«Bɛ na ŋmɛ ŋmɛ n salm-zɩɛ mɩŋa mɩŋa nɩ 'hama maal'ɩ fɩ̃tɩlɩ dɔwlʋ zie. A sɩɛ nɩ a dàa, a koli, a tɩ-puur-kpãakpule nɩ a tɩ-puur-yɩɩrɩ, a za na nyɔw nɩ taa ɩ bʋ̃-been.
A Moyiir na mɩ́ tɩ kpɛ a tuor-taa pɛn-sɛw pʋɔ k'ʋʋ tɩ ƴɛ̀r'ɩ a Sore a, ʋ mɩ́ tɩ wone nɩ a Sore kɔkɔr: a seribɛ̃ ayi cara pʋɔ n'a a kɔkɔr mɩ́ tɩ ƴɛ̀rɛ yire, a daga na tɛr a wõ-taa kʋsɛ-pamɛ a nɔ-pàwra zu. Ʋ mɩ́ tɩ ƴɛ̀rɛ nɩ ʋ na.
A ʋlɩ vuo nɛ pʋɔ a, a Sore tɩ kʋ̀ n a Levi bʋʋrɛ tome á ŋá na ɩ a tʋɔra a: bɛ tuore a Sore wõ-taa dágá, bɛ mɩ́ àr a ʋ niŋé a ʋ tome tob ƴãw, bɛ mɩ́ ƴɛ̀r a nɔ-vla kʋ̀ a nɩbɛ a ʋ yúor ƴãw. A levitɩ mɩnɛ cãà na tone a tome á ŋá a dɩ̃a.
