Sɔr-nɛ́ɛ 20:13 - A SƐB-SÕW

¹³ A Meriba kʋ̃ɔ yele n'ɩ à à ŋá —a pɛr lɛ kɛ́ Nɔhaarʋ kʋ̃ɔ—. Bʋ̃ʋ n'ʋ vɛ̃, a Ɩsɩrayɛl nɩbɛ tɩ bɔ n a Sore nɔhaarʋ a be, ɛcɛ a tɩ ɩ na a Sore wul a ʋ sonu.

Sɔr-nɛ́ɛ 20:13 Iomraidhean Croise

Sɛb-sõw yielu 81:7

Ɩ̃ tow nɩ a fʋ tuor bɛr fʋ, ɩ̃ ír fʋ na bɛr a pɔ̃tɔrɩ tome pʋɔ.

Sɛb-sõw yielu 81:8

Fʋ na tɩ be a kpɩɛrʋ pʋɔ ŋmɩɛr cɛlsɩ a, ɩ̃ faa fʋ na. Ɩ̃ tɩ sɔwl'a be a saa pʋɔ ɛ́ sɔw fʋ. Ɩ̃ tɩ ɩ b'a kaa a Meriba kʋ̃ɔnɩ pɛr. Tɛw-àrʋ

Sɛb-sõw yielu 95:8

«Nyɩ ta kpãa tobr mɛ̃ a lɛ a nyɩ sãàkʋm-kore na tɩ ɩ a Meriba a ɩ, mɛ̃ a lɛ bɛ na tɩ ɩ a Masa, a wɛja-kpalɛ pʋɔ a ɩ.

Eziptɩ tẽw yib 17:7

Bɛ tɩ por'ɩ a zie nɛ yúor kɛ́ Masa nɩ Meriba, a pɛr lɛ kɛ́ “Ɩ-kaafʋ” nɩ “Nɔhaarʋ”. A Ɩsɩrayɛl nɩbɛ na tɩ bɔ a Moyiir nɔhaarʋ a ƴãw, nɩ bɛ na tɩ ɩ a Sore kaa sowri: «A Sore be n a tɩ sɔgɔ, bɩɩ ʋ bɛ ka be mɔ̃?»

Ɩzayi 5:16

A Sore, a kpɛnʋ-za-sob, na dɩ n a ƴɛ̀rʋ wul ʋ na ɩ kpɛ̃ɛ a. A Naaŋmɩn na ɩ sõw a na tu n a mɩnʋ, wul a ʋ sonu.

Ezekɩɛl 20:41

Mãa wa tɛr nyɩ yi n a nɩ-bʋʋrɛ nɩ a ten sɔgɔ, a be nyɩ na tɩ be a, ɛ́ mãa wa ɓã nyɩ taa baar'a, ɩ̃ na sàw na de a nyɩ de-kʋ̀b bome na ɓãanɛ suur a. Mãa wa ɩ à à ŋá a nyɩ zie a, ɩ̃ na wul'ɩ a nɩ-bʋʋr-yoru kɛ́ mãa n'ɩ a Naaŋmɩn-sɩza.

Ezekɩɛl 36:23

A nyɩɩm ƴãw a, a nɩ-bʋʋr-yoru ɩ n a ɩ̃ yúor la. A na ɩ lɛ a, ɩ̃ na wul bɛ na k'ɩ̃ɩ sɩrɩ na ɩ Naaŋmɩn. Lɛ n'a a nɩ-bʋʋr-yoru na bãw kɛ́ mãa n'ɩ a Sore, a lɛn daar ɩ̃ nãà wa wul a ɩ̃ sonu a nyɩ pʋɔ, a bɛ mimirí a. A mãa Sore Naaŋmɩn n'ʋ yere.

Ezekɩɛl 38:16

Fʋ na wa na wa zɛb'ɩ a ɩ̃ nɩ-bʋʋrɛ Ɩsɩrayɛl, ɛ́ fʋ na pàw nɩ a ʋ tẽw mɛ̃ zũzuwr na pàw a tẽw a. A na cɛlɩ nɩ yaga ɛ́ à á ŋá wa bãw ɩ. Ɩ̃ na ƴãw nɩ a fʋ̃ʋ Gɔgɩ fʋ cen tɩ zɛb'ɩ a ɩ̃ tẽw, a nɩ-bʋʋr-yoru tʋ̃ɔ́ bãw mɛ̃ a lɛn daar ɩ̃ nãà wa wul a ɩ̃ sonu a bɛ mimirí a fʋ̃ʋ Gɔgɩ zũú a.

Wulu-ayi-sob 32:51

Fʋ̃ʋ nɩ a Aarɔ̃ a, nyɩ sãw mɛ̃ nɩ faa faa a Ɩsɩrayɛl nɩbɛ niŋé, a Meriba kʋ̃ɔ yele pʋɔ a Kadɛsɩ, a Tisin wɛja-kpalɛ pʋɔ. Nyɩ bɛ tɩ sàw a ɩ̃ sonu sãá a ʋlɩ bibir nɛ a Ɩsɩrayɛl nɩbɛ zie ɩ.

Wulu-ayi-sob 33:8

A Levi bʋʋrɛ ƴãw a, a Moyiir tɩ yel'a: «Sore e, a fʋ kpan-bie a, fʋ de a na kʋ̀ a Levi bʋʋrɛ na su zu tone a fʋ tome a. Fʋ ɩ bɛ na kaa a Masa, fʋ zɛb'ɩ bɛ nɩ a Meriba.