Zozue 1:4 - A SƐB-SÕW

⁴ A saa-pɛrɩ́-dʋrʋ-lowr tɩ tɔ a saa-pɛrɩ́-gʋba-lowr a, a nyɩ tẽw na yi n a wɛja-kpalɛ tɩ tɔ a Libã tan. A saa-pɛrɩ́ tɩ tɔ a mʋ̃tɔ̃w-kpɛb-lowr a, ʋ na yi n a man-kpɛ̃ɛ, a Efaratɩ, tɩ tɔ a Mediterane kʋ̃ɔ-kpɛ̃ɛ, lãwnɩ a Hititɩ mɩnɛ tẽw.

Zozue 1:4 Iomraidhean Croise

1 Na-mɩnɛ 10:29

A zɛbr-torko-been na mɩ́ tɩ yi a Eziptɩ tẽw wa a, dàarʋ mɩ́ tɩ ɩ n salm-pla libie kɔbr ayʋɔb (600), ɛ́ wur-been ɩ salm-pla libie lɩz'a ayopõi nɩ pie. A yɛ-yɛrbɛ bɛ ŋa mɩ̀ mɩ́ tɩ ɩ na zɛbr-torkori nɩ a wie a wa, a Hititɩ mɩnɛ na-mɩnɛ za nɩ a Siiri tẽw na-mɩnɛ ƴãw.

1 Bibie za yel-manɩ 18:3

A Daviir tɩ cãà na lɛb zɛb tʋ̃ɔ́ Sova tẽw nãà Hadadezɛɛr, a Hamatɩ lowr, a lɛn daar a Sova na tɩ bɔbr k'ʋʋ so a Efaratɩ man lowr vuo a.

1 Bibie za yel-manɩ 5:9

A saa-pɛrɩ́ a, bɛ tɩ zɩ̃ na tɩ tɔ a wɛja-kpalɛ na bʋ́r a bɛ tẽw nɩ a Efaratɩ man a, bʋ̃ʋ n'ʋ vɛ̃, bɛ tɩ tɛr'ɩ dʋn yaga a Galaadɩ tẽw.

Ɛsɩdɩrasɩ 4:20

Na-mɩnɛ na kpɛmɛ a tɩ dãw na be a Zerizalɛm so a Efaratɩ gãwn vuo za na be a mʋ̃tɔ̃w-kpɛb-lowr a, a nɩbɛ tɩ yarɛ nɩ yar-bʋʋrɛ bʋʋrɛ nɩ zuru-yar nɩ sɔr-yar kʋ̀rɛ bɛ.

Eziptɩ tẽw yib 23:31

A nyɩ tẽw na tĩ nɩ a Bàa-kɛkɛɛ kʋ̃ɔ-kpɛ̃ɛ́ ɛ́ cen tɩ tɔ a Mediterane kʋ̃ɔ-kpɛ̃ɛ, ɛ́ lɛb yi a Sinayi wɛja-kpalɛ ƴãw ɛ́ tɩ tɔ a Efaratɩ man. Bʋ̃ʋ n'ʋ vɛ̃, a nɩbɛ na kpɩɛr a ziir á ŋá a, ɩ̃ na ƴãw bɛ nɩ a nyɩ nuru pʋɔ, nyɩ diw bɛ.

Wulu-ayi-sob 1:7

Nyɩ pãa ìr lɛb lo a sɔ́r. Nyɩ cen kpɛ a Amoritɩ mɩnɛ tan pʋɔ nɩ a zi-kpɔwlɩ al a Kanãa tẽw dem na kpɩɛr a, a pɛr lɛ k'aa Zurdɛ̃ tɩ̃tal, a tãli vuo, a Ba-Peyi, a Negɛɛvʋ nɩ a zie ʋl na lanɩ a Mediterane kʋ̃ɔ-kpɛ̃ɛ a. Nyɩ cen tɩ tɔ a Libã tan nɩ a Efaratɩ na ɩ a man-kpɛ̃ɛ a.

Wulu-ayi-sob 11:24

Nyɩ na so nɩ a ziir al za a nyɩ gbɛ́ɛ na nɛbr a. A nyɩ tẽw na yi n a wɛja-kpalɛ na be a saa-pɛrɩ́-dʋrʋ-lowr a ɛ́ tɩ tɔ a Libã tan na be a saa-pɛrɩ́-gʋba-lowr a, ɛ́ lɛb yi a Efaratɩ man na be a saa-pɛrɩ́ a, ɛ́ tɩ tɔ a Mediterane kʋ̃ɔ-kpɛ̃ɛ na be a mʋ̃tɔ̃w-kpɛb-lowr a.

Wulu-ayi-sob 3:25

Sàw ɩ̃ gãw a Zurdɛ̃, nyɛ̃ a tẽw na vɩɛl vɩɛl a be lowr a, a tan zi-vla ʋl nɩ a Libã tan!»

Yel-wula 9:14

A kɔkɔr tɩ yere na kʋ̀rɛ a malkɩ ayʋɔb sob na tɛr a wɩ́ɛ a: «Cɛr a malkɩ anaar bɛ na 'lẽ a Efaratɩ man-kpɛ̃ɛ nʋɔr a bɛr.»