Sɔr-nɛ́ɛ 32:22 - A SƐB-SÕW

²² ɛ́ a tẽw za sàw a ʋ nɩ-kpɛ̃ɛnʋ. Al pùorí, nyɩ na tʋ̃ɔ́ na lɛb kul a nyɩ tẽw, bʋ̃ʋ n'ʋ vɛ̃, nyɩ kʋ̃ tɛr sãwna a Sore zie nɩ a Ɩsɩrayɛl nɩbɛ ŋmãa zie ɩ. A lɛn daar a, a Sore na sàw na nyɩ so a tẽw na be a Zurdɛ̃ gãwn ka a.

Sɔr-nɛ́ɛ 32:22 Iomraidhean Croise

2 Samɩɛl 3:28

A Daviir na wa bãwnɩ a a pùorí a, ʋ yel'a: «A Sore mɩŋa za bãwnɩ a na, mãa nɩ a ɩ̃ naalʋ-tẽw bɛ tɛr sãwna kãw a Nɛɛr bidɛb, Avɩnɛɛr, kũu pʋɔ ɩ.

Sɛb-sõw yielu 78:55

Ʋ tɩ diw nɩ nɩ-bʋʋrɛ a bɛ niŋé bɛ ìr, ɛ́ ʋ põ a Kanãa tẽw kʋ̀ bɛ, ŋa mɩ́ tɛr ʋ zie. Ʋ tɩ ɩ n a Ɩsɩrayɛl dɔwlʋ dɔwlʋ nɩbɛ kpɩɛr a bɛ pɛnɛ-sɛwr pʋɔ.

Levitɩ mɩnɛ 14:34

«Nyɩmɛ wa kpɛ a Kanãa tẽw ɩ̃ na na kʋ̀ nyɩ nyɩ so ʋ a pʋɔ baarɩ a, mãa wa ɩ zi-ulu ʋ sãá a nyɩ tẽ-paala yir kãw pʋɔ a,

Sɔr-nɛ́ɛ 32:21

A bɛlɩ dem za na tɛr a bɛ zɛbr bome a, bɛ lo gãw a Zurdɛ̃ mɛ̃ a lɛ a Sore na bɔbr a. Bɛ tɩ be a be ɛ́ gù a Sore tɩ diw a ʋ dɔ̃ dem za,

Wulu-ayi-sob 3:20

Nyɩ sõwne a nyɩ yɛbr, ɛ̀ gù a Sore tɩ sàw bɛ zɩ̃, mɛ̃ a nyɩɩm a ka a, bɛlɛ wa páw a tẽw a Sore nyɩ Naaŋmɩn na na kʋ̀ bɛ a Zurdɛ̃ mʋ̃tɔ̃w-kpɛb-lowr mɛ̃ a nyɩɩm a. A lɛn daar a, nyɩ kãw za na tʋ̃ɔ́ na lɛb wa a ʋ zi-sóra pʋɔ, a tẽw ʋl ɩ̃ na kʋ̀ nyɩ a pʋɔ.»

Zozue 1:15

tɩ ta n a lɛn daar a Sore na na kʋ̀ bɛ a pɩ̃ɛnʋ mɛ̃ a lɛ ʋ na kʋ̀ nyɩ a, ɛ̀ bɛ mɩ̀ so a tẽw ʋl a Sore nyɩ Naaŋmɩn na kʋ̀rɛ bɛ a. Al pùorí nyɩ na lɛb'a cen a tẽw nyɩ na so a pʋɔ, ɛ́ nyɩ na so nɩ a tẽw, a ʋl a Sore tõ-tõ-bie Moyiir na kʋ̀ nyɩ nyɩ so a Zurdɛ̃ saa-pɛrɩ́ gãwn a.»

Zozue 10:30

A Sore mɩ̀ tɩ ƴãw nɩ a Livina nɩ a ʋ nãà a bɛ nuru pʋɔ. Bɛ tɩ kʋ n a Livina tẽw dem za pàw pɛr, bɛ bɛr nɩr za ʋ cãà vʋʋrɛ ɩ. Bɛ tɩ ɩ n a Livina tẽw nãà, mɛ̃ a lɛ bɛ na tɩ ɩ a Zeriko tẽw nãà a.

Zozue 10:42

Gb'a been yõ ƴãw a Zozue na yi a zɛbr a n'a ʋ tɩ zɛb tʋ̃ɔ́ a na-mɩnɛ bɛ ŋa za, ɛ́ de a bɛ ten, bʋ̃ʋ n'ʋ vɛ̃, a Sore, a Ɩsɩrayɛl Naaŋmɩn, tɩ lãw nɩ nɩ a Ɩsɩrayɛl zɛbr.

Zozue 11:23

A Zozue tɩ zɛb'a de a tẽw za, a tu a lɛ za a Sore na tɩ yel kʋ̀ a Moyiir a, ɛ́ de ʋ põ kʋ̀ a Ɩsɩrayɛl dɔwlʋ, ʋ ɩ a bɛ sób. Lɛ n'a a Ɩsɩrayɛl nɩbɛ tɩ pɩ̃ɛnɩ nɩ a zɛbr.

Zozue 13:8

A Zurdɛ̃ gãwn saa-pɛrɩ́ a, a Moyiir tɩ põ nɩ a tẽsɔwr kʋ̀ a Manase dɔwlʋ ŋmãa na cɛ a, nɩ a Urubɛn dɔwlʋ nɩbɛ, nɩ a Gadɩ dɔwlʋ nɩbɛ. A Sore tõ-tõ-bie Moyiir'ʋ tɩ kʋ̀ bɛ a ziir á ŋá, a ɩ a bɛ sób.

Zozue 18:1

A Ɩsɩrayɛl nɩbɛ lãw za tɩ ɓã n taa a Silo, ɛ́ maalɩ a tuor-taa pɛn-sɛw a be. Bɛ tɩ so nɩ a tẽw baarɩ.

Zozue 2:19

A nyɩ kãw wa gãw a fʋ dɩ̃dɔr yi a, ʋl mɩŋa n'ʋ na so a ʋ kũu, tɩɩm bɛ pʋɔ ɩ, ɛcɛ nɩr za na na lãwnɩ fʋ a fʋ yir pʋɔ a, bɛlɛ wa kʋ ʋ a, tɩɩm na so a sãwna.

Zozue 22:4

Ƴɛrɛŋa a Sore nyɩ Naaŋmɩn na kʋ̀ pɩ̃ɛnʋ a nyɩ yɛbr, mɛ̃ a lɛ ʋ na tɩ yel kʋ̀ bɛ a, nyɩ na tʋ̃ɔ́ na lɛb kul a nyɩ yie pʋɔ, a tẽw ʋl nyɩ na so a pʋɔ, a ʋl a Sore tõ-tõ-bie Moyiir na kʋ̀ nyɩ a Zurdɛ̃ saa-pɛrɩ́ a.

Zozue 22:9

À ŋá n'a a Urubɛn dɔwlʋ nɩbɛ nɩ a Gadɩ dɔwlʋ nɩbɛ nɩ a Manase dɔwlʋ ŋmãa nɩbɛ tɩ lɛb kul. Bɛ tɩ bɛr'ɩ a Ɩsɩrayɛl nɩbɛ a Silo, a Kanãa tẽw, ɛ́ cen a Galaadɩ na ɩ a tẽw a Sore na tɩ ƴãw a Moyiir kʋ̀ bɛ bɛ so a.