Sɔr-nɛ́ɛ 4:32 - A SƐB-SÕW

³² a davʋra dàbáw kpule lãwnɩ a dɔwlʋ ziir, a kpawbie nɩ a mié, lãwnɩ a bome al za bɛ na mɩ́ tone nɩ a. A bàwr-maalbɛ na mɩ́ yel'a kʋ̀ ŋa za a alɩ bome nɛ ʋ na na tuo a.

Sɔr-nɛ́ɛ 4:32 Iomraidhean Croise

1 Bibie za yel-manɩ 9:29

Bɛ mɩnɛ tɩ so a labɛ kaafʋ, baa zuo a za a la-son, a zɔ̃, a divɛ̃, a kãá, a tɩ-suur-zɔ̃-na-nyùur-vla-vla-a nɩ a parfɛ̃.

Eziptɩ tẽw yib 25:9

Ɩ̃ na wul fʋ nɩ a lɛ a kpɛb zie na na ŋmɛ̃ a, nɩ a lɛ a bʋ̃-son za na na ŋmɛ̃ a. Nyɩ na maal'a na a ɩ a lɛ tɔr za.»

Eziptɩ tẽw yib 27:9

«Bɛ na maal'ɩ davʋra nɩ lɛ̃ fomi-kpɛn pɛnɛ viiri koli a zi-sõw. A saa-pɛrɩ́-dʋrʋ-lowr lowr a, bɛ na dɔl'ɩ a pɛnɛ cen nɩ tɩ ta mɛtɩr lɩz'a ayi nɩ pie.

Eziptɩ tẽw yib 38:17

A kpule dɔwlʋ ziir tɩ ɩ n kur-zɩɛ, a bʋ̃-cawrɩ nɩ a bãw-mɩɩlɛ ɩ salm-pla. Salm-pla n'a tɩ nyɩl pàw a kpule zuru, ɛ́ salm-pla bãw-mɩɩlɛ ɩ a kpule nyɔw taa cen.

Eziptɩ tẽw yib 38:21

A zi-sõw pʋɔ bɛ na na bin a wõ-taa kʋsɛ-pamɛ a, nyɛ̃ a kure nɩ a salm-zɩɛ bɛ na de maal'ɩ ʋ a zɛ̃a. Mɛ̃ a lɛ a Moyiir na tɩ yel a, a bàwr-maalɛ Aarɔ̃ bidɛb Itamaar'ʋ tu a levitɩ mɩnɛ pùor bɛ manɩ a.

Sɔr-nɛ́ɛ 3:36

A Merari dɔwlʋ nɩbɛ nɛbɛ tɩ kaarɛ a kpɛb-zi-sõw dà-tɩɛrɩ zie, a dà-garjɩrɩ, a kpule, a kpule dɔwlʋ ziir nɩ a bʋ̃-kpɛ̃kpɛrsɩ za na cɛ a. Bɛlɛ tɩ so a bome á ŋá za kaafʋ.

Sɔr-nɛ́ɛ 3:8

Bɛ na kaarɛ nɩ a tuor-taa pɛn-sɛw bome za zie, ɛ́ ɩ a Ɩsɩrayɛl nɩbɛ tõ-tõ-biir a kpɛb-zi-sõw tome tob ƴãw.

Sɔr-nɛ́ɛ 4:31

Tome á ŋá n'a bɛ na kʋ̀ bɛ: bɛ na mɩ́ tuo nɩ a kpɛb-zi-sõw dà-tɩɛrɩ, a dà-garjɩrɩ, a kpule, a kpule dɔwlʋ ziir,

Sɔr-nɛ́ɛ 4:33

A Merari bʋʋrɛ tome n'ɩ à á ŋá a tuor-taa pɛn-sɛw pʋɔ. A Aarɔ̃ na ɩ a bàwr-maalɛ a bidɛb Itamaar'ʋ mɩ̀ na cãà jɩ́rɛ a bɛ tõ-nʋɔr.»

Sɔr-nɛ́ɛ 7:1

A ʋlɩ bibir a Moyiir na tɩ maalɩ a kpɛb-zi-sõw baar'a, ʋ tɩ cir'ɩ a kãá ƴãw ʋ, maal'ʋ k'ʋ ɩ Naaŋmɩn bʋ̃-sora lãwnɩ a ʋ bome za. Ʋ mɩ̀ tɩ maal'ɩ a bàwr-maal-kuur nɩ a ʋ kpɛ̃kpɛrsɩ za a ɩ Naaŋmɩn bʋ̃-sori.

Sɔr-nɛ́ɛ 7:8

ɛ́ kʋ̀ a Merari bʋʋrɛ a torkori anaar nɩ a nĩi ani na cɛ a, tu n a tome a na sɛw kɛ́ bɛ tone, mɛ̃ a lɛ a Aarɔ̃ na ɩ a bàwr-maalɛ a bidɛb Itamaar na wule bɛ a.