Sɔr-nɛ́ɛ 9:15 - A SƐB-SÕW

¹⁵ A ʋlɩ bibir bɛ na tɩ maalɩ a kpɛb-zi-sõw a, a zũzuwr tɩ wa na wa pàw a pɛn-sɛw, a be a wõ-taa kʋsɛ-pamɛ na be a. A zaanʋɔra a, a zũzuwr tɩ ɩ na mɛ̃ vũu a, ɛ́ tɩ ta a biɓaara.

Sɔr-nɛ́ɛ 9:15 Iomraidhean Croise

Neemi 9:12

A mʋ̃tɔ̃w a, fʋ de nɩ a fʋ nɩ-bʋʋrɛ niwn ɩ zũzuwr na ɩ mɛ̃ kpul a, ɛ́ a tɩ̃ɩsɔw fʋ de bɛ niwn ɩ vũu na ɩ mɛ̃ kpul a caalɛ bɛ a sɔ́r.

Neemi 9:19

A na saa tɩ ɩ à ŋá a, fʋ̃ʋ a, a fʋ nɔ̃wfʋ na bɛ tɛr baarʋ a pʋɔ a, fʋ bɛ tɩ jɛ bɛ bɛr a wɛja-kpalɛ pʋɔ ɩ: a zũzuwr na ɩ mɛ̃ kpul a, ɛ́ wule bɛ a sɔ́r a mʋ̃tɔ̃w a, bɛ cen ɛ́ bɛr bɛ ɩ. A vũu na ɩ mɛ̃ kpul a tɩ cãà na caalɛ bɛ a sɔ́r a tɩ̃ɩsɔw.

Sɛb-sõw yielu 105:39

A Naaŋmɩn tɩ yɛ́r'ɩ zũzuwr piw nɩ bɛ, ɛ́ vũu be be, mɩ́ caalɛ bɛ a tɩ̃ɩsɔw.

Sɛb-sõw yielu 78:14

Zũzuwr'ʋ ʋ mɩ́ tɩ wule nɩ bɛ a sɔ́r a mʋ̃tɔ̃w, ɛ́ a tɩ̃ɩsɔw ʋ wule nɩ bɛ vũu cãà.

Eziptɩ tẽw yib 13:21

A Sore mɩŋa tɩ de bɛ nɩ niwn, mɩ́ ɩ zũzuwr na ɩ mɛ̃ kpul a, a mʋ̃tɔ̃w, k'ʋʋ wule bɛ a sɔ́r, ɛ́ ɩ vũu na ɩ mɛ̃ kpul a, a tɩ̃ɩsɔw, k'ʋʋ caalɛ bɛ. À ŋá n'a bɛ tɩ tʋ́ɔr cere mʋ̃tɔ̃w nɩ tɩ̃ɩsɔw.

Eziptɩ tẽw yib 13:22

A zũzuwr na ɩ mɛ̃ kpul a mʋ̃tɔ̃w a, nɩ a vũu na ɩ mɛ̃ kpul a tɩ̃ɩsɔw a mɩ́ tɩ de bɛ nɩ niwn kʋralɛ.

Eziptɩ tẽw yib 14:24

A zie na wa bɩ põ-zɛ̃-taa tɔl blã a, a Sore tɩ be n a vũu nɩ a zũzuwr na ɩ mɛ̃ kpul a pʋɔ, ɛ́ jɩ́r a Eziptɩ tẽw zɛbr-nɩbɛ, dam bɛ nyaw taa.

Eziptɩ tẽw yib 40:2

«Fʋ na ƴãw na bɛ maalɩ a tuor-taa pɛn-sɛw, a zi-sõw, a cuw-dãw-niwn sob bibi-dãw-niwn sob.

Eziptɩ tẽw yib 40:34

Lɛ n'a a zũzuwr tɩ wa pàw a tuor-taa pɛn-sɛw, ɛ́ a Sore yúor-vɩɛlʋ-danʋ paalɩ a zi-sõw,

Eziptɩ tẽw yib 40:35

a bɛ tɩ tɛr a Moyiir na kpɛ a tuor-taa pɛn-sɛw pʋɔ ɩ.

Eziptɩ tẽw yib 40:38

A Sore zũzuwr mɩ́ tɩ pàw nɩ a zi-sõw a mʋ̃tɔ̃w, ɛ́ vũu mɩ́ tɩ be a ʋ pʋɔ a tɩ̃ɩsɔw. A Ɩsɩrayɛl nɩbɛ za tɩ nyɛ̃ nɩ à á ŋá za a bɛ cenu za pʋɔ.

Ɩzayi 4:5

a lɛn daar a, ʋ na ɩ na zũzuwr mɩ́ sãá a mʋ̃tɔ̃w, ɛ́ zʋ̀ʋ́r nɩ vũu-zɛlɛ sãá a tɩ̃ɩsɔw a Sɩyɔ̃ tãw zu ziir za, nɩ a bɛlɩ dem za na na ɓã taa a ʋ zu a zu. A Sore yúor-vɩɛlʋ-danʋ na pàw nɩ bom za mɛ̃ pɛn-sɛw-kpɛ̃ɛ a,

Sɔr-nɛ́ɛ 10:34

A mʋ̃tɔ̃w daarɩ́ a, a Sore zũzuwr mɩ́ tɩ be n a bɛ zu-sɔw, a lɛn daar bɛ na mɩ́ tɩ lɛb lore a sɔ́r a.

Sɔr-nɛ́ɛ 14:14

Bɛ man ʋ na kʋ̀ a tẽw ŋa dem. A na ɩ lɛ a, a Kanãa tẽw wõ na k'aa fʋ̃ʋ, Sore, fʋ bɩɛlɛ nɩ a fʋ nɩ-bʋʋrɛ, fʋ mɩ́ ɩ na bɛ càarɩ nyɛ̃ b. Bɛ wõ na kɛ́ fʋ̃ʋ n'ʋ gùre a fʋ nɩ-bʋʋrɛ fʋ na mɩ́ de bɛ niwn ɩ zũzuwr na ɩ mɛ̃ kpul a a mʋ̃tɔ̃w, ɛ́ ɩ vũu na ɩ mɛ̃ kpul a a tɩ̃ɩsɔw a.

Sɔr-nɛ́ɛ 17:7

A Ɩsɩrayɛl nɩbɛ tɩ wa n a Moyiir nɩ a Aarɔ̃ ƴãw, wa ŋmãa jil bɛ. Lɛ n'a a Moyiir nɩ a Aarɔ̃ tɩ lɩɛbɩ jɩ́r a tuor-taa pɛn-sɛw, nyɛ̃ a zʋ̀ʋ́r ʋ pàw ʋ, ɛ́ a Sore yúor-vɩɛlʋ-danʋ sãá.

1 Korɛ̃tɩ 10:1

Yɛbr i, a yele na ta a tɩ sãàkʋm-kore a Moyiir daar a, ɩ̃ bɛ bɔbr kɛ́ nyɩ ɩ zɔn a ƴãw ɛ. Bɛ za nɛbɛ a zũzuwr tɩ piw tɛr, bɛ za nɛbɛ tɩ kpɛ gãw a Kʋ̃ɔ-kpɛ̃ɛ-zɩɛ.

Wulu-ayi-sob 1:33

Ɛcɛ ʋlɛ n'ʋ mɩ́ tɩ de nyɩ niwn a sɔ́r zu, k'ʋʋ tɩ bɔ zie nyɩ maalɩ a laɩ. Ʋ mɩ́ tɩ be n a vũu na ɩ mɛ̃ kpul a pʋɔ a tɩ̃ɩsɔw, caalɛ nyɩ a sɔ́r, ɛ́ be a zũzuwr na ɩ mɛ̃ kpul a pʋɔ a mʋ̃tɔ̃w.