Zeremi 10:10 - A SƐB-SÕW

¹⁰ Ɛcɛ a Sore ɩ n Naaŋmɩn-sɩza, Naaŋmɩn na vʋʋrɛ a, nãà na be kʋralɛ a. A ʋ suur wa ír a, a tẽsɔw mɩ́ dam'a, ɛ́ a nɩ-bʋʋrɛ bɛ tʋ́ɔr a ʋ suur ɛ.

Zeremi 10:10 Iomraidhean Croise

Yele-za-pɛr-tib 21:33

A Abraham tɩ sɛl'ɩ tamarisɩ tɩɛ a Bɛɛr-Seva, ɛ́ puori a Naaŋmɩn na be kʋralɛ a, bʋɔl'ʋ kɛ́ Sore.

1 Na-mɩnɛ 18:39

A Ɩsɩrayɛl nɩbɛ na tɩ nyɛ̃ a lɛ a, bɛ gũu na tɩ tɔ tẽw, ɛ́ yel: «A Sore n'ɩ a Naaŋmɩn! A Sore n'ɩ a Naaŋmɩn!»

1 Na-mɩnɛ 8:60

Lɛ n'a a tẽw zu nɩ-bʋʋrɛ za na bãw k'aa Sore yõ n'ʋ ɩ Naaŋmɩn, kãw bɛ lɛb ka be ɩ.

1 Bibie za yel-manɩ 29:11

Sore e, fʋ̃ʋ na ɩ kpɛ̃ɛ bɛ tɛr tɔ a, fʋ̃ʋ so a fãw nɩ a kpɛnʋ, a ƴãwfʋ nɩ a yúor-vɩɛlʋ-danʋ. Fʋ̃ʋ so bom za a salom zu nɩ a tẽw zu. Fʋ̃ʋ n'ɩ a nãà, fʋ̃ʋ so a bome za.

2 Bibie za yel-manɩ 15:3

A daar bɛ gbʋ́r ɛ, a Ɩsɩrayɛl nɩbɛ na bɛ tɛr a Naaŋmɩn-sɩza a ɩ, bɛ tɛr bàwr-maalbɛ bɛ na wul bɛ ɩ, bɛ tɛr a Wulu ɛ.

A Zɔb sɛbɛ 9:6

Ʋ mɩ́ ɩ n a tẽsɔw ʋ gbiwri tɩ tɔ a pɛr ɛ́ ɩ a kpule na tɩɛ ʋ tɛr a, a damnɛ.

Sɛb-sõw yielu 10:16

A Sore dɩrɛ nɩ naalʋ kʋralɛ, a nɩ-bʋʋr-yoru kʋ̃ cãà be a ʋ tẽw pʋɔ ɩ.

Sɛb-sõw yielu 100:3

Nyɩ bãwnɩ a a Sore na ɩ Naaŋmɩn a, ʋlɛ n'ʋ maalɩ tɩ, ɛ́ só tɩ. Tɩ ɩ n a ʋ nɩ-bʋʋrɛ, a ʋ zaw dʋn.

Sɛb-sõw yielu 100:5

Bʋ̃ʋ n'ʋ vɛ̃, a Sore ɩ n nɩ-vla, a ʋ nɔ̃wfʋ be n kʋralɛ, ɛ́ a ʋ na ŋmɛ̃ ʋ ŋmɛ̃a a be be yome yome za.

Sɛb-sõw yielu 104:32

Ʋ mɩ́ jɩ́r'ɩ a tẽsɔw kaa, ʋ màwr, ʋ mɩ́ tɔ n a tan, a ɩrɛ zʋ̀ʋ́r.

Sɛb-sõw yielu 114:7

Tẽsɔw i, màwr a Sore niŋé, a Zakɔb Naaŋmɩn niŋé.

Sɛb-sõw yielu 145:13

A fʋ naalʋ ɩ n naalʋ na be kʋralɛ a, fʋ na dɩrɛ nɩ naalʋ yome yome za. A Sore mɩ́ tu n a lɛ ʋ na yel a, a ʋ nɔ̃wfʋ mɩ́ sãá nɩ a ʋ ɩ-ɩrɩ za pʋɔ.

Sɛb-sõw yielu 146:6

A Sore n'ʋ ír a salom nɩ a tẽw, a kʋ̃ɔ-kpɛ̃ɛ nɩ bom za na be a pʋɔ a. Ʋlɛ n'ɩ a yel-mɩŋa gure kʋralɛ.

Sɛb-sõw yielu 18:7

A ɩ̃ kpɩɛrʋ pʋɔ, ɩ̃ bʋɔl'ɩ a Sore, ɩ̃ lɔb'ɩ cɛl kʋ̀ a ɩ̃ Naaŋmɩn. Ʋ be n a ʋ yir pʋɔ ɛ́ wõ a ɩ̃ kɔkɔr, a cɛl ɩ̃ na ŋmɛ a lo n a ʋ tobrí.

Sɛb-sõw yielu 29:10

A Sore zɩ̃ n a ʋ naalʋ-dà-kɔw zu, a kʋ̃ɔnɩ na cere bɛ tɛr tɛwfʋ zie a zu, ʋ na ɩ n nãà na be kʋralɛ a.

Sɛb-sõw yielu 31:5

Fʋ na ír mɛ̃ na bɛr a bɛra pʋɔ bɛ na ƴãw a ɩ̃ ƴãw a, fʋ̃ʋ na n'ɩ a ɩ̃ zɛbr-yir-kpɛ̃w a.

Sɛb-sõw yielu 42:2

Mɛ̃ a lɛ wala na mɩ́ kone bɔbr'ɩ bàrʋ kʋ̃ɔ a, lɛ n'a ɩ̃ mɩ́ kone bɔbr'ɩ fʋ, Naaŋmɩn i.

Sɛb-sõw yielu 68:11

A fʋ tẽw pʋɔ n'a a fʋ nɩbɛ zɩ̃. Naaŋmɩn i, fʋ̃ʋ na ɩ nɩ-vla a, fʋ̃ʋ n'ʋ cɔbrɩ a tẽw ŋa a bãbàalbɛ ƴãw.

Sɛb-sõw yielu 68:8

Naaŋmɩn i, a lɛn daar fʋ na tɩ yi de a fʋ nɩbɛ niwn a, a lɛn daar fʋ na tɩ cen kpɛ a wɛja-kpalɛ pʋɔ a,

Sɛb-sõw yielu 74:12

Naaŋmɩn i, fʋ̃ʋ n'ɩ a ɩ̃ Nãà a dɩta-pɛ-yome za, fʋ̃ʋ n'ʋ faa tɩ gb'a a ŋmɩn za a tẽw ŋa pʋɔ.

Sɛb-sõw yielu 76:7

Zakɔb Naaŋmɩn i, fʋ na wa tanɩ a, a wi-zɔmnbɛ nɩ a wie gbini na àr.

Sɛb-sõw yielu 76:8

A fʋ̃ʋ a, fʋ bɛ tɛr dɩ̃ɛnʋ ɛ. Fʋ̃ʋ wa nyɛ̃ suur a, ãa n'ʋ na tʋ̃ɔ́ àr a fʋ niŋé?

Sɛb-sõw yielu 77:18

A zũzuge tɩ ɩ na a kʋ̃ɔ cuure, ɛ́ a saa tanɛ a zũzuge pʋɔ, ɛ́ fʋ tɩ tɛbr a fʋ pime.

Sɛb-sõw yielu 84:2

Sore kpɛnʋ-za-sob i, nɔ̃wfʋ bɛ n'a ɩ̃ nɔ̃w a fʋ yir ɛ!

Sɛb-sõw yielu 9:8

Ɛcɛ a Sore dɩrɛ nɩ naalʋ kʋralɛ, ʋ bà n a ʋ naalʋ-dà-kɔw a ƴɛ̀rʋ-dɩb ƴãw.

Sɛb-sõw yielu 90:11

Ãa n'ʋ bãw a lɛ a fʋ suur na sɛw a? Ʋ ɩ n kpɛ̃ɛ sɛw a lɛ tɩ na ƴãwnɛ fʋ a.

Sɛb-sõw yielu 90:2

A tan na bɛ tɩ yi sɛr a, a tẽsɔw nɩ a zie na bɛ tɩ be sɛr a, fʋ tɩ ɩ n a Naaŋmɩn dɩta-pɛ-yome za, ɛ́ na ɩ ʋ kʋralɛ.

Sɛb-sõw yielu 93:2

Koro koro za n'a fʋ bin a fʋ naalʋ ʋ kpɛmɛ, dɩta-pɛ-yome za n'a fʋ be.

Sɛb-sõw yielu 97:4

A ʋ saa-nyɩwrʋ mɩ́ caal'ɩ a tẽ-daa, a tẽw nyɛ̃ màwr.

Ɩzayi 37:17

Sore e, ƴãw tobr bɛr wõ, yuo a mimie bɛl kaa! Wõ a zʋmɛ a Senakerib na tõ a nɩbɛ bɛ wa tʋ b'a, fʋ̃ʋ Naaŋmɩn na vʋʋrɛ a!

Ɩzayi 37:4

A Asiiri tẽw nãà tõ n a ʋ sojarɩ nɩ-kpɛ̃ɛ na mɩ́ be a ʋ zie a, k'ʋʋ wa tʋ a Naaŋmɩn na vʋʋrɛ a. A Sore fʋ Naaŋmɩn nãá wõ a zʋmɛ á ŋá za, ɛ́ dɔwr'ʋ a ʋ ƴɛ̀rʋ ʋ na ƴɛ̀r a ƴãw! Fʋ̃ʋ a, puori a Sore a ʋ nɩ-bʋʋrɛ na cɛ a ƴãw.”»

Ɩzayi 40:15

A nɩ-bʋʋrɛ ɩ na mɛ̃ kʋ̃ɔ-bir na yi gara pʋɔ lo a, mɛ̃ biir-bir bʋ̃-kera zu a. A nɩ-bʋʋrɛ na zãá zãá a tɩbrʋ ɩ na mɛ̃ a úuru a.

Ɩzayi 40:28

Fʋ bɛ bãwnɩ a ɩ? Fʋ bɛ wõ a ɩ? A Sore ɩ n a Naaŋmɩn na be kʋralɛ a. Ʋ ír'ɩ a tẽw za. A ʋ fãw bɛ síwre ɩ, ʋ bɛ bàlɛ ɩ. Nɩr kʋ̃ tʋ̃ɔ́ manɩ a ʋ yã zulu ɛ.

Ɩzayi 57:15

Nyɛ̃ a lɛ a Naaŋmɩn na ɩ sõw a na yere a, ʋl na be bom za zu-sɔw ɛ́ tɛr kpɛb zie kʋralɛ a: «A mãa, a Naaŋmɩn na ɩ sõw a, ɩ̃ kpɩɛr'ɩ a saa-zu ka. Ɛcɛ ɩ̃ lãw nɩ nɩ a nɩbɛ bɛ na dɔwrɛ ɛ́ bɛ tɛr su-siwri a, k'ɩ̃ɩ lɛb kʋ̀ nyɔ-vʋʋrʋ a su-siwri dem, k'ɩ̃ɩ lɛb kʋ̀ nyɔ-vʋʋrʋ a nɩbɛ bɛ na dɔwrɛ a.

Ɩzayi 65:16

A tẽw pʋɔ a, nɩr na bɔbr k'ʋʋ ƴɛ̀r nɔ-vla a ʋ tɔ sob ƴãw a, na mɩ́ ƴɛ̀r'ɩ a Naaŋmɩn na ŋmɛ̃ ʋ ŋmɛ̃a a yúor ƴãw. Nɩr na bɔbr k'ʋʋ pɔ a, na mɩ́ pɔ n a Naaŋmɩn na ŋmɛ̃ ʋ ŋmɛ̃a a yúor ƴãw.» A Sore yere na: Bɛ na yiir'ɩ a koro za kpɩɛrʋ bɛr, a na bɔr'a zãá a ɩ̃ zie.

Zeremi 23:36

Ɛcɛ nyɩ kʋ̃ lɛb ƴɛ̀r “tuor Sore na tuo nɩr a” ƴɛ̀rʋ towtow ɛ. Ŋa za ƴɛ̀rʋ n'ʋ na mɩ́ ɩ a tuor, bʋ̃ʋ n'ʋ vɛ̃, nyɩ mɩ́ sãw nɩ a Naaŋmɩn na vʋʋrɛ a, a Sore kpɛnʋ-za-sob, a tɩ Naaŋmɩn ƴɛ̀rʋ bɛr.

Zeremi 4:2

A fʋ pɔb pʋɔ fʋ̃ʋ mɩ́ wa yel: “Ɩ̃ pɔ n nɩ a Sore na vʋʋrɛ a,” ɛ́ a tu a yel-mɩŋa, a lɛ-na-tu-sɔr-a nɩ a mɩnʋ a, a nɩ-bʋʋr-yoru na mɩ́ zɛlɛ na k'ɩ̃ɩ maalɩ bɛ, ɛ́ bɛ na mɩ́ nyʋʋr'ɩ a ɩ̃ ƴãw.

Zeremi 4:24

Ɩ̃ jɩ́rɛ nɩ a tan: a gbiwre na, ɛ́ a tãli za dãdawlɛ.

Zeremi 50:46

A yel na wa yi kɛ́ bɛ de nɩ a Babɩlɔn tẽw a, a tẽsɔw damnɛ na, cɛlsɩ ŋmɩɛr'ɩ a ten za pʋɔ.

Zeremi 51:29

A tẽsɔw màwr'a, ʋ màwr'ɩ dɛ̃bɩ̃-mawfʋ a lɛn daar a Sore na tuur a lɛ ʋ na tɩɛrɩ a Babɩlɔn tẽw ƴãw a: ʋ ɩrɛ na a Babɩlɔn tẽw lɩɛbɛ wɛja-kpalɛ na ɩrɛ nɩbaalʋ a, tẽw nɩr za na bɛ cãà kpɩɛr a.

Zowɛl 2:11

A Sore be n a ʋ zɛbr-nɩbɛ niŋé ɛ́ ŋmɛrɛ kɔkɛɛ. A ʋ zɛbr-nɩbɛ ʋ na mɩ́ ƴɛ̀r, bɛ tu a lɛ ʋ na yel a yãwmɛ na ɛ́ tɛr fãw bɛ dɩ vuo ɩ. A Sore bibir ɩ n kpɛ̃ɛ, ʋ tɛr'ɩ pʋl-vʋ̃ɔ-yaga, ãa n'ʋ na tʋ̃ɔ́ ʋ?

Mise 1:4

A tan nyɩlɛ nɩ a ʋ gbɛ́ɛ pile, ɛ́ a tan fʋɔlɩ wɛrɛ mɛ̃ sɩ-suur na mɩ́ nyɩl vũumí a, mɛ̃ kʋ̃ɔ na mɩ́ yi gbĩgbin zu gbɔlɛ siwr a.

Nahum 1:5

A tã-bɛrɛ gbiwre nɩ a ʋ niŋé, ɛ́ a tãli yʋʋrɛ. A tẽsɔw damnɛ nɩ a ʋ niŋé, lãwnɩ a nɩbɛ za na be a ʋ zu a.

Nahum 1:6

Ãa n'ʋ na cãà àr a ʋ su-yãyaar daar? Ãa n'ʋ na cɩ̃ɛ a ʋ su-tʋlʋ-kpãkpã daar? A ʋ suur ɩ na mɛ̃ vũu na nyɔw dɩrɛ a, a pìe tɛɛ za pure na yaarɛ a ʋ niŋé.

Habakukɩ 3:10

A tan mɩ́ nyɛ̃ b'a màwr, sa-bɛrɛ kʋ̃ɔ mɩ́ paal'ɩ a tẽsɔw za, a kʋ̃ɔ-kpɛ̃ɛ ɩrɛ nɩ gɔmɛ, ɛ́ lɔbr a ʋ kʋ̃ɔ-mie bɛrɛ a dúor saa-zu.

Habakukɩ 3:6

Ʋlɛ wa tɛw àr a, a tẽsɔw mɩ́ gbiwre na, ʋ mɩ́ jɩ́r'ɩ a nɩ-bʋʋrɛ bɛ màwr. A tã-kore kore dam'a, a tãli-kore yʋʋr'a, al na tɩ ɩ a ʋ sɛ́ɛ a koro za ʋ tuur a.

Malasɩ 3:2

Ãa n'ʋ na tʋ̃ɔ́ cãà, ʋlɛ wa ta a ʋlɩ bibir nɛ a? Ãa n'ʋ na cãà àr saaƴẽwn, ʋlɛ wa sãá a? Bʋ̃ʋ n'ʋ vɛ̃, ʋ ɩ na mɛ̃ kur-nyɩlɛ vũu a, mɛ̃ fɔbr pɛ́wrbɛ sɩfan a.

Matie 16:16

Sɩmʋ̃ Pɩɛr tɩ sɔw na: «Fʋ̃ʋ n'ɩ a Nɩ-kabra, a Naaŋmɩn na vʋʋrɛ a Bie.»

Matie 26:63

Ɛcɛ a Yeezu tɩ ɩ n gbili. A bàwr-maal-kara tɩ yel ʋ na: «Ɩ̃ zɛlɛ fʋ na, a Naaŋmɩn na vʋʋrɛ a yúor ƴãw, kɛ́ fʋ pɔ yel kʋ̀ tɩ: fʋ̃ʋ n'ɩ a Nɩ-kabra a, a Naaŋmɩn Bie e?»

Zã 17:3

Ɛ́ a nyɔ-vʋʋrʋ na be kʋralɛ a n'ɩ kɛ́ bɛ bãw fʋ, fʋ̃ʋ yõ na ɩ a Naaŋmɩn-sɩza a, ɛ́ mɩ̀ bãw a sob nɛ fʋ na tõ a, a Yeezu Kɩrɩta.

Nɩ-toni 14:15

tɩ yel: «Alɛ! Bá-mɩnɛ ɛ, bʋ̃ʋ n'ʋ so nyɩ ɩrɛ à à ŋá? Tɩ mɩ̀ ɩ n nɩsaalbɛ mɛ̃ a nyɩɩm a! A Yel-nʋ̃ɔ̀ tɩ na hiere kʋ̀rɛ nyɩ a, ʋlɛ n'ɩ kɛ́ nyɩ bɛr a bʋ̃-zawlɛ á ŋá ɛ́ sàw de a Naaŋmɩn na vʋʋrɛ a. Ʋlɛ n'ʋ ír a salom, a tẽw, a kʋ̃ɔ-kpɛ̃ɛ nɩ a bome za na be a pʋɔ a.

Wulu-ayi-sob 32:4

A Sore ɩ n pì-kpɛ̃w. A ʋ tome vɩɛl'ɩ a za. Lɛ za ʋ na yel a mɩ́ tu n yel-mɩŋa, a tɩ Naaŋmɩn ŋmɛ̃ n ʋ ŋmɛ̃a, ʋ bɛ ɩrɛ faa towtow ɛ, nɩ-mɩŋa nɩ nɩ-dẽdẽ n'ʋ kʋralɛ.

Wulu-ayi-sob 5:26

Bʋ̃ʋ n'ʋ vɛ̃, nɩsaal kãw dãw na wõ a Naaŋmɩn na vʋʋrɛ a, ʋ be vũu sɔwlɩsɔw ɛ́ ƴɛ̀rɛ a ʋ zie, mɛ̃ a tɩɩm a, ʋʋ cãà vʋʋrɛ ɛ?

1 Tesalonikɩ 1:9

A nɩbɛ za na ƴɛ̀rɛ a tɩ ƴɛ̀rʋ a mɩ́ manɛ nɩ a lɛ nyɩ na de tɩ a sãanʋ, a lɛn daar tɩ na tɩ wa a nyɩ zie a, nɩ a lɛ nyɩ na tɩ zawrɩ a tɩbɛ bɛr ɛ́ tu a Naaŋmɩn kɛ́ nyɩ tone ʋ, ʋl na ɩ Naaŋmɩn-vʋʋra nɩ Naaŋmɩn-sɩza a.

1 Timote 1:17

A yome za Nãà, a Naaŋmɩn-been yõ tẽtẽ na bɛ tɛr kũu daar, ɛ́ nɩr kʋ̃ tʋ̃ɔ́ nyɛ̃ nɩ mimir a, ʋlɛ so ƴãwfʋ nɩ yúor-vɩɛlʋ-danʋ, a yome yome za. Amɛn.

1 Timote 6:17

Yel kʋ̀ a tẽw ŋa zu tɛra dem kɛ́ bɛ ta zɛwr bɛ tʋɔra ɩ, kɛ́ bɛ ta ƴãw a bɛ tɩɛrʋ a na-bome á ŋá na na tɔl a ƴãw ɛ, kɛ́ bɛ ƴãw a bɛ tɩɛrʋ a Naaŋmɩn ƴãw, ʋl na kʋ̀rɛ tɩ bʋ̃-vɩɛlɩ za bɛ dɩ vuo kɛ́ tɩ wone nɩ nʋ̃ɔ̀ a.

Ebre 10:31

A Naaŋmɩn na vʋʋrɛ a na na ƴãw fʋ nũú a, a ɩrɛ nɩ dɛ̃bɩ̃ɛ bɛ dɩ vuo ɩ!

Zozue 3:10

Al pùorí, ʋ tɩ yel'a: À ŋá n'a nyɩ na bãw k'aa Naaŋmɩn na vʋʋrɛ a be n a nyɩ sɔgɔ, nɩ k'ʋʋ na diw nɩ a Kanãa tẽw dem bɛr a nyɩ niŋé, lãwnɩ a Hititɩ mɩnɛ, a Hivitɩ mɩnɛ, a Perizitɩ mɩnɛ, a Gɩrgasitɩ, a Amoritɩ nɩ a Zebizitɩ mɩnɛ.

1 Zã 5:20

Tɩ bãw na kɛ́ a Naaŋmɩn Bie wa na wa kʋ̀ tɩ a yã kɛ́ tɩ bãw a Naaŋmɩn-sɩza. Tɩ lãw nɩ nɩ a Naaŋmɩn-sɩza a ʋ Bie Yeezu Kɩrɩta ƴãw. Ʋlɛ n'ɩ a Naaŋmɩn-sɩza nɩ a nyɔ-vʋʋrʋ na be kʋralɛ a.

Yel-wula 20:11

Ɩ̃ lɛb tɩ nyɛ̃ nɩ naalʋ-dà-kɔw-pla kpɛ̃ɛ nɩ a sob nɛ na zɩ̃ a ʋ zu a. A tẽsɔw nɩ a salom tɩ bɔr'ɩ a ʋ niŋé, bɛ bɛ lɛb nyɛ̃ a ɩ.

Ƴɛ̀r-dɩrbɛ 5:4

Sore e, fʋ na tɩ yi a Edɔm tẽw wa a, fʋ na tɩ yi a Seyiir tan pʋɔ siw a, a tẽsɔw tɩ dam'a, a zũzuwe tɩ bɛr'ɩ a kʋ̃ɔnɩ a cir, sa-zʋba tɩ mĩ na,

1 Samɩɛl 17:26

A Daviir tɩ sowr'ɩ a nɩbɛ na tɩ àr pɩɛl'ʋ a: «A sob nɛ na na zɛb tʋ̃ɔ́ a Filisɩtɛ̃ dɔɔ ŋa, ɩ a Ɩsɩrayɛl vĩ baarɩ a, bʋ̃ʋ n'ʋ ʋ na páw? Ãa nɩ̃ɛ n'ɩ a Filisɩtɛ̃ yɔ-ɓil sob ŋa na sàw tʋʋr a Naaŋmɩn na vʋʋrɛ a zɛbr-nɩbɛ a?»

1 Samɩɛl 17:36

A fʋ tõ-tõ-bie kʋ n gben ɛ́ kʋ ursɩrɩ. A Filisɩtɛ̃, yɔ-ɓil sob ŋa, na ɩ na mɛ̃ a dʋn á ŋá kãw a, bʋ̃ʋ n'ʋ vɛ̃, ʋ tʋ n a Naaŋmɩn na vʋʋrɛ a zɛbr-nɩbɛ.