Sɔr-nɛ́ɛ 21:7 - A SƐB-SÕW

⁷ A bɛl na cɛ a tɩ wa na wa páw a Moyiir yel ʋ à ŋá: «Tɩ maal'ɩ yel-bier tɩ na nyɔw a Sore nɩ a fʋ̃ʋ za yere a. Zɛlɩ a Sore ʋ diw a wɩɩr á ŋá bɛr tɩ.» A Moyiir tɩ zɛlɩ nɩ a Sore a nɩbɛ ƴãw,

Sɔr-nɛ́ɛ 21:7 Iomraidhean Croise

Yele-za-pɛr-tib 20:17

A Abraham tɩ zɛlɩ nɩ a Naaŋmɩn ʋ sanɩ a Abimelɛkɩ nɩ a ʋ pɔw de nɩ a ʋ tõ-tõ-bi-pɔwbɛ, ɛ̀ bɛ lɛb tʋ̃ɔ́ dɔwr.

Yele-za-pɛr-tib 20:7

Ƴɛrɛŋa a, lɛb kʋ̀ a pɔw ŋa a ʋ sɩr. Naaŋmɩn-ƴɛ̀r-manɛ n'ʋ, ʋ na puor'a kʋ̀ b fʋ cãà vʋʋrɛ. Fʋ̃ʋ bɛ wa lɛb tɩr a pɔw a, bãwnɩ a fʋ na na kpi, fʋ̃ʋ nɩ a fʋ nɩbɛ za a, zɛlɩ bɛr bɛ ka be ɩ.»

1 Na-mɩnɛ 13:6

Lɛ n'a a nãà tɩ yel a Naaŋmɩn nɩr: «Ɩ̃ zɛlɛ fʋ nɩ yãayãa, ɓaalɩ a Sore fʋ Naaŋmɩn kʋ̀ m. Zɛlɩ ʋ a ɩ̃ ƴãw, a ɩ̃ kpãkpãw tʋ̃ɔ́ sanɩ.» A Naaŋmɩn nɩr tɩ zɛlɩ nɩ a Sore, a nãà tʋ̃ɔ́ lɛb gùr a ʋ kpãkpãw wa n a ʋ zie. A kpãkpãw tɩ lɛb'a ɩ mɛ̃ a dãwdãw a.

2 Na-mɩnɛ 13:4

Ɛcɛ a Yoakaazɩ tɩ zɛlɩ nɩ a Sore k'ʋʋ ɓãá suur, ʋ bɛr wõ. Bʋ̃ʋ n'ʋ vɛ̃, ʋ tɩ nyɛ̃ nɩ a kpɩɛrʋ al za a Siiri tẽw nãà na tɩ ɩrɛ a kpɩɛr a Ɩsɩrayɛl nɩbɛ a.

A Zɔb sɛbɛ 42:10

A Zɔb na tɩ puore kʋ̀rɛ a ʋ bárɩ a, a Sore tɩ lɛb'a maalɩ a ʋ yele ƴãw. Mɔ̃ mɩ̀, a Sore tɩ ɩ n a Zɔb bʋ̃-tɛrɩ ʋ na tɩ dãw tɛr a, a yãwmɛ dɔwlɩ gb'a ayi.

A Zɔb sɛbɛ 42:8

Ƴɛrɛŋa a, nyɩ bɔ nadɛɛ ayopõi nɩ pʋ́rɩ ayopõi cen nɩ tɩ páw nɩ a ɩ̃ tõ-tõ-bie Zɔb. Nyɩ na tɩ de a na maal'ɩ nyɩw-a-za-bàwr a nyɩ ƴãw, ɛ́ a ɩ̃ tõ-tõ-bie Zɔb puori kʋ̀ nyɩ. A ʋl ƴãw n'a ɩ̃ kʋ̃ dɔwrɩ nyɩ a nyɩ gẽgẽ-ƴɛ̀rʋ ƴãw ɛ, nyɩɩm na bɛ yel a yel-mɩŋa a ɩ̃ ƴãw mɛ̃ a lɛ a ɩ̃ tõ-tõ-bie Zɔb na yel a.»

Sɛb-sõw yielu 106:23

Lɛ n'a a Naaŋmɩn tɩ yel k'ʋʋ na kʋ bɛ na pàw pɛr. Ɛcɛ a ʋ nɩ-kaa-íra Moyiir tɩ ŋmãa na yi àr a ʋ niŋé, bɛ sàw ʋ na kʋ bɛ pàw pɛr nɩ suur ɛ.

Sɛb-sõw yielu 78:34

A Naaŋmɩn na mɩ́ tɩ kʋrɛ bɛ a, bɛ mɩ́ tɩ lɩɛb'ɩ niwn cɔw ʋ, bɛ mɩ́ tɩ lɛb'a wa a ʋ zie, bɛ mɩ́ tɩ bɔbr'ɩ a ʋ sõwfʋ.

Eziptɩ tẽw yib 10:17

Nyɩ lɛb maal dɩ a ɩ̃ sãwna suur kʋ̀ m, ɛ́ zɛlɩ a Sore nyɩ Naaŋmɩn, ʋʋ ír a kũu dɔwrʋ ŋa bɛr mɛ̃.»

Eziptɩ tẽw yib 32:11

Ɛcɛ a Moyiir tɩ zɛlɩ nɩ a Sore ʋ Naaŋmɩn yãayãa, k'ʋʋ ɓãá suur. Ʋ tɩ yel ʋ na: «Sore e, bʋ̃ʋ n'ʋ so fʋ na nyɛ̃ nɩ a fʋ nɩbɛ suur, bɛl a fʋ gãdaalʋ nɩ a fʋ kpãkpã-kpɛ̃w na ɩ bɛ yi a Eziptɩ a?

Eziptɩ tẽw yib 32:30

A Moyiir tɩ yel'ɩ a nɩbɛ a bio daarɩ́: «Nyɩ maal'ɩ yel-bier-kpɛ̃ɛ. Ƴɛrɛŋa a, ɩ̃ na lɛb'a do a Sore zie a tãw zu, a mɩnɛ kãw, ɩ̃ na tɩ zɛlɩ na páw a nyɩ yel-bier suur-dɩ-kʋ̀b.»

Eziptɩ tẽw yib 8:28

Lɛ n'a a Faarawɔ̃ lɛb tɩ maal kpãa tobr, bɛ sàw bɛr a Ɩsɩrayɛl nɩbɛ bɛ cen ɛ.

Eziptɩ tẽw yib 8:4

A Faarawɔ̃ tɩ bʋɔl'ɩ a Moyiir nɩ a Aarɔ̃ wa yel bɛ: «Nyɩ zɛlɩ a Sore ʋ diw a lɔn á ŋá bɛr mãa nɩ a ɩ̃ nɩbɛ, ɩ̃ɩ na bɛr'ɩ a Ɩsɩrayɛl nɩbɛ bɛ cen tɩ maalɩ a bàwr kʋ̀ ʋ.»

Eziptɩ tẽw yib 8:8

A Moyiir nɩ a Aarɔ̃ tɩ yi n a Faarawɔ̃ zie. A Moyiir tɩ zɛlɩ nɩ a Sore k'ʋʋ faa a Faarawɔ̃ ʋ na dɔwr'ɩ a lɔn a.

Ɩzayi 26:16

Sore e, a kpɩɛrʋ daar a, fʋ̃ʋ n'ʋ a nɩbɛ mɩ́ bɔbr. Fʋ̃ʋ wa ƴãwnɛ a dɔwrʋ a lɛn daar a, bɛ mɩ́ puore na 'hũ'hune nɩ.

Zeremi 15:1

A Sore yel mɛ̃ na: «A Moyiir nɩ a Samɩɛl saa tɩ zɛlɛ mɛ̃ a, ɩ̃ kʋ̃ʋ tɛr nɩbaal-zɔba a nɩbɛ bɛ ŋa ƴãw ɛ. Diw bɛ bɛ zãá nɩ mɛ̃, bɛ cen!

Zeremi 37:3

A na saa tɩ ɩ a lɛ a, a nãà Sedesɩasɩ tɩ tõ n Selemɩa bidɛb, Yehukal, nɩ Maaseya bidɛb, Sefanɩahu, na ɩ a bàwr-maalɛ a, a Zeremi zie, kɛ́ bɛ tɩ yel ʋ: «Tɩ zɛlɛ fʋ na, puori a Sore tɩ Naaŋmɩn kʋ̀ tɩ!»

A naaŋmɩn-ƴèr-manɛ Oze sɛbɛ 5:15

«A Sore yere na: Ɩ̃ na tɔlɛ na cere, ɩ̃ na lɛb'a cen a ɩ̃ beba zie, ɛ́ gù bɛ wa tɩ sàw kɛ́ bɛ sãw na, ɛ́ bɔbr a ɩ̃ niwn. A bɛ kpɩɛrʋ pʋɔ a, bɛ na ìr'a bɔbr mɛ̃.»

Sɔr-nɛ́ɛ 11:2

A nɩbɛ tɩ ŋmɛ n cɛlsɩ zɛlɩ nɩ a Moyiir, ʋ zɛlɩ a Sore, a vũu kpiiri.

Matie 27:4

ɛ́ yel: «Ɩ̃ maal'ɩ yel-bier, ɩ̃ na nyɔw nɩr na bɛ sãw bom za a, kʋ̀ nyɩ a.» Ɛcɛ bɛ tɩ yel ʋ na: «A bɛ jɩ́rɛ tɩ ɛ! Fʋ yele n'a!»

Nɩ-toni 8:24

A Sɩmʋ̃ tɩ sɔw na: «A nyɩɩm tɛɛ za, nyɩ puori a Sore kʋ̀ m, kɛ́ à á ŋá kãw za nyɩ na yel a taa páwr mɛ̃ ɩ.»

Ʋrɔm 10:1

Yɛbr i, a ʋlɩ bom nɛ ɩ̃ na bɔbr'ɩ ɩ̃ pʋɔ za, ɛ́ zɛlɛ a Naaŋmɩn zie a Zifʋ mɩnɛ ƴãw a, ʋlɛ n'ɩ kɛ́ bɛ nyɛ̃ a faafʋ.

Wulu-ayi-sob 9:20

A Sore mɩ̀ tɩ nyɛ̃ nɩ nɩ a Aarɔ̃ suur yaga tɩ bɔbr a ʋ kʋb. Ɛcɛ ɩ̃ mɩ̀ tɩ puor'a kʋ̀ ʋ a ʋlɩ bibir nɛ.

Zakɩ 5:16

A na ɩ lɛ a, nyɩ wore a nyɩ yel-bebe kʋ̀rɛ taa ɛ́ puore kʋ̀rɛ taa, kɛ́ nyɩ tʋ̃ɔ́ sanɩ. A nɩ-mɩŋa zɛlʋ puoru tɛr'ɩ fãw yaga.

1 Samɩɛl 15:24

A Sawul tɩ yel'ɩ a Samɩɛl: «Ɩ̃ maal'ɩ yel-bier, ɩ̃ bɛ tu a lɛ a Sore na yel a ɩ, mɩ̀ bɛ lɛb tu a fʋ ƴɛ̀rʋ ɛ. A sojarɩ dɛ̃bɩ̃ɛ n'a ɩ̃ tɩ zɔrɛ, alɛ so ɩ̃ sàw a bɛ zɛlʋ.

1 Samɩɛl 15:30

A Sawul tɩ lɛb'a yel: «Ɩ̃ sãw na. Ƴɛrɛŋa a, ɩ̃ zɛlɛ fʋ na, ƴãw mɛ̃ a Ɩsɩrayɛl nɩbɛ nɩ-kore nɩ a Ɩsɩrayɛl nɩbɛ za niŋé. Lɛb wa mãa nɩ fʋ̃ʋ tɩ cen, ɩ̃ tɩ puori a Sore fʋ Naaŋmɩn.»