Sɔr-nɛ́ɛ 30:7 - A SƐB-SÕW

⁷ Ƴɛrɛŋa a, a ɩ mɛ̃ pɔwsɩrale bɛ tɩɛrɩ tɔ ɩ, ɛ́ kõ nʋɔr bɩɩ pɔ yel k'ʋʋ na ɩ n bom. Al pùorí, ʋ kul sɩr.

Sɔr-nɛ́ɛ 30:7 Iomraidhean Croise

Yele-za-pɛr-tib 3:16

Al pùorí a Sore yel a pɔw: «Ɩ̃ na ɩ na fʋ mɩ́ tɛr a pʋɔ nyɛ̃ nɩ wʋ̀ʋr yaga, ɛ́ dɔw bibiir wõ n tuo. A fʋ sɩr vʋla na mɩ́ tɛr fʋ na, ʋʋ na tʋ̃ɔ́ fʋ na.»

Zeremi 44:19

A pɔwbɛ tɩ yel'a ƴãw pʋɔ: «Tɩ na mɩ́ nyɩwr a tɩ-suur-zɔ̃-na-nyùur-vla-vla-a, dier'ɩ a divɛ̃ kʋ̀rɛ a salom pɔw-nãà a, a tɩ sɩrbɛ bɛ mɩ́ sàw bɩɩ? Bɛ bãwnɩ a na, kɛ́ tɩ mɩ́ maal'ɩ gatori na ɩ a ʋ bãwfʋ a, kʋ̀ ʋ, nɩ kɛ́ tɩ mɩ́ wa n nɩ divɛ̃ de-kʋ̀b wa kʋ̀ ʋ.»

Sɔr-nɛ́ɛ 30:6

Ɛcɛ a sãà wa wõ a a ʋlɩ bibir nɛ, ɛ́ bɛ sàw kʋ̀ ʋ a, a bɛ fɛrɛ a pɔwsɩrale k'ʋʋ tu a ʋ nɛ́ɛ ɩ. A Sore na dɩ n suur kʋ̀ ʋ, a ʋ sãà na bɛ sàw ʋ na tu a ʋ nɛ́ɛ a ƴãw.

Sɔr-nɛ́ɛ 30:8

A sɩr wa wõ a a ʋlɩ bibir nɛ ɛ́ bɛ yel yel kʋ̀ ʋ a, a fɛrɛ ʋ na k'ʋʋ tu a ʋ nɛ́ɛ.

Ʋrɔm 7:2

Mɛ̃ à ŋá a, pɔw na kul sɩr a, a ʋ sɩr na cãà vʋʋrɛ a yõ n'a a Naaŋmɩn wulu 'lẽ ʋlɛ nɩ a ʋ sɩr. Ɛcɛ a sɩr wa ɩ mɛ̃ ʋ kpi na a, a kul-taa nʋɔr na dãw 'lẽ bɛ a, bɛ cãà fɛrɛ ʋ ɛ.

1 Samɩɛl 1:11

Ʋ tɩ kõ n nʋɔr à ŋá: «Sore Kpɛnʋ-za-sob i, fʋ̃ʋ wa sàw nyɛ̃ a fʋ tõ-tõ-bi-pɔw kpɩɛrʋ a, fʋ̃ʋ wa sàw tɩɛrɛ a ɩ̃ yele, bɛ yiiri a fʋ tõ-tõ-bi-pɔw bɛr, ɛ́ sàw kʋ̀ ʋ dɛble a, ɩ̃ na de ʋ na kʋ̀ fʋ, a ʋ cãafʋ daar za, ɛ́ bʋra kʋ̃ tɔ a ʋ zu ɛ.»

1 Samɩɛl 1:23

A ʋ sɩr Ɛlkana tɩ yel ʋ na: «A vɩɛl'a. Be n ʋ a ka, ɛ́ gù fʋ tɩ kpɩr ʋ. A Sore, ʋ tu a lɛ ʋ na yel a, a tɛwr'a.» Lɛ n'a a Ana tɩ be a Arama, ƴɛnɩ a ʋ bidɛb tɩ ta n a ʋ kpɩr-bɛrʋ.