Ɩ̃ ƴãwnɛ nɩ Oholɩavʋ na ɩ Ahisamakɩ bidɛb, ɛ́ ɩ Dan dɔwlʋ nɩr a ɓɛrɛ nɩ ʋ. Ɩ̃ mɩ̀ kʋ̀rɛ nɩ bãwfʋ yaga a nuru tõ-tonbɛ bɛ mɩnɛ. Bɛ na lãw na maalɩ a bome al za ɩ̃ na yel kʋ̀ b a:
A ɩ̃ zi-sõw pʋɔ a, a levitɩ mɩnɛ na tone nɩ a ɩ̃ tome gùre a Ŋmɩn-yir-kpɛ̃ɛ dɩ̃dɛɛ ɛ́ tɛr tõ-pɛ-bʋʋrɛ bʋʋrɛ za. Bɛ na tʋ̃ɔ́ na mɩ́ kʋ a dʋn bɛ na de tɩr a nyɩw-a-za-bagɛ nɩ a bagɛ al na cɛ a maalʋ ƴãw a. Bɛ na tone nɩ a nɩbɛ tome.
Nyɩmɛ wa lore a sɔ́r a, bɛlɛ nɛbɛ na mɩ́ wɩl a kpɛb-zi-sõw, ɛ́ nyɩmɛ wa tɛwr zɩnɛ a, bɛlɛ nɛbɛ na mɩ́ lɛb maalɩ ʋ. Nɩ-zawla wa pɩɛlɛ a kpɛb-zi-sõw a, bɛ na kʋ ʋ na.
«A levitɩ mɩnɛ bɛl na ɩ a Kehatɩ bʋʋrɛ ɛ́ tɛr yome lɩzɛr'ɩ pie tɩ ta yome lɩz'a ayi nɩ pie a, nyɩ sɛb a bɛ yée a dɔwlʋ dɔwlʋ nɩ a yie yie. Bɛ na ír bɛ na bɛ tɛr tome a tuor-taa pɛn-sɛw pʋɔ.
