Sɔr-nɛ́ɛ 8:8 - A SƐB-SÕW

⁸ Bɛ na nyɔw nɩ nadɛr, lãwnɩ kukur bome de-kʋ̀b zɔ̃ bɛ na naw nɩ kãá a, ɛ́ a fʋ̃ʋ mɩŋa nyɔw a nadɛr ƴen sob, yel-bier ír-bɛrʋ bàwr maalʋ ƴãw.

Sɔr-nɛ́ɛ 8:8 Iomraidhean Croise

Eziptɩ tẽw yib 29:1

«Nyɛ̃ a lɛ fʋ na na tu mɩ́ ka nũu ƴãw a Aarɔ̃ nɩ a ʋ bidɛbr bɛ ɩ a bàwr-maalbɛ tone a ɩ̃ tome a: Fʋ na kaa na ír nadɛr nɩ pʋ́rɩ ayi, a ƴã-gan zie kãw za na bɛ sãw a.

Eziptɩ tẽw yib 29:3

Fʋ na ƴãw a nɩ pèlé pʋɔ wa n a zi-sõw pʋɔ, lãw nɩ a nadɛr nɩ a pʋ́rɩ ayi al.

Ɩzayi 53:10

Ɛcɛ a Sore kʋ̀ n yel-mɩŋa a ʋ tõ-tõ-bie a kpɩɛrʋ na dĩ a. Ɛ́ a sob nɛ na lɩɛrɩ nɩbɛ de a ʋ nyɔ-vʋʋrʋ tɩr a, ʋ ɩ na k'ʋ lɛb nyɛ̃ àrʋ zie. A ʋ tõ-tõ-bie na tɛr'ɩ bʋʋrɛ ɛ́ cãà vʋʋrɩ cɛlɩ. Ʋlɛ n'ʋ na ɩ a Sore pʋ-tɩɛrʋ maalɩ.

Levitɩ mɩnɛ 1:3

«Náab wa n'ʋ ʋ maalɛ nɩ a nyɩw-a-za-bàwr a, a fɛr'a k'ʋʋ ír nadɛr a ƴã-gan zie kãw za na bɛ sãw a. Ʋ na cen nɩ ʋ nɩ a tuor-taa pɛn-sɛw dɩ̃dɔr nʋɔr, a Sore tɩ sàw de ʋ.

Levitɩ mɩnɛ 16:3

«A Aarɔ̃ wa cere a zi-sõw pʋɔ a, a fɛr'a k'ʋʋ mɩ́ tɛr nadɛr yel-bier-ír-bɛrʋ-bàwr maalʋ ƴãw, nɩ pʋ́ra nyɩw-a-za-bàwr maalʋ ƴãw.

Levitɩ mɩnɛ 2:1

«Nɩr wa bɔbr k'ʋʋ de kukur bom kʋ̀ a Sore a, a fɛr'a k'ʋʋ de zɔ̃ pʋr kãá dɔwlɩ ɛ́ ƴãw tɩ-suur-zɔ̃-na-nyùur-vla-vla-a.

Levitɩ mɩnɛ 4:14

Bɛlɛ wa dɛ bãwnɩ a yel-bier ŋa a, bɛ na ír'ɩ nadɛr maal'ɩ yel-bier-ír-bɛrʋ bàwr. Bɛ na cen nɩ nɩ a nadɛr a tuor-taa pɛn-sɛw dɩ̃dɔr nʋɔr.

Levitɩ mɩnɛ 4:3

A bàwr-maal-kara wa n'ʋ maalɩ a yel-bier ƴãw a nɩbɛ za tɛr sãwna a, ʋ na ír'ɩ nadɛr a ƴã-gan zie kãw za na bɛ sãw a, maal'ɩ yel-bier ír-bɛrʋ bàwr kʋ̀ a Sore.

Levitɩ mɩnɛ 8:2

«Bʋɔlɩ a Aarɔ̃ nɩ a ʋ bidɛbr wa n a tuor-taa pɛn-sɛw dɩ̃dɔr nʋɔr. Ƴãw bɛ wa n kpar-son nɩ a kãá-cir-ƴãwfʋ kãá, cãà ƴãw bɛ wa n a yel-bier-ír-bɛrʋ bàwr nadɛr, a pʋ́rɩ ayi nɩ a zãkpa na ƴãw a dipɛ̃ na bɛ ƴãw dãbɩl a.

Ʋrɔm 8:3

A ʋlɩ bom nɛ, a Moyiir wulu na tɩ bɛ tʋɔr ɩrɛ a, a nɩsaal bãbàalʋ na tɩ ɩ ʋ bɛ tɛr fãw a ƴãw a, Naaŋmɩn ʋl ɩ ʋ na: a yel-bier-ír-bɛrʋ ƴãw a, ʋ dɔwr'ɩ a ʋ Bie a nɩsaal yel-bier ƴãw, ʋ na tõ a ʋl mɩŋa Bie ʋ wa ɩ nɩsaal, ŋmɛ̃ taa nɩ a nɩsaal na ɩ yel-bier sob a.

2 Korɛ̃tɩ 5:21

A Kɩrɩta bɛ tɩ tɛr yel-bier ɛ, ɛ́ a Naaŋmɩn tuo ʋ a tɩ yel-bier, kɛ́ tɩ tʋ̃ɔ́ lãw nɩ ʋ lɩɛbɩ nɩ-mɩn a Naaŋmɩn niŋé.