Ʋrɔm 2:3 - A SƐB-SÕW

³ Fʋ̃ʋ na bãwnɛ a fʋ taabɛ yel-faar ɛ́ mɩ̀ tɛr a alɩ yel-faar nɛ a, fʋ tɩɛrɛ kɛ́ fʋ na tʋ̃ɔ́ na nɩɩrɩ a Naaŋmɩn dɔwrʋ bɛr bɩɩ?

Ʋrɔm 2:3 Iomraidhean Croise

2 Samɩɛl 10:3

a Amɔ̃ tẽw nɩ-bɛrɛ tɩ yel'ɩ a bɛ zu-sob Hanun: «Fʋ tɩɛr k'aa fʋ sãà ƴãwfʋ tɛwr ƴãw n'a, a Daviir tõ tõ-tõ-bi-bɛrɛ kɛ́ bɛ wa puori fʋ a wahala bɩɩ? A tɩ tẽ-kpɛ̃ɛ piwru nɩ a ʋ ŋmɛ-lɔbrʋ ƴãw nɩ̃ɛ bɛ n'a ɩ?»

A Zɔb sɛbɛ 35:2

Fʋ̃ʋ zie a, Zɔb i, fʋ tɛr'ɩ yel-mɩŋa fʋ na mɩ́ wa yel a Naaŋmɩn: «Mãa bɛ wa tɛr sãwna a, a bɛ ɩrɛ fʋ bom za ɩ! Mãa kɔnɩ a, ɩ̃ bɛ nyɛrɛ tɔnɛ kãw za a pʋɔ ɩ!» Fʋ tɩɛrɛ nɩ sɩza kɛ́ fʋ mɩ́ yel'ɩ yel-mɩŋa a Naaŋmɩn niŋé e?

Sɛb-sõw yielu 50:21

À ŋá n'a fʋ ɩrɛ, ɩ̃ɩ na ɩ gbili i? Fʋ tɩ́ɛrɛ k'ɩ̃ɩ ŋmɛ̃ na mɛ̃ a fʋ̃ʋ a bɩɩ? Ɩ̃ na yere fʋ na, ɛ́ manɩ a fʋ sãwna za a fʋ niŋé.

Sɛb-sõw yielu 56:7

Bɛ bʋ̀rɛ nɩ taa, bɛ sɔwl'a, bɛ piwre nɩ a ɩ̃ gbɛ-ceni, mɛ̃ nɩbɛ na bɔbr a ɩ̃ nyɔ-vʋʋrʋ íru a.

Zʋkpaɩ 11:21

A bɛ tɛr à ŋá ɩ, a nɩ-faa kʋ̃ vɛ̃ bɛ nyɛ̃ dɔwrʋ ɛ, ɛcɛ a nɩ-mɩn za na cɩ̃ɛ na.

Zʋkpaɩ 16:5

A Sore bɛ nɔnɛ a pɔ̀lʋ dem towtow ɛ. Bʋnʋ bɛ ka be ɩ, bɛ na nyɛ̃ nɩ dɔwrʋ.

Ezekɩɛl 17:15

Ɛcɛ a na-paala ìr'ɩ a Babɩlɔn tẽw nãà zu. Ʋ tõ n nɩbɛ bɛ cen Eziptɩ tẽw kɛ́ bɛ tɩ zɛlɩ wie nɩ sojarɩ yaga. A sob nɛ na ɩ à à ŋá a, ʋ na tʋ̃ɔ́ na a? Ʋ na tʋ̃ɔ́ na cɩ̃ɛ ɛ? Ʋ̃ʋ'hʋ̃, ʋ kʋ̃ tʋ̃ɔ́ cɩ̃ɛ ɩ, ʋ na sãw a wõ-taa bɛr a zũú!

Ezekɩɛl 17:18

Ʋ na bɛ tu a pɔb ʋ na tɩ pɔ a, a Ɩsɩrayɛl nãà sãw nɩ a wõ-taa bɛr. Ʋ tɩ ƴãw nɩ nʋɔr ɛ́ wa ɩ à à ŋá. A lɛ pʋɔ a, ʋ kʋ̃ cɩ̃ɛ ɩ!

Matie 23:33

Wɩɩr nɩ dɔpan bʋʋrɛ bɛ ŋa! Ŋmɩŋmɩn n'a nyɩ na tʋ̃ɔ́ nɩɩrɩ a tẽ-faa dɔwrʋ bɛr?

Matie 26:53

Fʋ tɩɛr k'ɩ̃ɩ kʋ̃ʋ tʋ̃ɔ́ zɛlɩ a ɩ̃ Sãà ʋ kʋ̀ m malkɩ yaga yaga daadaalɛ bɩɩ?

Luka 12:14

A Yeezu tɩ sɔw ʋ na: «Ɩ̃ bá a, ãa n'ʋ ƴãw mɛ̃ k'ɩ̃ɩ ɩ a nyɩ ƴɛ̀r-maalɛ bɩɩ a nyɩ bʋ̃-pone?»

Luka 22:58

Blã na wa pʋɔ a, nɩr kãw na tɩ nyɛ̃ ʋ a, tɩ yel'a: «A fʋ̃ʋ mɩ̀ a, fʋ pʋɔ nɩ a bɛ pʋɔ!» Ɛcɛ a Pɩɛr tɩ yel'a: «Ɩ̃ bɛ pʋɔ bɛ pʋɔ ɩ.»

Luka 22:60

Ɛcɛ a Pɩɛr tɩ yel'a: «Ɩ̃ bɛ bãw ʋlɩ bom nɛ fʋ na yere a ɩ.» Ʋ tɩ cãà na ƴɛ̀rɛ, ɛ́ daadaalɛ nʋra kõ.

Ʋrɔm 1:32

Bɛ na saa bãw a lɛ a Naaŋmɩn na ƴɛ̀r bin, kɛ́ bɛlɩ dem na maalɛ a yel-faar á ŋá taabɛ a, sɛwnɩ nɩ kũu a, bɛ maalɛ na, ɛ́ cãà mɩ́ lɛb kpɛ a bɛlɩ dem na ɩrɛ à à ŋá a.

Ʋrɔm 2:1

A na ɩ à ŋá a, fʋ̃ʋ saa ɩ nɩ-ŋmɩŋmɩn a, fʋ kʋ̃ tʋ̃ɔ́ yel kɛ́ fʋ bɛ bãw kɛ́ lɛ ɩ, fʋ̃ʋ na bãwnɛ a fʋ tɔ yele a. Fʋ na bãwnɛ a fʋ tɔ yele a, a fʋ mɩŋa sãwna n'a fʋ wule, fʋ̃ʋ mɩ̀ na mɩ́ ɩrɛ a lɛ tɔr za a.

Ʋrɔm 2:2

Ɛcɛ, tɩ bãwnɩ a na, a bɛlɩ dem na mɩ́ tɛr a ɩ-ɩrɩ á ŋá taabɛ a, Naaŋmɩn mɩ́ maal'ɩ bɛ nɩ a ƴɛ̀rʋ a tu yel-mɩŋa.

Ʋrɔm 9:20

Ɛcɛ ãa nɩ̃ɛ nɛ b, nɩsaal i, na ƴɛ̀rɛ lɩɛrɛ nɩ a Naaŋmɩn? Yawra bʋ̃-mɩɛra na tʋ̃ɔ́ na yel a ʋ mɩɛrɛ kɛ́ bʋnʋ ƴãw n'a ʋ mɛ ʋ à à ŋá bɩɩ?

1 Tesalonikɩ 5:3

A lɛn daar a nɩbɛ nãà wa yere: «Ƴã-ɓaarʋ bɔkɔɔ! Damnʋ za yee!» Lɛn daar'a a yele na ùr sãw a bɛ zie mɛ̃ 'wɔbrʋ na nyɔw pɔw-pʋɔ a, ɛ́ bɛ kʋ̃ tʋ̃ɔ́ zɔ cɩ̃ɛ ɩ.

Ebre 12:25

Nyɩ gù vla taa wa zawrɛ a sob nɛ na ƴɛ̀rɛ a nyɩ zie a ƴɛ̀rʋ bɛr-wob ɛ. Bʋ̃ʋ n'ʋ vɛ̃, a bɛlɩ dem na tɩ zawrɩ a sob nɛ na kpãànɛ bɛ a tẽw zu ka a bɛr a, bɛ bɛ cɩ̃ɛ ɩ, ɛ̀ bɛ nãà yere a tɩɩm ɩ, tɩ mɩ̀ kʋ̃ cɩ̃ɛ ɩ, tɩmɛ wa gùr pùor cɔw a sob nɛ na be a tẽ-vla pʋɔ ɛ́ ƴɛ̀rɛ a tɩ zie a.

Ebre 2:3

Ɛ́ ŋmɩŋmɩn n'a a tɩɩm na ɩ cɩ̃ɛ, tɩmɛ bɛ wa cɛlɛ a faafʋ kpɛ̃ɛ ŋa tɔ zie a? A Sore mɩŋa n'ʋ de niwn ƴɛ̀r a faafʋ ŋa ƴɛ̀rʋ. Al pùorí, a bɛlɩ dem na wõ a Sore ƴɛ̀rʋ a mɩ̀ yel kʋ̀ tɩ kɛ́ sɩza n'a.