Zeremi 1:16 - A SƐB-SÕW

¹⁶ Ɩ̃ na dɩ n nɩ a tẽw ŋa nɩbɛ ƴɛ̀rʋ. Bʋ̃ʋ n'ʋ vɛ̃, bɛ sɩrɩ na maalɩ faa: Bɛ zawrɩ mɛ̃ na bɛr, bɛ maal'ɩ bagɛ kʋ̀ ŋmɩn-yoru, ŋmɩmɛ bɛ na maalɩ ɛ́ puore a.

Zeremi 1:16 Iomraidhean Croise

2 Na-mɩnɛ 22:17

A Zerizalɛm tẽw dem zawrɩ mɛ̃ na bɛr, bɛ nyɩw nɩ tɩ-suur-zɔ̃-na-nyùur-vla-vla-a kʋ̀ ŋmɩn-yoru, a bɛ tɩbɛ ɩ na a ɩ̃ suur ìr. Alɛ so a ɩ̃ suur bɛrmɛ a tẽw ŋa ƴãw, ɛ́ kʋ̃ ɓãá ɩ.

2 Bibie za yel-manɩ 15:2

tɩ yi na tuori a Asa yel ʋ: «Asa a, nɩ nyɩɩm Zuda nɩbɛ za nɩ Bɛ̃zamɛ nɩbɛ za a, nyɩ bɛrɛ wone a ɩ̃ ƴɛ̀rʋ! Lɛn daar za nyɩ na be a Sore zie a, a Sore be n a nyɩ zie. Nyɩmɛ wa bɔbr ʋ a, ʋ na sàw na nyɩ nyɛ̃ ʋ, nyɩmɛ wa zawrɩ ʋ bɛr a, ʋ mɩ̀ na zawrɩ nyɩ na bɛr.

2 Bibie za yel-manɩ 28:2

Ɛcɛ ʋ nɩ̃ɛ na tɩ cɔwr'ɩ a Ɩsɩrayɛl na-mɩnɛ. Ʋ mɔ̃ mɩ̀ tɩ maal'ɩ tɩbɛ a Báàl mɩnɛ ƴãw.

2 Bibie za yel-manɩ 34:25

A Zerizalɛm tẽw dem zawrɩ mɛ̃ na bɛr, bɛ nyɩw nɩ tɩ-suur-zɔ̃-na-nyùur-vla-vla-a kʋ̀ ŋmɩn-yoru. A lɛ za bɛ na ɩ a ɩ na a ɩ̃ suur ír. Alɛ so a ɩ̃ suur bɛrmɛ a tẽw ŋa ƴãw, ɛ́ kʋ̃ ɓãá ɩ.

2 Bibie za yel-manɩ 7:19

Ɛcɛ nyɩmɛ wa gùr pùor cɔw mɛ̃ a, nyɩmɛ bɛ wa sàwr a nɛ-ƴãwnɩ nɩ a wulu ɩ̃ na kʋ̀ nyɩ a, nyɩmɛ wa puore ŋmɩn-yoru ɛ́ mɩ́ gbĩ dume gũu tɩ tɔ tẽw a niŋé a,

Ɩzayi 2:8

A bɛ tẽw paal'ɩ tɩbɛ: bɛ gbine nɩ dume a bɛ nuru bʋ̃-maalɩ niŋé, bome nɩsaalbɛ na maalɩ a.

Ɩzayi 37:19

Bɛ lɔb'ɩ a bɛ ŋmɩmɛ ƴãw vũumí. A na bɛ tɩ ɩ a Naaŋmɩn a ƴãw, ɛ́ ɩ nɩsaalbɛ nuru bʋ̃-maalɩ, dàar nɩ kʋsɛbɛ a, alɛ n'a so a Asiiri tẽw na-mɩnɛ sãw a bɛr.

Ɩzayi 44:15

A dàar na tɛr'ɩ yel-ɩra a nɩsaalbɛ zie, a vũu gbɔwfʋ ƴãw. A nɩbɛ mɩ́ de a na gbɔw nɩ vũu kɛ́ bɛ ʋʋrɩ, bɩɩ kɛ́ bɛ dʋw nɩ a bʋ̃-dɩrɩ. Bɩɩ bɛ mɩ́ cãà na maal'ɩ ŋmɩn, lore gbine dume a ʋ pile, bɛ mɩ́ maal'ɩ tɩɩb gũune a ʋ niŋé.

Ɩzayi 65:3

A nɩbɛ bɛ ŋa càar'a kʋrɛ mɛ̃ suur kʋralɛ: bɛ maalɛ nɩ bagɛ a zaadɛnɩ pʋɔ, ɛ́ nyɩwr parfɛnɩ birkiri bàwr-maal-kube zu a ŋmɩn-bɛlmɛ ƴãw.

Zeremi 10:15

A bɛ tɛr pɛr ɛ, bome na ɩrɛ laarʋ a n'a. A lɛn daar a Sore wa ìr a ƴãw a, a na bɔr'a.

Zeremi 10:3

A nɩ-bʋʋr-yoru tub bɛ tɛr pɛr ɛ. Bɛ mɩ́ cɛ n dàa a tuw pʋɔ, ɛ́ a bʋ̃-pɛnɛ pɛnɩ tɩɩb.

Zeremi 11:12

A Zuda tẽ-bɛrɛ nɩbɛ nɩ a bɛlɩ dem na kpɩɛr a Zerizalɛm a zɛlɛ nɩ sõwfʋ a ŋmɩmɛ al bɛ na tɩ maalɩ bàwr kʋ̀ a zie. Ɛcɛ a ŋmɩmɛ á ŋá kʋ̃ tʋ̃ɔ́ faa bɛ a bɛ kpɩɛrʋ daar ɛ.

Zeremi 11:17

A Sore, a kpɛnʋ-za-sob'ʋ tɩ sɛl ʋ. Ɛcɛ ƴɛrɛŋa a, ʋ ƴɛ̀rɛ nɩ dɔwrʋ ƴɛ̀rʋ kʋ̀rɛ ʋ, a faa a Ɩsɩrayɛl nɩ a Zuda ten dem na maalɩ a zũú. Bʋ̃ʋ n'ʋ vɛ̃, bɛ maal'ɩ bagɛ kʋ̀ a Báàl ƴãw a Sore suur ìr.

Zeremi 15:6

A Sore yere na: Fʋ̃ʋ n'ʋ zawrɩ mɛ̃ bɛr, lɩɛbɩ zikur cɔw mɛ̃. A lɛ n'a ɩ̃ ìr a fʋ ƴãw k'ɩ̃ɩ sãw fʋ bɛr, bʋ̃ʋ n'ʋ vɛ̃, ɩ̃ zɔ n a nɩbaalʋ lɛɛ tɩ bàl.

Zeremi 16:11

A lɛ pʋɔ a, fʋ na sɔw bɛ nɩ à ŋá: “À ŋá n'a a Sore yere: A nyɩ sãàkʋm-kore na zawrɩ mɛ̃ bɛr ɛ́ tu ŋmɩn-yoru pùor, maalɩ a ɛ́ gbĩ dume gũu tɩ tɔ tẽw a niŋé a n'a so. Mãa a, bɛ zawrɩ mɛ̃ na bɛr, bɛ bɛ sàw tu a ɩ̃ wulu ɛ.

Zeremi 17:13

Sore e, a Ɩsɩrayɛl ƴãw nɩ a ʋ tɩɛrʋ a fʋ ƴãw. Vĩ, a nyɔw a bɛlɩ dem na zawrɛ fʋ bɛrɛ a! A bɛlɩ dem na zãánɛ nɩ fʋ a, bɛ ɩ mɛ̃ yée na sɛb tanɛ pʋɔ a! Bʋ̃ʋ n'ʋ vɛ̃, bɛ zawrɩ fʋ na bɛr, Sore e, fʋ̃ʋ na ɩ a bul-nʋɔr na tɩrɛ a nyɔ-vʋʋrʋ a.

Zeremi 18:15

Ɛcɛ a ɩ̃ nɩ-bʋʋrɛ yiiri mɛ̃ na bɛr. Bɛ maalɛ nɩ bagɛ kʋ̀rɛ ŋmɩmɛ na bɛ ɩ ŋmɩmɛ a. A ŋmɩmɛ á ŋá ƴãw na bɛ ŋmɩɛr gbɛ́ɛ a sɔ́r zu. A ƴãw na bɛ bɛr a sɔ́r bɛ na tuur a koro za a, ɛ́ cere sɔrle na bɛ puo a zu.

Zeremi 19:4

Bʋ̃ʋ n'ʋ vɛ̃, a Zuda tẽw nɩbɛ zawrɩ mɛ̃ na bɛr, bɛ ɩ na bɛ bɛ lɛb cãà bãw a zie ŋa ɩ. Bɛ nyɩw nɩ tɩ-suur-zɔ̃-na-nyùur-vla-vla-a a zie ŋa pʋɔ kʋ̀ ŋmɩn-yoru. A bɛl mɩŋa, a bɛ sãàkʋm-kore nɩ a Zuda na-mɩnɛ bɛ tɩ bãw a ŋmɩmɛ á ŋá ɩ. Bɛ ɩ na kɛ̀ nɩbɛ na bɛ tɛr sãwna a zɩ̃ɩ cir pàw a zie ŋa.

Zeremi 2:13

A ɩ̃ nɩbɛ sãw nɩ gb'a ayi: bɛ zawrɩ mɛ̃ na bɛr, a mãa na ɩ a nyɔ-vʋʋrʋ kʋ̃ɔ bul-nʋɔr a, ɛ́ tuw sa-bie-kʋ̃ɔ-bɔwrɩ, bɔw-wɛrɩ na bɛ ganɛ kʋ̃ɔ a.»

Zeremi 2:17

Ɩsɩrayɛl i, à á ŋá za bɛ ta b fʋ na tɩ zawrɩ a Sore fʋ Naaŋmɩn bɛr, a lɛn daar ʋ na tɩ tɛr fʋ cere nɩ a sɔ́r zu a ɩ?

Zeremi 2:19

A fʋ ɩ-faa, ʋ dɔwrɩ fʋ! A fʋ pùor-lɛbrʋ ɩ-ɩrɩ, a kpãà fʋ! Lɛ n'a fʋ na nyɛ̃ ɛ́ bãw yel ŋa: a mãa, a Sore fʋ Naaŋmɩn zawr-bɛrʋ sɩrɩ na kpɛ faa ɛ́ buore! Sɩza n'a, fʋ bɛ cãà màwr a ɩ̃ niŋé ɩ. A Sore, a kpɛnʋ-za-sob'ʋ yel.»

Zeremi 2:28

Ɛcɛ, ɩ̃ na sɔw nyɩ na: “A nyɩ ŋmɩmɛ nyɩ na maalɩ a wa?” A ìr, alɛ na na tʋ̃ɔ́ faa nyɩ a lɛn daar nyɩ nãà wa be a kpɩɛrʋ pʋɔ a! Bʋ̃ʋ n'ʋ vɛ̃, Zuda nɩbɛ ɛ, a nyɩ ŋmɩmɛ yãwmɛ na mɛ̃ a nyɩ tẽ-bɛrɛ a!”

Zeremi 4:12

Sɛsɛb na tɛr fãw a n'ʋ ɩ̃ ƴãw k'ʋ yi a be waar. Ƴɛrɛŋa a, ɩ̃ na ɩ na bɛ bãw a lɛ ɩ̃ na dɩ n bɛ a ƴɛ̀rʋ a.»

Zeremi 4:28

Alɛ so a tẽw be a wahala pʋɔ, ɛ́ a saa-zu, a lige pàw a salom. Bʋ̃ʋ n'ʋ vɛ̃, ɩ̃ yel'ɩ a lɛ ɩ̃ na tɩ yel k'ɩ̃ɩ na ɩ na a, ɩ̃ kʋ̃ lɩɛbɩ bɛr ɛ, ɛ́ ɩ̃ kʋ̃ lɛb pùor ɛ.

Zeremi 44:17

Tɩ na ɩ n a lɛ za tɩ na yel a. Tɩ na nyɩw nɩ tɩ-suur-zɔ̃-na-nyùur-vla-vla-a, de nɩ divɛ̃ kʋ̀ a ŋmɩn-pɔw Asɩtarte, a salom pɔw-nãà, mɛ̃ a lɛ tɩ na ɩ wa tɔ a ka a, a tɩɩm tɛɛ za, a tɩ sãà mɩnɛ, a tɩ na-mɩnɛ nɩ a tõ-tõ-bi-bɛrɛ, a Zuda tẽ-bɛrɛ pʋɔ nɩ a Zerizalɛm sɛ́ɛ zu a. A lɛn daar a, tɩ tɩ tɛr'ɩ bʋ̃-dɩrɩ a man, ɛ́ tɩ vʋʋrɛ nʋ̃ɔ̀ pʋɔ bɛ bãw kpɩɛrʋ ɛ.

Zeremi 5:29

A Sore yere na: A bɛ fɛr k'ɩ̃ɩ ìr a bɛ ƴãw ɛ? a bɛ fɛr k'ɩ̃ɩ yáa a san a nɩ-bʋʋr-ŋa-tɔ zie bɩɩ?

Zeremi 5:9

A Sore yere na: A bɛ fɛr k'ɩ̃ɩ dɔwrɩ a nɩbɛ bɛ ŋa faa faa ɛ? A bɛ fɛr k'ɩ̃ɩ yáa a san a nɩ-bʋʋr-ŋa-tɔ zie ɩ?

Zeremi 51:17

A nɩbɛ za dɛ na mɩ́ àr lɛ, gem, ɛ́ bɛ bãw a pɛr ɛ. Vĩ nyɔw nɩ salm-nyɩlɛ za a ʋ tɩɩb ƴãw. A ʋ tɩbɛ dasuli ɩ n bɛ̀lʋ: vʋʋrʋ kãw za bɛ be a pʋɔ ɩ.

Zeremi 7:17

Fʋ bɛ nyɛ̃ a lɛ za bɛ na ɩrɛ a Zuda tẽ-bɛrɛ pʋɔ nɩ a Zerizalɛm tẽw sɛ́ɛ pʋɔ a ɩ?

Zeremi 7:18

A bibiir wobr'ɩ dali, a sãà mɩnɛ gbɔwr vũu, ɛ́ a pɔwbɛ nawr zɔ̃ kɛ́ bɛ maal'ɩ gato kʋ̀ a salom zu Pɔw-nãà. Al pùorí bɛ dier divɛ̃ kʋ̀rɛ ŋmɩn-sãanbɛ, ɩrɛ a kpɩɛr mɛ̃.

Zeremi 7:9

Ŋmɩŋmɩn za n'a nyɩ na zure, kʋrɛ, maalɛ pɩ̃ɔ-yele, pɔrɛ pɔ-ziri, maalɛ bagɛ kʋ̀rɛ a Báàl, zɔrɛ tuur ŋmɩn-yoru nyɩ na bɛ bãw a,

Ezekɩɛl 16:18

Fʋ pàw a na nɩ a fʋ kpar-mawrɩ. Fʋ de nɩ a ɩ̃ kãá nɩ a ɩ̃ tɩ-suur-zɔ̃-na-nyùur-vla-vla-a kʋ̀ a.

Ezekɩɛl 24:14

A mãa Sore n'ʋ yere, ɛ́ a na tu na. Ɩ̃ kʋ̃ lɛb pùor, ɛ́ kʋ̃ zɔ nɩbaalʋ ɛ. Ɩ̃ kʋ̃ yel kɛ́ mãa tɩ bãw kɛ́ lɛ bom kãw za ƴãw ɛ. Zerizalɛm i, ɩ̃ na dɩ n fʋ nɩ ƴɛ̀rʋ a fʋ nyɔ-vʋʋrʋ nɩ a fʋ ɩb ƴãw. A mãa Sore Naaŋmɩn n'ʋ yere.»

A naaŋmɩn-ƴèr-manɛ Oze sɛbɛ 11:2

Ɛcɛ a pùorí, a lɛ ɩ̃ na nɩ̃ɛ mɩ́ tɩ bʋɔlɛ bɛ a n'a, bɛ mɩ́ lɛb bãw ƴãw fãw cere zãánɛ nɩ mɛ̃. Bàál mɩnɛ nɛbɛ bɛ maalɩ bàwr kʋ̀, ɛ́ nyɩw de-kʋ̀b bome ƴãw tɩbɛ nɩsaal na pɛnɩ a.

A naaŋmɩn-ƴèr-manɛ Oze sɛbɛ 8:6

Ɩsɩrayɛl tẽw n'a ʋ yi, bʋ̃-maalɛ kãw n'ʋ maalɩ ʋ, ʋ bɛ ɩ Naaŋmɩn ɛ. Ʋ̃ʋ, a Samaari tẽw nadele na ŋmɛr'a yaarɩ pɩrɩsɩsɩ.

Zowɛl 2:11

A Sore be n a ʋ zɛbr-nɩbɛ niŋé ɛ́ ŋmɛrɛ kɔkɛɛ. A ʋ zɛbr-nɩbɛ ʋ na mɩ́ ƴɛ̀r, bɛ tu a lɛ ʋ na yel a yãwmɛ na ɛ́ tɛr fãw bɛ dɩ vuo ɩ. A Sore bibir ɩ n kpɛ̃ɛ, ʋ tɛr'ɩ pʋl-vʋ̃ɔ-yaga, ãa n'ʋ na tʋ̃ɔ́ ʋ?

Nɩ-toni 7:41

A alɩ bibie nɛ pʋɔ n'a bɛ tɩ maalɩ nadele ɛ́ maalɩ bàwr kʋ̀ ʋ, ɛ́ maalɩ cuw-kpɛ̃ɛ a bɛ nuru bʋ̃-maala ƴãw.

Wulu-ayi-sob 28:20

A Sore na ɩ na a ŋmɛ-ƴãw, a dɛ̃bɩ̃ɛ nɩ a niw-sʋba tuur nyɩ a nyɩ yel-maalɩ za pʋɔ, ɛ́ gù bɛ wa tɩ kʋ nyɩ pàw pɛr, ɛ́ gù nyɩ wa tɩ baarɩ fɔ̃wlɛ, a yel-faa nyɩ na na maalɩ zawrɩ a Sore bɛr a ƴãw.

Wulu-ayi-sob 31:16

A Sore tɩ yel'ɩ a Moyiir à ŋá: «Fʋ kʋ̃ yaa kɛ́ kpi cen tɩ páw a fʋ sãà mɩnɛ ɩ. Al pùorí, a Ɩsɩrayɛl nɩbɛ na zɔ na tu ŋmɩn-yoru, a tẽw ʋl pʋɔ bɛ na na kpɛ a ŋmɩmɛ. Bɛ na zawrɩ mɛ̃ na bɛr, sãw a wõ-taa ɩ̃ na maal'ɩ bɛ a bɛr.

Zozue 24:20

Nyɩmɛ wa zawrɩ a Sore bɛr, ɛ́ maalɛ ŋmɩn-yoru a, ʋ na ìr'ɩ a nyɩ ƴãw, ʋ na maalɩ nyɩ nɩ faa, ɛ́ kʋ nyɩ pàw pɛr, ʋl na tɩ dãw maalɩ nyɩ vla a.»

Yel-wula 9:20

A nɩsaalbɛ bɛl na tɩ cɛ a, a bɛl a bʋ̃-faar ata al na bɛ tɩ kʋ a, bɛ tɩ bɛr a bɛ tõ-faar ɛ, bɛ tɩ cãà na puore a kɔ̃tɔmɛ nɩ a tɩbɛ bɛ na maalɩ nɩ salm-zɩɛ nɩ salm-pla a, bɛ na maalɩ nɩ kure nɩ kʋsɛbɛ nɩ dàar a, tɩbɛ na kʋ̃ tʋ̃ɔ́ nyɛ̃ bom, kʋ̃ tʋ̃ɔ́ wõ bom ɛ́ kʋ̃ tʋ̃ɔ́ cen a.