Sɔr-nɛ́ɛ 32:23 - A SƐB-SÕW

²³ Ɛcɛ nyɩmɛ bɛ wa ɩ à à ŋá a, nyɩ bãwnɩ a vla, nyɩ na maal'ɩ yel-bier a Sore zie, ɛ́ a na tuur nyɩ na.

Sɔr-nɛ́ɛ 32:23 Iomraidhean Croise

Yele-za-pɛr-tib 13:13

A Sodɔm tẽw dem bɛ tɩ ɩrɛ vla towtow ɛ, ɛ́ tɩ maalɛ yel-bi-bɛrɛ sãwnɛ nɩ a Sore pʋɔ.

Yele-za-pɛr-tib 4:7

A fʋ ɩb wa vɩɛl a, fʋ na dʋɔ nɩ zu. Ɛcɛ a fʋ ɩb bɛ wa vɩɛl a, a yel-bier ũú nɩ a fʋ dɩ̃dɔr ƴãw gù. Ʋ bɔbr'a k'ʋʋ so b, ɛcɛ fʋ̃ʋ n'ʋ na ƴãw fãw tʋ̃ɔ́ ʋ.»

Yele-za-pɛr-tib 44:16

A Zuda tɩ sɔw na: «Tɩ lɛb yel kɛ́ bʋnʋ Eziptɩ tẽw kaarɛ ɛ? Bʋ̃ʋ n'ʋ tɩ na tʋ̃ɔ́ yel wul kɛ́ tɩ bɛ tɛr sãwna? Naaŋmɩn n'ʋ ɩ a tɩ sãwna ʋ sãá. A na ɩ à ŋá a, tɩ na ɩ n a fʋ gbãgbaar, tɩmɛ nɩ a sob nɛ vʋɔra pʋɔ bɛ na nyɛ̃ a koli-nyúura a.»

2 Samɩɛl 3:39

Mãa a, ɩ̃ na saa ɩ nãà a, ɛcɛ ɩ̃ cãà na nyɛ̃ ɩ̃ bɛ tɛr fãw a nɩbɛ bɛ ŋa a bɛ mã na dɩ kɛ́ Seruya a, nɩ-fa-ɩb niŋé ɩ. Ɛcɛ a Sore tɔr za, ʋ dɔwrɩ a nɩ-faa sɛwnɩ a ʋ nɩ-fa-ɩb.

1 Na-mɩnɛ 2:32

Bʋ̃ʋ n'ʋ vɛ̃, a Ɩsɩrayɛl zɛbr-nɩbɛ nɩ-kpɛ̃ɛ Avɩnɛɛr, Nɛɛr bidɛb, nɩ a Zuda zɛbr-nɩbɛ nɩ-kpɛ̃ɛ Amasa, Yetɛɛr bidɛb, tɩ ɩ n nɩ-mɩn nɩ nɩ-vɩɛlɩ zuo a Zowab. Ɛcɛ ʋ kʋ bɛ na, ɛ́ a ɩ̃ sãà bɛ bãwnɩ a ɩ. A Sore tɔr za nyɛ̃ nɩ a Zowab ʋ ɩ a sãwna sob a nɩbɛ bɛ ŋa kũu ƴãw.

1 Na-mɩnɛ 2:33

A Zowab nɩ a ʋ bʋʋrɛ na sɩrɩ na so a sãwna kʋralɛ, ɛ́ a Daviir nɩ a ʋ bʋʋrɛ, a ʋ yir dem nɩ a na-mɩnɛ na na lɩɛrɛ ʋ a tɛr ƴã-ɓaarʋ na yi a Sore zie a kʋralɛ.»

Sɛb-sõw yielu 139:11

Mãa yel: «A lige, a pàw mɛ̃, a cãà na jil mɛ̃ a, a lɩɛbɩ tɩ̃ɩsɔw a»,

Sɛb-sõw yielu 140:11

Vũu-bi-tʋlɛ, a cir waarɩ bɛ! Bɛ lɔb bɛ ƴãw vũumí, bɔw-zulsɩ bɛ na kʋ̃ lɛb tʋ̃ɔ́ yi a pʋɔ!

Sɛb-sõw yielu 90:8

Fʋ bin nɩ a tɩ sãwna a fʋ niŋé, ɛ́ a fʋ cãà caalɛ a tɩ yel-sɔwlɩ.

Zʋkpaɩ 13:21

A kpɩɛrʋ mɩ́ ta na tu a yel-bebe dem, ɛ́ a vla ɩ a nɩ-mɩn sã-ya.

Zʋkpaɩ 24:16

A nɩ-mɩŋa na tʋ̃ɔ́ na lo ta gb'a ayopõi, ʋʋ na mɩ́ lɛb'a ìr, ɛcɛ a kpɩɛrʋ mɩ́ ɩ n a nɩ-faar bɛ lo.

Zʋkpaɩ 5:22

A nɩ-faa ɩ-faar tɛɛ za bɛra n'ʋ na nyɔw ʋ, ɛ́ a ʋ yel-bier mie lɩr ʋ tɛr.

Ɩzayi 3:11

Ɛcɛ a nɩ-faa ƴãw a, nyɛ̃ baw-bio a! Bʋ̃ʋ n'ʋ vɛ̃, bɛ na ɩ ʋ na tu n a ʋ ɩ-ɩrɩ.

Ɩzayi 59:12

Sɩza n'a, Sore e, tɩ zawr'ɩ a fʋ nʋɔr gb'aa yaga. A tɩ yel-bebe wule na tɩ na sãw a. Tɩ tɛr'ɩ a tɩ gaarʋ ɩ-ɩrɩ tɩɛrʋ kʋralɛ, tɩ bãw nɩ a tɩ sãwna za vla.

Zonasɩ 1:7

Al pùorí, a gbor-duwrbɛ tɩ yel'a kʋ̀ taa: «Nyɩ wa tɩ lɔb a bie bãw a sob nɛ na n'ʋ so a baw-bio ŋa ta tɩ a.» Bɛ tɩ lɔb'ɩ a bie a lo a Zonasɩ zu.

Ʋrɔm 2:9

Nɩsaal za na maalɛ faa a, ʋlɛ so kpɩɛrʋ nɩ pʋl-vʋ̃ɔ, a Zifʋ n'ɩ a dãw-niwn sob, al pùorí, a sob nɛ na bɛ ɩ Zifʋ a.

1 Korɛ̃tɩ 4:5

A na ɩ lɛ a, nyɩ ta de niwn maalɛ a ƴɛ̀rʋ ɛ́ a daar bɛ ta sɛr ɛ, ɛ́ a Sore waa bɛ ta sɛr ɛ. Ʋlɛ n'ʋ na caalɩ bom za na sɔwlɩ be lige pʋɔ a, ɛ́ ɩ a nɩsaalbɛ yel-sɔwlɩ a sãá. Lɛ n'a ŋa na mɩ́ páw a danʋ na sɛw taa nɩ ʋ a, a Naaŋmɩn zie.

Zozue 7:18

Al pùorí ʋ ɩ a Zavidi yir dem taw pɩɛlɩ been been, a bãwfʋ lo a Karmi bidɛb Akan na ɩ a Zuda dɔwlʋ nɩr a zu. Zavidi na ɩ Zera bidɛb a n'ʋ tɩ dɔw a Karmi.