Zozue 1:2 - A SƐB-SÕW

² «A ɩ̃ tõ-tõ-bie Moyiir kpi na. Ƴɛrɛŋa a, ìr gãw a Zurdɛ̃ ŋa, fʋ̃ʋ nɩ a nɩ-bʋʋrɛ bɛ ŋa za, kpɛ a tẽw ʋl ɩ̃ na kʋ̀rɛ a Ɩsɩrayɛl nɩbɛ a pʋɔ.

Zozue 1:2 Iomraidhean Croise

Yele-za-pɛr-tib 17:8

A tẽw fʋ na kpɩɛr ɩ nʋʋra a, a Kanãa tẽw za, ɩ̃ kʋ̀rɛ ʋ nɩ fʋ̃ʋ nɩ a fʋ bʋʋrɛ. Bɛ na so ʋ nɩ kʋralɛ, ɩ̃ɩ ɩ a bɛ Naaŋmɩn.»

Neemi 9:23

Fʋ kʋ̀ bɛ nɩ bʋʋrɛ bɛ yãwmɛ mɛ̃ a saa ŋmar-bie a. Fʋ tɛr bɛ na kpɛ n a Kanãa tẽw, fʋ na tɩ yel a bɛ sãàkʋm-kore kɛ́ bɛ cen tɩ zɛb de a.

A Zɔb sɛbɛ 1:8

A Sore tɩ yel ʋ na: «Mɛ̃ fʋ taa nyɛ̃ a ɩ̃ tõ-tõ-bie Zɔb! Ʋ bɛ tɛr ʋ tɔ a tẽw zu ɛ. Nɩr na bɛ tɛr sãwna, ɛ́ tuur yel-mɩŋa a n'ʋ, ʋ ƴãwnɛ mɛ̃ na ɛ́ bɛ pɩɛlɛ ɩ-faa ɩ.»

Ɩzayi 42:1

A Sore yere na: Nyɛ̃ a ɩ̃ tõ-tõ-bie ɩ̃ na tɩ̀ɛ a, a ɩ̃ nɩ-kaa-íra na pɛlɩ a ɩ̃ pʋɔ a. Ɩ̃ ƴãw nɩ a ɩ̃ Vʋʋrʋ a ʋ zu, k'ʋʋ ɩ a nɩ-bʋʋrɛ bãw a lɛ-na-tu-sɔr-a.

Sɔr-nɛ́ɛ 12:7

A bɛ ɩ a lɛ a ɩ̃ tõ-tõ-bie Moyiir na kaarɛ a ɩ̃ yir za zie a ƴãw ɛ.

Wulu-ayi-sob 3:28

Yel a lɛ na be be a kʋ̀ a Zozue. Ɩ k'ʋ tɛr kanyir ɛ́ ta tɛr bʋnʋ za ɩ, ʋlɛ na n'ʋ na de a nɩbɛ niwn bɛ gãw a Zurdɛ̃, ɛ́ ʋ de a tẽw fʋ na na nyɛ̃ a kʋ̀ bɛ a.»

Wulu-ayi-sob 31:7

Al pùorí, a Moyiir tɩ bʋɔl'ɩ a Zozue wa yel ʋ a Ɩsɩrayɛl nɩbɛ za niŋé: «Kpɛ socir ɛ́ kpɛmɛ! Fʋ̃ʋ n'ʋ na tɛr a Ɩsɩrayɛl nɩbɛ kpɛ n a tẽw ʋl pʋɔ, a Sore na pɔ yel a bɛ sãàkʋm-kore zie k'ʋʋ na kʋ̀ bɛ na a, fʋ̃ʋ n'ʋ na põ ʋ kʋ̀ bɛ.

Wulu-ayi-sob 34:5

A Sore tõ-tõ-bie Moyiir tɩ kpi n a be, a Mowab tẽw, mɛ̃ a lɛ a Sore na yel a.

Zozue 1:1

A Sore tõ-tõ-bie Moyiir kũu pùorí a, a Sore tɩ yel'ɩ a Moyiir sõwne, Zozue, na ɩ Nun bidɛb a:

Zozue 1:11

«Nyɩ cɔlɩ a laɩ yel a Ɩsɩrayɛl nɩbɛ à ŋá: “Nyɩ cɔbrɩ bʋ̃-dɩrɩ, bʋ̃ʋ n'ʋ vɛ̃, ka nɩ bibie ata a, nyɩ na gãw nɩ a Zurdɛ̃ ŋa, kpɛ so a tẽw a Sore nyɩ Naaŋmɩn na kʋ̀rɛ nyɩ kɛ́ nyɩ so a.”»