Sɔr-nɛ́ɛ 18:8 - A SƐB-SÕW

⁸ A Sore tɩ yel'ɩ a Aarɔ̃ à ŋá: «Nyɛ̃, a de-kʋ̀b bome al za a Ɩsɩrayɛl nɩbɛ na kʋ̀rɛ mɛ̃ a, fʋ̃ʋ n'ʋ ɩ̃ dier a kʋ̀rɛ kɛ́ fʋ kaarɛ. Ɩ̃ dier a na kʋ̀rɛ fʋ, a fʋ dem'a, nɩ a fʋ bidɛbr dem kʋralɛ.

Sɔr-nɛ́ɛ 18:8 Iomraidhean Croise

2 Na-mɩnɛ 12:16

A nɩbɛ bɛl bɛ na mɩ́ tɩ kʋ̀ a libie á ŋá, kɛ́ bɛ ya a tõ-tõ-biir a, bɛ bɛ sowre bɛ bom ɛ, bʋ̃ʋ n'ʋ vɛ̃, bɛ mɩ́ tɩ ɩ n a ɩb a tori.

2 Bibie za yel-manɩ 31:4

Al pùorí, ʋ tɩ yel'ɩ a Zerizalɛm nɩbɛ kɛ́ bɛ kʋ̀ a bàwr-maalbɛ nɩ a levitɩ mɩnɛ bom nɛ za a na fɛr kɛ́ bɛ kʋ̀ bɛ a, lɛ n'a bɛ na tuur a Sore Wulu.

2 Bibie za yel-manɩ 31:5

A nɩbɛ na dɛ wa wone a ƴɛ̀rʋ ŋa a, a Ɩsɩrayɛl nɩbɛ tɩ wa n nɩ a bɛ kɔb bʋ̃-dan bɛ dɩ vuo ɩ: ble, divɛ̃, kãá, sɩwr nɩ a bʋ̃-kʋ́ɔrɩ al na cɛ a, nɩ a bɛ bʋ̃-dieri za ziir pie sob.

Eziptɩ tẽw yib 28:43

A Aarɔ̃ nɩ a ʋ bidɛbr na mɩ́ sɛ a na kpɛ n a tuor-taa pɛn-sɛw pʋɔ, bɩɩ taw pɩɛl'ɩ a bàwr-maal-kuur, a lɛn daar bɛ nãà mɩ́ wa tone a bàwr-maal-tome a zi-sõw pʋɔ a. Lɛ n'a bɛ kʋ̃ mɩ́ wul a bɛ faalʋ, kpi a al ƴãw ɛ. Nʋɔr'ʋ ƴãw gã kʋralɛ a Aarɔ̃ nɩ a ʋ bʋʋrɛ ƴãw.»

Eziptɩ tẽw yib 29:21

Fʋ na ɩ n zɩ̃ɩ blã a bàwr-maal-kuur zu nɩ a kãá-cir-ƴãwfʋ kãá mɩr'ɩ a Aarɔ̃ nɩ a ʋ kparɩ, ɛ́ mɩ̀ mɩr a ʋ bidɛbr nɩ a bɛ kparɩ. Lɛ n'a a Aarɔ̃ nɩ a ʋ bidɛbr nɩ a bɛ kparɩ na ɩ son.

Eziptɩ tẽw yib 29:28

Alɛ n'a so a Ɩsɩrayɛl nɩbɛ na mɩ́ ír a nɛnɛ á ŋá kʋralɛ, a dʋn bɛ na mɩ́ kʋ maal'ɩ lãw-taa-bàwr kʋ̀ m a nɛnɛ pʋɔ. Bɛ na mɩ́ kʋ̀ a na a Aarɔ̃ nɩ a ʋ bidɛbr.

Eziptɩ tẽw yib 29:29

A Aarɔ̃ wa kpi a, bɛ na kʋ̀ n a ʋ kparɩ a ʋ bidɛbr bɛ su a, a bɛ nũu-ka-ƴãwfʋ nɩ a bɛ tome-deb bibir.

Eziptɩ tẽw yib 40:13

Al pùorí, fʋ na su n a Aarɔ̃ a ʋ kpar-son, ɛ́ cir kãá ƴãw a ʋ zũú, ka nũu ƴãw ʋ k'ʋ ɩ bàwr-maalɛ tone a ɩ̃ tome.

Eziptɩ tẽw yib 40:15

Fʋ na cir'ɩ kãá ƴãw a bɛ zurú ka nũu ƴãw bɛ mɛ̃ a bɛ sãà a, bɛ ɩ bàwr-maalbɛ tone a ɩ̃ tome. A kãá-cir-ƴãwfʋ ŋa na ɩ na bɛlɛ nɩ a bɛ bʋʋrɛ ɩ bàwr-maalbɛ kʋralɛ.»

Ɩzayi 10:27

A ʋlɩ bibir nɛ a, ʋ na dɔw nɩ a tuor bɛr na dĩ a nyɩ bawŋmamɛ, ɛ́ dĩ a nyɩ nyuru mɛ̃ ni-kʋ́ɔrɩ dàa a. A dɔ̃ sob dúor'ɩ a Samaari,

Levitɩ mɩnɛ 21:10

«A bàwr-maal-kara n'ɩ a bàwr-maalbɛ nɩ-kpɛ̃ɛ. Bɛ maalɩ ʋ na nɩ a kãá-cir-ƴãwfʋ kãá a ʋlɩ bibir nɛ ʋ na de a tome a, ʋʋ na tʋ̃ɔ́ na mɩ́ su a kpar-son. Alɛ so, ʋ bɛ tɛr sɔ́r na mɩ́ bɛr a ʋ zukɔbɛ a ɩ zarkpara ɩ, ʋ bɛ tɛr sɔ́r na mɩ́ taw a ʋ kparɩ cɩɛrɩ,

Levitɩ mɩnɛ 23:20

A bàwr-maalɛ na tu n a bom de-tɩrʋ tub de a tɩr. Ʋ na de nɩ a péli ayi lãwnɩ a dipɛ̃ tɩr. A bàwr-maalɛ na so a de-kʋ̀b bome á ŋá, bɛ na de a kʋ̀ m a zũú.

Levitɩ mɩnɛ 6:16

Bʋ̃ʋ n'ʋ vɛ̃, bàwr-maalɛ kukur bom de-kʋ̀b mɩ́ ɩ n ʋ za, bɛ bɛ dɩrɛ bom za a ʋ pʋɔ ɩ.»

Levitɩ mɩnɛ 6:18

k'ʋʋ ƴãw tub á ŋá kʋ̀ a Aarɔ̃ nɩ a ʋ bidɛbr: «A tub na càarɩ a yel-bier-ír-bɛrʋ bàwr a n'ɩ á ŋá: bɛ na mɩ́ ŋmãa nɩ a dʋ̃w kɔkɔr a Sore niŋé, a be bɛ na mɩ́ ŋma a nyɩw-a-za-bagɛ dʋn kɔkɛɛ a, bàwr-maal-bom na ɩ sõw yaga za a n'ʋ.

Levitɩ mɩnɛ 6:20

Bom za na tʋɔr a bàwr-maal nɛn ŋa a na ɩ n bʋ̃-sõw: a dʋ̃w zɩ̃ɩ wa ƴaw ƴãw kparʋ ƴãw a, bɛ na pɛ́w nɩ a be a zɩ̃ɩ na tɔ a, zie na ɩ sõw a pʋɔ.

Levitɩ mɩnɛ 7:14

Ʋ na ír'ɩ bʋ̃-beƴeni a de-kʋ̀b bome á ŋá pʋɔ a Sore ƴãw. A bàwr-maalɛ na mɩr a bàwr-maal-kuur kõkowe nɩ a zɩ̃ɩ a, ʋlɛ so a bome á ŋá.

Levitɩ mɩnɛ 7:28

A Sore tɩ yel'ɩ a Moyiir

Levitɩ mɩnɛ 7:6

A bàwr-maalbɛ yie dɛbr tɛwr nɛbɛ na tʋ̃ɔ́ 'wɔb a nɛn ŋa, ɛ́ zie na ɩ sõw a pʋɔ n'a bɛ na 'wɔb ʋ, ʋ na ɩ bàwr-maal-bom na ɩ sõw yaga za a ƴãw.

Levitɩ mɩnɛ 8:30

A Moyiir tɩ ɩ n a kãá-cir-ƴãwfʋ kãá nɩ zɩ̃ɩ blã na be a bàwr-maal-kuur zu a, mɩr'ɩ a Aarɔ̃ nɩ a ʋ kparɩ, ɛ́ mɩ̀ mɩr'ɩ a Aarɔ̃ bidɛbr nɩ a bɛ kparɩ. À ŋá n'a ʋ tɩ ka nũu ƴãw a Aarɔ̃ nɩ a ʋ bidɛbr ɛ́ maalɩ a bɛ kparɩ a ɩ son.

Sɔr-nɛ́ɛ 18:9

Bɛlɛ wa nyɩw a ɩ̃ dem a bàwr-maal-kuur zu baar'a, a nyɩ dem n'ɩ á ŋá a de-kʋ̀b bʋ̃-son son pʋɔ a Ɩsɩrayɛl nɩbɛ na kʋ̀rɛ mɛ̃ a: a kukur bome za, a yel-bier ír-bɛrʋ bagɛ bome nɩ a lɛb-kpɛ-taa bagɛ bome. A de-kʋ̀b bʋ̃-son son á ŋá na ɩ n fʋ̃ʋ nɩ a fʋ bʋʋrɛ dem.

Sɔr-nɛ́ɛ 5:9

A Ɩsɩrayɛl nɩbɛ wa ír bom de-kʋ̀b bom pʋɔ bɛ na kʋ̀ a Naaŋmɩn a, a bàwr-maalɛ so a ʋlɩ bom nɛ.

1 Korɛ̃tɩ 9:13

Nyɩ bɛ bãw k'aa bɛlɩ dem na tone a Ŋmɩn-yir-kpɛ̃ɛ pʋɔ a, a Ŋmɩn-yir-kpɛ̃ɛ n'ʋ guole bɛ ɩ? Ɛ́ a bɛlɩ dem na tone a bàwr-maal-kuur zu tome a, bɛ pʋɔ nɩ a bàwr-maal-kuur zu de-kʋ̀b bome pʋɔ ɩ?

Wulu-ayi-sob 12:11

A lɛn daar a, a zie ʋl a Sore nyɩ Naaŋmɩn na na kaa ír k'ʋʋ mɩ́ wul k'aa be n'a ʋ be a, a be n'a nyɩ na mɩ́ wa n a bome á ŋá za ɩ̃ na yel a wa kʋ̀ ʋ: a nyɩ nyɩw-a-za-bagɛ, a nyɩ lãw-taa bagɛ, a nyɩ tɛra ziir pie sob, a nyɩ nuru bome, nɩ a alɩ bome nɛ za nyɩ na yel kɛ́ nyɩ de kʋ̀ a Sore, ír'ɩ a nɛ́ɛ nyɩ na kõ a.

Wulu-ayi-sob 12:6

Be n'a nyɩ na mɩ́ wa n a nyɩ nyɩw-a-za-bagɛ nɩ a nyɩ lãw-taa bagɛ, a nyɩ tɛra ziir pie sob, a nyɩ nuru bome, a de-kʋ̀b bome nyɩ na nɔnɛ wa n a, bɩɩ nyɩ na wa n nʋɔr nyɩ na kõ a íru ƴãw a, de nɩ a nyɩ nĩi, a nyɩ píir nɩ a nyɩ bʋʋr bil-dãw-dɔwrɩ.

Wulu-ayi-sob 18:1

A levitɩ mɩnɛ bɛl na ɩ bàwr-maalbɛ a nɩ a Levi bʋʋrɛ bɛl na cɛ a kʋ̃ tɛr tẽsɔw bɛ na põ ír kʋ̀ bɛ, mɛ̃ a Ɩsɩrayɛl nɩbɛ ŋmãa a ɩ. A bɛ dɩb ƴãw a, bɛ na so nɩ a Sore bàwr-maal-bome, nɩ a bome a mɩnɛ ʋ na so a.

Wulu-ayi-sob 26:13

Lɛ n'a nyɩ na yel a Sore nyɩ Naaŋmɩn niŋé: «Sore e, ɩ̃ ír'ɩ a bome fʋ na so a bɛr a ɩ̃ yir. Ɩ̃ kʋ̀ a nɩ a levitɩ mɩnɛ, a nʋʋrɩ, a bi-kpebe nɩ a pɔw-kɔbɛ, mɛ̃ a lɛ fʋ na ƴãw a nʋɔr kʋ̀ m a. Ɩ̃ bɛ zawrɩ, ɛ́ mɩ̀ bɛ yiiri a fʋ nɛ-ƴãwnɩ bɛr ɛ.

Ebre 1:9

Fʋ nɔnɛ nɩ a mɩnʋ ɛ́ hɩ̃ɛn a faalʋ, alɛ so a Naaŋmɩn, a fʋ Naaŋmɩn, cir a cɩlʋ kãá ƴãw a fʋ zũú kaa ír'ɩ fʋ a ʋ ƴãw, ɛ́ bɛr a fʋ taabɛ.»

1 Zã 2:20

A nyɩɩm a, nyɩ páw nɩ a Vʋʋrʋ Sõw a Kɩrɩta na kʋ̀ nyɩ a, lɛ n'a nyɩ za bãw a yel-mɩŋa.

1 Zã 2:27

A nyɩɩm a, a Vʋʋrʋ Sõw nyɩ na páw a Kɩrɩta zie a, ʋ be n a nyɩ zie, ɛ́ nyɩ bɛ gù kɛ́ nɩr kãw za wule nyɩ ɛ. Bʋ̃ʋ n'ʋ vɛ̃, a Vʋʋrʋ wule nyɩ nɩ bom za: ʋ wule nyɩ nɩ a yel-mɩŋa, ziri bɛ n'a ʋ wule nyɩ ɛ, lɛ so nyɩ ɩrɛ a lɛ ʋ na wul nyɩ a: nyɩ lãw nɩ a Kɩrɩta.