Zeremi 10:12 - A SƐB-SÕW

¹² A Sore ír'ɩ a tẽw nɩ a ʋ fãw, ʋ bin nɩ a tẽ-daa nɩ a ʋ yã-bãwfʋ, ʋ dɔl'ɩ a salom nɩ a ʋ yã.

Zeremi 10:12 Iomraidhean Croise

Yele-za-pɛr-tib 1:1

A yele-za-pɛr-tib daar, Naaŋmɩn tɩ ír'ɩ a salom nɩ a tẽw.

Yele-za-pɛr-tib 2:5

vale za bɛ tɩ be a tẽw zu sɛr ɛ, mɔ̃le za bɛ tɩ bul sɛr ɛ. Bʋ̃ʋ n'ʋ vɛ̃, a Sore Naaŋmɩn bɛ tɩ ƴãw saa wa a tẽw zu sɛr ɛ, nɩsaalbɛ mɩ̀ bɛ tɩ be be na kʋɔr a tẽsɔw ɛ.

1 Bibie za yel-manɩ 16:26

A nɩ-bʋʋr-yoru ŋmɩmɛ ɩ n bʋ̃-zawlɛ, ɛcɛ a Sore n'ʋ maalɩ a salom.

A Zɔb sɛbɛ 26:7

Ʋlɛ n'ʋ dɔl a saa-pɛrɩ́-gʋba-lowr salom bɛr a vuo pʋɔ ɛ́ 'lẽ a tẽw yawlɩ a zi-vuo pʋɔ.

A Zɔb sɛbɛ 37:18

fʋ tɩ sõwne nɩ a Naaŋmɩn na tɩ dɔlɛ a salom, ɛ́ ɩrɛ ʋ kpɛmɛ mɛ̃ kure caala a?

A Zɔb sɛbɛ 9:8

Ʋ mɩ́ dɔl'ɩ a salom ʋ yõ, ɛ́ cere a kʋ̃ɔ-kpɛ̃ɛ kʋ̃ɔ-mie zu.

Sɛb-sõw yielu 104:2

fʋ cir'ɩ a cãà mɛ̃ kpar-kpɛ̃ɛ a. Fʋ dɔl'ɩ a salom mɛ̃ pɛn-sɛw pɛn a,

Sɛb-sõw yielu 104:24

Sore e, a fʋ tome yãwmɛ na bɛ tɛr tɛwr ɛ: fʋ tõ n a za nɩ yã-bãwfʋ! A tẽsɔw paal'a nɩ a fʋ bʋ̃-íri.

Sɛb-sõw yielu 119:90

Yome yome za n'a a fʋ yel-mɩŋa be be. Fʋ maal'ɩ a tẽsɔw, ʋ kpɛmɛ àr.

Sɛb-sõw yielu 24:2

Ʋlɛ n'ʋ sʋ̃ɔ́ a ʋ pɛr a kʋ̃ɔ-bɛrɛ zu, ɛ́ ɩ k'ʋ kpɛmɛ àr a kʋ̃ɔnɩ zu.

Sɛb-sõw yielu 33:6

A Sore ƴɛ̀r-bir'ʋ ʋ ír'ɩ a salom, a ʋ nʋɔr pɩɛlʋ n'a ɩ a saa ŋmar-bi-yaga yaga a be.

Sɛb-sõw yielu 65:7

Fʋ ɩ n a tan a kpɛmɛ àr nɩ a fʋ fãw, fʋ sɛ n a kpɛnʋ mɛ̃ kpàwr a.

Sɛb-sõw yielu 78:69

Be n'a ʋ tɩ ŋmãa a ʋ zi-sõw, ʋ kpɛmɛ mɛ̃ a salom a, be n'a ʋ tɩ ƴãw ʋ ʋ àr kʋralɛ, mɛ̃ a tẽsɔw a.

Sɛb-sõw yielu 93:1

A Sore ɩ n nãà, ʋ dɩrɛ nɩ dɛpaalʋ. A ʋ kpɛnʋ pili na pàw ʋ mɛ̃ kpar-vla vla a, a tẽ-daa kpɛmɛ na àr, ʋ bɛ dam damnʋ ɛ.

Zʋkpaɩ 3:19

A Sore yã-bãwfʋ n'ʋ ʋ ír'ɩ a tẽw, a ʋ yã n'a ʋ ɩ n a salom ʋ kpɛmɛ àr.

Zʋkpaɩ 30:4

Ãa n'ʋ do a salom zu ɛ́ lɛb siw wa? Ãa n'ʋ dãw ƴãw a sɛsɛb a ʋ nuru pʋɔ? Ãa n'ʋ na tʋ̃ɔ́ nyɔw a ʋ kpar-kpɛ̃ɛ pili ɛ́ ƴãw kʋ̃ɔ? Ãa n'ʋ tʋɔrɩ a tẽw ƴãw a tʋr-bɔwrɩ za? A yúor dɩ na kɛ́ bo? A ʋ bidɛb yúor dɩ na kɛ́ bo? Fʋ bãw ʋ na a?

Ɩzayi 37:16

«Sore kpɛnʋ-za-sob, Ɩsɩrayɛl Naaŋmɩn i, fʋ̃ʋ na zɩ̃ a seribɛ̃ mɩnɛ zu-sɔw a, fʋ̃ʋ n'ɩ a tẽ-daa naalʋ-ten za Naaŋmɩn-been yõ, fʋ̃ʋ n'ʋ maalɩ a salom nɩ a tẽw.

Ɩzayi 40:22

A Sore naalʋ-dà-kɔw be n a tẽw tʋra zu-sɔw, ɛ́ a nɩsaalbɛ mɩ́ sãá a ʋ zie ɩ mɛ̃ sãsowe a. Ʋ yɛ́r'ɩ a salom mɛ̃ pɛn-kpɛ̃ɛ a, ʋ dɔl ʋ na mɛ̃ pɛn-sɛw a, a ʋ kpɛb ƴãw.

Ɩzayi 42:5

A Naaŋmɩn, a Sore, na ír a salom nɩ a ʋ yɛ̀lʋ za a, na yɛ́r a tẽsɔw nɩ a ʋ bʋ̃-buli a, na kʋ̀ a nyɔ-vʋʋrʋ a nɩ-bʋʋrɛ na kpɩɛr a ʋ zu a, nɩ a vʋʋrʋ a bɛlɩ dem na dɛnɛ a ʋ zu a, ƴɛ̀rɛ nɩ à ŋá a ʋ tõ-tõ-bie zie:

Ɩzayi 44:24

Ɩsɩrayɛl i, a Sore, a fʋ ya-diere na cɔbrɩ fʋ a fʋ mã puori a, ƴɛ̀rɛ nɩ a fʋ zie à ŋá: «Mãa n'ɩ a Sore na maalɛ bom za a. Mãa n'ʋ dɔl a salom, mãa ɩ̃ yõ tẽtẽ, ɩ̃ yɛ́r'ɩ a tẽw ɛ́ nɩr za bɛ sõw mɛ̃ ɩ.

Ɩzayi 45:12

Mãa n'ʋ maalɩ a tẽw, ɛ́ ír a nɩsaalbɛ na kpɩɛr ʋ a. Mãa n'ʋ dɔl a salom nɩ a ɩ̃ nuru, ɛ́ mɩ́ yel a ŋmar-bi-pɩlwɩlɩ a lɛ a na fɛr k'aa ɩrɛ a.

Ɩzayi 45:18

À ŋá n'a a Sore yere, ʋl na ír a salom a, ʋl na ɩ a Naaŋmɩn na maalɩ a tẽw a, na cɔbrɩ ʋ ɛ́ ɩ ʋ kpɛmɛ a. Ʋ bɛ ír ʋ ʋ ɩ vuo gã ɩ, ʋ maal'ʋ na kɛ́ bɛ kpɩɛr ʋ. A lɛ pʋɔ n'a ʋ yere à ŋá: «A Sore a, mãa n'ʋ, kãw bɛ lɛb ka be ɩ.

Ɩzayi 48:13

A ɩ̃ nuru n'a ɩ̃ bin nɩ a tẽw pɛr ɛ́ dɔl a salom. Mãa wa bʋɔlɛ a wa báarɛ a, a mɩ́ ta n daadaalɛ àr.

Ɩzayi 49:8

À ŋá n'a a Sore yere: «A daar na wa ta a, ɩ̃ sɔw fʋ na. A faafʋ bibir na wa vɩɛ a, ɩ̃ sõw fʋ na. Ɩ̃ cɔbrɩ fʋ na k'ɩ̃ɩ ɩ fʋ ɩ a wõ-taa bom mãa nɩ a ɩ̃ nɩbɛ cará. Ɩ̃ na ɩ n a Ɩsɩrayɛl tẽw ʋ lɛb ìr, ɩ̃ɩ lɛb põ a tẽw ŋa na sãw gã a ziir.

Zeremi 10:13

Ʋlɛ wa tanɩ a, a kʋ̃ɔnɩ mɩ́ ɓã n taa a salom zu, a zũzuwr-bɛrɛ mɩ́ yi n a tẽw baarʋ ziir do, ʋ mɩ́ ɩ na saa nyɩwrɩ ƴãw a saa waar. Ʋ mɩ́ ɩ na a sɛsɛb yi a be ʋ na ƴãw ʋ a.

Zeremi 10:16

Ɛcɛ a Naaŋmɩn na ɩ a Ɩsɩrayɛl na-bom a, bɛ ŋmɛ̃ taa nɩ a ɩ. Ʋl a, a bome za íre n'ʋ, ɛ́ ʋlɛ so a Ɩsɩrayɛl dɔwlʋ. A ʋ yúor'ɩ: «A Sore kpɛnʋ-za-sob!»

Zeremi 14:22

A nɩ-bʋʋr-yoru ŋmɩn-bɛlɛbɛlɛ pʋɔ a, been be n be na tʋ̃ɔ́ ɩ kɛ̀ saa wa a? A salom tɛɛ za n'ʋ mɩ́ bɛr a kʋ̃ɔ a siw ɩ? Fʋ̃ʋ bɛ n'ɩ a Sore tɩ Naaŋmɩn ɛ? A fʋ ƴãw n'a tɩ ƴãw a tɩ tɩɛrʋ, bʋ̃ʋ n'ʋ vɛ̃, fʋ̃ʋ n'ʋ maalɛ à á ŋá za.»

Zeremi 27:5

Mãa n'ʋ ír a tẽw, lãwnɩ a nɩsaalbɛ nɩ a dʋn na be a tẽ-daa zu a. Ɩ̃ ír a na nɩ a ɩ̃ fãw-kpɛ̃ɛ nɩ a kpɛnʋ na bɛ dɩ vuo a, ɛ́ mɩ́ kʋ̀ a ʋlɩ sob nɛ ɩ̃ na bɔbr a.

Zeremi 32:17

«'Woi, Sore Naaŋmɩn i, fʋ̃ʋ n'ʋ ír a salom nɩ a tẽw nɩ a fʋ fãw-kpɛ̃ɛ, nɩ a fʋ kpɛnʋ. Bom za bɛ kpɛmɛ zuo a fʋ zie ɩ.

Zakari 12:1

Ƴɛ̀rʋ a Sore na ƴɛ̀r a Ɩsɩrayɛl ƴãw a. Nyɛ̃ a lɛ a Sore na yere a, ʋl na dɔl a salom a, ʋl na sʋ̃ɔ́ a tẽsɔw pɛr, ɛ́ kʋ̀ a nyɔ-vʋʋrʋ a nɩsaal a:

Zã 1:3

Ʋlɛ n'ʋ so kɛ̀ bom za be, ɛ́ ʋl ƴãw bɛ tɩ n'a a, bom za kʋ̃ʋ tɩ be ɩ.

Kɔlɔsɩ 1:16

Bʋ̃ʋ n'ʋ vɛ̃, ʋlɛ n'ʋ a Naaŋmɩn ƴãw k'ʋ ír a bome za, a saa-zu nɩ a tẽw zu, a bʋ̃-nyɛrɩ nɩ a bʋ̃-bɛ-nyɛrɩ, a al na zɩnɛ naalʋ-dà-kɔwr zuru a, nɩ a al na so a ziir a, a naalʋ-dɩb bʋʋrɛ nɩ fãw bʋʋrɛ za. Ʋlɛ n'ʋ Naaŋmɩn ƴãw ʋ ír a za a ʋl mɩŋa ƴãw.