Sɔr-nɛ́ɛ 24:1 - A SƐB-SÕW

¹ A Balaam tɩ nyɛ̃ na a Sore na bɔbr a Ɩsɩrayɛl nɩbɛ maalʋ tuotuo a. Alɛ na so ʋ bɛ lɛb tɩ bɔ bãw a lɛ a Naaŋmɩn na yel, mɛ̃ a dãwdãw a ɩ. Ɛcɛ ʋ tɩ lɩɛb'a tori a wɛja-kpalɛ.

Sɔr-nɛ́ɛ 24:1 Iomraidhean Croise

Sɔr-nɛ́ɛ 22:13

A Balaam na wa ìr a biɓaara a, ʋ yel'ɩ a nɩ-bɛrɛ a Balakɩ na tõ a: «Nyɩ lɛb kul a nyɩ tẽw. A Sore bɛ sàwr k'ɩ̃ɩ páw nyɩ cen ɛ.»

Sɔr-nɛ́ɛ 22:7

A Mowab nɩ a Madian nɩ-kore bɛ na tõ a tɩ tɛr'ɩ bome cen nɩ kɛ́ bɛ tɩ kʋ̀ a bàwr-bʋwrɛ. Bɛ na tɩ ta a Balaam zie a, bɛ yel'ɩ a lɛ a Balakɩ na yel a kʋ̀ ʋ.

Sɔr-nɛ́ɛ 23:15

A Balaam tɩ yel'ɩ a Balakɩ: «Àr a ka, gù a fʋ bàwr-maal-bome, ɩ̃ɩ cen ka tɩ gù ƴɛ̀rʋ.»

Sɔr-nɛ́ɛ 23:20

Mãa a, ɩ̃ sàw na ƴɛ̀r nɔ-vla kʋ̀ a nɩ-bʋʋrɛ bɛ ŋa, a Sore na maalɩ bɛ a ƴãw, ɩ̃ bɛ lɩɛbɛ bɛrɛ ɩ.

Sɔr-nɛ́ɛ 23:23

A Ɩsɩrayɛl nɩbɛ bɛ tɛr a tɩtɩblʋ nɩ a ʋ ɩ-ɩrɩ yel-ɩra ɩ. A daar mɩ́ wa ta a, bɛ mɩ́ bãw nɩ bom nɛ za a Naaŋmɩn na ɩrɛ a.

Sɔr-nɛ́ɛ 23:28

Ʋ tɩ tɛr'ɩ a Balaam do n a Pewɔɔr tãw nyʋɔrɩ́, a be fʋ na mɩ́ àr ɛ́ nyɛ̃ a wɛja-kpalɛ ʋ wɩɛr tɩ cere a.

Sɔr-nɛ́ɛ 23:3

A Balaam tɩ yel'ɩ a Balakɩ: «Àr kɔw a fʋ bàwr-maal-bome ɩ̃ɩ taw yi pùor. Kapaw a Sore na tuori mɛ̃ na. Ɩ̃ na yel'ɩ a ƴɛ̀rʋ ʋ na ɩ ɩ̃ bãw a kʋ̀ b.» Al pùorí, ʋ tɔl do tãli-kpalɛ kãw zu.

Sɔr-nɛ́ɛ 23:30

A Balakɩ tɩ ɩ n a lɛ a Balaam na yel a, al pùorí, ʋ kʋ nadɛr nɩ pʋ́ra bàwr-maal-kuur za zu, maal'ɩ bàwr.

Sɔr-nɛ́ɛ 31:16

Nyɩ bãwnɩ a nɩ vla, a Madian tẽw pɔwbɛ nɛbɛ a Balaam tɩ wul a yã bɛ bɛlɩ a Ɩsɩrayɛl nɩbɛ bɛ bɛ tu a Sore, a Pewɔɔr yele pʋɔ ɩ. A pùorí a, a wa ɩ n kpɩɛrʋ yaga a Sore nɩbɛ zie.

Yel-wula 2:14

Ɛcɛ, yele blã be n be, ɩ̃ na yere fʋ a al ƴãw: nɩbɛ be n a fʋ zie de a Balaam wulu. A Balaam ŋa n'ʋ tɩ wule a Balakɩ, k'ʋʋ bɛlɩ a Ɩsɩrayɛl nɩbɛ ƴãw bɛ 'wɔb tɩbɛ bàwr-maal-nɛnɛ ɛ́ maalɩ pɩ̃ɔ-yele.

1 Samɩɛl 24:20

Ãa dãw ùr a ʋ dɔ̃ sob, ɛ́ bɛr ʋ ʋ cere nɩ ƴã-ɓaarʋ? A Sore, ʋ kʋ̀ b bʋ̃-kãw a ɩ-vla ŋa fʋ na ɩ kʋ̀ m a dɩ̃a a ƴãw.

1 Samɩɛl 26:2

Lɛ n'a a Sawul tɩ ír sojarɩ túr ata (3 000) na ɩ gãdaar a, a Ɩsɩrayɛl sojarɩ pʋɔ, cen nɩ a Zifɩ wɛja-kpalɛ pʋɔ, k'ʋʋ tɩ bɔ n a Daviir.

1 Samɩɛl 26:25

A Sawul tɩ yel'ɩ a Daviir: «Ɩ̃ bie Daviir i, a Sore, ʋ maalɩ fʋ! Fʋ na tõ n tõ-bɛrɛ, ɛ́ fʋ na tʋ̃ɔ́ nɩ bom za ɩ vla, bʋnʋ bɛ ka be ɩ.» A Daviir tɩ tɔl'a cen, ɛ́ a Sawul lɛb kul.