Sɔr-nɛ́ɛ 18:21 - A SƐB-SÕW

²¹ A Sore tɩ yel'a ƴãw pʋɔ: «Nyɛ̃ a sã-ya ɩ̃ na kʋ̀rɛ a levitɩ mɩnɛ a tome bɛ na tone a tuor-taa pɛn-sɛw pʋɔ a ƴãw: ɩ̃ kʋ̀rɛ bɛ nɩ a tɛra ziir pie sob k'ʋʋ ɩ a bɛ dem, a pɛr lɛ k'aa bome al za a nɩbɛ na mɩ́ tõ páw a Ɩsɩrayɛl tẽw pʋɔ a ziir pie sob.

Sɔr-nɛ́ɛ 18:21 Iomraidhean Croise

Yele-za-pɛr-tib 14:20

A Naaŋmɩn-na-do-saa-bɛ-pɩɛl-a tɛr'ɩ danʋ, ʋl na ƴãw a fʋ dɔ̃ dem a fʋ nuru pʋɔ a!» A Abram tɩ põ nɩ a bome za ʋ na zɛb fa a ziir pie, ír zi-been kʋ̀ ʋ.

Yele-za-pɛr-tib 47:24

Ɛcɛ a deb daar a, nyɩ na põ nɩ a bome ziir anũu, ír zi-been kʋ̀ a Faarawɔ̃ ɛ́ tɛr a ziir anaar al na cɛ a. Alɛ n'a nyɩ na dɩrɛ, nyɩmɛ nɩ a nyɩ bibiir, nɩ a bɛlɩ dem za na kpɩɛr a nyɩ yie pʋɔ a. Al pʋɔ n'a nyɩ na mɩ́ ír a bʋ̃-bʋʋrɛ.»

Yele-za-pɛr-tib 47:26

Lɛ n'a a Zuzɛb tɩ ƴãw nʋɔr na cãà be nɩ dɩ̃a a: kɛ́ a Faarawɔ̃ na mɩ́ so a bʋ̃-dieri ziir anũu sob a Eziptɩ tẽw pʋɔ. A bàwr-maalbɛ tẽsɔwr tɛwr'a a Faarawɔ̃ bɛ tɩ so ɩ.

2 Bibie za yel-manɩ 31:12

a nɩbɛ tɩ waar'ɩ nɩ a bʋ̃-kʋ́ɔrɩ bome, a tɛra ziir pie sob nɩ a de-kʋ̀b bome wa ƴãwnɛ a pʋɔ. A levitɩ Konanɩahu n'ʋ bɛ tɩ kaa ír k'ʋʋ kaarɛ a zie, ɛ́ a ʋ yɛb Simeyi tu a ʋ zu.

Neemi 10:29

A Ɩsɩrayɛl nɩbɛ bɛl na cɛ a, a bàwr-maalbɛ, a levitɩ mɩnɛ, a dɩ̃dɔ-gùrbɛ, a yiel-yielbɛ, a Ŋmɩn-yir-kpɛ̃ɛ tõ-tõ-biir nɩ a tɩɩm za na ow yi a nɩbɛ na tɩ cãà kpɩɛr a tẽw a pʋɔ a diw-cenu daar a, a tɩɩm na tu a Naaŋmɩn wulu pùor a, de nɩ a tɩ pɔwbɛ nɩ a tɩ bidɛbr nɩ a tɩ pɔwyaar bɛl na na tʋ̃ɔ́ bãw bom pɛr a, tɩ tɩ lãw nɩ nɩ a nɩbɛ bɛ ŋa.

Neemi 10:37

Tɩ na mɩ́ de nɩ a tɩ bi-dãw-dɔwrɩ nɩ a tɩ dʋn bil-dãw-dɔwrɩ tɩr a be, mɛ̃ a lɛ a wulu na yel a. Tɩ na mɩ́ wa n nɩ a tɩ nĩi, a tɩ píir nɩ a tɩ bʋʋr bil-dãw-dɔwrɩ a tɩ Ŋmɩn-yir-kpɛ̃ɛ́ wa de a kʋ̀ a bàwr-maalbɛ na so a tome a Ŋmɩn-yir-kpɛ̃ɛ pʋɔ a.

Neemi 10:38

Tɩ mɩ̀ na mɩ́ wa n nɩ a tɩ zɔ̃-vla zie a mɩnɛ, a tɩ tɩ-wɔmɛ, a divɛ̃-paala nɩ a kãá de-kʋ̀b wa kʋ̀ bɛ, ɛ́ tɩ na mɩ́ bin a nɩ a Ŋmɩn-yir-kpɛ̃ɛ diru pʋɔ. Tɩ na mɩ́ kʋ̀ n a levitɩ mɩnɛ a tɩ bʋ̃-kʋ́ɔrɩ ziir pie sob. Bɛl mɩŋa na mɩ́ cen nɩ a ziir al tɩ na tone a tɩ de a bome á ŋá ziir piir sob.

Neemi 12:44

A lɛn daar mɩ̀ a, bɛ tɩ ƴãw nɩ nɩbɛ bɛ jɩ́rɛ a diru al pʋɔ bɛ na bin a tɩ-wɔ̃-dan, nɩ a bʋ̃-kʋ́ɔrɩ ziir pie sob a. A bʋ̃-dieri ŋmãa al a wulu na yel kɛ́ bɛ mɩ́ kʋ̀ a bàwr-maalbɛ nɩ a levitɩ mɩnɛ a, ɛ́ a mɩ́ yi a póru na jil koli a tẽ-bɛrɛ a pʋɔ a, alɛ n'a a mɩ́ tɩ fɛr k'aa nɩbɛ bɛ ŋa de bin a be. A Zuda nɩbɛ za pʋʋr tɩ pɛlɩ nɩ a bàwr-maalbɛ nɩ a levitɩ mɩnɛ tome ƴãw.

Neemi 12:47

A Zorobabɛl daar nɩ a Neemi daar a, a Ɩsɩrayɛl nɩbɛ mɩ́ tɩ kʋ̀ n a yiel-yielbɛ nɩ a dɩ̃dɔ-gùrbɛ a alɩ bome nɛ a na fɛr kɛ́ bɛ mɩ́ kʋ̀ bɛ a bibir za a. Bɛ mɩ̀ mɩ́ tɩ de nɩ a de-kʋ̀b bome a Naaŋmɩn na so a, kʋ̀ a levitɩ mɩnɛ, a levitɩ mɩnɛ mɩ̀ kʋ̀ a bàwr-maalbɛ, a Aarɔ̃ bʋʋrɛ, a bɛ dem.

Neemi 13:12

Lɛ n'a a Zifʋ mɩnɛ tɩ lɛb waar'ɩ a ble, a divɛ̃-paala nɩ a kãá ziir pie sob a diru al na tɩ be be a bome á ŋá binu ƴãw a pʋɔ.

Neemi 13:5

ʋ tɩ cɔbr'ɩ di-yɛlʋ kãw kʋ̀ ʋ, a be bɛ na tɩ bine a kukur de-kʋ̀b bome, a tɩ-suur-zɔ̃-na-nyùur-vla-vla-a, nɩ a Ŋmɩn-yir-kpɛ̃ɛ labɛ a, de nɩ a bome bɛ na mɩ́ kʋ̀ a bàwr-maalbɛ a, a ble, a divɛ̃-paala nɩ a kãá ziir pie sob, a levitɩ mɩnɛ, a yiel-yielbɛ nɩ a dɩ̃dɔ-gùrbɛ na mɩ́ so a.

Malasɩ 2:4

Lɛn daar'a nyɩ na bãw k'aa mãa, a Sore Kpɛnʋ-za-sob, mãa n'ʋ kpaalɩ nyɩ à à ŋà, k'aa wõ-taa ɩ̃ na maal'ɩ a Levi bʋʋrɛ a gã kʋralɛ.

Malasɩ 3:10

Nyɩ wa n a nyɩ bʋ̃-tɛrɩ ziir pie sob ʋ za, a bʋ̃-bini dĩó, kɛ̀ bʋ̃-dɩrɩ mɩ́ be a ɩ̃ yir-kpɛ̃ɛ pʋɔ kʋralɛ. A mãa, a Sore kpɛnʋ-za-sob, mãa n'ʋ yere: nyɩ ɩ m kaa a ka lowr ɛ́ nyɛ̃, mãa bɛ wa yuo a salom kʋ̃ɔnɩ kʋ̀ nyɩ a, mãa bɛ wa paalɩ nyɩ nɩ maalʋ tɩ gʋ̀r bɛr a.

Sɔr-nɛ́ɛ 18:6

Nyɩ nyɛ̃, ɩ̃ kaa na ír a levitɩ mɩnɛ a Ɩsɩrayɛl nɩbɛ pʋɔ, mãa so bɛ ɛ́ de bɛ kʋ̀ nyɩ, kɛ́ bɛ tone a tuor-taa pɛn-sɛw tome.

Sɔr-nɛ́ɛ 3:6

«Ƴãw a Levi dɔwlʋ nɩbɛ bɛ wa, fʋ wa de bɛ kʋ̀ a Aarɔ̃ na ɩ a bàwr-maalɛ a, bɛ sõwne ʋ.

Sɔr-nɛ́ɛ 31:28

A nɩbɛ na zɛb a bome pʋɔ a, fʋ na ír'ɩ a ɩ̃ dem: nɩ-been nɩbɛ kɔbr anũu (500) pʋɔ, dʋ̃-been dʋn kɔbr anũu (500) pʋɔ, a nĩi, a bòn, a píir nɩ a bʋʋr pʋɔ.

Galasi 6:6

A sob nɛ bɛ na zanɛ nɩ a Naaŋmɩn ƴɛ̀rʋ a, a fɛr'a k'ʋʋ mɩ́ ɩ a ʋ bʋ̃-tɛrɩ kʋ̀ a sob nɛ na zanɛ nɩ ʋ a.

Wulu-ayi-sob 18:8

A ʋ dɩb ƴãw a, ʋlɛ nɩ a ʋ taabɛ dem na mɩ́ ɩ n been, ƴãw pʋɔ a libie ƴãw, ʋ na na tʋ̃ɔ́ mɩ́ páw a ʋ yir bome kʋɔrʋ pʋɔ a.

Ebre 7:5

Mɛ̃ a lɛ a Naaŋmɩn wulu na yel a, a Levi bibiir bɛl na ɩ a bàwr-maalbɛ a, bɛ ƴãw nɩ nʋɔr kʋ̀ bɛ kɛ́ bɛ mɩ́ de a bʋ̃-tɛrɩ ziir pie sob a Ɩsɩrayɛl nɩbɛ zie, a pɛr lɛ k'aa bɛ yɛbr mɩ̀ na saa mɩ̀ ɩ a Abraham bʋʋrɛ a zie.