Sɔr-nɛ́ɛ 3:8 - A SƐB-SÕW

⁸ Bɛ na kaarɛ nɩ a tuor-taa pɛn-sɛw bome za zie, ɛ́ ɩ a Ɩsɩrayɛl nɩbɛ tõ-tõ-biir a kpɛb-zi-sõw tome tob ƴãw.

Sɔr-nɛ́ɛ 3:8 Iomraidhean Croise

1 Bibie za yel-manɩ 23:27

Alɛ n'a so bɛ mɩ́ sɛb a levitɩ mɩnɛ yée ƴãw a yée-sɛbɛ pʋɔ, bɛlɛ wa tɛrɛ yome lɩzɛr'ɩ dɔwlɛ a, mɛ̃ a lɛ a Daviir na yel a ʋ ƴɛ̀r-pɛ-baarɩ pʋɔ a.

2 Bibie za yel-manɩ 29:11

Ɛ́ a nyɩɩm a, ɩ̃ bibiir i, nyɩ taa burbure ɩ, bʋ̃ʋ n'ʋ vɛ̃, nyɩmɛ nɛbɛ a Sore kaa ír kɛ́ nyɩ mɩ́ àr a ʋ niŋé, kɛ́ nyɩ tone ʋ, kɛ́ nyɩ ɩ a ʋ tõ-tõ-biir, nɩ kɛ́ nyɩ mɩ́ de a tɩ-suur-zɔ̃-na-nyùur-vla-vla-a de-kʋ̀b bom kʋ̀ ʋ.»

Ɩzayi 52:11

Nyɩ cere, nyɩ cere, nyɩɩm na tuo a Sore puoru bome lɛb waar'ɩ a! Nyɩ yi zaa a Babɩlɔn tẽw pʋɔ! Nyɩ taa tʋɔr bʋ̃-dɛwr kãw za ɩ, nyɩ vɩɛl yi n a tẽw ŋa pʋɔ.

Sɔr-nɛ́ɛ 10:17

Bɛ tɩ wɩl'ɩ a kpɛb-zi-sõw. Lɛ n'a Gɛrson nɩ Merari bʋʋrɛ tɩ tuo ʋ cen nɩ.

Sɔr-nɛ́ɛ 10:21

Al pùorí, a levitɩ mɩnɛ na ɩ Kehatɩ bʋʋrɛ a tɩ tuo nɩ a kpɛb-zi-sõw bʋ̃-son cen tu n. A levitɩ mɩnɛ ŋmãa mɩ́ tɩ maalɛ nɩ a kpɛb-zi-sõw cɛlɛ nɩ a Kehatɩ bʋʋrɛ.

Sɔr-nɛ́ɛ 3:7

Bɛ na tone nɩ a ʋ tome, nɩ a Ɩsɩrayɛl nɩbɛ lãw za tome, a tuor-taa pɛn-sɛw niŋé, ɛ́ tone a tome al za na càarɩ a kpɛb-zi-sõw a.

Sɔr-nɛ́ɛ 3:9

Fʋ na de nɩ a levitɩ mɩnɛ kʋ̀ a Aarɔ̃ nɩ a ʋ bidɛbr. Bɛ na sɩrɩ na ɩ nɩbɛ a Ɩsɩrayɛl nɩbɛ na de kʋ̀ ʋ, kɛ́ bɛ sõwne ʋ a.

Sɔr-nɛ́ɛ 31:30

A Ɩsɩrayɛl nɩbɛ bome pʋɔ a, fʋ na ír'ɩ nɩ-been nɩbɛ lɩz'a ayi nɩ pie pʋɔ, dʋ̃-been dʋn lɩz'a ayi nɩ pie pʋɔ, a nĩi, a bòn, a píir, a bʋʋr nɩ a dʋn al na baa cɛ a pʋɔ. Fʋ na de nɩ a bome á ŋá kʋ̀ a levitɩ mɩnɛ na tone a ɩ̃ kpɛb zie tome a.»

Sɔr-nɛ́ɛ 4:15

A cenu za daar a, a Aarɔ̃ nɩ a ʋ bidɛbr na mɩ́ pili nɩ a zi-sõw bome za pàw baarɩ, ɛ́ a Kehatɩ bʋʋrɛ pãa bãw wa de. À ŋá n'a a Kehatɩ bʋʋrɛ kʋ̃ mɩ́ càarɩ tɔ bʋ̃-sõw been kãw za ɩ, ɛ́ kʋ̃ mɩ́ ɩrɛ wa mab kpi ɛ. A tuor-taa pɛn-sɛw ƴãw a, a Kehatɩ bʋʋrɛ so a bʋ̃-son tuofʋ tõ-nʋɔr.

Sɔr-nɛ́ɛ 4:28

A tome n'ɩ à á ŋá bɛ na kʋ̀ a Gɛrson bʋʋrɛ a tuor-taa pɛn-sɛw pʋɔ a. A Aarɔ̃ na ɩ a bàwr-maalɛ a bidɛb Itamaar'ʋ na jɩ́rɛ a bɛ tõ-nʋɔr.»

Sɔr-nɛ́ɛ 4:33

A Merari bʋʋrɛ tome n'ɩ à á ŋá a tuor-taa pɛn-sɛw pʋɔ. A Aarɔ̃ na ɩ a bàwr-maalɛ a bidɛb Itamaar'ʋ mɩ̀ na cãà jɩ́rɛ a bɛ tõ-nʋɔr.»