Zeremi 10:16 - A SƐB-SÕW

¹⁶ Ɛcɛ a Naaŋmɩn na ɩ a Ɩsɩrayɛl na-bom a, bɛ ŋmɛ̃ taa nɩ a ɩ. Ʋl a, a bome za íre n'ʋ, ɛ́ ʋlɛ so a Ɩsɩrayɛl dɔwlʋ. A ʋ yúor'ɩ: «A Sore kpɛnʋ-za-sob!»

Zeremi 10:16 Iomraidhean Croise

Sɛb-sõw yielu 119:57

Sore e, ɩ̃ yel'a k'aa ɩ̃ bom'ɩ a fʋ ƴɛ̀rʋ ɩ̃ na na tɛr vla a.

Sɛb-sõw yielu 135:4

A Sore kaa na ír a Zakɔb a ʋl mɩŋa ƴãw, ʋ ɩ na a Ɩsɩrayɛl lɩɛbɩ a ʋ bʋ̃-sora mɩŋa.

Sɛb-sõw yielu 142:5

Jɩ́r a ɩ̃ dʋrʋ lowr nyɛ̃ a: nɩr za bɛ ŋmɛlɛ kaar mɛ̃ ɩ. Ɩ̃ bɛ cãà tɛr sɔwlʋ zie ɩ, nɩr za bɛ kaarɛ ɩ̃ zie ɩ.

Sɛb-sõw yielu 33:6

A Sore ƴɛ̀r-bir'ʋ ʋ ír'ɩ a salom, a ʋ nʋɔr pɩɛlʋ n'a ɩ a saa ŋmar-bi-yaga yaga a be.

Sɛb-sõw yielu 73:26

A ɩ̃ ƴã-gan nɩ a ɩ̃ socir na tʋ̃ɔ́ na bàl, ɛcɛ Naaŋmɩn i, fʋ̃ʋ n'ɩ a ɩ̃ socir fãw, nɩ a bom ɩ̃ na só kʋralɛ a.

Sɛb-sõw yielu 74:2

Cãà bãwnɩ a fʋ nɩ-bʋʋrɛ fʋ na páw koro za a. Cãà bãwnɩ a dɔwlʋ á ŋá fʋ na ya de só a, nɩ a Sɩyɔ̃ tãw fʋ na kpɩɛr a.

Eziptɩ tẽw yib 19:5

Ƴɛrɛŋa a, nyɩmɛ wa wone a ɩ̃ ƴɛ̀rʋ, ɛ́ tɛr a ɩ̃ wõ-taa vla a, nyɩ na ɩ na mɛ̃ na-bom a a ɩ̃ zie, a nɩ-bʋʋrɛ za pʋɔ. Bʋ̃ʋ n'ʋ vɛ̃, mãa so a tẽ-daa za,

Eziptɩ tẽw yib 34:9

Al pùorí ʋ yel: «Sore e, a fʋ pʋɔ na pɛlɩ a ɩ̃ ƴãw a, ɩ̃ zɛlɛ fʋ na, wa bɩɛlɛ tɩ. Ɩ̃ bãwnɩ a na a nɩbɛ bɛ ŋa zuru na kpɛmɛ a, ɛcɛ dɩ a tɩ yel-bebe nɩ a tɩ sãwna suur kʋ̀ tɩ, ɛ́ ɩ tɩ ɩ a fʋ sób.»

Zʋkpaɩ 16:4

A Sore tɛr'ɩ tɩ́ɛrʋ maal'ɩ bom za. Ʋ ír'ɩ a nɩ-faar tɛɛ za a dɔwrʋ bibir ƴãw.

Ɩzayi 19:25

A Sore, a kpɛnʋ-za-sob, na maal'ɩ a tẽ-daa yel à ŋá: «Ɩ̃ maalɛ nɩ a Eziptɩ tẽw dem, a ɩ̃ nɩ-bʋʋrɛ, a Asiiri tẽw dem, a ɩ̃ nuru bʋ̃-maalɩ, nɩ a Ɩsɩrayɛl nɩbɛ, a mãa mɩŋa bom.»

Ɩzayi 45:7

Ɩ̃ mɩ́ maal'ɩ a cãà, ɛ́ ír lige. Ɩ̃ mɩ́ ƴãw nɩ a nʋ̃ɔ̀, ɛ́ ír a kpɩɛrʋ. A mãa, a Sore, mãa n'ʋ ɩrɛ à á ŋá za.

Ɩzayi 47:4

A sob nɛ na yarɛ dier tɩ a yúor'ɩ a Sore, a kpɛnʋ-za-sob,» a Ɩsɩrayɛl Naaŋmɩn na ɩ sõw a.

Ɩzayi 47:6

Ɩ̃ tɩ nyɛ̃ nɩ nɩ a ɩ̃ nɩ-bʋʋrɛ suur. Lɛ n'a ɩ̃ bɛ tɩ tɛr ƴãwfʋ ɩb kãw za a nɩbɛ ɩ̃ na so a zie ɩ, ɛ́ tɩ bɛr bɛ kʋ̀ b. Ɛcɛ fʋ bɛ tɩ tɛr nɩbaal-zɔba kãw za a bɛ zie ɩ, a fʋ nɩ-kpɛ̃ɛnʋ dɩb tɩ dĩ nɩ a dɛb-nyãw mɛ̃ na-kʋɔra nyũu dàa a.

Ɩzayi 51:15

Mãa n'ɩ a Sore, a nyɩ Naaŋmɩn. Ɩ̃ mɩ́ dam'ɩ a kʋ̃ɔ-kpɛ̃ɛ, ɩ a ʋ kʋ̃ɔ-mie ɩrɛ gɔmɛ. A ɩ̃ yúor'ɩ: “a Sore, a kpɛnʋ-za-sob”.

Ɩzayi 54:5

Bʋ̃ʋ n'ʋ vɛ̃, a sob nɛ na ír fʋ a n'ʋ na ɩ a fʋ sɩr, a sob nɛ a yúor na dɩ k'aa Sore, a kpɛnʋ-za-sob a. A sob nɛ na yarɛ dier fʋ a, a Ɩsɩrayɛl Naaŋmɩn na ɩ sõw a n'ʋ, a sob nɛ bɛ na bʋɔlɛ a “tẽ-daa Sore” a.

Zeremi 10:12

A Sore ír'ɩ a tẽw nɩ a ʋ fãw, ʋ bin nɩ a tẽ-daa nɩ a ʋ yã-bãwfʋ, ʋ dɔl'ɩ a salom nɩ a ʋ yã.

Zeremi 10:6

Sore e, fʋ bɛ tɛr a fʋ tɔ ɩ! Fʋ ɩ n kpɛ̃ɛ, ɛ́ a fʋ kpɛnʋ ɩ a fʋ yúor ʋ yi.

Zeremi 31:35

À ŋá n'a a Sore yere: Ãa n'ʋ mɩ́ ƴãw a mʋ̃tɔ̃w k'ʋʋ caalɛ a bibir? Ãa n'ʋ mɩ́ yel a cuw nɩ a ŋmar-bie k'aa caalɛ a tɩ̃ɩsɔw? Ãa n'ʋ mɩ́ dam a kʋ̃ɔ-kpɛ̃ɛ ƴãw a kʋ̃ɔ-mie ɩrɛ gɔmɛ? A Sore, a kpɛnʋ-za-sob'ʋ, a ʋ yúor'ɩ a lɛ.

Zeremi 32:18

Fʋ mɩ́ wul'ɩ nɔ̃wfʋ a nɩbɛ na dɔw lɩɛrɩ taa tɩ ta gb'aa túr (1 000) a. Ɛcɛ sãà mɩnɛ wa sãw a, fʋ mɩ́ ɩ na a bɛ bibiir ya a bɛ sãwna san. Fʋ̃ʋ n'ɩ a Naaŋmɩn na ɩ kpɛ̃ɛ ɛ́ kpɛmɛ a, a fʋ yúor'ɩ a Sore, a kpɛnʋ-za-sob.

Zeremi 33:2

À ŋá n'a a sob nɛ na mɩ́ maalɩ a yele a, na mɩ́ cɔbrɩ a, ɛ́ ɩ a be a, yere. A Sore n'ʋ, a ʋ yúor'ɩ lɛ.

Zeremi 46:18

A nãà a yúor na dɩ kɛ́: “Sore kpɛnʋ-za-sob” a, yere nɩ à ŋá: “Mãa bɛ wa vʋʋrɛ a na, alɛ bɛ ɩ lɛ, a dɔ̃ sob na wa na. A bɛ tɛr bʋnʋ, mɛ̃ a Tabɔɔr tãw a ɩ, a bɛ tɛr bʋnʋ, mɛ̃ a Karmɛl tãw na do gãw a kʋ̃ɔ-kpɛ̃ɛ a ɩ.”

Zeremi 50:34

A mãa, a bɛ faarɛ, ɩ̃ tɛr'ɩ fãw, mãa n'ɩ a Sore, a kpɛnʋ-za-sob. Ɩ̃ na faa bɛ na nɩ fãw, ɩ a ƴã-ɓaarʋ lɛb be a tẽw zu, ɛ́ a Babɩlɔn tẽw dem màwr.»

Zeremi 51:19

Ɛcɛ a Zakɔb Naaŋmɩn, na ɩ a Ɩsɩrayɛl na-bom a, ʋ bɛ ŋmɛ̃ taa nɩ a ɩ. A ʋl a, ʋlɛ n'ɩ a bome za íre, ɛ́ a Ɩsɩrayɛl'ɩ a dɔwlʋ ʋ na so a. A ʋ yúor'ɩ: «A Sore, a kpɛnʋ-za-sob.»

A Lãw-mʋɔlɛ 3:24

Ɩ̃ yel'a: a Sore n'ɩ a ɩ̃ na-bom, alɛ n'a so ɩ̃ ƴãw a ɩ̃ tɩɛrʋ a ʋ ƴãw.

Amɔsɩ 4:13

Bʋ̃ʋ n'ʋ vɛ̃, nyɛ̃ a: a Sob nɛ na mɩɛr a tã-bɛrɛ, ɛ́ íre a sɛsɛb, ɛ́ wule a ʋ pʋ-tɩɛrʋ a nɩsaal a, a Sob nɛ na dier a lige maalɛ nɩ a cãà a, a Sob nɛ na cere a tẽw zi-kɛrɩ zu a, a ʋ yúor dɩ na kɛ́ Sore, a Naaŋmɩn kpɛnʋ-za-sob.

Zakari 2:12

A Sore Kpɛnʋ-za-sob na kʋ̀ m tõ-nɔ-kpɛ̃ɛ a, yere nɩ à ŋá a nɩ-bʋʋrɛ bɛl na fá nyɩ a ƴãw: «Nɩr za na tʋɔr nyɩ a, a ɩ̃ bʋ̃-tuo n'ʋ ʋ tʋɔr.

Wulu-ayi-sob 32:9

ɛcɛ ʋ kaa na ír so a Ɩsɩrayɛl bʋʋrɛ, ʋlɛ n'ʋ gùre a Zakɔb bʋʋrɛ.