Zakɩ 4:3 - A SƐB-SÕW

³ Nyɩ mɩ́ zɛlɩ na ɛ́ bɛ páw ɛ, a nyɩ tɩɛrʋ na bɛ vɩɛl a ƴãw: nyɩ na mɩ́ zɛlɛ a nyɩ nʋ̃ɔ̀ wob tɛwr ƴãw a.

Zakɩ 4:3 Iomraidhean Croise

1 Na-mɩnɛ 3:11

A Naaŋmɩn tɩ sɔw nɩ a nãà à ŋá: «Fʋ bɛ zɛlɩ nyɔ-vʋʋr-wogo ɩ, bɛ zɛlɩ a tɛra ɩ, bɛ zɛlɩ a fʋ dɔ̃ dem kũu ɛ. Fʋ zɛlɩ na kɛ́ fʋ bãw a yele jielu vla, tʋ̃ɔ́ kaarɛ a nɩbɛ zie nɩ mɩnʋ. À ŋá na n'a fʋ zɛlɩ a,

A Zɔb sɛbɛ 35:12

A nɩbɛ mɩ́ ŋmɩɛr'ɩ cɛlsɩ ziir za bɔbr'ɩ sõwfʋ, a yel-fa-maalbɛ na ɩ pɔ̀lʋ tɛwr a zũú, ɛcɛ a Naaŋmɩn bɛ mɩ́ sɔw bɛ ɩ.

Sɛb-sõw yielu 18:41

Fʋ ɩ na a ɩ̃ dɔ̃ dem lɩɛb zɔ a ɩ̃ niŋé, ɛ́ ɩ ɩ̃ tʋ̃ɔ́ a bɛlɩ dem na hɩ̃ɛn mɛ̃ a pẽlẽpẽlẽ.

Zʋkpaɩ 1:28

Lɛ n'a nyɩ na bʋɔlɛ mɛ̃ ɩ̃ɩ kʋ̃ sɔw nyɩ ɛ, nyɩ na bɔbr mɛ̃ ɛ́ kʋ̃ nyɛ̃ m ɛ.

Zʋkpaɩ 15:8

A Sore bɛ nɔnɛ a nɩ-faar bagɛ towtow ɛ, ɛcɛ ʋ mɩ́ pɛlɩ nɩ pʋɔ de a nɩ-dẽdẽ mɩnɛ puoru.

Zʋkpaɩ 21:13

Nɩr wa fur a ʋ tobe a lɛn daar a bãbàal na kone bʋɔlɛ a, ʋ mɩ̀ kʋ̃ páw sɔwfʋ a lɛn daar ʋlɛ mɩ́ wa bʋɔlɛ a ɩ.

Zʋkpaɩ 21:27

A nɩ-faar bàwr ɩ n bʋ̃-faa faa, bɛ na baa mɩ́ maalɩ ʋ nɩ tɩ́ɛrʋ na bɛ vɩɛl a.

Zeremi 11:11

À na ɩ à ŋá a, à ŋá n'a a Sore yere: Ɩ̃ na ɩ na faa bɛ na kʋ̃ tʋ̃ɔ́ yi a ʋ pʋɔ a wa a bɛ zu. Bɛ na kõ na bʋɔlɩ mɛ̃, ɩ̃ɩ kʋ̃ bɛr wõ bɛ ɩ.

Zeremi 11:14

Ɛ́ a fʋ̃ʋ Zeremi a, taa zɛlɛ bom kãw za a nɩbɛ bɛ ŋa ƴãw ɛ, taa ɩrɛ kɛ̀ puoru bɩɩ yãayãa zɛlʋ kãw za dúor waar a ɩ̃ zie a bɛ ƴãw ɛ. Bʋ̃ʋ n'ʋ vɛ̃, ɩ̃ kʋ̃ bɛr wõ bɛ a lɛn daar bɛ nãà wa be a bɛ kpɩɛrʋ pʋɔ ɛ́ bʋɔlɛ mɛ̃ a ɩ.»

Zeremi 14:12

Bɛlɛ saa tɛr mʋta-tuo a, ɩ̃ kʋ̃ bɛr wõ a bɛ yãayãa zɛlʋ ɛ. Bɛlɛ saa maalɩ nyɩw-a-za-bagɛ, tɩr'ɩ de-kʋ̀b bome kʋ̀ m a, à á ŋá za kʋ̃ pɛlɩ a ɩ̃ pʋɔ ɩ. Ɛcɛ zɛbr, kɔ̃ nɩ jɛ̀lmɛ̃ bàalʋ n'a ɩ̃ na kʋ n bɛ pàw pɛr.»

Mise 3:4

Lɛ so, bɛlɛ wa kone bʋɔlɛ a Sore a, ʋ kʋ̃ sɔw bɛ ɩ, ʋ kʋ̃ ŋmɛlɩ kaa bɛ a lɛn daar ɛ, a yel-faar bɛ na maalɩ a ƴãw.

Zakari 7:13

ɛ́ yel: «Bɛ na zawrɩ na bɛr wõ m a lɛn daar ɩ̃ na tɩ yel kɛ́ bɛ sàw a nʋɔr a, ɩ̃ mɩ̀ tɩ zawr'a na sɔw bɛ, a lɛn daar bɛ na tɩ yel k'ɩ̃ɩ faa bɛ a.

Matie 20:22

A Yeezu tɩ sɔw na: «Nyɩ bɛ bãw a ʋlɩ bom nɛ nyɩ na zɛlɛ a ɩ. Nyɩ na tʋ̃ɔ́ na nyũ a tuo koli-nyúura ʋl ɩ̃ na na nyũ a?» Bɛ tɩ sɔw na: «Tɩ na tʋ̃ɔ́ na.»

Markɩ 10:38

A Yeezu tɩ yel bɛ na: «Nyɩ bɛ bãw a ʋlɩ bom nɛ nyɩ na zɛlɛ a ɩ. Nyɩ na tʋ̃ɔ́ na nyũ a tuo koli-nyúura a na fɛr k'ɩ̃ɩ nyũ a, ɛ́ de a kpɩɛrʋ suob a na fɛr k'ɩ̃ɩ de a?»

Luka 11:10

Bʋ̃ʋ n'ʋ vɛ̃, sob nɛ za na zɛlɛ a, ʋ mɩ́ páw na, sob nɛ za na bɔbr a, ʋ mɩ́ nyɛ̃ na, sob nɛ za na kpàwrɛ a pan a, bɛ mɩ́ yuo ʋ na.

Luka 15:13

Bibie blãlɛ pùorí, a bidɛb-bile tɩ wob'ɩ a ʋ bome za ɓã taa yi cen nɩ tẽ-zãána kãw, tɩ bʋnɩ ɩrɛ, sãw a za bɛr.

Luka 15:30

Ɛcɛ a fʋ bie ŋa, na de a fʋ bome tu n pɔwbɛ pùor sãw a za bɛr a, ʋ na wa lɛb wa a, fʋ kʋ n a nadeli-'wɔr kʋ̀ ʋ!”

Zakɩ 4:1

A taw-taa nɩ a zɛbr na mɩ́ be a nyɩ cara pʋɔ a, nyɩnɛ n'a a mɩ́ yi? A nʋ̃ɔ̀ faar vʋla na mɩ́ mʋɔr a nyɩ ƴã-gamɛ pʋɔ a, be bɛ n'a a mɩ́ yi ɛ?

1 Zã 3:22

Ɛ́ bom za tɩ na zɛlɛ a, tɩ mɩ́ páw ʋ nɩ a ʋ zie, tɩ na sàwr a ʋ nɛ-ƴãwnɩ ɛ́ ɩrɛ a lɛ na pɛlɩ a ʋ pʋɔ a ƴãw.

1 Zã 5:14

Ɛ́ bom ŋa n'ʋ so tɩ mɩ́ bɛr tɩɛrʋ a Naaŋmɩn niŋé: tɩmɛ wa zɛlɛ bom a tu a ʋ pʋ-tɩɛrʋ a, ʋ mɩ́ bɛr'a wõ a tɩ zɛlʋ.