Zozue 1:5 - A SƐB-SÕW

⁵ A fʋ cãafʋ daar za a, nɩr za kʋ̃ tʋ̃ɔ́ bà gbɛ́r a fʋ niŋé ɩ, bʋ̃ʋ n'ʋ vɛ̃, ɩ̃ na be n a fʋ zie mɛ̃ a lɛ ɩ̃ na tɩ be a Moyiir zie a. Ɩ̃ kʋ̃ tɩɛ fʋ bɛr towtow ɛ, ɩ̃ kʋ̃ zawrɩ fʋ bɛr towtow ɛ́ bɛ sõw fʋ ɛ.

Zozue 1:5 Iomraidhean Croise

Yele-za-pɛr-tib 39:2

A Sore tɩ be n a Zuzɛb zie, bom za tuur ʋ. A Zuzɛb tɩ kpɩɛr'ɩ a ʋ nɩ-kpɛ̃ɛ na ɩ a Eziptɩ tẽw nɩr a yir.

1 Na-mɩnɛ 1:37

Ʋ lãw nɩ a Salomɔ̃, mɛ̃ a lɛ ʋ na tɩ lãw nɩ fʋ a, ɛ́ ɩ a Salomɔ̃ naalʋ yúor yi gãw a fʋ dem!»

1 Na-mɩnɛ 11:38

Fʋ̃ʋ wa bɛrɛ wone a lɛ za ɩ̃ na na yel kʋ̀ b a, fʋ̃ʋ wa tuur a sɔ́r ɩ̃ na na wul fʋ a, fʋ̃ʋ wa ɩrɛ vla a ɩ̃ zie a, fʋ̃ʋ wa sàwr a wulu nɩ a nɛ-ƴãwnɩ ɩ̃ na na kʋ̃ b a, mɛ̃ a lɛ a ɩ̃ tõ-tõ-bie Daviir na tɩ ɩrɛ a, a lɛn daar a, ɩ̃ na be n a fʋ zie, ɩ̃ na zɩɩl'ɩ a naalʋ ʋ kpɛmɛ a fʋ yir pʋɔ, mɛ̃ a lɛ ɩ̃ na ɩ a Daviir ƴãw a. Ɩ̃ na kʋ̀ b ɩ a Ɩsɩrayɛl nɩbɛ dɔwlʋ pie,

1 Na-mɩnɛ 6:13

Ɩ̃ na wa na wa kpɩɛr a yir ŋa a Ɩsɩrayɛl nɩbɛ sɔgɔ, ɩ̃ɩ bɛ zawrɛ a ɩ̃ nɩ-bʋʋrɛ Ɩsɩrayɛl bɛrɛ towtow ɛ.»

1 Na-mɩnɛ 8:57

Ƴɛrɛŋa a, ɩ̃ zɛlɛ nɩ a Sore tɩ Naaŋmɩn, k'ʋʋ be a tɩ zie, mɛ̃ a lɛ ʋ na tɩ be a tɩ sãàkʋm-kore zie a, k'ʋʋ taa zawrɛ tɩ bɛrɛ ɩ, k'ʋʋ taa jɛrɛ tɩ bɛrɛ ɩ,

1 Bibie za yel-manɩ 28:20

Ʋ tɩ cãà na yel ƴãw pʋɔ: «Ɩ̃ bie e, dɩ kanyir ɛ́ kpɛmɛ, bɛr dɛ̃bɩ̃ɛ ɛ́ ìr tĩ a tome. Ta sàw bom za vʋ̃ɔ fʋ pʋ̀lá ɩ! A Sore ɩ̃ Naaŋmɩn kʋ̃ zawrɩ fʋ bɛr ɛ. Ʋ be n a fʋ zie, ʋ na tɩɛ fʋ na tɛr ɛ́ gù a ʋ yir tome tɩ tõ baarɩ.

Sɛb-sõw yielu 46:11

Ʋ cɩɩrɛ na yere: «Nyɩ zɩ̃ zoom, ɛ́ bãw kɛ́ ɩ̃ ɩ n Naaŋmɩn! Ɩ̃ tʋ̃ɔ́ nɩ a nɩ-bʋʋrɛ za, ɩ̃ tʋ̃ɔ́ nɩ a tẽw za.»

Eziptɩ tẽw yib 3:12

A Naaŋmɩn yel: «Ɩ̃ na be n a fʋ zie. Ɛ́ a bãwfʋ n'ɩ ŋa kɛ́ mãa n'ʋ tone fʋ: fʋ̃ʋ wa tɛr a nɩbɛ yi n a Eziptɩ tẽw pʋɔ a, nyɩ na maalɩ mɛ̃ nɩ a tãw ŋa zu.»

Ɩzayi 42:16

Ɩ̃ na tɛr'ɩ a zɔn tu n sɔ́r bɛ na bɛ bãw a, ɩ̃ na ɩ na bɛ cere soli bɛ na bɛ bãw a zu. Ɩ̃ na ɩ na a lige lɩɛbɩ cãà a bɛ niŋé, ɛ́ a zi-gbegbegegbege ɩ tẽsɔw na man taa a. A ɩ̃ tɩɛrʋ n'ɩ à ŋà, ɩ̃ na maal'ʋ na, ɩ̃ bɛ bɛrɛ ʋ ɛ.

Zeremi 1:8

Taa wa zɔrɛ nɩr za dɛ̃bɩ̃ɛ ɩ. Bʋ̃ʋ n'ʋ vɛ̃, ɩ̃ be n a fʋ zie a fʋ faafʋ ƴãw.» À à ŋá n'a a Sore ƴɛ̀r a ɩ̃ zie.

Matie 28:20

ɛ́ zànɩ nɩ bɛ bɛ tuur a al za ɩ̃ na ƴãw nʋɔr kʋ̀ nyɩ a. Ɛ́ mãa a, ɩ̃ be n a nyɩ zie bibie za na tɩ ta n a tẽw baarʋ daar.»

Ʋrɔm 8:31

A na ɩ à ŋá a, tɩ na lɛb yel a kɛ́ bʋnʋ a yel ŋa ƴãw? A Naaŋmɩn wa kpɛ tɩ a, ãa n'ʋ na dɩ n tɩ ƴɛ̀rʋ?

Ʋrɔm 8:37

Ɛcɛ à á ŋá za pʋɔ a, tɩ zɛb'a tʋ̃ɔ́ pẽlẽpẽlẽ, ɛ́ a ɩ a sob nɛ na nɔ̃w tɩ a zũú n'a.

Wulu-ayi-sob 20:1

Nyɩmɛ wa cere kɛ́ nyɩ tɩ zɛb'ɩ a nyɩ dɔ̃ dem a, nyɩmɛ wa nyɛ̃ wie bɩɩ zɛbr-torkori, nɩ zɛbr-nɩbɛ na yãwmɛ zuo nyɩ a, nyɩɩm taa zɔrɛ dɛ̃bɩ̃ɛ ɩ. Bʋ̃ʋ n'ʋ vɛ̃, a Sore nyɩ Naaŋmɩn na ɩ nyɩ yi a Eziptɩ a, be n a nyɩ zie.

Wulu-ayi-sob 20:4

A Sore nyɩ Naaŋmɩn bɩɛlɛ nyɩ na, k'ʋʋ lãwnɩ nyɩ zɛb'ɩ a nyɩ dɔ̃ dem, ɛ́ ɩ nyɩ zɛb tʋ̃ɔ́.»

Wulu-ayi-sob 31:23

Al pùorí, a Sore tɩ ƴɛ̀r'ɩ a ʋ ƴɛ̀rʋ kʋ̀ a Nun bidɛb Zozue, ɛ́ yel ʋ: «Kpɛ socir ɛ́ kpɛmɛ! Fʋ̃ʋ n'ʋ na tɛr a Ɩsɩrayɛl nɩbɛ kpɛ n a tẽw ʋl pʋɔ ɩ̃ na pɔ yel k'ɩ̃ɩ na kʋ̀ bɛ na a. Ɛ́ mãa a, ɩ̃ na be n a fʋ zie.»

Wulu-ayi-sob 4:31

Bʋ̃ʋ n'ʋ vɛ̃, a Sore nyɩ Naaŋmɩn ɩ n Naaŋmɩn na ɩ nɔ̃wfʋ tɛwr a. Ʋ bɛ zawrɛ nyɩ bɛrɛ ɩ, bɛ kʋrɛ nyɩ pàwr pɛr ɛ. Ʋ bɛ be za na yiiri a wõ-taa ʋ na maal'ɩ a nyɩ sãàkʋm-kore a bɛr ɛ.

Wulu-ayi-sob 7:24

Ʋ na ƴãw nɩ a bɛ na-mɩnɛ a nyɩ nuru pʋɔ, ɛ́ nyɩ na ɩ na a bɛ yúor bɔr a tẽw zu. A bɛ been kãw za bɛ cãanɛ a nyɩ niŋé ɩ, nyɩ na tɛr'ɩ lɛɛɛ tɩ baarɩ bɛ za.

2 Timote 4:17

A Sore ʋl sõw mɛ̃ na. Ʋ kʋ̀ m'ɩ fãw yaga k'ɩ̃ɩ tʋ̃ɔ́ hieri yel a Yel-nʋ̃ɔ̀, ɛ́ ɩ a nɩ-bʋʋr-yoru za wõ ʋ. Ʋ faa mɛ̃ nɩ a gbẽw nʋɔrɩ́.

Ebre 13:5

A libi-nɔ̃w ta tʋ̃ɔ́ nyɩ ɛ. A lɛ nyɩ na tɛr a, a man nyɩ. Bʋ̃ʋ n'ʋ vɛ̃, a Naaŋmɩn yel'a: «Ɩ̃ bɛ be za na bɛr fʋ ɛ, ɩ̃ kʋ̃ jɛ b bɛr towtow ɛ.»

Zozue 1:17

Tɩ na sàw nɩ a fʋ nʋɔr yel za ƴãw, mɛ̃ a lɛ tɔr za tɩ na tɩ sàw a Moyiir nʋɔr a. Sɩza, a Sore fʋ Naaŋmɩn na be n a fʋ zie mɛ̃ a lɛ ʋ na tɩ be a Moyiir zie a.

Zozue 1:9

Ɩ̃ bɛ yel kʋ̀ b kɛ́ fʋ kpɛmɛ ɛ́ dɩ kanyir e? Ta màwr ɛ, ta zɔrɛ dɛ̃bɩ̃ɛ ɩ, bʋ̃ʋ n'ʋ vɛ̃, a mãa Sore fʋ Naaŋmɩn, ɩ̃ na be n a fʋ zie, be za fʋ na cere a.»

Zozue 10:8

A Sore tɩ yel'ɩ a Zozue à ŋá: «Ta zɔrɛ a bɛ dɛ̃bɩ̃ɛ ɩ, ɩ̃ na de bɛ na ƴãw a fʋ nuru pʋɔ, been kãw za kʋ̃ tʋ̃ɔ́ bà gbɛ́r a fʋ niŋé ɩ.»

Zozue 21:44

A Sore tɩ kʋ̀ bɛ nɩ pɩ̃ɛnʋ a ziir za, mɛ̃ a lɛ ʋ na tɩ yel kʋ̀ a bɛ sãàkʋm-kore a. Ʋ tɩ ɩ na bɛ zɛb tʋ̃ɔ́ a bɛ dɔ̃ dem za, kãw za bɛ tɩ tʋ̃ɔ́ bà gbɛ́r a bɛ niŋé ɩ.

Zozue 3:7

A Sore tɩ yel'ɩ a Zozue à ŋá: «A dɩ̃a a, ɩ̃ na tĩ na zɛwr fʋ a Ɩsɩrayɛl nɩbɛ za niŋé, kɛ̀ bɛ bãw k'ɩ̃ɩ na be n a fʋ zie, mɛ̃ a lɛ ɩ̃ na tɩ be a Moyiir zie a.

Zozue 6:27

A Sore tɩ be n a Zozue zie, ɛ́ a Zozue yúor yi a tẽw za pʋɔ.

Ƴɛ̀r-dɩrbɛ 2:18

A Sore na mɩ́ tɩ ɩ ƴɛ̀r-dɩrɛ yi a bɛ ƴãw a, ʋ mɩ́ tɩ be n a ƴɛ̀r-dɩrɛ ʋl zie, ɛ́ a ƴɛ̀r-dɩrɛ ʋl mɩ́ faa bɛ a bɛ dɔ̃ dem nuru pʋɔ a ʋ cãafʋ daar za, bʋ̃ʋ n'ʋ vɛ̃, a Sore mɩ́ tɩ zɔ n bɛ nɩbaalʋ, a lɛ a bɛ dɔ̃ dem na mɩ́ tɩ dɔwrɛ bɛ bɛ kone a.

Ƴɛ̀r-dɩrbɛ 6:16

A lɛ n'a a Sore tɩ yel ʋ: «Ɩ̃ na be n a fʋ zie, ɛ́ fʋ na zɛb'a tʋ̃ɔ́ a Madian tẽw dem za mɛ̃ nɩ-been a.»

1 Samɩɛl 10:7

A yele á ŋá wa ɩrɛ a, fʋ̃ʋ ɩrɛ bom nɛ za fʋ na nyɛ̃ a, bʋ̃ʋ n'ʋ vɛ̃, Naaŋmɩn be n a fʋ zie.