Sɔr-nɛ́ɛ 3:6 - A SƐB-SÕW

⁶ «Ƴãw a Levi dɔwlʋ nɩbɛ bɛ wa, fʋ wa de bɛ kʋ̀ a Aarɔ̃ na ɩ a bàwr-maalɛ a, bɛ sõwne ʋ.

Sɔr-nɛ́ɛ 3:6 Iomraidhean Croise

1 Bibie za yel-manɩ 15:2

Lɛ n'a ʋ tɩ yel: «Levitɩ mɩnɛ tɛwr nɛbɛ tɛr sɔ́r na tuo a Naaŋmɩn wõ-taa daga. Bʋ̃ʋ n'ʋ vɛ̃, bɛlɛ nɛbɛ a Sore kaa ír a ʋ wõ-taa daga tuofʋ nɩ a ʋ kaafʋ ƴãw kʋralɛ.»

1 Bibie za yel-manɩ 23:28

Bɛ na sàwr'ɩ a Aarɔ̃ bʋʋrɛ nɛ́ɛ a Sore Ŋmɩn-yir-kpɛ̃ɛ tome ƴãw, a davʋrɩ nɩ a Ŋmɩn-yir-kpɛ̃ɛ diru kaafʋ ƴãw. Bɛlɛ so bʋ̃-sõw za dɛwr ír-bɛrʋ nɩ a Ŋmɩn-yir pʋɔ tome:

1 Bibie za yel-manɩ 23:32

Bɛ na kaarɛ nɩ a tuor-taa pɛn-sɛw nɩ a zi-sõw ziir, ɛ́ lãwnɩ a bɛ yɛbr, a Aarɔ̃ bʋʋrɛ, tone a Sore Ŋmɩn-yir-kpɛ̃ɛ tome.

1 Bibie za yel-manɩ 6:33

A Levi dɔwlʋ nɩbɛ ŋmãa na cɛ a tɩ tone nɩ a Ŋmɩn-yir-kpɛ̃ɛ zi-sõw pʋɔ tome al za na cɛ a.

2 Bibie za yel-manɩ 29:11

Ɛ́ a nyɩɩm a, ɩ̃ bibiir i, nyɩ taa burbure ɩ, bʋ̃ʋ n'ʋ vɛ̃, nyɩmɛ nɛbɛ a Sore kaa ír kɛ́ nyɩ mɩ́ àr a ʋ niŋé, kɛ́ nyɩ tone ʋ, kɛ́ nyɩ ɩ a ʋ tõ-tõ-biir, nɩ kɛ́ nyɩ mɩ́ de a tɩ-suur-zɔ̃-na-nyùur-vla-vla-a de-kʋ̀b bom kʋ̀ ʋ.»

Ɛsɩdɩrasɩ 6:18

Bɛ tɩ põ nɩ a bàwr-maalbɛ nɩ a levitɩ mɩnɛ palɛ palɛ, a Naaŋmɩn na be a Zerizalɛm a tome tob ƴãw, mɛ̃ a lɛ bɛ na sɛb a Moyiir sɛbɛ pʋɔ a.

Malasɩ 2:4

Lɛn daar'a nyɩ na bãw k'aa mãa, a Sore Kpɛnʋ-za-sob, mãa n'ʋ kpaalɩ nyɩ à à ŋà, k'aa wõ-taa ɩ̃ na maal'ɩ a Levi bʋʋrɛ a gã kʋralɛ.

Sɔr-nɛ́ɛ 18:21

A Sore tɩ yel'a ƴãw pʋɔ: «Nyɛ̃ a sã-ya ɩ̃ na kʋ̀rɛ a levitɩ mɩnɛ a tome bɛ na tone a tuor-taa pɛn-sɛw pʋɔ a ƴãw: ɩ̃ kʋ̀rɛ bɛ nɩ a tɛra ziir pie sob k'ʋʋ ɩ a bɛ dem, a pɛr lɛ k'aa bome al za a nɩbɛ na mɩ́ tõ páw a Ɩsɩrayɛl tẽw pʋɔ a ziir pie sob.

Sɔr-nɛ́ɛ 2:17

«Al pùorí, a Levi bʋʋrɛ na lo n a sɔ́r tu nɩ a tuor-taa pɛn-sɛw. A na ɩ lɛ a, bɛ na be n a ziir anaar a zɛbr-nɩbɛ na mɩ́ duo a sɔwlɩsɔw, a ayi na de a niwn a, nɩ a ayi na pàw a pùor a cara pʋɔ. Bɛ mɩ̀ na cere na tuur taa, ŋa za a ʋ pal pʋɔ, mɛ̃ a lɛ bɛ na mɩ́ maalɩ a bɛ laɩ a, tu n a bɛ dɔwlʋ dɩrapo.»

Sɔr-nɛ́ɛ 2:33

Bɛ bɛ tɩ sɔ́r a Levi bʋʋrɛ lãwnɩ a Ɩsɩrayɛl nɩbɛ ŋmãa ɩ. À ŋá n'a a Sore tɩ yel kʋ̀ a Moyiir k'ʋʋ ɩ.

Sɔr-nɛ́ɛ 3:5

A Sore tɩ yel'ɩ a Moyiir:

Wulu-ayi-sob 10:8

A ʋlɩ vuo nɛ pʋɔ a, a Sore tɩ kʋ̀ n a Levi bʋʋrɛ tome á ŋá na ɩ a tʋɔra a: bɛ tuore a Sore wõ-taa dágá, bɛ mɩ́ àr a ʋ niŋé a ʋ tome tob ƴãw, bɛ mɩ́ ƴɛ̀r a nɔ-vla kʋ̀ a nɩbɛ a ʋ yúor ƴãw. A levitɩ mɩnɛ cãà na tone a tome á ŋá a dɩ̃a.