Sɔr-nɛ́ɛ 22:31 - A SƐB-SÕW

³¹ Lɛ n'a a Sore tɩ yuo a Balaam mimie, ʋ nyɛ̃ a Sore malkɩ na àr a sɔ́r zu, tɛr a zɛbr-sɔ-kpɛ̃ɛ a nũú a. Ʋ tɩ lo na vɔblɩ muru daadaalɛ.

Sɔr-nɛ́ɛ 22:31 Iomraidhean Croise

Yele-za-pɛr-tib 21:19

A Naaŋmɩn tɩ ɩ n a Agaar nyɛ̃ bule. Ʋ tɩ cen na tɩ 'wɔ̃w a kʋ̃ɔ paalɩ a wɔ-gbãw wa kʋ̀ a ʋ bie ʋ nyũ.

1 Bibie za yel-manɩ 21:16

A Daviir tɩ zɛw nɩ zu nyɛ̃ a Sore malkɩ ʋ àr a salom nɩ a tẽw cará, tɛr zɛbr-sɔ-kpɛ̃ɛ ʋ na vʋ̃ɔ a, a nũú, tur cɔw nɩ a Zerizalɛm. A Daviir nɩ a nɩ-kore na tɩ su vʋɔrɩ kparɩ a, tɩ lo na vɔblɩ muru.

Sɛb-sõw yielu 9:20

Sore e, ìr! Ta sàw a nɩsaal tʋ̃ɔ́ ɩ! A nɩ-bʋʋr-yoru ƴɛ̀rʋ, ʋ dɩ a fʋ niŋé!

Eziptɩ tẽw yib 34:8

A Moyiir tɩ gbĩ n dume daadaalɛ, gũu tɩ tɔ tẽw.

Sɔr-nɛ́ɛ 22:30

A bõw-nyãw yel ʋ: «Mãa bɛ n'ɩ a fʋ bõw-nyãw fʋ na zɔmnɛ a koro za a ɩ? À à ŋá n'a ɩ̃ tɩ ɩrɛ a fʋ zie e?» A Balaam sɔw: «Ʋ̃ʋ'hʋ̃!»

Sɔr-nɛ́ɛ 24:16

À ŋá n'a ɩ̃ yere, mãa na mɩ́ wõ a Naaŋmɩn ƴɛ̀rʋ a, mãa na bãw a Naaŋmɩn-na-do-saa-bɛ-pɩɛl-a yel-sɔwlɩ, ɛ́ nyɛrɛ a bʋ̃-nyɛrɩ a Kpɛnʋ-za-sob na mɩ́ bɛr a wa a. Ʋ mɩ́ sɩrɩ na ɩ ɩ̃ nyɛ̃ ʋ, a lɛn daar ɩ̃ na mɩ́ puore ʋ nɩ ɩ̃ tʋɔra-siwru a.

Sɔr-nɛ́ɛ 24:4

À ŋá n'a ɩ̃ yere, mãa na mɩ́ wõ a Naaŋmɩn ƴɛ̀rʋ ɛ́ nyɛ̃ a bʋ̃-nyɛrɩ a Kpɛnʋ-za-sob na mɩ́ bɛr a wa a. Ʋ mɩ́ sɩrɩ na ɩ ɩ̃ nyɛ̃ ʋ a lɛn daar ɩ̃ na mɩ́ puore ʋ nɩ ɩ̃ tʋɔra-siwru a.

Luka 24:16

Bɛ tɩ nyɛ̃ ʋ na, ɛ́ bʋ̃-kãw ɩ bɛ bɛ bãw kɛ́ ʋlɛ n'ʋ ɛ.

Luka 24:31

Lɛ n'a a bɛ mimie tɩ yuo ɛ̀ bɛ bãw kɛ́ ʋlɛ n'ʋ. Ɛcɛ ʋ tɩ bɔr'ɩ a bɛ niŋé be.

Zã 18:6

A Yeezu na wa yel: «Mãa n'ʋ a», bɛ tɩ̃wnɩ nɩ pùor, ɛ́ lo tẽsɔw.

Nɩ-toni 26:18

Ɩ̃ tone fʋ na kɛ́ fʋ tɩ yuo bɛ a mimie, kɛ́ fʋ tɩ tɛr bɛ a lige pʋɔ yi wa n a cãà pʋɔ, kɛ́ fʋ tɩ taw bɛ a Sɩtaana naalʋ pʋɔ yi wa n a Naaŋmɩn zie, bɛ wa tʋ̃ɔ́ páw a bɛ yel-bebe suur, ɛ́ lãwnɩ a nɩ-son páw gbã-dɩ-bom, bɛlɛ wa sàw de a ɩ̃ yele a.”»

Zozue 5:13

Bibir kãw, a Zozue na tɩ pɩɛl'ɩ a Zeriko a, ʋ tɩ zɛw nɩ zu nyɛ̃ nɩr ʋ àr a ʋ niŋé, ƴãw zɛbr-sɔ-kpɛ̃ɛ na vʋ̃ɔ a, a nũú. A Zozue tɩ cen nɩ a ʋ zie tɩ sowr'ʋ: «Tɩ zie n'a fʋ pʋɔ bɩɩ a tɩ dɔ̃ dem zie n'a?»

Zozue 5:14

Ʋ tɩ sɔw na: «Ʋ̃ʋ'hʋ̃, ɩ̃ bɛ pʋɔ zie za ɩ. Mãa n'ɩ a Sore zɛbr-nɩbɛ nɩ-kpɛ̃ɛ, ɛ́ a tab'a ɩ̃ cãà tarɛ.» Lɛ n'a a Zozue tɩ lo vɔblɩ muru ɛ́ yel ʋ: «A fʋ tõ-tõ-bie nɛ m, bʋ̃ʋ n'ʋ fʋ yel k'ɩ̃ɩ ɩ?»