɛja-kpalɛ pʋɔ yome lɩz'a ayi. A yome lɩz'a ayi á ŋá na wa tɔl a, a dɛbr bɛl za na tɩ ta a zɛbr a Eziptɩ tẽw yib daar a tɩ kpi n bɛ za, bɛ na tɩ zawrɩ a Sore nʋɔr a zũú. Lɛ n'a a Sore tɩ pɔ k'ʋʋ kʋ̃ bɛr bɛ bɛ nyɛ̃ a tẽw ʋl ʋ na tɩ yel kʋ̀ a tɩ sãàkʋm-kore, k'ʋʋ na kʋ̀ tɩ na a ɩ, tẽw bʋ̀rʋ nɩ sɩwr na gbɔlɛ a.

1 Samɩɛl 4:9

Ɛcɛ nyɩ ɩ tɩ ƴãw fãw Filisɩtɛ̃ mɩnɛ ɛ, tɩ tɛr dɛbr kanyir, alɛ bɛ ɩ lɛ tɩ mɩ̀ na lɩɛb'ɩ a Ebre mɩnɛ gbãgbaar, mɛ̃ a lɛ tɔr za bɛ na tɩ ɩ a tɩ gbãgbaar a. A na ɩ lɛ a, tɩ dɩ kanyir zɛbr'ɩ bɛ!»