Sɔr-nɛ́ɛ 2:18 - A SƐB-SÕW

¹⁸ «A mʋ̃tɔ̃w-kpɛb-lowr a, a na ɩ n a zɛbr-nɩbɛ nɩ-pɛ́ɛ na ɓã taa jil koli Efarayim dɩrapo a. A nɩbɛ bɛ na sɔ́r bɛ na tʋ̃ɔ́ kpɛ a sojarɩ a, a bɛ dɔwlʋ nɩ-kpɛ̃ɛ kãw n'ʋ na mɩ́ ɩ a bɛ nɩ-kpɛ̃ɛ. A bɛ yée n'ɩ á ŋá: Efarayim dɔwlʋ nɩ-kpɛ̃ɛ: Amihudɩ bidɛb, Elisama.

Sɔr-nɛ́ɛ 2:18 Iomraidhean Croise

Yele-za-pɛr-tib 48:5

A Zakɔb tɩ yel'a ƴãw pʋɔ: «A fʋ bidɛbr ayi bɛl na dɔw a Eziptɩ ka, ɩ̃ɩ bãw wa páw fʋ a, mãa so bɛ. Mãa so a Efarayim nɩ a Manase, mɛ̃ a lɛ ɩ̃ na so a Urubɛn nɩ a Sɩmɩ̃ɔ a.

Zeremi 31:9

Bɛ kone na lɔbr'ɩ nɩbaal-nuru tarɛ nɩ, ɩ̃ɩ bɩɛlɛ bɛ. Ɩ̃ na tɛr bɛ na cen nɩ bàrʋ na paalɩ kʋ̃ɔ a zie. Ɩ̃ na tu n bɛ nɩ sɔ́r na man taa ʋ za bɛ kʋ̃ʋ tʋ̃ɔ́ ŋmɛ gbɛ́r lo a. Bʋ̃ʋ n'ʋ vɛ̃, ɩ̃ ɩ n sãà a Ɩsɩrayɛl zie, ɛ́ a Efarayim ɩ a ɩ̃ bidɛb-dãw.»

Sɔr-nɛ́ɛ 1:10

Zuzɛb bidɛb Efarayim dɔwlʋ: Amihudɩ bidɛb, Elisama Zuzɛb bidɛb Manase dɔwlʋ: Pedasuur bidɛb, Gamaliyɛl

Sɔr-nɛ́ɛ 10:22

A zɛbr-nɩbɛ nɩ-pɛ́ɛ na ɓã taa jil koli Efarayim dɩrapo a mɩ̀ tɩ ìr'a lo a sɔ́r. Amihudɩ bidɛb Elisama n'ʋ tɩ ɩ a Efarayim dɔwlʋ zɛbr-nɩbɛ nɩ-kpɛ̃ɛ.

Sɔr-nɛ́ɛ 2:19

a ʋ zɛbr-nɩbɛ ɩ n 40 500.

Wulu-ayi-sob 33:17

A Zuzɛb so ƴãwfʋ! Ʋ ɩ na mɛ̃ dʋn pʋɔ nadɛr-dãw a. A ʋ ɩ́lɛ́ ayi kpɛmɛ na mɛ̃ wɛ-náab ɩ́lɛ́ a. Alɛ n'a ʋ cɔ̀rɛ nɩ a nɩ-bʋʋrɛ, ɛ́ canɛ bɛ bɛrɛ a tẽ-daa zi-zãánɩ. A ɩɩl kãw n'ɩ a Efarayim dɔwlʋ nɩbɛ na yãwmɛ yaga za a, ɛ́ a kãw ɩ a Manase dɔwlʋ nɩbɛ tu-tu-túr.»