Biblia Todo Logo
Bìoball air-loidhne

- Sanasan -




Zonasɩ 1:3 - A SƐB-SÕW

3 Ɛcɛ a Zonasɩ tɩ ìr'a k'ʋʋ zɔ cen Tarsisɩ zãá nɩ a Sore. Lɛ n'a ʋ tɩ cen Zafa tẽw tɩ nyɛ̃ gbor na cɔbrɩ Tarsisɩ cenu baarɩ a. Ʋ tɩ ya n a ʋ zɩma zie, ɛ́ kpɛ a gbor lãwnɩ a gbor-duwrbɛ k'ʋʋ cen a Tarsisɩ, zãá nɩ a Sore.

Faic an caibideil Dèan lethbhreac




Zonasɩ 1:3
35 Iomraidhean Croise  

A Sore Naaŋmɩn na tɩ dɛnɛ a zaadɛ̃ pʋɔ a zaanʋɔra, sɛsɛble na tɩ fure a, a dɛb nɩ a pɔw tɩ wõ n a Sore Naaŋmɩn kɔkɔr, ɛ́ sɔwlɩ a ʋ niŋé a zaadɛ̃ tɩɩr pʋɔ.


A Kayɛ̃ tɩ cen na zãá nɩ a Sore, tɩ kpɩɛr Nɔdɩ tẽw na be a Edɛn tẽw saa-pɛrɩ́ a.


Dɛ̃bɩ̃ɛ tɩ kpɛ n a Eli, ʋ ìr zɔ k'ʋʋ faa a ʋ nyɔ-vʋʋrʋ. Ʋ tɩ ta n Bɛɛr-Seva, Zuda naalʋ-tẽw, bɛr a ʋ tõ-tõ-bie a be,


A Eli na wa ta a Orɛb a, ʋ kpɛ n tãw bɔw pʋɔ gã vɩɛ a zie. A Sore tɩ ƴɛ̀r'ɩ a ʋ zie sowr'ʋ: «Eli i, bʋnʋ ƴãw n'a fʋ be a ka?»


Tɩɩm a, tɩ na cɛ n a Libã tɩɩr sɛw lɛ za na pɛlɩ a fʋ pʋɔ a. Tɩ na 'lẽ a na ɓã taa ƴãw a kʋ̃ɔ-kpɛ̃ɛ zu a duwre tɩ ta a Zafa, fʋ ƴãw bɛ de a do n a Zerizalɛm.»


A nʋʋrɩ bɛl za na tɩ kpɩɛr a Ɩsɩrayɛl tẽw a, a Salomɔ̃ tɩ de bɛ nɩ a tome, a bɛl a ʋ sãà Daviir na tɩ sɔ́r a: bɛ tɩ ɩ n nɩbɛ tùr lɩz'a ayopõi nɩ pie nɩ ata dɔwlɩ nɩbɛ kɔbr ayʋɔb (153 600).


A nãà tɩ tɛr'ɩ gbee mɩ́ tõ a bɛr zi-zãána. A nãà Hiram kʋ̃ɔ-kpɛ̃ɛ nɩbɛ nɛbɛ tɩ duwre nɩ a. Yome atarɩ tarɩ, a gbee á ŋá mɩ́ tɩ lɛb'a wa, tuo salm-zɩɛ, salm-pla, wɔb nyɩmɛ, ŋmáar nɩ lili-vɩɛlɩ vɩɛlɩ.


Al pùorí, bɛ tɩ ya n tõ-tõ-biir kɛ́ bɛ pɛnɩ kʋsɛbɛ nɩ wɛwr. Bɛ mɩ̀ tɩ kʋ̀ n bʋ̃-dɩrɩ, bʋ̃-nyúuri nɩ kãá a Sɩdɔ̃ tẽw dem nɩ a Tɩ́ɩ̀r tẽw dem, kɛ́ bɛ tʋ̃ɔ́ tɩr Libã sɛɛdɩr dàar kʋ̀ bɛ, a tu a kʋ̃ɔ-kpɛ̃ɛ wa ta Zafa. Bɛ tɩ ɩ n à à ŋá za a Pɛrsɩ tẽw nãà Siirisɩ na tɩ tɩr a sɔ́r a ƴãw.


Lɛ n'a a Sore tɩ yel a Sɩtaana: «Ɩ̃ sàw na, fʋ̃ʋ so a ʋ bʋ̃-tɛrɩ za. Ɛcɛ taa wa nanɩ tʋɔr a ʋl tɔr za ɩ.» A Sɩtaana tɩ lɛb'a yi a Sore zie be tɔl cen.


A Sɩtaana tɩ yi n a Sore zie be tɔl cen. Ʋ tɩ ɩ n natɩ-faar yi pàw a Zɔb ƴã-gan za, a gbɛ́ɛ tɩ tɔ a zu-sɔwlɩsɔw.


Bɛ mɩnɛ tɩ kpɛ n gbor duwre a kʋ̃ɔ-kpɛ̃ɛ zu, tone a bɛ yɛ̀rʋ́ tome a kʋ̃ɔnɩ na cere bɛ pɩɛl a zu.


a gbor-bɛrɛ za ƴãw, nɩ a gbor-vɩɛlɩ vɩɛlɩ za ƴãw.


Ƴɛ̀rʋ na ƴɛ̀r Tɩ́ɩ̀r ƴãw a. «Nyɩ ŋmɩɛr kuor cɛlsɩ, nyɩɩm gbor-bɛrɛ na mɩ́ cen tẽ-zãánɩ a, bʋ̃ʋ n'ʋ vɛ̃, a zie za sãw na, a yie bɛ cãà be ɩ.» Gbor-bɛrɛ na yi a kʋ̃ɔ-kpɛ̃ɛ-sɔgɔ-tẽw, Sɩɩpʋr, wa ta a n'a wõ a yel ŋa.


«Kʋ́ɔr a fʋ tẽsɔw, Tɩ́ɩ̀r i, mɛ̃ a Nɩl vuo bɛ na mɩ́ kʋ́ɔr a, a fʋ gbee siwfʋ zie na bɛ cãà be a ƴãw.»


Nyɩ gãw a kʋ̃ɔ-kpɛ̃ɛ cen tɩ sãá Tarsisɩ, nyɩ ŋmɩɛr kuor cɛlsɩ nyɩɩm na kpɩɛr a kʋ̃ɔ-kpɛ̃ɛ nʋɔr a.


A tẽ-zãánɩ dem tɩ́ɛrɛ mɛ̃ na. A Tarsisɩ tẽw gbor-bɛrɛ duwre nɩ a nidaa, k'aa lɛb tɛr a fʋ bibiir zi-zãána zãána wa n, lãwnɩ a bɛ salm-pla nɩ a bɛ salm-zɩɛ. Bɛ waar'a kɛ́ bɛ́ wa ír a ɩ̃ yúor-vɩɛlʋ-danʋ, a mãa, fʋ Naaŋmɩn, a Ɩsɩrayɛl Naaŋmɩn na ɩ sõw a, a mãa na ɩ kɛ̀ fʋ nyɛ̃ a ƴãwfʋ ŋa a.»


Nuru tõ-tone kãw n'ʋ mɩ́ maalɩ a, kur-nyɩlɛ nyɩl a pàw nɩ Tarsisɩ tẽw salm-pla bɛ na ŋmɛ mawlɩ ʋ ɩ ɓɛrɓɛr a, bɩɩ nɩ Ufaazɩ tẽw salm-zɩɛ, a vɩɛl. Al pùorí bɛ mɩ́ su a nɩ pɛn-zɩɩr bɩɩ pɛn-zɩɩr-mʋɔlɛ. Nuru tõ-tonbɛ bʋ̃-maalɩ n'a.


Ɛ́ a fʋ̃ʋ a, nɩsaal bie e, bɛr wõ a ʋlɩ bom nɛ ɩ̃ na na yel kʋ̀ b a: ta ɩ nɩ-gaara mɛ̃ a nɩ-gaarɩ bɛ ŋa a ɩ. Háa a fʋ nʋɔr ɛ́ dɩ a ʋlɩ bom nɛ ɩ̃ na na kʋ̀ b a.»


«A Tarsisɩ tẽw nɩbɛ maalɛ nɩ yɛ̀rʋ́ a fʋ zie nɩ na-bʋ̃-pɛ-bʋʋrɛ za. Bɛ dàar'ɩ a fʋ yɛ̀rʋ́ bome nɩ salm-pla, kure bɩɩ kur-pla mɔrmɔr nɩ kur-mɔrmɔr.


Lɛ n'a a Vʋʋrʋ na tɩ zɛw mɛ̃ ìr'ɩ a tẽw a tɩ ɓáw mɛ̃ cen nɩ. A Sore kpɛnʋ tɩ nyɔw mɛ̃ na ɩ̃ kʋ̃ tʋ̃ɔ́ zawrɩ ɛ, ɩ̃ɩ tɩ tɔl cen nɩ socir na sãw ɛ́ dam a.


Al pùorí, ʋ tɩ manɩ nɩ a ʋ yele kʋ̀ bɛ. A gbor-duwrbɛ na tɩ wõ k'ʋʋ zɔrɛ na zãánɛ nɩ a Sore a, dɛ̃bɩ̃ɛ tɩ tɛr bɛ na bɛ dɩ vuo ɩ. Lɛ n'a bɛ tɩ sowr'ʋ: «Bʋ̃ʋ n'ʋ so fʋ ɩ à à ŋá?


Ʋ tɩ puor'ɩ a Sore à ŋá: «Áa Sore e! À à ŋá tɔr za bɛ n'a ɩ̃ tɩ yere ɩ̃ na tɩ cãà be a ɩ̃ tẽw pʋɔ a ɩ? Alɛ n'a ɩ̃ tɩ yi fɔ̃w zɔrɛ cere a Tarsisɩ. Ɩ̃ tɩ bãwnɩ a na fʋ na ɩ Naaŋmɩn-su-ɓaarʋ sob nɩ nɩbaal-zɔrɛ a, Naaŋmɩn a suur na bɛ páwr, ɛ́ fʋ ɩ nɔ̃wfʋ tɛwr, ɛ́ mɩ́ lɛb bɛr a dɔwrʋ fʋ na tɩɛrɩ a.


A Yeezu tɩ sɔw ʋ na: «Nɩr wa nyɔw a kùur ɛ́ lɛb ŋmɛlɛ kaar pùor a, ʋ bɛ sɛwnɩ a Naaŋmɩn Naalʋ ɛ.»


Ɛcɛ a Pol bɛ tɩ bɔbr k'ʋʋ lɛb tɛr nɩr, na tɩ zawrɩ bɛ bɛr Pãfili ɛ́ bɛ pʋɔ a bɛ tome pʋɔ a, ʋ bɩɛl'ʋ ɛ.


«A na tɩ ɩ à á ŋa a, nãà Agɩrɩpa a, ɩ̃ bɛ zawrɩ na tu a nyɛ́b ŋa na yi a saa-zu wa ɩ̃ nyɛ̃ a ɩ.


Pɔw kãw tɩ be n a Zope tẽw ɩ a Sore po-tuure. Ʋ tɩ dɩ na kɛ́ Tabɩta, ɛ́ bɛ bʋɔlɛ Dɔrkasɩ a gɩrɛkɩ kɔkɔr pʋɔ, a pɛr lɛ kɛ́ Wala. A ɩ-vɩɛlɩ maalʋ nɩ a nɩ-kɔmɛ sõwfʋ tɩ n'ɩ a ʋ tome.


A Lida nɩ a Zope pɩɛl'ɩ taa. A kɩrɩta-nɩbɛ na tɩ wõ kɛ́ a Pɩɛr be n a Lida a, bɛ tõ n nɩbɛ ayi kɛ́ bɛ tɩ bʋɔl'ʋ nɩ a ƴɛ̀r-bie á ŋá: «Wa fɔ̃w za a tɩ zie.»


A Zope tẽw nɩbɛ za tɩ wõ n a yel ŋa, ɛ́ bɛ yaga zie tɩ sàw na de a Sore.


A Pɩɛr tɩ kpɛ n a Zope kɔwrɩ. Ʋ tɩ kpɩɛr'ɩ gán-nɔnɛ kãw bɛ na bʋɔlɛ Sɩmʋ̃ a yir.


Bʋ̃ʋ n'ʋ vɛ̃, a Yel-nʋ̃ɔ̀ ɩ̃ na hiere a, a bɛ ɩ yúor ɩ̃ bɔbr ɛ, fɛrʋ ton n'ʋ. Baw-bio sob nɛ m, mãa bɛ wa hiere a Yel-nʋ̃ɔ̀ a.


A bɛ dɔwrʋ na ɩ n wɛb bɛ wɛ kʋralɛ, zãá nɩ a Sore niwn nɩ a ʋ kpɛnʋ yúor-vɩɛlʋ-danʋ,


a Yarkon man, Arakon, nɩ a tẽw ʋl na viiri koli a Zafa a.


Lean sinn:

Sanasan


Sanasan