Sɔr-nɛ́ɛ 25:2 - A SƐB-SÕW

² A pɔwbɛ bɛ ŋa tɩ bʋɔl'ɩ a Ɩsɩrayɛl nɩbɛ a bɛ ŋmɩmɛ bàwr maalʋ zie, bɛ tɩ dɩ a bàwr-maal-bome, ɛ́ puori a bɛ ŋmɩmɛ.

Sɔr-nɛ́ɛ 25:2 Iomraidhean Croise

1 Na-mɩnɛ 19:18

Ɛcɛ ɩ̃ na bɛr'ɩ Ɩsɩrayɛl nɩbɛ túr ayopõi (7 000) bɛ cãà vʋʋrɛ, a bɛl za nãà bɛ wa gbĩ dume a ŋmɩn Báàl niŋé a, ɛ́ bɛ nyɔw a ʋ dasuli weri a.»

Sɛb-sõw yielu 106:28

Bɛ tɩ maal'ɩ a Pewɔɔr tẽw ŋmɩn Báàl, ɛ́ 'wɔb dʋn nɛnɛ bɛ na kʋ kʋ̀ kũuni a.

Eziptɩ tẽw yib 20:5

Fʋ kʋ̃ gbĩ dume gũu tɩ tɔ tẽw a ŋmɩmɛ á ŋá taabɛ niŋé, ɛ́ maalɩ a ɩ. Bʋ̃ʋ n'ʋ vɛ̃, mãa n'ɩ a Sore, a fʋ Naaŋmɩn, Naaŋmɩn na kpɛ nyuur a. A bɛlɩ dem na hɩ̃ɛn mɛ̃ a, ɩ̃ mɩ́ ƴãw bɛ nɩ dɔwrʋ, bɛlɛ nɩ a bɛ bʋʋrɛ na dɔw tu taa tɩ ta gb'a ata bɩɩ gb'a anaar a.

Eziptɩ tẽw yib 22:20

«Nyɩ kʋ̃ nɛbr a nʋʋrɩ ɛ, nyɩ kʋ̃ dɔwrɛ bɛ ɩ. Nyɩ mɩ̀ tɩ dãw na ɩ nʋʋrɩ a Eziptɩ tẽw.

Eziptɩ tẽw yib 23:24

A lɛn daar a, nyɩ taa gbine dume gũune tɩ tʋɔr tẽw puore a bɛ ŋmɩmɛ ɩ, nyɩ taa cɔwrɛ a lɛ bɛ na mɩ́ maalɩ a a ɩ. Nyɩ nɩ̃ɛ ŋmɛ a ŋmɩmɛ á ŋá dasuli ŋmɛr, ɛ́ ŋmɛ a kʋsɛ-teli kar.

Eziptɩ tẽw yib 32:6

A nɩbɛ tɩ dãwnɩ nɩ ìru a bio daarɩ́, maalɩ nyɩw-a-za-bagɛ nɩ lãw-taa bagɛ. A nɩbɛ tɩ zɩ̃ na kɛ́ bɛ dɩ ɛ́ nyũ, al pùorí bɛ ìr kɛ́ bɛ dɩ̃ɛnɩ.

Zeremi 40:11

Lɛ mɩ̀ n'a, a Zuda tẽw nɩbɛ na tɩ be a Mowab, a Amɔ̃, a Edɔm ten pʋɔ nɩ a ziir za a, tɩ wõ na k'aa Babɩlɔn tẽw nãà tɩ bɛr'ɩ nɩbɛ ŋmãa a Zuda tẽw, ɛ́ ƴãw Ahikam bidɛb, Gedalɩasɩ, na ɩ Safan yãw a, ʋ kaarɛ a bɛ zie.

A naaŋmɩn-ƴèr-manɛ Oze sɛbɛ 9:10

À ŋá n'a a Sore yere: «Ɩ̃ nyɛ̃ nɩ a Ɩsɩrayɛl ʋ ɩ mɛ̃ divɛ̃ tɩ-wɔmɛ bɛ na nyɛ̃ wɛja-kpalɛ pʋɔ a. Ɩ̃ nyɛ̃ nɩ a nyɩ sãàkʋm-kore mɛ̃ kãkãw wɔ̃-dãw bɛ na nyɛ̃ a tɩɛ zu a. Ɛcɛ bɛl a, bɛ na dɛ wa tarɛ a Bàál-Pewɔɔr tẽw a, bɛ bɛr'ɩ bɛ tʋɔra kʋ̀ a Vĩ, lɛ n'a bɛ lɩɛbɩ faalʋ na bɛ maal'ɩ wob a, mɛ̃ a bom ʋl tɔr za bɛ na nɔnɛ a.

Mise 6:5

Ɩ̃ nɩbɛ ɛ, nyɩ lɛb tɩɛrɩ a lɛ a Mowab tẽw nãà Balakɩ na tɩ bɔbr k'ʋʋ ɩ nyɩ faa a. Nyɩ lɛb tɩɛrɩ a lɛ a Bewɔɔr bidɛb Balaam na tɩ sɔw ʋ a. Al pùorí, ɩ̃ bɩɛlɩ nyɩ nɩ a Sitim tẽw tɩ sãá nɩ a Gilgal tẽw. Lɛ n'a nyɩ tʋ̃ɔ́ nyɛ̃ a gãda-tome a mãa Sore na tõ a nyɩ ƴãw a.»

1 Korɛ̃tɩ 10:20

Ʋ̃ʋ'hʋ̃! Ɩ̃ yere na k'aa bàwr-maal-nɛnɛ a tɩbɛ dem na kʋrɛ a, kɔ̃tɔmɛ n'a bɛ kʋrɛ kʋ̀rɛ, Naaŋmɩn bɛ n'ʋ ɛ. Ɩ̃ɩ bɛ bɔbr kɛ́ nyɩ lãw nɩ a kɔ̃tɔmɛ ɩ.

Wulu-ayi-sob 32:38

Nyɩ tɩ maalɛ nɩ bàwr, kʋrɛ dʋn ƴãwn a a 'wɔbr. A tɩ nyuur'ɩ a divɛ̃ nyɩ na mɩ́ lãw nɩ a nyɩ de-kʋ̀b bome a. Á pãa ìr sõw nyɩ! Á wa gù nyɩ!”

Zozue 22:17

A Pewɔɔr sãwna bɛ man tɩ ɛ? Nɩ dɩ̃a, tɩ cãà bɛ so a dɛwr bɛr baarɩ sɛr ɛ, a dɔwrʋ na saa lo a Sore lãw nɩbɛ zu a.

Zozue 23:16

Nyɩmɛ wa sãw a Sore nyɩ Naaŋmɩn wõ-taa bɛr, wõ-taa ʋ na yel kɛ́ nyɩ maal tɛr a, nyɩmɛ wa sãw ʋ bɛr, ɛ́ maalɛ ŋmɩn-yoru, mɩ́ gũu a niŋé a, a Sore suur na ìr'ɩ a nyɩ ƴãw mɛ̃ vũu a, ɛ́ nyɩ na bɔr'ɩ fɔ̃wlɛ a tẽ-vla ŋa ʋ na kʋ̀ nyɩ a pʋɔ.»

Zozue 23:7

Nyɩ taa kpɩɛr nyawr a nɩ-bʋʋrɛ bɛ ŋa na cãà kpɩɛr a nyɩ sɔgɔ a ɩ. Nyɩ taa puore a bɛ ŋmɩmɛ ɩ, nyɩ taa pore a bɛ ŋmɩmɛ yée a nyɩ pɔɛ pʋɔ ɩ, nyɩ taa gũune a niŋé kɛ́ nyɩ puori a ɩ.

Yel-wula 2:14

Ɛcɛ, yele blã be n be, ɩ̃ na yere fʋ a al ƴãw: nɩbɛ be n a fʋ zie de a Balaam wulu. A Balaam ŋa n'ʋ tɩ wule a Balakɩ, k'ʋʋ bɛlɩ a Ɩsɩrayɛl nɩbɛ ƴãw bɛ 'wɔb tɩbɛ bàwr-maal-nɛnɛ ɛ́ maalɩ pɩ̃ɔ-yele.