Sɔr-nɛ́ɛ 21:16 - A SƐB-SÕW

¹⁶ Bɛ tɩ yi n a be ta a zie ʋl bɛ na bʋɔlɛ Bule a. A be n'a a Sore tɩ yel à ŋá kʋ̀ a Moyiir: «Bʋɔlɩ a nɩbɛ ɓã taa, ɩ̃ɩ na kʋ̀ bɛ nɩ kʋ̃ɔ.»

Sɔr-nɛ́ɛ 21:16 Iomraidhean Croise

Yele-za-pɛr-tib 21:19

A Naaŋmɩn tɩ ɩ n a Agaar nyɛ̃ bule. Ʋ tɩ cen na tɩ 'wɔ̃w a kʋ̃ɔ paalɩ a wɔ-gbãw wa kʋ̀ a ʋ bie ʋ nyũ.

Eziptɩ tẽw yib 17:6

Ɩ̃ na àr'ɩ a be a fʋ niŋé, a Orɛb tãw pìir zu. Fʋ na va n a pìir, kʋ̃ɔ tɛb yi a nɩbɛ nyũ.» A Moyiir tɩ ɩ n a lɛ, a Ɩsɩrayɛl nɩ-kore niŋé.

Ɩzayi 12:3

Nyɩ na 'wɔ̃w nɩ kʋ̃ɔ nɩ nʋ̃ɔ̀ a faafʋ bul-nɛ́ɛ ƴãw.

Ɩzayi 15:8

A cɛlsɩ lɔb'a viiri koli a Mowab tẽw za, a kpɩɛrʋ kon yi na tɩ ta Egilayim, a yi na tɩ ta Elim bulé.

Ɩzayi 43:20

A wɛ-dʋn, a gbõgbo-cili nɩ a kʋlãdisowli na ƴãwnɛ mɛ̃ na, ɩ̃ na ɩ kʋ̃ɔ gbɔlɛ a wɛja-kpalɛ pʋɔ a ƴãw, ɩ̃ na ɩ mamɛ zɔrɛ a zi-kõw ŋa pʋɔ a ƴãw. Bʋ̃ʋ n'ʋ vɛ̃, ɩ̃ bɔbr'a k'ɩ̃ɩ kʋ̀ kʋ̃ɔ a ɩ̃ nɩ-bʋʋrɛ ɩ̃ na kaa ír a bɛ nyũ.

Ɩzayi 49:10

Kɔ̃ nɩ kʋ̃ɔ-nyúur kʋ̃ lɛb kpɛ bɛ ɩ. A wɛja-kpalɛ sɛsɛb-tʋlʋ nɩ a mʋ̃tɔ̃w kʋ̃ lɛb dɩ bɛ ɩ. Bʋ̃ʋ n'ʋ vɛ̃, ɩ̃ na tɛr bɛ na nɩ nɔ̃wfʋ cen nɩ bul-nɛ́ɛ na ɩ ɓaar ɓaar a pɛr.

Sɔr-nɛ́ɛ 20:8

«De a fʋ dabɔl, ɛ́ fʋ̃ʋ nɩ a fʋ yɛb Aarɔ̃ bʋɔlɩ a Ɩsɩrayɛl nɩbɛ lãw ɓã taa. Nyɩ na ƴɛ̀r'ɩ a pìir ŋa na wɩɛr tɩ àr a zie, a bɛ niŋé, ʋʋ na tɩr'ɩ kʋ̃ɔ. Fʋ na ɩ na kʋ̃ɔ tɛb yi a pìir pʋɔ a bɛ ƴãw, ɛ́ fʋ na kʋ̀ n kʋ̃ɔ a Ɩsɩrayɛl nɩbɛ lãw nɩ a bɛ dʋn bɛ nyũ!»

Sɔr-nɛ́ɛ 33:46

yi a Divon-Gadɩ cen Alimon-Divlatayim,

Zã 4:10

A Yeezu tɩ sɔw ʋ na yel: «Fʋ̃ʋ tɩ ɩ mɛ̃ fʋ bãw nɩ a Naaŋmɩn bʋ̃-kʋ̀ra a, nɩ ãa n'ɩ a sob ŋa na yere a fʋ zie: “Kʋ̀ m kʋ̃ɔ ɩ̃ nyũ” a, fʋ̃ʋ n'ʋ nãá nɩ̃ɛ zɛlɩ ʋ, ʋʋ nãá kʋ̀ b'ɩ kʋ̃ɔ na bùle yire a.»

Zã 4:14

Ɛcɛ nɩr nãà wa nyũ a kʋ̃ɔ ɩ̃ na na kʋ̀ ʋ a, kʋ̃ɔ-nyúur kʋ̃ lɛb kpɛ ʋ towtow ɛ. Ɛ́ a kʋ̃ɔ ɩ̃ na na kʋ̀ ʋ a, a na lɩɛb'ɩ bul-nʋɔr a ʋ pʋɔ, a nyɔ-vʋʋrʋ na be kʋralɛ a bùle yire.»

Yel-wula 21:6

Ʋ tɩ lɛb'a yel mɛ̃: «A maal'a! Ɩ̃ ɩ n a Alfa nɩ a Omega, a pɛr-tib nɩ a baarʋ. Sob nɛ kʋ̃ɔ-nyúur na kpɩɛr a, ɩ̃ na kʋ̀ ʋ nɩ a nyɔ-vʋʋrʋ kʋ̃ɔ na bule yire a, mɔlɛ.

Yel-wula 22:1

A malkɩ mɩ̀ tɩ wul mɛ̃ nɩ a nyɔ-vʋʋrʋ kʋ̃ɔ man na tɩ yire a Naaŋmɩn nɩ a Pele naalʋ-dà-kɔw ƴãw, ɛ́ tɩ nyɩwrɛ mɛ̃ kʋ̃ɔ-kuur a.

Yel-wula 22:17

A Naaŋmɩn Vʋʋrʋ nɩ a Pɔw-sãan yere na: «Wa!» Sob nɛ na wone à à ŋá a, ʋ mɩ̀ yel: «Wa!» Sob nɛ kʋ̃ɔ-nyúur na kpɩɛr a, ʋ wa. Sob nɛ na bɔbr a, ʋ páw a nyɔ-vʋʋrʋ kʋ̃ɔ, mɔlɛ.

Ƴɛ̀r-dɩrbɛ 9:21

Al pùorí, a Yotam tɩ zɔ na cen Beɛr tɩ kpɩɛr a be, zãá nɩ a ʋ yɛb Abimelɛkɩ.