Sɔr-nɛ́ɛ 18:5 - A SƐB-SÕW

⁵ Nyɩmɛ nɛbɛ na tone a nyɩ tome a zi-sõw pʋɔ nɩ a bàwr-maal-kuur pɛr. Lɛ n'a ɩ̃ kʋ̃ lɛb nyɛ̃ nɩ a Ɩsɩrayɛl nɩbɛ suur ɛ.

Sɔr-nɛ́ɛ 18:5 Iomraidhean Croise

1 Bibie za yel-manɩ 23:24

A Levi bʋʋrɛ n'ɩ a bɛ ŋa na ɩ a bɛ yie nɩ-bɛrɛ bɛ na sɛb a yée been been ƴãw a yée na tu taa a sɛbr pʋɔ a. Bɛlɛ mɩ́ tɩ so a Sore Ŋmɩn-yir-kpɛ̃ɛ tome, bɛ na mɩ́ wa tɛrɛ yome lɩzɛr bɩɩ lɩzɛr'ɩ dɔwlɛ a.

1 Bibie za yel-manɩ 23:32

Bɛ na kaarɛ nɩ a tuor-taa pɛn-sɛw nɩ a zi-sõw ziir, ɛ́ lãwnɩ a bɛ yɛbr, a Aarɔ̃ bʋʋrɛ, tone a Sore Ŋmɩn-yir-kpɛ̃ɛ tome.

1 Bibie za yel-manɩ 24:5

Gbãw n'ʋ bɛ tɩ ŋmɛ põ a nɩbɛ bɛ ŋa a ziir ziir, bʋ̃ʋ n'ʋ vɛ̃, “zi-sõw tõ-tõ-biir” nɩ “Naaŋmɩn tõ-tõ-biir” tɩ pʋɔ nɩ a Eleazaar yir nɩbɛ pʋɔ nɩ a Itamaar yir nɩbɛ pʋɔ.

1 Bibie za yel-manɩ 9:19

Koore bidɛb Salum na ɩ Avɩasafʋ yãw, ɛ́ ɩ Koore yãw-suwle a, nɩ a Koore yir nɩbɛ ŋmãa na cɛ a, bɛlɛ nɛbɛ tɩ so a tuor-taa pɛn-sɛw dɩ̃dɔr gùb, mɛ̃ a lɛ a bɛ sãàkʋm-kore na tɩ so a Sore nɩbɛ laɩ dɩ̃dɔr gùb a.

1 Bibie za yel-manɩ 9:23

Lɛ n'a, a bɛ na tɩ dɔwr lɩɛrɛ taa a, bɛ tɩ so a Sore zi-sõw nɩ a ʋ dɩ̃dɛɛ gùb tõ-nɛ́ɛ.

1 Bibie za yel-manɩ 9:33

A levitɩ mɩnɛ yie nɩ-bɛrɛ na tɩ so a yielu a tɩ kpɩɛr'ɩ a bɛl mɩŋa diru pʋɔ. Bɛ bɛ tɩ lɛb tɛr ton kãw za ƴãw pʋɔ ɩ, bʋ̃ʋ n'ʋ vɛ̃, bɛ tɩ tone nɩ a bɛ tome mʋ̃tɔ̃w nɩ tɩ̃ɩsɔw za.

Eziptɩ tẽw yib 27:21

A Aarɔ̃ nɩ a ʋ bidɛbr na bin nɩ a fɩ̃tɩlɩ dɔwlʋ zie a tuor-taa pɛn-sɛw pʋɔ, a pɛn-yawla na piw a wõ-taa daga a niŋé. A fɩ̃tɩlɩ na mɩ́ 'lere nɩ a ɩ̃ niŋé, a zaanʋɔra tɩ ta n a biɓaara. Nʋɔr'ʋ ƴãw gã kʋralɛ a Ɩsɩrayɛl nɩbɛ na dɔwr lɩɛrɛ taa a zie.»

Zeremi 23:15

A lɛ pʋɔ a, à ŋá n'a a Sore, a kpɛnʋ-za-sob yere a naaŋmɩn-ƴɛ̀r-manbɛ ƴãw: «Ɩ̃ na ƴãw na bɛ 'wɔb tɩ-va-tuo, ɛ́ ƴãw bɛ nyũ kʋ̃ɔ na tɛr lɔw a, bʋ̃ʋ n'ʋ vɛ̃, a Zerizalɛm tẽw naaŋmɩn-ƴɛ̀r-manbɛ zie n'a a faalʋ yire pàwr a tẽw za.»

Ezekɩɛl 44:15

«A levitɩ mɩnɛ bɛl na ɩ bàwr-maalbɛ, ɩ a Sadɔkɩ bʋ̃-dɔwrɩ a, bɛ tɩ tõ n a ɩ̃ zi-sõw tome a lɛn daar a Ɩsɩrayɛl nɩbɛ na tɩ taw zãá nɩ a mãa Sore a. Alɛ n'a so, bɛl tɛwr nɛbɛ na tʋ̃ɔ́ wa wa tone a ɩ̃ tome. Bɛ na tʋ̃ɔ́ na mɩ́ de a bàwr nɛn-kãá nɩ a zɩ̃ɩ kʋ̀ m. A mãa Sore Naaŋmɩn n'ʋ yere.

Ezekɩɛl 44:16

Bɛl tɛwr nɛbɛ na kpɛ a ɩ̃ zi-sõw pʋɔ, ɛ́ na taw pɩɛlɩ a tabal na be a ɩ̃ tome tɛwr ƴãw a. Bɛ na sàwr'ɩ a tub na ƴãw a ton ŋa ƴãw a.

Levitɩ mɩnɛ 10:6

Lɛ n'a a Moyiir tɩ yel a Aarɔ̃ nɩ a ʋ bidɛbr ayi na cɛ a, a Eleazaar nɩ a Itamaar: «Nyɩ taa bɛrɛ a nyɩ zukɔbr a ɩrɛ zarkpara ɩ, ɛ́ taa tawr a nyɩ kparɩ cɩɛrɛ a ɩ a ko-tuolu bãwfʋ ɛ, nyɩ nãà mab'a kpi, ɛ́ ɩ a Sore suur ír a Ɩsɩrayɛl nɩbɛ lãw za ƴãw. Nyɩ bɛr a nyɩ yɛbr Ɩsɩrayɛl nɩbɛ za bɛ kõ a bɛlɩ dem a Sore na kʋ n a vũu a.

Levitɩ mɩnɛ 24:3

A Aarɔ̃ na bin nɩ a fɩ̃tɩlɩ dɔwlʋ zie a tuor-taa pɛn-sɛw pʋɔ, a pɛn-yawla na pàw a wõ-taa daga a niŋé. A fɩ̃tɩlɩ na mɩ́ 'lere nɩ a ɩ̃ niŋé, a zaanʋɔra tɩ ta n a biɓaara. Nʋɔr'ʋ ƴãw gã kʋralɛ a nɩbɛ na dɔwr lɩɛrɛ taa a ƴãw. Nyɩ na sàwr ʋ na.

Zakari 10:3

«Ɩ̃ nyɛ̃ nɩ nɩ a dʋ̃-cɩ̃ɩ-sãanbɛ suur, bɛl na yel kɛ́ bɛlɛ nɛbɛ kaarɛ a ɩ̃ nɩ-bʋʋrɛ zie a, ɩ̃ na ìr'ɩ a bɛ ƴãw. Sɩza n'a, a mãa, a Sore Kpɛnʋ-za-sob, ɩ̃ na kaa nɩ a ɩ̃ dʋn zie, a Zuda nɩbɛ. Ɩ̃ na tɛr bɛ na cen nɩ a zɛbr zie, mɛ̃ a ɩ̃ wur-yúor a.

Sɔr-nɛ́ɛ 1:50

Fʋ na de nɩ a kpɛb-zi-sõw na ƴãw a wõ-taa kʋsɛ-pamɛ a kaafʋ kʋ̀ bɛ, lãwnɩ a ʋ kpɛ̃kpɛrsɩ za, a bome za na be a ʋ pʋɔ a. Bɛ na mɩ́ tuo nɩ a kpɛb-zi-sõw nɩ a ʋ kpɛ̃kpɛrsɩ. Bɛ na tone nɩ a kpɛb-zi-sõw tome, ɛ́ mɩ́ maalɩ a bɛ laɩ jil koli ʋ.

Sɔr-nɛ́ɛ 1:53

A Levi bʋʋrɛ tɛwr nɛbɛ na mɩ́ maalɩ a bɛ laɩ jil koli a kpɛb-zi-sõw, ɛ́ tone a bɛ tome a ʋ pʋɔ. À ŋá n'a a Ɩsɩrayɛl nɩbɛ kʋ̃ mɩ́ ɩrɛ wa ɩ a ɩ̃ suur ìr a bɛ ƴãw ɛ.»

Sɔr-nɛ́ɛ 18:4

Bɛ na sõwne fʋ na a tõ-nɛ́ɛ nɩ a tome al za na tone a tuor-taa pɛn-sɛw pʋɔ a ƴãw. Nɩ-zawla za bɛ tawr pɩɛlɛ nyɩ ɛ.

Sɔr-nɛ́ɛ 4:18

«Nyɩ maal ɩrɛ, a Kehatɩ bʋʋrɛ tʋ̃ɔ́ be a levitɩ mɩnɛ bɛl na cɛ a pʋɔ kʋralɛ.

Sɔr-nɛ́ɛ 8:19

ɛ́ de bɛ a Ɩsɩrayɛl nɩbɛ pʋɔ, kʋ̀ a Aarɔ̃ nɩ a ʋ bidɛbr. Bɛ na tone nɩ a bɛ tome a tuor-taa pɛn-sɛw pʋɔ, a Ɩsɩrayɛl nɩbɛ ŋmaarɛ ƴãw, ɛ́ mɩ́ páw a bɛ yel-bebe suur-dɩ-kʋ̀b kʋ̀ bɛ. À à ŋá n'a ɩ̃ kʋ̃ ƴãw dɔwrʋ a bɛlɩ dem nãà wa tawr pɩɛlɛ a zi-sõw zuo a ɩ.»

Sɔr-nɛ́ɛ 8:2

«Ƴɛ̀r a Aarɔ̃ zie yel ʋ à ŋá: Fʋ̃ʋ wa tɔ̃wnɛ a fɩ̃tɩlɩ a, a fɛr'a k'aa za ayopõi caalɛ a fɩ̃tɩlɩ dɔwlʋ zie nidaa.»

1 Timote 1:18

Ɩ̃ bie Timote e, a wulu n'ɩ à ŋà ɩ̃ na kʋ̀rɛ fʋ tu n a naaŋmɩn-ƴɛ̀r-manbɛ ƴɛ̀r-bie bɛ na tɩ dãw ƴɛ̀r a fʋ ƴãw a. A ƴɛ̀r-bie á ŋá a, a ɩ fʋ kpɛmɛ tʋ̃ɔ́ zɛb a zɛb-vla

1 Timote 3:15

Ɛcɛ, mãa wa ɩ mɛ̃ ɩ̃ kɔwrɛ na a, fʋ na bãw nɩ a lɛ a na sɛw kɛ́ fʋ ɩrɛ a Naaŋmɩn yir pʋɔ na ɩ a Naaŋmɩn na vʋʋrɛ a Lãw-yir a, a Lãw-yir ŋa na ɩ a yel-mɩŋa kpul ɛ́ tɩɛ a yel-mɩŋa tɛr a.

1 Timote 5:21

Ɩ̃ zɛlɛ fʋ nɩ yãayãa a Naaŋmɩn nɩ a Kɩrɩta Yeezu niŋé, lãwnɩ a malkɩ mɩnɛ a Naaŋmɩn na kaa ír a niŋé, tuur a nɛ́ɛ á ŋá za, ɛ́ ta owre a tub pʋɔ, maalɛ bɛ mɩnɛ ɛ́ sãwnɛ bɛ mɩnɛ a fʋ ɩ-ɩrɩ pʋɔ ɩ.

1 Timote 6:20

Fʋ̃ʋ Timote e, maal tɛr a bom bɛ na kʋ̀ b a, gùr pùor cɔw a ƴɛ̀r-zawlɛ na bɛ tu naaŋmɩn-sàw-deb a, mɩ̀ gùr pùor cɔw a nɔkpɛn, a bɛlɩ dem na yel kɛ́ bɛ bãw na a na mɩ́ ŋmɩɛr a.