Sɔr-nɛ́ɛ 22:12 - A SƐB-SÕW

¹² A Naaŋmɩn tɩ yel'ɩ a Balaam: «Fʋ bɛ páwr bɛ cere ɩ, fʋ bɛ ŋmɩɛr ƴãwn a nɩ-bʋʋrɛ bɛ ŋa ɩ, ɩ̃ na maalɩ bɛ a ƴãw.»

Sɔr-nɛ́ɛ 22:12 Iomraidhean Croise

Yele-za-pɛr-tib 12:2

Ɩ̃ na ɩ na fʋ yɛ̀r ɩ nɩ-bʋʋrɛ na ta nɩ-bʋʋrɛ a. Ɩ̃ na maalɩ fʋ na, ɛ́ ɩ a fʋ yúor ʋ yi. Fʋ na ɩ n maalʋ a nɩbɛ zie.

2 Bibie za yel-manɩ 31:10

A bàwr-maal-kara Azarɩahu na ɩ a Sadɔkɩ dɔwlʋ nɩr a tɩ sɔw ʋ na: «A nɩbɛ na tĩ waar'ɩ a bɛ bʋ̃-dieri a Sore yir-kpɛ̃ɛ pʋɔ a, tɩ mɩ́ dɩ na tɩ tɩw ɛ́ a cãà guu, bʋ̃ʋ n'ʋ vɛ̃, a Sore maal'ɩ a ʋ nɩ-bʋʋrɛ. A al na guu a, alɛ n'ɩ à á ŋá na gbõ taa a.»

Sɛb-sõw yielu 144:15

Zu-nʋ̃ɔ̀ dem'ɩ a nɩ-bʋʋrɛ bɛl na tɛr à à ŋá za a, zu-nʋ̃ɔ̀ dem'ɩ a nɩ-bʋʋrɛ a Sore na ɩ a bɛ Naaŋmɩn a!

Sɛb-sõw yielu 146:5

Zu-nʋ̃ɔ̀ sob'ɩ sob nɛ a Zakɔb Naaŋmɩn na ɩ a sõwne a, ʋʋ mɩ́ ƴãw a ʋ tɩɛrʋ a Sore ʋ Naaŋmɩn ƴãw a!

Ɩzayi 61:9

A nyɩ bʋʋrɛ yúor na yi n a ziir za, a nɩ-bʋʋr-yoru ten za pʋɔ. A bɛlɩ dem za na na nyɛrɛ bɛ a, na bãw bɛ nɩ a yel ŋa zũú: bɛ na ɩ n bʋʋrɛ a Sore na maalɩ a.

Mise 6:5

Ɩ̃ nɩbɛ ɛ, nyɩ lɛb tɩɛrɩ a lɛ a Mowab tẽw nãà Balakɩ na tɩ bɔbr k'ʋʋ ɩ nyɩ faa a. Nyɩ lɛb tɩɛrɩ a lɛ a Bewɔɔr bidɛb Balaam na tɩ sɔw ʋ a. Al pùorí, ɩ̃ bɩɛlɩ nyɩ nɩ a Sitim tẽw tɩ sãá nɩ a Gilgal tẽw. Lɛ n'a nyɩ tʋ̃ɔ́ nyɛ̃ a gãda-tome a mãa Sore na tõ a nyɩ ƴãw a.»

Sɔr-nɛ́ɛ 22:11

“A nɩ-bʋʋrɛ bɛl na yi a Eziptɩ a pàw nɩ a tẽw za. A na ɩ lɛ a, wa wa ŋmɛ ƴãw bɛ kʋ̀ m. Fʋ̃ʋ wa sàw a, a mɩnɛ kãw ɩ̃ na tʋ̃ɔ́ bɛ na, ɛ́ diw bɛ.”»

Sɔr-nɛ́ɛ 22:13

A Balaam na wa ìr a biɓaara a, ʋ yel'ɩ a nɩ-bɛrɛ a Balakɩ na tõ a: «Nyɩ lɛb kul a nyɩ tẽw. A Sore bɛ sàwr k'ɩ̃ɩ páw nyɩ cen ɛ.»

Sɔr-nɛ́ɛ 22:6

Ɩ̃ zɛlɛ fʋ na, wa wa ŋmɛ ƴãw bɛ, bɛ na tɛr fãw zuo a ɩ̃ nɩ-bʋʋrɛ a ƴãw. Fʋ̃ʋ wa sàw a, a mɩnɛ kãw, ɩ̃ na tʋ̃ɔ́ bɛ na, ɛ́ diw bɛ bɛr a tẽw pʋɔ. Bʋ̃ʋ n'ʋ vɛ̃, ɩ̃ bãwnɩ a na, fʋ̃ʋ wa ƴɛ̀r nɔ-vla kʋ̀ nɩr a, a mɩ́ tu ʋ na, fʋ̃ʋ mɩ̀ lɛb wa ŋmɛ ƴãw nɩr a, a mɩ́ tu ʋ na.»

Sɔr-nɛ́ɛ 23:23

A Ɩsɩrayɛl nɩbɛ bɛ tɛr a tɩtɩblʋ nɩ a ʋ ɩ-ɩrɩ yel-ɩra ɩ. A daar mɩ́ wa ta a, bɛ mɩ́ bãw nɩ bom nɛ za a Naaŋmɩn na ɩrɛ a.

Sɔr-nɛ́ɛ 23:3

A Balaam tɩ yel'ɩ a Balakɩ: «Àr kɔw a fʋ bàwr-maal-bome ɩ̃ɩ taw yi pùor. Kapaw a Sore na tuori mɛ̃ na. Ɩ̃ na yel'ɩ a ƴɛ̀rʋ ʋ na ɩ ɩ̃ bãw a kʋ̀ b.» Al pùorí, ʋ tɔl do tãli-kpalɛ kãw zu.

Sɔr-nɛ́ɛ 23:8

Ɛcɛ, ŋmɩŋmɩn n'a ɩ̃ na tʋ̃ɔ́ ŋmɛ ƴãw nɩr Naaŋmɩn mɩŋa na bɛ ŋmɩɛr ƴãwn a? Ŋmɩŋmɩn n'a ɩ̃ na tʋ̃ɔ́ nyar nɩ-bʋʋrɛ zu a Sore na bɛ nyar a?

Sɔr-nɛ́ɛ 24:9

Bɛ ũúne na mɛ̃ gben a, bɛ ganɛ na mɛ̃ wɛ-dʋ̃-faar a. Ãa n'ʋ na fɛr bɛ bɛ ìr? Ɩsɩrayɛl nɩbɛ ɛ, a maalʋ, a tuur sob nɛ na ƴɛ̀rɛ nɔ-vla kʋ̀rɛ nyɩ a, ɛ́ a ŋmɛ-ƴãw tuur sob nɛ na ŋmɩɛr ƴãwn nyɩ a!»

Matie 27:19

A Pɩlatɩ na tɩ zɩ̃ a ƴɛ̀rʋ-dɩb zie a, a ʋ pɔw tɩ tõ na bɛ tɩ yel ʋ: «Taa tone nũu a nɩ-mɩŋa ŋa yele pʋɔ ɩ. Ɩ̃ wõ n tuo yaga zánʋ pʋɔ a dɩ̃a a ʋ ƴãw.»

Ʋrɔm 11:29

Bʋ̃ʋ n'ʋ vɛ̃, a Naaŋmɩn maalʋ nɩ a ʋ bʋɔlʋ bɛ tɛr lɩɛb-bɛrʋ ɛ.

Efɛɛzɩ 1:3

A Naaŋmɩn, tɩ Sore Yeezu Kɩrɩta Sãà, tɛr'ɩ puoru. Tɩ na lãw nɩ a Kɩrɩta a, ʋ maalɩ tɩ nɩ a tẽ-vla pʋɔ nɩ maal-pɛ-bʋʋrɛ za a Vʋʋrʋ Sõw na tɩrɛ a.

Wulu-ayi-sob 2:7

Bʋ̃ʋ n'ʋ vɛ̃, a Sore nyɩ Naaŋmɩn maalɩ nyɩ nɩ a nyɩ tome za pʋɔ, ɛ́ gù nyɩ a wɛja-kpalɛ kpɛ̃ɛ ŋa pʋɔ nyɩ na tu tɔl a. Yome lɩz'a ayi n'ɩ à ŋá ʋ na be a nyɩ zie, ɛ́ nyɩ bɛ bɔ bom za gù a.

Wulu-ayi-sob 23:5

Bʋ̃ʋ n'ʋ vɛ̃, a nɩ-bʋʋrɛ bɛ ŋa bɛ tuor'ɩ nyɩ kʋ̃ɔ nɩ dipɛ̃ a sɔ́r zu a lɛ nyɩ na tɩ yi a Eziptɩ a ɩ. Bɛ nɩ̃ɛ na tɩ ƴãw Bewɔɔr bidɛb, a bàwr-bʋwrɛ Balaam, ʋ yi Petoor na be a Mezopotami Saa-zu a wa, bɛ wa kʋ̀ ʋ libie k'ʋʋ tʋ̃ɔ́ ŋmɛ ƴãw nyɩ.

Wulu-ayi-sob 28:6

Ʋ na mɩ́ maalɩ nyɩ nɩ a nyɩ yele za pʋɔ.

Wulu-ayi-sob 33:29

Zu-nʋ̃ɔ̀ dem'ɩ nyɩ, Ɩsɩrayɛl nɩbɛ ɛ! A Sore faa nɩ nɩ-bʋʋrɛ kãw mɛ̃ a nyɩɩm a? A Sore ɩ na mɛ̃ zɛbr bom na piw nyɩ tɛr a, zɛbr-sɔ-kpɛ̃ɛ nyɩ na zɛb'ɩ tʋ̃ɔ́ a. A nyɩ dɔ̃ dem na bɔr'ɩ a nyɩ niŋé, ɛ́ a nyɩɩm a, nyɩ na so bɛ na.»

Wulu-ayi-sob 7:14

Ʋ na maalɩ nyɩ na zuo a nɩ-bʋʋrɛ za. Dɛb-ãan, pɔw-ãan nɩ dʋ̃w-ãan kãw za bɛ bere a nyɩ pʋɔ ɩ.