Sɔr-nɛ́ɛ 4:15 - A SƐB-SÕW

¹⁵ A cenu za daar a, a Aarɔ̃ nɩ a ʋ bidɛbr na mɩ́ pili nɩ a zi-sõw bome za pàw baarɩ, ɛ́ a Kehatɩ bʋʋrɛ pãa bãw wa de. À ŋá n'a a Kehatɩ bʋʋrɛ kʋ̃ mɩ́ càarɩ tɔ bʋ̃-sõw been kãw za ɩ, ɛ́ kʋ̃ mɩ́ ɩrɛ wa mab kpi ɛ. A tuor-taa pɛn-sɛw ƴãw a, a Kehatɩ bʋʋrɛ so a bʋ̃-son tuofʋ tõ-nʋɔr.

Sɔr-nɛ́ɛ 4:15 Iomraidhean Croise

2 Samɩɛl 15:24

A bàwr-maalɛ Sadɔkɩ mɩ̀ tɩ be n be, ʋlɛ nɩ a levitɩ mɩnɛ na tuo a Naaŋmɩn wõ-taa daga a. Bɛ tɩ tow nɩ a wõ-taa daga bin, ɛ́ a bàwr-maalɛ Abɩataar maalɛ bagɛ, ɛ́ gù a nɩbɛ za na tɩ yire a tẽw pʋɔ a, tɩ tɔl bɛ za.

2 Samɩɛl 6:13

A wõ-taa daga tuor-tuorbɛ na wa gel gbɛ́r gb'a ayʋɔb a, a Daviir tɩ kʋ n nadɛr nɩ nadeli-'wɔr, maal'ɩ bàwr.

1 Na-mɩnɛ 8:3

A Ɩsɩrayɛl nɩbɛ nɩ-kore za na wa ta a, a bàwr-maalbɛ tuo nɩ a wõ-taa daga.

1 Bibie za yel-manɩ 15:15

A levitɩ mɩnɛ tɩ tuo nɩ a Naaŋmɩn wõ-taa daga a bɛ bawŋmamɛ zu nɩ dàar, mɛ̃ a lɛ a Sore na tɩ ƴãw a Moyiir yel a.

1 Bibie za yel-manɩ 15:2

Lɛ n'a ʋ tɩ yel: «Levitɩ mɩnɛ tɛwr nɛbɛ tɛr sɔ́r na tuo a Naaŋmɩn wõ-taa daga. Bʋ̃ʋ n'ʋ vɛ̃, bɛlɛ nɛbɛ a Sore kaa ír a ʋ wõ-taa daga tuofʋ nɩ a ʋ kaafʋ ƴãw kʋralɛ.»

1 Bibie za yel-manɩ 23:26

A na ɩ à ŋá a, a levitɩ mɩnɛ kʋ̃ mɩ́ lɛb tuo a tuor-taa pɛn-sɛw nɩ a puoru bome ɩ.»

Eziptɩ tẽw yib 19:12

Ƴãw tʋr-bɔwrɩ viiri koli a tãw, ɛ́ yel bɛ à ŋá: “Nyɩ taa dúor a tãw zu ɛ, nyɩ taa tawr pɩɛlɛ ʋ ɛ. Nɩr za wa tawr pɩɛlɛ a tãw a, bɛ na kʋ ʋ na.

Eziptɩ tẽw yib 19:21

A Sore tɩ yel ʋ na: «Siw tɩ kpãa a nɩbɛ, kɛ́ bɛ taa zɔrɛ birbir waar kɛ́ bɛ wa nyɛ̃ m ɛ, alɛ bɛ ɩ lɛ nɩ-yaga nãà mab'a kpi.

Eziptɩ tẽw yib 27:7

Bɛ na tõ a na ƴãw a bamɛ na be a bàwr-maal-kuur lõboge ƴãw a ƴãw mɩ́ tuo nɩ ʋ.

Levitɩ mɩnɛ 16:13

Ʋ na ɩ n a parfɛ̃ ƴãw a vũu bie zu a Sore niŋé. A zʋ̀ʋ́r na ír'a do pàw a daga na tɛr a wõ-taa kʋsɛ-pamɛ a pàwra, ɛ́ à à ŋá n'a a Aarɔ̃ kʋ̃ kpi ɛ.

Sɔr-nɛ́ɛ 1:50

Fʋ na de nɩ a kpɛb-zi-sõw na ƴãw a wõ-taa kʋsɛ-pamɛ a kaafʋ kʋ̀ bɛ, lãwnɩ a ʋ kpɛ̃kpɛrsɩ za, a bome za na be a ʋ pʋɔ a. Bɛ na mɩ́ tuo nɩ a kpɛb-zi-sõw nɩ a ʋ kpɛ̃kpɛrsɩ. Bɛ na tone nɩ a kpɛb-zi-sõw tome, ɛ́ mɩ́ maalɩ a bɛ laɩ jil koli ʋ.

Sɔr-nɛ́ɛ 1:51

Nyɩmɛ wa lore a sɔ́r a, bɛlɛ nɛbɛ na mɩ́ wɩl a kpɛb-zi-sõw, ɛ́ nyɩmɛ wa tɛwr zɩnɛ a, bɛlɛ nɛbɛ na mɩ́ lɛb maalɩ ʋ. Nɩ-zawla wa pɩɛlɛ a kpɛb-zi-sõw a, bɛ na kʋ ʋ na.

Sɔr-nɛ́ɛ 10:21

Al pùorí, a levitɩ mɩnɛ na ɩ Kehatɩ bʋʋrɛ a tɩ tuo nɩ a kpɛb-zi-sõw bʋ̃-son cen tu n. A levitɩ mɩnɛ ŋmãa mɩ́ tɩ maalɛ nɩ a kpɛb-zi-sõw cɛlɛ nɩ a Kehatɩ bʋʋrɛ.

Sɔr-nɛ́ɛ 18:3

A fʋ yɛbr levitɩ mɩnɛ na tone nɩ a fʋ tome nɩ a pɛn-sɛw za tome, ɛcɛ bɛ bɛ pɩɛlɛ a bʋ̃-son nɩ a bàwr-maal-kuur ɛ. Lɛ n'a nɩr kʋ̃ ɩrɛ wa kpi ɛ, a bɛl bɩɩ a nyɩɩm.

Sɔr-nɛ́ɛ 3:38

A Moyiir, a Aarɔ̃ nɩ a ʋ bidɛbr laɩ tɩ be n a tuor-taa pɛn-sɛw niŋé, a saa-pɛrɩ́. Bɛlɛ tɩ so a zi-sõw tome a Ɩsɩrayɛl nɩbɛ yúor ƴãw. Nɩ-zawla tɩ ɩ mɛ̃ ʋ bɔbr'a k'ʋʋ pʋɔ a tome á ŋá pʋɔ a, bɛ nãá kʋ ʋ na.

Sɔr-nɛ́ɛ 4:14

ɛ́ de a bome al za bɛ na mɩ́ maalɛ nɩ a bàwr a dɔwlɩ: a tãpɛlʋ laar, a nɛn tɩr-jajaar, a pɛ́lɛ̀, a lali a zɩ̃ɩ ƴãw. Bɛ na mɩ́ dɔl'ɩ gán-kpɛ̃w pàw a za, ɛ́ tõ a dàar ƴãw a ʋ tuofʋ ƴãw.

Sɔr-nɛ́ɛ 4:19

Nyɩ mɩ́ ɩ à ŋá a bɛ ƴãw, kɛ̀ bɛ taa wa mab kpiir a bʋ̃-son son kaafʋ pʋɔ ɩ: a fʋ̃ʋ Aarɔ̃ nɩ a fʋ bidɛbr na mɩ́ tɛr'ɩ a bɛ been been tɩ wul a ʋ tõ-nʋɔr nɩ a ʋ tuor.

Sɔr-nɛ́ɛ 4:20

À ŋá n'a bɛ kʋ̃ mɩ́ cen tɩ jɩ́rɛ a bʋ̃-son ɛ. Alɛ saa na mɩ́ ɩ daƴen bɛ jɩ́r a, a na ɩ n a bɛ kũu.»

Sɔr-nɛ́ɛ 7:9

Ʋ bɛ tɩ kʋ̀ a Kehatɩ bʋʋrɛ torkori nɩ nĩi ɛ, bʋ̃ʋ n'ʋ vɛ̃, bɛlɛ tɩ so a bʋ̃-son kaafʋ, ɛ́ a tɩ fɛrɛ kɛ́ bɛ mɩ́ tuo a nɩ a bɛ bawŋmamɛ a.

Wulu-ayi-sob 31:9

A Moyiir tɩ sɛb'ɩ a Naaŋmɩn wulu ŋa, ɛ́ de ʋ kʋ̀ a bàwr-maalbɛ na ɩ a Levi bʋʋrɛ ɛ́ so a wõ-taa daga tuofʋ a, nɩ a Ɩsɩrayɛl nɩbɛ nɩ-kore za.

Zozue 4:10

A bàwr-maalbɛ na tɩ tuo a wõ-taa daga a tɩ tɛw na àr a Zurdɛ̃ sɔwlɩsɔw, ɛ́ gù a Sore ƴɛ̀rʋ ʋ na tɩ yel kʋ̀ a Zozue k'ʋʋ yel kʋ̀ a Ɩsɩrayɛl nɩbɛ a, tɩ tu ʋ za. À ŋá n'a a tu a lɛ za a Moyiir na tɩ yel kʋ̀ a Zozue a. A nɩbɛ tɩ páw nɩ fɔ̃w gãw a man,

1 Samɩɛl 6:19

A Sore tɩ dɔwr'ɩ a Bɛtɩ-Semɛsɩ tẽw dem, bɛ na tɩ jɩ́r a wõ-taa daga a ƴãw. Nɩbɛ tùr-lɩz'a ayi nɩ pie (50 000) zu a, ʋ tɩ ɩ na nɩbɛ lɩz'a ata nɩ pie kpi. Lɛ n'a a nɩbɛ bɛl za na cɛ cãà vʋʋrɛ a tɩ be wahala pʋɔ, a Sore na tɩ dɔwrɩ bɛ a ƴãw.