Sɔr-nɛ́ɛ 19:3 - A SƐB-SÕW

³ Nyɩ na de ʋ na kʋ̀ a Eleazaar na ɩ a bàwr-maalɛ a, ʋ tɛr ʋ yi n a laɩ pʋɔ, tɩ ƴãw bɛ ŋmaar'ʋ kɔkɛɛ a ʋ niŋé.

Sɔr-nɛ́ɛ 19:3 Iomraidhean Croise

Levitɩ mɩnɛ 16:27

A nadɛr nɩ a bʋra bɛ na kʋ maal'ɩ a yel-bier-ír-bɛrʋ bàwr, ɛ́ de a zɩ̃ɩ tu n a dɛwr-so-bɛrʋ tub a zi-sõw-za-zi-sõw pʋɔ a, a fɛr'a kɛ́ bɛ de a yi zaa nɩ a laɩ pʋɔ, tɩ nyɩw a bɛr, lãwnɩ a gámɛ, a nɛnɛ nɩ a nyagɛ.

Levitɩ mɩnɛ 24:14

«Ƴãw a zʋm-tʋʋrɛ ʋ yi zaa a laɩ pʋɔ. Bɛlɩ dem za na wõ ʋ tʋ a zʋm a, bɛ ír a bɛ nuru dɔwlɩ a ʋ zũú, ɛ́ a Ɩsɩrayɛl nɩbɛ lãw za lɔb'ɩ ʋ kʋsɛbɛ kʋ.

Levitɩ mɩnɛ 4:11

Al pùorí, a nadɛr gán, a nɛn, a zu, a gbɛ́ɛ, a nyagɛ nɩ a púor na bɛ pɛ a,

Levitɩ mɩnɛ 4:12

a dʋ̃w bom za na cɛ a, ʋ na ƴãw na bɛ tuo a za yi n a laɩ pʋɔ cen nɩ zie na bɛ tɛr dɛwr a, a be bɛ na mɩ́ cir a tãpɛl-kãánɩ bɛr a, tɩ nyɩw a bɛr dà-ŋmaarɛ vũu pʋɔ. A be tɔr za n'a a fɛr kɛ́ bɛ nyɩw a za bɛr, a tãpɛl-kãánɩ zu.»

Levitɩ mɩnɛ 4:21

Al pùorí, ʋ na ƴãw na bɛ tuo a dʋ̃w na cɛ a yi n a laɩ pʋɔ tɩ lɔb ƴãw a vũumí mɛ̃ a lɛ ʋ na tu a nadɛr ʋl ƴãw ʋ na maal'ɩ a bàwr a ʋl mɩŋa yel-bier ƴãw a. A Ɩsɩrayɛl nɩbɛ lãw yel-bier-ír-bɛrʋ bàwr'ɩ à ŋà.»

Sɔr-nɛ́ɛ 15:36

A lãw nɩbɛ za tɩ tɛr ʋ na yi zaa nɩ a laɩ pʋɔ tɩ lɔb'ɩ ʋ kʋsɛbɛ, ʋ kpi, mɛ̃ a lɛ a Sore na tɩ ƴãw a nʋɔr kʋ̀ a Moyiir a.

Sɔr-nɛ́ɛ 19:9

Nɩr na bɛ tɛr dɛwr a na wob'ɩ a náab tãpɛlʋ tɩ bin zie na vɩɛl, ɛ́ a bɛ ɩ a laɩ pʋɔ a. A Ɩsɩrayɛl nɩbɛ lãw na maal'a bin a tãpɛlʋ á ŋá, a dɛwr-so-bɛrʋ kʋ̃ɔ cɔbrʋ ƴãw. A tub ŋa za ɩ na mɛ̃ yel-bier ír-bɛrʋ bàwr'ʋ a.

Sɔr-nɛ́ɛ 3:4

Ɛcɛ a Nadavʋ nɩ a Avihu tɩ kpi n a zi-sõw niŋé, a Sinayi wɛja-kpalɛ pʋɔ. Bʋ̃ʋ n'ʋ vɛ̃, bɛ tɩ nyɩw nɩ parfɛ̃ kʋ̀ a Sore vũu-sãsaralɛ zu. Bɛ bɛ tɩ tɛr bidɛbr ɛ. A Eleazaar nɩ a Itamaar tɛwr nɛbɛ tɩ cɛ tone a bàwr-maal-tome a bɛ sãà Aarɔ̃ lõbowrí.

Sɔr-nɛ́ɛ 5:2

«Yel a Ɩsɩrayɛl nɩbɛ kɛ́ bɛ diw a bɛlɩ dem za na tɛr dɛwr a bɛr a laɩ pʋɔ: a bɛl na tɛr kɔnʋ bʋʋrɛ kãw a, bɩɩ a bɛl a bɛ dɛblʋ bɩɩ a bɛ pɔwlʋ na tɛr bàalʋ a, bɩɩ a bɛl na tɔ kũu a.