Sɔr-nɛ́ɛ 27:14 - A SƐB-SÕW

¹⁴ Bʋ̃ʋ n'ʋ vɛ̃, nyɩ zawr'ɩ a ɩ̃ nʋɔr a Sin wɛja-kpalɛ pʋɔ, a lɛn daar a lãw na tɩ bɔbr mɛ̃ nɔhaarʋ a. Nyɩ bɛ tɩ bɛr a ɩ̃ sonu ʋ sãá a Ɩsɩrayɛl nɩbɛ zie, a lɛn daar bɛ na tɩ yel kɛ́ nyɩ kʋ̀ bɛ kʋ̃ɔ a ɩ.» A Meriba kʋ̃ɔ yele n'a a Sore tɩ yere, a Nɔhaarʋ kʋ̃ɔ, a Kadɛsɩ, a Sin wɛja-kpalɛ pʋɔ.

Sɔr-nɛ́ɛ 27:14 Iomraidhean Croise

Eziptɩ tẽw yib 17:7

Bɛ tɩ por'ɩ a zie nɛ yúor kɛ́ Masa nɩ Meriba, a pɛr lɛ kɛ́ “Ɩ-kaafʋ” nɩ “Nɔhaarʋ”. A Ɩsɩrayɛl nɩbɛ na tɩ bɔ a Moyiir nɔhaarʋ a ƴãw, nɩ bɛ na tɩ ɩ a Sore kaa sowri: «A Sore be n a tɩ sɔgɔ, bɩɩ ʋ bɛ ka be mɔ̃?»

Sɔr-nɛ́ɛ 13:21

Lɛ n'a a nɩbɛ bɛ ŋa tɩ yi a Sin wɛja-kpalɛ pʋɔ ɛ́ cɔlɩ jɩ́r a Kanãa tẽw tɩ ta n Erehovʋ na pɩɛlɩ Lebo-Hamatɩ a.

Sɔr-nɛ́ɛ 20:1

A Ɩsɩrayɛl nɩbɛ lãw za tɩ ta n Sin wɛja-kpalɛ pʋɔ, a cuw-dãw-niwn sob pʋɔ, zɩ̃ Kadɛsɩ. Be n'a a Miriyam tɩ kpi bɛ ũù.

Sɔr-nɛ́ɛ 20:24

«A Aarɔ̃ kʋ̃ yaa kɛ́ kpi cen tɩ páw a ʋ sãà mɩnɛ ɩ. Ʋ kʋ̃ kpɛ a tẽw ɩ̃ na kʋ̀rɛ a Ɩsɩrayɛl nɩbɛ a pʋɔ ɩ. Bʋ̃ʋ n'ʋ vɛ̃, nyɩ bɛ sàw a ɩ̃ nʋɔr a Meriba kʋ̃ɔ zie ɩ.

Sɔr-nɛ́ɛ 20:5

Bʋnʋ ƴãw n'a nyɩ tɛr tɩ yi n a Eziptɩ wa n a zi-faa faa ŋa pʋɔ? Bɛ kʋ̃ tʋ̃ɔ́ bʋ̀r bom ɛ, kãkamɛ, divɛ̃ tɩɩr nɩ girenadɩ tɩɩr bɛ ka be ɩ, kʋ̃ɔ tɛɛ za bɛ ka be a nyub ƴãw ɛ!»

Sɔr-nɛ́ɛ 27:15

A Moyiir tɩ yel'ɩ a Sore à ŋá:

Nɩ-toni 7:51

Zu-kpɛn dem n'ɩ nyɩ! A nyɩ tobe nɩ a nyɩ socie bɛ wone a Naaŋmɩn bʋɔlʋ ɛ. Nyɩ mʋɔrɩ nɩ a Vʋʋrʋ Sõw kʋralɛ. Nyɩ sɩrɩ na ŋmɛ̃ mɛ̃ a nyɩ sãàkʋm-kore a.

Wulu-ayi-sob 1:37

Nyɩmɛ nɛbɛ so a Sore mɩ̀ tɩ nyɛ̃ nɩ mɛ̃ suur. Ʋ tɩ yel mɛ̃ na: «A fʋ̃ʋ Moyiir a, fʋ mɩ̀ kʋ̃ kpɛ a tẽw ŋa pʋɔ ɩ!

Wulu-ayi-sob 4:22

Yel-mɩŋa n'a, ɩ̃ na kpi n a ka, a tẽw ŋa pʋɔ, ɩ̃ bɛ gãwnɛ a Zurdɛ̃ ɩ. Ɛcɛ nyɩɩm na gãw ʋ na, de a tẽw ŋa na vɩɛl a so ʋ.