Zeremi 42:2 - A SƐB-SÕW

² a naaŋmɩn-ƴɛ̀r-manɛ Zeremi, ɛ́ yel ʋ à ŋá: «Yãayãa, sàw a tɩ zɛlʋ! Puori a Sore fʋ Naaŋmɩn kʋ̀ a tɩɩm na cãà vʋʋrɛ a. Bʋ̃ʋ n'ʋ vɛ̃, tɩ tɩ yãwmɛ na, ɛcɛ tɩ bɛ lɛb cãà yãwmɛ ɩ, mɛ̃ a lɛ fʋ na nyɛ̃ a.

Zeremi 42:2 Iomraidhean Croise

1 Na-mɩnɛ 13:6

Lɛ n'a a nãà tɩ yel a Naaŋmɩn nɩr: «Ɩ̃ zɛlɛ fʋ nɩ yãayãa, ɓaalɩ a Sore fʋ Naaŋmɩn kʋ̀ m. Zɛlɩ ʋ a ɩ̃ ƴãw, a ɩ̃ kpãkpãw tʋ̃ɔ́ sanɩ.» A Naaŋmɩn nɩr tɩ zɛlɩ nɩ a Sore, a nãà tʋ̃ɔ́ lɛb gùr a ʋ kpãkpãw wa n a ʋ zie. A kpãkpãw tɩ lɛb'a ɩ mɛ̃ a dãwdãw a.

Sɛb-sõw yielu 119:170

A ɩ̃ zɛlʋ, ʋ ta fʋ, faa mɛ̃ mɛ̃ a lɛ fʋ na ƴãw a nʋɔr a.

Eziptɩ tẽw yib 8:28

Lɛ n'a a Faarawɔ̃ lɛb tɩ maal kpãa tobr, bɛ sàw bɛr a Ɩsɩrayɛl nɩbɛ bɛ cen ɛ.

Eziptɩ tẽw yib 9:28

Nyɩ zɛlɩ a Sore, a saa-tanʋ nɩ a sa-bi-kube ŋmãa. Ɩ̃ na bɛr nyɩ na nyɩ cen, ɩ̃ kʋ̃ cãà tɛr nyɩ ɛ.»

Ɩzayi 1:15

Nyɩ na mɩ́ wa yɛ́r a nuru a puoru ƴãw a, ɩ̃ mɩ́ pàw nɩ a ɩ̃ mimie. Nyɩmɛ saa nɔnɛ nyɩɩm puore suwle taa, ɩ̃ bɛ bɛrɛ wone ɩ: a nyɩ nuru ɩ n zɩ̃ɩ tɛwr.

Ɩzayi 1:9

A Sore, a kpɛnʋ-za-sob, bɛ tɩ bɛr tɩ nɩbɛ blã bɛ cɩ̃ɛ a, tɩ nãà ɩ na mɛ̃ a Sodɔm tẽ-kpɛ̃ɛ a, tɩ nãà ŋmɛ̃ na taa nɩ Gomɔɔr.

Ɩzayi 37:4

A Asiiri tẽw nãà tõ n a ʋ sojarɩ nɩ-kpɛ̃ɛ na mɩ́ be a ʋ zie a, k'ʋʋ wa tʋ a Naaŋmɩn na vʋʋrɛ a. A Sore fʋ Naaŋmɩn nãá wõ a zʋmɛ á ŋá za, ɛ́ dɔwr'ʋ a ʋ ƴɛ̀rʋ ʋ na ƴɛ̀r a ƴãw! Fʋ̃ʋ a, puori a Sore a ʋ nɩ-bʋʋrɛ na cɛ a ƴãw.”»

Ɩzayi 42:20

Nyɩɩm, Ɩsɩrayɛl nɩbɛ ɛ, nyɩ nyɛ̃ nɩ yel-yaga ɛ́ bɛ cɛlɩ be ɩ. Nyɩ yuo nɩ a tobe, ɛ́ bɛ wõ bom za ɩ.

Zeremi 15:11

Ɛcɛ a Sore tɩ yel'a: «Ɩ̃ pɔ na, ɩ̃ na faa fʋ nɩ a fʋ nʋ̃ɔ̀ ƴãw. Ɩ̃ pɔ na, ɩ̃ na ɩ na a dɔ̃ sob lɔb nuru zɛlɩ nɩ fʋ a kpɩɛrʋ nɩ a pʋl-vʋ̃ɔ daar.

Zeremi 2:27

Nyɩ mɩ́ yel'ɩ dàa tɩɩb: “Fʋ̃ʋ n'ɩ a ɩ̃ sãà!” ɛ́ yel kʋsɩɛr tɩɩb: “Fʋ̃ʋ n'ʋ dɔw mɛ̃.” Nyɩ bɛr'ɩ a ɩ jɩ́rʋ ɛ́ lɩɛbɩ zikur cɔw mɛ̃. Ɛcɛ, a kpɩɛrʋ dɛ wa páwr nyɩ a, nyɩ na yere nɩ a ɩ̃ zie: “Ìr! Faa tɩ!”

Zeremi 21:2

«Yãayãa, sowri a Sore kʋ̀ tɩ, bʋ̃ʋ n'ʋ vɛ̃, a Babɩlɔn tẽw nãà, a Nabikodonozɔɔr, zɛbr'ɩ tɩ na. Kapaw a Sore na lɛb'a maalɩ a ʋ nɔ-ɓãa-yel kãw a tɩ vla ƴãw, ɩ k'ʋ cen zãá nɩ tɩ.»

Zeremi 36:7

Lɛ n'a, a mɩnɛ kãw, bɛ na lɔbr nuru zɛlɛ nɩ a Sore, ɛ́ ŋa za na mɩ́ bɛr'ɩ a ʋ ɩb na bɛ vɩɛl a. Bʋ̃ʋ n'ʋ vɛ̃, a Sore yel'a k'ʋʋ nyɛ̃ nɩ nɩ a nɩbɛ bɛ ŋa suur yaga yaga za.»

Zeremi 37:20

A Zeremi pãa lɛb tɩ yel'a ƴãw pʋɔ: «Ƴɛrɛŋa a, ɩ̃ sore, ɩ̃ nãà a, bɛr wõ mɛ̃. Sàw de a ɩ̃ yãayãa zɛlʋ. Ta ƴãw ɩ̃ lɛb cen a sɛ-sɛbrɛ Yehonatan yir ɛ, alɛ bɛ ɩ lɛ, ɩ̃ na tɩ kpi n a be.»

Zeremi 37:3

A na saa tɩ ɩ a lɛ a, a nãà Sedesɩasɩ tɩ tõ n Selemɩa bidɛb, Yehukal, nɩ Maaseya bidɛb, Sefanɩahu, na ɩ a bàwr-maalɛ a, a Zeremi zie, kɛ́ bɛ tɩ yel ʋ: «Tɩ zɛlɛ fʋ na, puori a Sore tɩ Naaŋmɩn kʋ̀ tɩ!»

Zeremi 38:14

A nãà Sedesɩasɩ tɩ tõ na bɛ tɩ bʋɔlɩ a naaŋmɩn-ƴɛ̀r-manɛ Zeremi, ƴãw ʋ wa a Ŋmɩn-yir-kpɛ̃ɛ dɩ̃dɛɛ ata sob ƴãw. A nãà tɩ yel'ɩ a Zeremi: «Ɩ̃ bɔbr'a k'ɩ̃ɩ sowri fʋ bom kãw!»

Zeremi 40:15

Ɛcɛ, a Yohanan tɩ wa na wa sɔwlɩ páw a Ahikam bidɛb, Gedalɩasɩ, a Misɩpa, yel ʋ: «Kʋ̀ m sɔ́r ɩ̃ cen tɩ kʋ a Netanɩa bidɛb, Yisɩmayɛl, ɛ́ nɩr za ta bãwnɩ a ɩ. Fʋ sɩrɩ na bɔbr k'ʋʋ kʋ b bɩɩ? Ʋlɛ wa kʋ b a, a Zuda tẽw dem na ɓã taa a fʋ zie a na lɛb'a zɔ yaarɩ, ɛ́ a ʋlɩ bom nɛ na cãà cɛ a Zuda naalʋ-tẽw a na bɔr a.»

Zeremi 42:20

Nyɩ tɩ ƴãw mɛ̃ na k'ɩ̃ɩ sowri a Sore nyɩ Naaŋmɩn kaa. Nyɩ tɩ yel mɛ̃ na: “Puori a Sore tɩ Naaŋmɩn a tɩ ƴãw. Yel a lɛ tɔr za ʋ na na yel kʋ̀ b a kʋ̀ tɩ, ɛ́ tɩ na tu na.” A lɛn daar a, nyɩ bɛ tɩ tɩɛrɩ ɛ ɛ́ ƴɛ̀r, ƴãw nyɩ tʋɔra kũu pʋɔ.

A Lãw-mʋɔlɛ 1:1

'Woi! Bɛ jɛ ʋ na bɛr, a tẽ-kpɛ̃ɛ ŋa na tɩ ɩ nɩbɛ kʋrkʋrkʋr a! Ʋ ɩ na mɛ̃ pɔw-kʋɔr a, ʋl a yúor na tɩ yi yaga a nɩ-bʋʋr-yoru sɔgɔ a, ʋl na tɩ ɩ pɔw-nãà so a tẽ-ŋma-kʋ̀rɩ a, ʋlɛ n'ɩ ŋan wa ɩ gbãgbaa!

Ezekɩɛl 12:16

Ɛcɛ, ɩ̃ na bɛr'ɩ nɩbɛ blã bɛ cɩ̃ɛ a zɛbr, a kɔ̃ nɩ a jɛ̀lmɛ̃ bàalʋ pʋɔ. Lɛ n'a bɛ na manɛ kʋ̀rɛ a nɩ-bʋʋrɛ bɛl sɔgɔ bɛ na na be a, a ɩ-faar al na bɛ maal'ɩ wob bɛ na maalɩ a. Ɛ́ a nɩ-bʋʋrɛ bɛ ŋa na bãw na kɛ́ mãa n'ɩ a Sore.»

A naaŋmɩn-ƴèr-manɛ Oze sɛbɛ 8:10

Bɛ na saa kʋ̀rɛ bʋ̃-kʋ̀rɩ a nɩ-bʋʋr-yoru a, a daar ʋl ɩ̃ na na ɓã bɛ taa a ta na. Ɛ́ ka nɩ blã blã a, bɛ na nyɛ̃ nɩ a wʋ̀ʋr a na-mɩnɛ za nãà na na ƴãw bɛ a.

Levitɩ mɩnɛ 26:22

Ɩ̃ na ƴãw na wɛ-dʋn wa a nyɩ ƴãw, wa kʋ a nyɩ bibiir, kʋ a nyɩ dʋn pàw pɛr, ɛ́ baarɩ nyɩ, bɛ bɛ mɩ́ cãà nyɛ̃ nɩr sɔ́r zu ɛ.

Amɔsɩ 7:2

A sãsoge na tɩ 'wɔb a mʋ̃ɔ za a tẽw pʋɔ a, ɩ̃ tɩ yel'a: «Sore ɩ̃ Naaŋmɩn i, ɩ̃ zɛlɛ fʋ na, dɩ suur! Alɛ bɛ ɩ lɛ, ŋmɩŋmɩn za n'a a fʋ nɩ-bʋʋrɛ na cãà? Bɛ ɩ n pʋrɩ zuo.»

Matie 24:22

A Naaŋmɩn bɛ tɩ ŋmãa a bibie a mɩnɛ bɛr a, nɩr kʋ̃ʋ tɩ cɛ ɩ. Ɛcɛ ʋ ŋmãa nɩ a bibie a mɩnɛ bɛr a ʋ nɩ-kaa-íri zũú.

Nɩ-toni 8:24

A Sɩmʋ̃ tɩ sɔw na: «A nyɩɩm tɛɛ za, nyɩ puori a Sore kʋ̀ m, kɛ́ à á ŋá kãw za nyɩ na yel a taa páwr mɛ̃ ɩ.»

Wulu-ayi-sob 28:62

Nɩbɛ blã lɛ tɛwr'a na cɛ a nyɩ pʋɔ, nyɩɩm na tɩ yãwmɛ mɛ̃ a saa ŋmar-bie a. Bʋ̃ʋ n'ʋ vɛ̃, a nyɩ na kʋ̃ bɛr wõ a Sore nyɩ Naaŋmɩn ƴɛ̀rʋ a ƴãw n'a.

Wulu-ayi-sob 28:63

Mɛ̃ a lɛ a Sore na tɩ nɔnɛ k'ʋʋ kaarɛ a nyɩ zie, nyɩ wone nʋ̃ɔ̀ ɛ́ yãwmɛ a, lɛ n'a ʋ mɩ̀ na nɔnɛ k'ʋʋ kaarɛ a nyɩ zie, ɩ nyɩ baarɩ, nyɩ kpi pàw pɛr. Ʋ na ír nyɩ nɩ a tẽw nyɩ na na so a pʋɔ.

Wulu-ayi-sob 4:27

A Sore na diw nyɩ na yaarɩ a nɩ-bʋʋr-yoru pʋɔ. Nɩbɛ blãlɛ tɛwr'a na cɛ a nyɩ pʋɔ, a ten al pʋɔ ʋ na na diw nyɩ cen nɩ a gbãgbaalʋ pʋɔ a.

Zakɩ 5:16

A na ɩ lɛ a, nyɩ wore a nyɩ yel-bebe kʋ̀rɛ taa ɛ́ puore kʋ̀rɛ taa, kɛ́ nyɩ tʋ̃ɔ́ sanɩ. A nɩ-mɩŋa zɛlʋ puoru tɛr'ɩ fãw yaga.

1 Samɩɛl 12:19

ɛ́ tɩ yel a Samɩɛl: «Puori zɛlɩ a Sore fʋ Naaŋmɩn, a fʋ tõ-tõ-biir ƴãw, tɩ taa kpiir ɛ. Tɩ na zɛlɩ a nãà a, tɩ maal'ɩ yel-bier ƴãw pʋɔ a tɩ yel-bebe ƴãw.»

1 Samɩɛl 12:23

Alɛ wa cɛ mãa a, ɩ̃ kʋ̃ sàw sãw a Sore, bɛr a nyɩ puor-kʋ̀b ɛ. Ɩ̃ na cãà na wule nyɩ a sɔr-vla nɩ a sɔr-dẽdẽ.

1 Samɩɛl 7:8

Bɛ tɩ yel'ɩ a Samɩɛl: «Ta ɩ gbili ɛ! Ta jɛ tɩ bɛr ɛ! Kone cɔwr a Sore tɩ Naaŋmɩn, k'ʋʋ faa tɩ a Filisɩtɛ̃ mɩnɛ nuru pʋɔ.»