Ʋrɔm 15:5 - A SƐB-SÕW

⁵ A Naaŋmɩn na ɩ su-nyɔwra nɩ mɔwlʋ sob a, ʋ ɩ nyɩ cɔwrɛ a Yeezu Kɩrɩta, wone taa vla a nyɩ cara pʋɔ.

Ʋrɔm 15:5 Iomraidhean Croise

2 Bibie za yel-manɩ 30:12

A Zuda naalʋ-tẽw pʋɔ a, a Sore tɩ ɩ na a nɩbɛ lãw taa sàw tu a lɛ a nãà nɩ a ʋ tõ-tõ-bi-bɛrɛ na tɩ yel a.

Sɛb-sõw yielu 86:5

Fʋ̃ʋ a, Sore e, fʋ ɩ n nɩ-vla, ɛ́ dɩrɛ suur, a fʋ nɔ̃wfʋ bɛ dɩ vuo a bɛlɩ dem na bʋɔlɛ fʋ a ƴãw ɛ.

Eziptɩ tẽw yib 34:6

Al pùorí, ʋ tɩ tɔl'ɩ a Moyiir niŋé, ɛ́ yel kpɛ̃w za: «Mãa n'ɩ a Sore! Ɩ̃ ɩ n Naaŋmɩn na ɩ pʋ-pɩɛlʋ sob, ɛ́ zɔrɛ nɩbaalʋ a, a suur na bɛ pawr, ɛ́ a nɔ̃wfʋ bɛ dɩ vuo, ɛ́ ŋmɛ̃ ʋ ŋmɛ̃a a.

Zeremi 32:39

Ɩ̃ na kʋ̀ bɛ nɩ soci-been nɩ ɩb na ɩ been a, bɛ tʋ̃ɔ́ ƴãwnɛ mɛ̃ kʋralɛ. A lɛ pʋɔ a, nʋ̃ɔ̀ na ɩrɛ bɛ na, a bɛl nɩ a bɛ bibiir a bɛ pùorí.

Ezekɩɛl 11:19

Ɩ̃ na kʋ̀ nyɩ nɩ soci-paala, ɩ̃ na ƴãw nyɩ nɩ tɩɛr-paala. Ɩ̃ na ír'ɩ a kʋsɩɛr socir bɛr a nyɩ ƴã-ganɩ́ ɛ́ ƴãw nyɩ ƴã-gã-nɛn socir.

Nɩ-toni 4:32

A nɩ-yaga bɛl za, na tɩ sàw de a Yeezu yele a, tɩ lãw nɩ soci-been nɩ tɩɛr-been. Kãw za bɛ mɩ́ tɩ yere kɛ́ ʋl yõ so a ʋ bʋ̃-tɛrɩ ɛ, ɛcɛ a bɛ bʋ̃-tɛrɩ za mɩ́ tɩ ɩ n a bɛ za dem.

Ʋrɔm 12:16

Nyɩ ƴãw fãw wone taa vla. Nyɩ ta bɔbr a yúor ɛ, ɛcɛ nyɩ tuur a yele al na waar'ɩ tʋɔra-siwru a pùor. Nyɩ ta mɩ́ de nyɩ tʋɔra bʋɔlɛ yã-bãwnbɛ ɩ.

Ʋrɔm 15:13

A Naaŋmɩn na n'ʋ tɩ mɩ́ tɩɛrɛ a, ʋ ɩ kɛ̀ nʋ̃ɔ̀ nɩ ƴã-ɓaarʋ paalɩ nyɩ a nyɩ sàw-deb pʋɔ, k'aa nyɩ tɩɛrʋ nyɩ na ƴãw a Naaŋmɩn ƴãw a, ɩ kpɛ̃ɛ yaga za a Vʋʋrʋ Sõw fãw zũú.

Ʋrɔm 15:3

Bʋ̃ʋ n'ʋ vɛ̃, a Kɩrɩta bɛ tɩ bɔbr k'ʋʋ ɩrɛ lɛ na nʋmɛ a ʋ zie a ɩ, ɛcɛ a nɩ̃ɛ na tɩ ɩ mɛ̃ à ŋá a Sɛb-sõw na yere a: «A fʋ zʋm-tʋʋrbɛ zʋmɛ lo n a ɩ̃ zu.»

1 Korɛ̃tɩ 1:10

Yɛbr i, ɩ̃ zɛlɛ nyɩ nɩ yãayãa a tɩ Sore Yeezu Kɩrɩta yúor ƴãw, nyɩ za nyɩ lãw nʋɔr, nyɩ ta ɩ bʋ́r-taa be a nyɩ cara pʋɔ ɩ. Nyɩ lãw yã ɛ́ tɛr tɩɛr-been.

2 Korɛ̃tɩ 13:11

Ƴɛrɛŋa a, yɛbr i, nyɩ cɩlɛ, nyɩ ƴãw fãw ɩrɛ kɛ́ nyɩ vɩɛl tɩ tɔ, nyɩ kpaalɛ taa, nyɩ lãw taa tɩɛrʋ, nyɩ tɛr a ƴã-ɓaarʋ, ɛ́ a nɔ̃wfʋ nɩ a ƴã-ɓaarʋ Naaŋmɩn na be n a nyɩ zie.

2 Korɛ̃tɩ 7:6

Ɛcɛ Naaŋmɩn na mɔwlɛ a bɛlɩ dem na mɩ́ siwre bɛ tʋɔra a, ʋ mɔwlɩ tɩ nɩ a Títɩ̀ waa pʋɔ.

Efɛɛzɩ 5:2

Nyɩ tɛr nɔ̃wfʋ ɩ-ɩrɩ mɛ̃ a Kɩrɩta a, ʋ nɔ̃w tɩ na ɛ́ de ʋ tʋɔra tɩr a tɩ ƴãw, ɩ de-kʋ̀b-bom nɩ bàwr-maal-bom na nyuur nʋ̃ɔ̀ nʋ̃ɔ̀ a Naaŋmɩn zie a.

Filib 1:27

Alɛ saa ŋmɛ̃ ŋmɩŋmɩn a, nyɩ ɩ a nyɩ nyɔ-vʋʋrʋ tuur a Kɩrɩta Yel-nʋ̃ɔ̀, kɛ̀ mãa wa wa a nyɩ nyɛ́b bɩɩ mãa bɛ wa ka be a, mãa wone kɛ́ nyɩ lãw nɩ taa tɛr tɩɛr-been kpɛ̃w za, kɛ́ nyɩ lãw nɩ soci-been zɛbr a naaŋmɩn-sàwfʋ na yi a Yel-nʋ̃ɔ̀ pʋɔ a zɛbr,

Filib 2:2

nyɩɩm ɩ a ɩ̃ nʋ̃ɔ̀ paalɩ tɩ tɔ. Nyɩ ɩ a nyɩ socie lãw taa, a nyɩ nɔ̃wfʋ nɩ a nyɩ tɩɛrʋ, a ɩ been. Nyɩ bɔbr kɛ́ nyɩ lãw taa ɩ been.

Filib 3:16

Alɛ saa ŋmɛ̃ ŋmɩŋmɩn a, nyɩ ɩ tɩ cãà lo a ʋlɩ sɔr-been nɛ.

Filib 4:2

Ɩ̃ zɛlɛ nɩ a Evodi nɩ a Sɛ̃tisi yãayãa, kɛ́ bɛ tɛr wõ-taa lãwnɩ a Sore.

1 Pɩɛr 3:20

a pɛr lɛ kɛ́ a bɛlɩ dem na tɩ dãw zawrɩ a Naaŋmɩn ƴɛ̀rʋ sàwfʋ a lɛn daar ʋ na tɩ nyɔw a ʋ suur, a bibie al a Nowe na tɩ maalɛ a gbor-kpɛ̃ɛ a. Nɩbɛ blãlelɛ tɛwr nɛbɛ, bɛ za tɩ ɩ n nɩbɛ ani, bɛlɛ nɛbɛ tɩ kpɛ a gbor-kpɛ̃ɛ pʋɔ a kʋ̃ɔ fáa bɛ.

1 Pɩɛr 3:8

Ɩ̃ pãa yere na kʋ̀rɛ nyɩ za, nyɩ lãw taa tɩɛrʋ: nyɩ sõwne taa a kpɩɛrʋ pʋɔ, nyɩ nɔnɛ taa mɛ̃ yɛbr a, nyɩ ɩ su-ɓaarʋ nɩbɛ, nyɩ siwre nyɩ tʋɔra.

2 Pɩɛr 3:15

Nyɩ bãwnɩ a, a Sore wa nyɔw ʋ tʋɔra kɔwrɩ a, a nyɩ faafʋ n'a, mɛ̃ a lɛ a tɩ yɛb nɩ a tɩ bá Pol na sɛb kʋ̀ nyɩ nɩ a yã-bãwfʋ a Naaŋmɩn na kʋ̀ ʋ a.

2 Pɩɛr 3:9

A Sore bɛ cɛlɛ a ʋ nʋɔr ʋ na ƴãw a tub ɛ, mɛ̃ bɛ mɩnɛ kãw na yel k'ʋʋ cɛlɛ na a ɩ. Ɛcɛ, a nyɩɩm ƴãw n'a ʋ nyɔw ʋ tʋɔra bɛ páwr ɛ, ɛ́ bɔbr kɛ́ nɩr kãw za taa wa bɔrɛ ɩ, ɛ́ a nɩbɛ za lɩɛbɩ a bɛ ɩb.