Ʋrɔm 12:1 - A SƐB-SÕW

¹ A na ɩ à ŋá a, yɛbr i, ɩ̃ zɛlɛ nyɩ na a Naaŋmɩn su-ɓaarʋ zũú, kɛ́ nyɩ mɩ́ de nyɩ tʋɔra kʋ̀ a Naaŋmɩn mɛ̃ bàwr-maal-bʋ̃-vʋbɛ na ɩ son ɛ́ nʋmɛ a ʋ zie a: lɛ n'ɩ a nyɩ Naaŋmɩn puoru na ɩ sɩza a.

Ʋrɔm 12:1 Iomraidhean Croise

Sɛb-sõw yielu 116:12

Ŋmɩŋmɩn n'a ɩ̃ na ɩ yaa a maalʋ al za a Sore na maalɩ mɛ̃ a san?

Sɛb-sõw yielu 19:14

Mɩ̀ gù a fʋ tõ-tõ-bie a pɔ̀lʋ dem ƴãw, bɛ taa wa nanɩ tʋ̃ɔ́nɛ mɛ̃ ɩ. Lɛ n'a ɩ̃ kʋ̃ tɛr sãwna ɩ, ɛ́ yel-bier-kpɛ̃ɛ dɛwr kʋ̃ be ɩ̃ zie ɩ.

Ɩzayi 56:7

ɩ̃ na ƴãw na bɛ wa a ɩ̃ tãw-sõw zu, ɩ̃ na ɩ na nʋ̃ɔ̀ kpɩɛr bɛ yaga za a yir ʋl pʋɔ a nɩbɛ na puore mɛ̃ a. Ɩ̃ na mɩ́ pɛlɩ nɩ pʋɔ de a bagɛ nɩ a de-kʋ̀b bome bɛ na kʋ̀rɛ mɛ̃ a bàwr-maal-kuur zu a. Bʋ̃ʋ n'ʋ vɛ̃, bɛ na bʋɔlɛ nɩ a ɩ̃ yir: “Puoru yir a nɩ-bʋʋrɛ za ƴãw”.»

Zeremi 6:20

Bʋ̃ʋ n'ʋ ɩ̃ ɩrɛ nɩ a Saba tẽw tɩ-suur-zɔ̃-na-nyùur-vla-vla-a? nɩ a tẽ-zãána bàa-kɛkɛr na nyuur vla a? A bɛ nyɩw-a-za-bagɛ a, ɩ̃ bɛ bɔbr a ɩ, a bɛ bàwr-maal-bome bɛ nʋmɛ a ɩ̃ zie ɩ.

A naaŋmɩn-ƴèr-manɛ Oze sɛbɛ 14:2

Ɩsɩrayɛl i, lɛb wa a Sore fʋ Naaŋmɩn zie. Bʋ̃ʋ n'ʋ vɛ̃, a fʋ sãwna n'a ɩ fʋ ŋmɛ gbɛ́r lo.

Luka 7:47

Mãa wa yere kʋ̀rɛ fʋ k'ʋʋ páw nɩ a ʋ yel-bebe na yãwmɛ bɛ dɩ vuo a suur a, ʋ na wul nɔ̃wfʋ yaga a n'a so. Ɛcɛ sob nɛ bɛ na mɩ́ dɩ suur kʋ̀ blã a, ʋ mɩ́ wul'ɩ nɔ̃wfʋ blã.»

Ʋrɔm 12:2

Nyɩ ta de a nyɩ ɩb tuur'ɩ a dɩ̃a zie ŋa ɩb ɛ, ɛcɛ nyɩ bɛr a Naaŋmɩn ʋ lɩɛbɩ nyɩ ɛ́ kʋ̀ nyɩ yã-paala. Lɛ n'a nyɩ na mɩ́ tʋ̃ɔ́ jɛl bãw a Naaŋmɩn pʋ-tɩɛrʋ: ʋlɩ bom nɛ na vɩɛl a, ʋlɩ bom nɛ na pɛlɩ a ʋ pʋɔ a, ʋlɩ bom nɛ na vɩɛl ʋ za bɛ cɛ a.

Ʋrɔm 15:16

k'ɩ̃ɩ ɩ a Yeezu Kɩrɩta tõ-tõ-bie a nɩ-bʋʋr-yoru ƴãw. Tõ-sõw n'ʋ ɩ̃ tone hiere a Naaŋmɩn Yel-nʋ̃ɔ̀, k'aa nɩ-bʋʋr-yoru lɩɛbɩ bàwr-maal-bom na nʋmɛ a Naaŋmɩn zie a, bàwr-maal-bom Vʋʋrʋ Sõw na ɩ k'ʋ ɩ sõw a.

Ʋrɔm 15:30

Ɛcɛ yɛbr i, bom ŋa n'ʋ ɩ̃ zɛlɛ a nyɩ zie, a tɩ Sore Yeezu Kɩrɩta ƴãw, nɩ a nɔ̃wfʋ a Vʋʋrʋ Sõw na tɩrɛ a ƴãw: nyɩ lãw nɩ mɛ̃ a ɩ̃ mɔb pʋɔ, puore a Naaŋmɩn kʋ̀rɛ mɛ̃.

Ʋrɔm 2:4

Bɩɩ fʋ bɛ ŋmɛlɛ kaar a Naaŋmɩn ɩ-vɩɛlɩ na bɛ dɩ vuo a, nɩ a ʋ su-bɛ-pawra nɩ a ʋ su-nyɔwra ʋ na tɛr a fʋ zie a ɩ? Fʋ bɛ bãwnɩ a k'aa Naaŋmɩn ɩ-vɩɛlɩ á ŋá fɛrɛ fʋ na kɛ́ fʋ lɩɛbɩ a fʋ ɩb ɛ?

Ʋrɔm 6:13

Nyɩ ta cãà dier a nyɩ ƴã-gã-ɓɛrmɛ a lɩɛbɩ yel-bier tõ-tõ-bome, nyɩ ɩrɛ nɩ a lɛ na bɛ tu sɔ́r a ɩ. Nyɩ nɩ̃ɛ vɛ̃ kɛ́ de nyɩ mɩŋa kʋ̀ a Naaŋmɩn, mɛ̃ nɩbɛ na tɩ kpi ɛ́ lɛb wa vʋʋrɛ a, ɛ́ nyɩ tone a ʋ tome, ɩ mɛ̃ tõ-tõ-bome a yel-vla maalʋ ƴãw a.

Ʋrɔm 6:16

Nyɩ bɛ bãwnɩ a kɛ́ nyɩmɛ wa de nyɩ tʋɔra kʋ̀ nɩr, kɛ́ nyɩ ɩ gbãgbaar sàwr a ʋ nʋɔr a, nyɩ lɩɛb'ɩ a sob nɛ nʋɔr nyɩ na sàwr a gbãgbaar ɛ? A yel-bier wa n'ʋ a, nyɩ bɛ bãwnɩ a k'ʋʋ wɩɛr'ɩ nyɩ nɩ kũu pʋɔ ɩ? A nʋɔr-sàwfʋ wa n'ʋ a, k'ʋʋ wɩɛr'ɩ nyɩ nɩ a mɩnʋ pʋɔ ɩ?

Ʋrɔm 6:19

Nɩsaalʋ n'a ɩ̃ ƴɛ̀rɛ, a nyɩ bãbàalʋ zũú. Mɛ̃ a lɛ nyɩ na tɩ de nyɩ mɩŋa za tu n a faalʋ nɩ a Wulu zawrʋ pùor, ɩ mɛ̃ gbãgbaar a, ɛ́ a ɩ nyɩ ɩ nɩ-gaarɩ a Naaŋmɩn zie a, a ƴɛrɛŋa a, nyɩ mɩ̀ de nyɩ mɩŋa za tu n a mɩnʋ ɩ mɛ̃ gbãgbaar a, kɛ́ nyɩ tʋ̃ɔ́ vʋʋrɛ nyɔ-vʋʋrʋ na ɩ sõw a.

Ʋrɔm 9:23

Ʋʋ mɩ̀ tɩ bɔbr'a wul a lɛ a ʋ yúor-vɩɛlʋ-danʋ na ɩ kpɛ̃ɛ sɛw a bɛl na cɛ a zie a, a bɛl a na tɩ sɛw k'ʋʋ zɔ bɛ nɩbaalʋ a, a bɛl ʋ na dãw de niwn cɔbrɩ kɛ́ bɛ wa pʋɔ a ʋ yúor-vɩɛlʋ-danʋ pʋɔ a.

1 Korɛ̃tɩ 1:10

Yɛbr i, ɩ̃ zɛlɛ nyɩ nɩ yãayãa a tɩ Sore Yeezu Kɩrɩta yúor ƴãw, nyɩ za nyɩ lãw nʋɔr, nyɩ ta ɩ bʋ́r-taa be a nyɩ cara pʋɔ ɩ. Nyɩ lãw yã ɛ́ tɛr tɩɛr-been.

2 Korɛ̃tɩ 10:1

A mãa Pol bɛ na yel k'ɩ̃ɩ mɩ́ siwre nɩ ɩ̃ tʋɔra yaga za mãa wa be a nyɩ sɔgɔ a, ɛ́ kpɛ pʋra a lɛn daar ɩ̃ na mɩ́ wa zãá a, mãa tɔr za n'ʋ kpaalɛ nyɩ a Kɩrɩta su-baalʋ nɩ a ʋ vɩɛlʋ zũú:

2 Korɛ̃tɩ 4:1

Su-ɓaarʋ zũú na n'a a Naaŋmɩn kʋ̀ tɩ a tõ-nʋɔr ŋa a, alɛ so tɩ bɛ be na bàl bɛr ɛ.

2 Korɛ̃tɩ 4:16

Alɛ so tɩ bɛ be za nãà bàl bɛr ɛ. A tɩ nɩsaal ʋl na sãá a saa sãwnɛ cere a, a tɩ nɩsaal ʋl na be a pʋ̃ɔmɩ a, lɩɛbɛ nɩ paala bibir za.

2 Korɛ̃tɩ 5:20

A na ɩ à ŋá a, a Kɩrɩta n'ʋ tõ n tɩ a tõ-nʋɔr ŋa a nyɩ zie, ɛ́ a ɩ mɛ̃ a Naaŋmɩn mɩŋa n'ʋ yere kʋ̀rɛ nyɩ nɩ a tɩ nʋɔr a: tɩ zɛlɛ nyɩ nɩ yãayãa, a Kɩrɩta yúor ƴãw, nyɩ sàw kɛ̀ nyɩɩm nɩ a Naaŋmɩn lɛb kpɛ taa.

2 Korɛ̃tɩ 6:1

Ɛ́ tɩ na lãw nɩ a Naaŋmɩn tone a, tɩ zɛlɛ nyɩ na kɛ́ nyɩ ta bɛr a ʋ maalʋ nyɩ na páw a lo tẽw wɛ ɩ.

Efɛɛzɩ 4:1

A mãa na be a gaso pʋɔ a Sore yúor ƴãw a, ɩ̃ zɛlɛ nyɩ na, nyɩɩm a Naaŋmɩn na bʋɔlɩ a, kɛ́ nyɩ vʋʋrɛ nyɔ-vʋʋrʋ na sɛw taa nɩ a bʋɔlʋ ŋa nyɩ na wõ a.

Efɛɛzɩ 5:10

Nyɩ mɩ́ ƴãw fãw bãw bom nɛ na pɛlɩ a Sore pʋɔ a.

Wulu-ayi-sob 14:2

Bʋ̃ʋ n'ʋ vɛ̃, nyɩ ɩ n nɩ-bʋʋrɛ a Sore na sʋ̃ɔmɩ bul so a. Nyɩmɛ nɛbɛ ʋ kaa ír a tẽw zu nɩ-bʋʋrɛ za pʋɔ, kɛ́ nyɩ ɩ a ʋ na-bom.

Filib 1:20

Mɛ̃ a lɛ ɩ̃ na tɩɛrɛ kpɛ̃w za gùre nɩ a, ɩ̃ kʋ̃ nyɛ̃ vĩ towtow ɛ. Ɩ̃ bãwnɩ a na bɛ bʋ́nɛ zaa pʋrɩ mɩ̀ ɛ, a ƴɛrɛŋa nɩ kʋralɛ, a Kɩrɩta na nyɛ̃ nɩ danʋ a ɩ̃ nɩr ɩb za pʋɔ, alɛ saa ɩ a ɩ̃ cãafʋ pʋɔ n'a, bɩɩ a ɩ̃ kũu pʋɔ n'a a.

Filib 2:17

Ɛ́ alɛ mɩ̀ saa na fɛr a ɩ̃ zɩ̃ɩ cir mɛ̃ de-kʋ̀b-bom, ƴãw pʋɔ a bàwr a nyɩ naaŋmɩn-sàw-deb na maalɛ kʋ̀rɛ a Naaŋmɩn a ƴãw a, ɩ̃ cɩlɛ na, ɛ́ cɩlɛ lãwnɩ a nyɩ za.

Filib 4:18

Mɔ̃ mɩ̀, ɩ̃ tɛr'ɩ bom za a na sɛw k'ɩ̃ɩ tɛr a, ɛ́ tɛr dɔwlɩ mɩ̀. Bom bɛ cɛ m ɛ, ɩ̃ na páw a bom ʋl nyɩ na kʋ̀ a Epafoditɩ k'ʋʋ wa kʋ̀ m a. A ɩ na mɛ̃ parfɛ̃ na nyùur vla vla a, ɛ́ ɩ bàwr na nʋmɛ a Naaŋmɩn zie ʋ sàw de a.

1 Tesalonikɩ 4:1

Lɛb waar mɩ̀, yɛbr i, tɩ zie n'a nyɩ wõ a lɛ a na fɛr kɛ́ nyɩ ɩrɛ pɛlɩ a Naaŋmɩn pʋɔ a, ɛ́ lɛ n'a nyɩ ɩrɛ. Ɛcɛ a ƴɛrɛŋa a, tɩ zɛlɛ nyɩ na ɛ́ kpaalɛ nyɩ a Sore Yeezu yúor ƴãw: nyɩ cãà ɩrɛ vla dɔwlɛ.

1 Tesalonikɩ 4:10

ɛ́ lɛ n'a nyɩ ɩrɛ a yɛbr za zie a Masedʋan tẽw za pʋɔ. Yɛbr i, tɩ kpaalɛ nyɩ na kɛ́ nyɩ cãà ɩrɛ a vɩɛl dɔwlɛ.

1 Tesalonikɩ 5:12

Yɛbr i, tɩ zɛlɛ nyɩ na, nyɩ ƴãwnɛ a bɛlɩ dem na hanɛ a nyɩ sɔgɔ, ɛ́ a Sore mɩ́ ƴãw bɛ kaarɛ a nyɩ zie ɛ́ kpãanɛ nyɩ a.

1 Timote 2:3

À ŋá n'a vɩɛl ɛ́ pɛlɩ a Naaŋmɩn tɩ Faarɛ pʋɔ,

1 Timote 5:4

Pɔw-kʋɔr wa tɛr bibiir bɩɩ yan a, bɛlɛ nɛbɛ a fɛrɛ kɛ́ bɛ de niwn tɛr a Naaŋmɩn bɛ na ƴãwnɛ a ɩ-ɩrɩ, a bɛ mɩŋa yir ƴãw, ɛ́ maalɩ a bɛ dɔwrbɛ yáa a san. À ŋá n'a sɩrɩ vɩɛl a Naaŋmɩn zie.

Filemɔ̃ 1:10

ɩ̃ lɔbr'ɩ nuru zɛlɛ nɩ fʋ yãayãa a Onezim ƴãw, ʋl na sàw de a Yeezu Kɩrɩta lɩɛbɩ a ɩ̃ bidɛb a gaso pʋɔ ka a.

Filemɔ̃ 1:9

ɩ̃ nyɛ̃ na a sa, k'ɩ̃ɩ zɛlɩ fʋ bʋ̃-kãw a nɔ̃wfʋ zũú. À à ŋá ɩ̃ na ŋmɛ̃ a, a mãa Pol na ɩ dɛb-nyãw, ɛ́ be a gaso pʋɔ ƴɛrɛŋa a Yeezu Kɩrɩta ƴãw a,

Ebre 13:22

Yɛbr i, ɩ̃ zɛlɛ nyɩ na kɛ́ nyɩ dɩ kanyir bɛr wõ a kpaalʋ ƴɛ̀r-bie á ŋá. Ŋmãa ŋmãalɛ n'a ɩ̃ sɛb nyɩ.

1 Pɩɛr 2:20

Nyɩmɛ mɩ́ wa sàw de a dɔwrʋ nyɩ na sãw a ƴãw a, bʋ̃ʋ yúor'ʋ nyɩ na páw a pʋɔ? Ɛcɛ nyɩmɛ mɩ́ wa ɩ a vla baarɩ ɛ́ cãà sàw de a dɔwrʋ a, a ɩ n maalʋ nyɩ páw a Naaŋmɩn zie.

1 Pɩɛr 2:5

A nyɩɩm mɩ̀, nyɩ ɩ mɛ̃ kʋsɛ-mimie bɛ na ŋmaarɛ nɩ yir Vʋʋrʋ Sõw na kpɩɛr a. Nyɩ ɩ Naaŋmɩn bàwr-maal-son maalɛ tɩɛrʋ bàwr a Naaŋmɩn na na tʋ̃ɔ́ sàw de a Yeezu Kɩrɩta zũú a.