A Aarɔ̃ na tɩ maalɩ a yel-bier-ír-bɛrʋ bagɛ, a nyɩw-a-za-bagɛ nɩ a lãw-taa bagɛ baar'a, ʋ zɛw nɩ a nuru cɔw a nɩbɛ, ƴɛ̀r nɔ-vla ƴãw bɛ, ɛ́ lɛb siw a bàwr-maal-kuur zu.
«A tub'ɩ à á ŋá na càarɩ a naziir na kõ a nʋɔr a. A bome ʋ na na mɩ́ kʋ̀ a Sore a al ƴãw a mɩ̀ n'ɩ à á ŋá. Ʋlɛ wa tɛr fãw na tʋ̃ɔ́ tɩr bome dɔwlɩ a, ʋ na tʋ̃ɔ́ na tɩr. Ɛcɛ a fɛrɛ ʋ na k'ʋʋ tu a lɛ ʋ na kõ a nʋɔr a, a nɛ́ɛ ʋ na ƴãw a ʋ nʋɔr-kob pʋɔ a.»
A bàwr-maalbɛ na ɩ a Levi dɔwlʋ nɩbɛ a na taw na ta a lɛn daar. Bʋ̃ʋ n'ʋ vɛ̃, bɛlɛ nɛbɛ a Sore nyɩ Naaŋmɩn kaa ír kɛ́ bɛ tone a ʋ tome, ɛ́ mɩ́ ƴɛ̀r a nɔ-vla a ʋ yúor ƴãw. Bɛlɛ nɛbɛ a fɛr kɛ́ bɛ mɩ́ yel a lɛ na be be a càar'ɩ a zɛbr nɩ a pɔb-taa ƴãw-taa bàalʋ.
