Sɔr-nɛ́ɛ 28:1 - A SƐB-SÕW

¹ A Sore tɩ yel'ɩ a Moyiir à ŋá:

Sɔr-nɛ́ɛ 28:1 Iomraidhean Croise

1 Bibie za yel-manɩ 23:31

A fɛr'a kɛ́ bɛ mɩ̀ mɩ́ be be a lɛn daar a nɩbɛ na mɩ́ maalɛ a nyɩw-a-za-bagɛ, a pɩ̃ɛnʋ-bibir, a cuw-paala cuw bibir, bɩɩ a cuwr bibie al na cɛ a. Bɛ na tone nɩ a bɛ ton ŋa kʋralɛ a Sore niŋé a gb'aa lɛ nʋɔr na ƴãw a.

2 Bibie za yel-manɩ 2:4

Ɛ́ a Ŋmɩn-yir-kpɛ̃ɛ ɩ̃ na bɔbr k'ɩ̃ɩ ŋmãa a na ɩ n kpɛ̃ɛ, bʋ̃ʋ n'ʋ vɛ̃, a tɩ Naaŋmɩn ɩ n kpɛ̃ɛ zuo a ŋmɩmɛ za.

2 Bibie za yel-manɩ 23:18

Al pùorí, a Yehoyada tɩ ƴãw nɩ a levitɩ mɩnɛ bɛl na ɩ bàwr-maalbɛ a, bɛ gùre a Sore yir-kpɛ̃ɛ. A Daviir tɩ bʋ́r bɛ nɩ palɛ palɛ, kɛ́ bɛ tʋ̃ɔ́ maalɛ a nyɩw-a-za-bagɛ a Sore yir-kpɛ̃ɛ pʋɔ, mɛ̃ a lɛ na ƴãw a Moyiir sɛbɛ pʋɔ a. Ʋ tɩ yel'a kʋ̀ bɛ kɛ́ bɛ tone a ton ŋa yiele nɩ nʋ̃ɔ̀ yielu.

2 Bibie za yel-manɩ 31:3

A nãà mɩ́ tɩ de nɩ a ʋ mɩŋa bʋ̃-tɛrɩ tɩr a biɓaarɛ nɩ a zaanʋɔrɛ nyɩw-a-za-bagɛ ƴãw, a pɩ̃ɛnʋ-bibir dem ƴãw, a cuw-paalɛ nɩ a cuwr al na cɛ a dem ƴãw, mɛ̃ a lɛ na sɛb a Sore Wulu pʋɔ a.

2 Bibie za yel-manɩ 8:13

Mɛ̃ a lɛ a Moyiir na yel kɛ́ bɛ tuur bibir za a, ʋ mɩ́ tɩ maal'ɩ bagɛ a pɩ̃ɛnʋ-bibir, cuw-paalɛ daar, nɩ a cuw-bɛrɛ ata á ŋá daar: a dipɛ̃ na bɛ ƴãw dãbɩl a cuw, a bʋ̃-dieri cuw nɩ a Sɛwr cuw.

Ɛsɩdɩrasɩ 6:9

Nyɩ na mɩ́ kʋ̀ n a Zerizalɛm bàwr-maalbɛ a alɩ bome nɛ bɛ na bɔbr a, bibie za, mɛ̃ a lɛ bɛ na na mɩ́ yel kʋ̀ nyɩ a: a nadɛ-pɔlɛ, a pʋ́rɩ nɩ a peli a nyɩw-a-za-bagɛ bɛ na mɩ́ maalɩ kʋ̀ a Naaŋmɩn na be a salom zu a ƴãw. Nyɩ mɩ̀ na mɩ́ kʋ̀ bɛ nɩ a ble, a nyaarʋ, a divɛ̃ nɩ a kãá.

Neemi 10:33

Tɩ ŋmãa nɩ tub ŋa kʋ̀ tɩ tʋɔra, kɛ́ yũon za a, ŋa za mɩ́ tɩr gɩram anaar salm-pla libir a tɩ Ŋmɩn-yir-kpɛ̃ɛ kaafʋ ƴãw:

Ɩzayi 1:13

Nyɩ ta cãà waar'ɩ de-kʋ̀b bome wa kʋ̀rɛ mɛ̃ zawlalɛ ɩ! A zʋ̀ʋ́r a, ɩ̃ bɛ nɔnɛ a towtow ɛ. Nyɩ ta cãà maalɛ a nyɩ cuw-paalɛ cuwr, a nyɩ pɩ̃ɛnʋ-bibie nɩ a nyɩ cuw-bɛrɛ ɩ, ɩ̃ bɛ sàwr puoru na lãwnɩ ɩ-faar a ɩ.

Ezekɩɛl 44:24

Bɛ na ɩ n ƴɛ̀r-dɩrbɛ a ƴɛ̀rʋ-dɩb ziir, ɛ́ bɛ na mɩ́ dɩ n a ƴɛ̀rʋ tu n a ɩ̃ nɛ́ɛ. Bɛ na mɩ́ maal'ɩ a cuwr tu n a tub nɩ a nɛ-ƴãwnɩ ɩ̃ na ƴãw a. Bɛ na ƴãw nɩ fãw a pɩ̃ɛnʋ-bibir ɩ sõw a ɩ̃ ƴãw.

Ezekɩɛl 45:17

Bʋ̃ʋ n'ʋ vɛ̃, a nãà n'ʋ a na fɛr ʋ mɩ́ tɩr a bom nɛ na sɛw a a nyɩw-a-za-bagɛ nɩ a zɔ̃ de-tɩrʋ nɩ a divɛ̃ de-tɩrʋ ƴãw a cuwr daar: baa zuo a za a cuw-paala cuw, a pɩ̃ɛnʋ-bibie nɩ a Ɩsɩrayɛl nɩ-bʋʋrɛ tub za. A nãà na mɩ́ so a sãwna bagɛ maalʋ, a de-kʋ̀b bome tɩrʋ, a nyɩw-a-za-bagɛ nɩ a ƴã-ɓaarʋ bagɛ maalʋ. Lɛ n'a ʋ na mɩ́ páw a Ɩsɩrayɛl nɩ-bʋʋrɛ yel-bebe suur-dɩ-kʋ̀b.»

Ezekɩɛl 46:11

«A cuwr nɩ a yel-bɛrɛ maalʋ daar a, a de-kʋ̀b na mɩ́ ɩ n ble kilo lɩzɛr'ɩ pie nadɛr za nɩ pʋ́ra za ƴãw. A péli ƴãw a, a nãà na mɩ́ tɩr'ɩ ble lɛ za ʋ na bɔbr a. Ble kilo lɩzɛr'ɩ pie ƴãw a, a nãà na mɩ́ ƴãw nɩ kãá litɩr ayʋɔb dɔwlɩ.

Levitɩ mɩnɛ 9:15

Al pùorí, ʋ tɩ de nɩ a nɩbɛ bagɛ kʋ̀ a Sore. Ʋ tɩ de nɩ a bʋra a nɩbɛ na wa n a yel-bier-ír-bɛrʋ bàwr ƴãw a, ŋmãa a kɔkɔr maal'ɩ a bàwr, mɛ̃ a lɛ ʋ na tɩ ɩ a nále ƴãw a.

Sɔr-nɛ́ɛ 27:23

ɛ́ ʋ ír a ʋ nuru dɔwlɩ a ʋ zu, de a ʋ tõ-nʋɔr kʋ̀ ʋ, mɛ̃ a lɛ a Sore na tɩ yel kʋ̀ ʋ a.

Sɔr-nɛ́ɛ 28:2

«Tɩ yel à ŋá kʋ̀ a Ɩsɩrayɛl nɩbɛ: A daar mɩ́ wa ta a, nyɩ na ƴãw nɩ fãw mɩ́ wa n a de-kʋ̀b bome ɩ̃ na so a wa kʋ̀ m, a pɛr lɛ k'aa bʋ̃-dɩrɩ bɛ na nyɩw a zʋ̀ʋ́r nyũu pɛlɩ a ɩ̃ pʋɔ a.

Galasi 4:10

Nyɩ bɛ ƴãwnɛ dere a bibie a mɩnɛ, a cuwr a mɩnɛ, a voru a mɩnɛ, nɩ a yome a mɩnɛ ƴãw ɛ.

Kɔlɔsɩ 2:16

A na ɩ à ŋá a, nyɩ ta sàw nɩr za tɛrɛ nɩ nyɩ ƴɛ̀rʋ bʋ̃-dɩra bɩɩ bʋ̃-nyúura kãw ƴãw ɛ, cuw kãw ƴãw, cuw-paala ƴãw bɩɩ pɩ̃ɛnʋ-bibir ƴãw ɛ.