Sɔr-nɛ́ɛ 21:34 - A SƐB-SÕW

³⁴ A Sore tɩ yel'ɩ a Moyiir à ŋá: «Taa zɔrɛ ʋ ɛ! Ɩ̃ na ƴãw ʋ nɩ a fʋ nuru pʋɔ, ʋlɛ nɩ a ʋ zɛbr-nɩbɛ za, nɩ a ʋ tẽw za. Fʋ na ɩ ʋ na, mɛ̃ a lɛ fʋ na ɩ a Amoritɩ mɩnɛ nãà, Sihon, na tɩ dɩrɛ a naalʋ a Hɛsɩbon a.»

Sɔr-nɛ́ɛ 21:34 Iomraidhean Croise

2 Samɩɛl 5:19

A Daviir tɩ lɔb'ɩ a gbã-bie sowri a Sore à ŋá: «Ɩ̃ cen tɩ zɛb'ɩ a Filisɩtɛ̃ mɩnɛ ɛ? Fʋ na ƴãw bɛ nɩ a ɩ̃ nuru pʋɔ ɔ?» A Sore tɩ sɔw nɩ a Daviir à ŋá: «Cen tɩ zɛb'ɩ bɛ! Ɩ̃ na ƴãw bɛ nɩ a fʋ nuru pʋɔ.»

1 Na-mɩnɛ 20:13

Lɛ n'a naaŋmɩn-ƴɛ̀r-manɛ kãw tɩ wa páw a Ɩsɩrayɛl nãà, Akab, yel ʋ: «À ŋá n'a a Sore yere: “Fʋ nyɛ̃ nɩ a zɛbr-nɩbɛ bɛ ŋa na yãwmɛ bɛ dɩ vuo a a? Ɩ̃ na ƴãw bɛ nɩ a fʋ nuru pʋɔ a dɩ̃a tɔr za, kɛ̀ fʋ bãw kɛ́ mãa n'ɩ a Sore.”»

1 Na-mɩnɛ 20:28

A Naaŋmɩn nɩr tɩ lɛb'a wa páw a Ɩsɩrayɛl nãà, yel ʋ: «À ŋá n'a a Sore yere: “A Siiri tẽw dem na faa yel k'aa mãa, a Sore, ɩ̃ ɩ n tan pʋɔ Naaŋmɩn, k'ɩ̃ɩ bɛ ɩ zi-tɩ̃talɛ pʋɔ Naaŋmɩn a, ɩ̃ na ƴãw nɩ a bɛ zɛbr-nɩ-yaga yaga bɛ ŋa a fʋ nuru pʋɔ. À ŋá n'a nyɩ na bãw kɛ́ mãa n'ɩ a Sore.”»

2 Na-mɩnɛ 3:18

A Elize tɩ cãà na lɛb yel: «Ɛcɛ, a cãà na ɩ pʋrɩ a Sore zie, ʋ na ƴãw nɩ a Mowab tẽw a nyɩ nuru pʋɔ.

Ɩzayi 41:13

Bʋ̃ʋ n'ʋ vɛ̃, a mãa Sore a, ɩ̃ ɩ n a fʋ Naaŋmɩn. Ɩ̃ nyɔw fʋ nɩ a dʋrʋ nũú. Ɩ̃ yere na kʋ̀rɛ fʋ: «Ta zɔrɛ dɛ̃bɩ̃ɛ ɩ, ɩ̃ waar'ɩ a fʋ sõwfʋ.»

Sɔr-nɛ́ɛ 14:9

A na ɩ lɛ a, nyɩ ta zɛbr'ɩ a Sore ɩ. Nyɩ ta zɔrɛ a tẽw ŋa nɩbɛ ɩ: tɩ na tɩ sɔw nɩ bɛ nɩ nʋɔr. Bʋ̃ʋ n'ʋ vɛ̃, a bɛ ŋmɩmɛ na gùre bɛ a taw na yi kɛ́ bɛr bɛ. Ɛcɛ a Sore ʋl be n a tɩ zie. A na ɩ à ŋá a, nyɩ ta zɔrɛ bɛ ɩ!»

Sɔr-nɛ́ɛ 32:4

a Sore na sõw a Ɩsɩrayɛl nɩbɛ zɛb de a pʋɔ. A vuo maal'ɩ nɩ dʋn guolu, ɛ́ tɩ tɛr dʋn.»

Wulu-ayi-sob 2:30

Ɛcɛ a Hɛsɩbon nãà, Sihon, bɛ sàw tɩ tɔl a ʋ zie ɩ. Bʋ̃ʋ n'ʋ vɛ̃, a Sore nyɩ Naaŋmɩn tɩ ɩ na a ʋ tɩɛrʋ nɩ a ʋ socir kpawlɩ mɛ̃ kʋsɩɛr a, k'ʋʋ tʋ̃ɔ́ ƴãw ʋ a nyɩ nuru pʋɔ a ʋlɩ bibir nɛ.

Wulu-ayi-sob 20:3

«Ɩsɩrayɛl nɩbɛ sojarɩ i, nyɩ bɛrɛ wone! A dɩ̃a a, nyɩ waar'a na zɛb'ɩ a nyɩ dɔ̃ dem. Nyɩ ta sàw a nyɩ kanyir baarɩ ɛ, nyɩ ta zɔrɛ dɛ̃bɩ̃ɛ ɩ, nyɩ ta tɛr pʋl-vʋ̃ɔ ɩ, nyɩ ta màwr a bɛ niŋé ɩ.

Wulu-ayi-sob 3:1

Al pùorí, tɩ tɩ lɩɛb'a dúor a Basan lowr. A Basan tẽw nãà, Ɔgɩ, tɩ yi n nɩ a ʋ zɛbr-nɩbɛ tuor'ɩ tɩ, ŋmãa nɩ tɩ zɛbr Edɩrɛyɩ.

Wulu-ayi-sob 3:11

— A Basan nãà, Ɔgɩ, tɩ n'ɩ a Erefayim bʋʋrɛ nɩ-been na cɛ a. Bɛ na tʋ̃ɔ́ na cãà nyɛ̃ a ʋ gado a Araba na ɩ a Amoritɩ mɩnɛ tẽ-kpɛ̃ɛ a. Kʋsɩɛr na kpɛmɛ mɛ̃ kure a pʋɔ n'a bɛ tuw ʋ ír, a ʋ wogo zuo nɩ mɛtɩr anaar ɛ́ a ʋ yɛ̀lʋ ta mɛtɩr ayi.—

Wulu-ayi-sob 31:6

Nyɩ kpɛ socir ɛ́ kpɛmɛ, nyɩ taa wa zɔrɛ dɛ̃bɩ̃ɛ màwr a bɛ niŋé ɩ. Bʋ̃ʋ n'ʋ vɛ̃, a Sore nyɩ Naaŋmɩn na de nyɩ nɩ niwn. Ʋ bɛ tɩ̀ɛrɛ nyɩ bɛrɛ ɩ, ʋ bɛ zawrɛ nyɩ bɛrɛ ɩ.»

Wulu-ayi-sob 7:17

Nyɩ tɔ̃w tɩɛrɛ nɩ à ŋá: «A nɩ-bʋʋrɛ bɛ ŋa tɛr'ɩ fãw zuo tɩ. Ŋmɩŋmɩn n'a tɩ na ɩ de a bɛ ten?»

Wulu-ayi-sob 7:18

Nyɩ ta zɔrɛ bɛ ɩ! Nyɩ lɛb tɩɛrɩ a lɛ a Sore nyɩ Naaŋmɩn na ɩ a Faarawɔ̃ nɩ a Eziptɩ tẽw za a:

Wulu-ayi-sob 7:21

Nyɩ taa màwr a nɩ-bʋʋrɛ bɛ ŋa niŋé ɩ: a Sore nyɩ Naaŋmɩn be n a nyɩ zie, ɛ́ ɩ Naaŋmɩn na ɩ kpɛ̃ɛ ɛ́ bɛ tɛr dɩ̃ɛnʋ a.

Wulu-ayi-sob 7:24

Ʋ na ƴãw nɩ a bɛ na-mɩnɛ a nyɩ nuru pʋɔ, ɛ́ nyɩ na ɩ na a bɛ yúor bɔr a tẽw zu. A bɛ been kãw za bɛ cãanɛ a nyɩ niŋé ɩ, nyɩ na tɛr'ɩ lɛɛɛ tɩ baarɩ bɛ za.

Zozue 10:25

ɛ́ a Zozue yel bɛ à ŋá: «Nyɩ ta zɔrɛ bom za ɩ, ɛ́ ta bɛr a yele tʋ̃ɔ́ nyɩ ɛ. Nyɩ kpɛmɛ ɛ́ dɩ kanyir, bʋ̃ʋ n'ʋ vɛ̃, à ŋá n'a a Sore na ɩ a nyɩ dɔ̃ dem za nyɩ na na zɛb'ɩ a.»

Zozue 10:8

A Sore tɩ yel'ɩ a Zozue à ŋá: «Ta zɔrɛ a bɛ dɛ̃bɩ̃ɛ ɩ, ɩ̃ na de bɛ na ƴãw a fʋ nuru pʋɔ, been kãw za kʋ̃ tʋ̃ɔ́ bà gbɛ́r a fʋ niŋé ɩ.»

Zozue 8:7

A lɛn daar a, nyɩ na ƴaw na yi a nyɩ sɔwlʋ zie, kpɛ de a tẽw, bʋ̃ʋ n'ʋ vɛ̃, a Sore nyɩ Naaŋmɩn de ʋ na ƴãw a nyɩ nuru pʋɔ.

Ƴɛ̀r-dɩrbɛ 11:30

A Zɛfɩte tɩ kõ n nʋɔr a Sore zie à ŋá: «Fʋ̃ʋ wa ƴãw a Amɔ̃ tẽw dem a ɩ̃ nuru pʋɔ a,

1 Samɩɛl 23:4

A Daviir tɩ lɛb'a maal sowri a Sore, ʋ yel ʋ: «Ìr lo a sɔ́r siw a Keila! Ɩ̃ na ƴãw nɩ a Filisɩtɛ̃ mɩnɛ a fʋ nuru pʋɔ.»