Sɔr-nɛ́ɛ 18:20 - A SƐB-SÕW

²⁰ A Sore tɩ cãà na lɛb yel a Aarɔ̃ à ŋá: «Fʋ kʋ̃ tɛr zie nɩ na-bome a tẽw ɩ̃ na na kʋ̀ a Ɩsɩrayɛl nɩbɛ a pʋɔ ɩ. Mãa n'ʋ na ɩ a fʋ dem nɩ a fʋ na-bom a Ɩsɩrayɛl nɩbɛ na cɛ a sɔgɔ.»

Sɔr-nɛ́ɛ 18:20 Iomraidhean Croise

Yele-za-pɛr-tib 15:1

A yele á ŋá pùorí, a Sore tɩ ɩ na a Abram nyɛ̃ ʋ, ʋʋ ƴɛ̀r a ʋ zie à ŋá: «Ta zɔrɛ dɛ̃bɩ̃ɛ ɩ, Abram i! Mãa n'ʋ gùre fʋ, ɛ́ na kʋ̀ b sã-ya-kpɛ̃ɛ.»

Sɛb-sõw yielu 142:5

Jɩ́r a ɩ̃ dʋrʋ lowr nyɛ̃ a: nɩr za bɛ ŋmɛlɛ kaar mɛ̃ ɩ. Ɩ̃ bɛ cãà tɛr sɔwlʋ zie ɩ, nɩr za bɛ kaarɛ ɩ̃ zie ɩ.

Sɛb-sõw yielu 16:5

Sore e, fʋ̃ʋ bɛ na põ ír kʋ̀ m a, ɛ́ fʋ ɩ a ɩ̃ nyɔ-vʋʋrʋ a, a fʋ nũú n'a a ɩ̃ yele za be.

Sɛb-sõw yielu 73:26

A ɩ̃ ƴã-gan nɩ a ɩ̃ socir na tʋ̃ɔ́ na bàl, ɛcɛ Naaŋmɩn i, fʋ̃ʋ n'ɩ a ɩ̃ socir fãw, nɩ a bom ɩ̃ na só kʋralɛ a.

A Lãw-mʋɔlɛ 3:24

Ɩ̃ yel'a: a Sore n'ɩ a ɩ̃ na-bom, alɛ n'a so ɩ̃ ƴãw a ɩ̃ tɩɛrʋ a ʋ ƴãw.

Ezekɩɛl 44:28

A bàwr-maalbɛ na tone nɩ a ɩ̃ tome. Bɛ kʋ̃ páw zie kãw za a Ɩsɩrayɛl tẽw pʋɔ ɩ, bʋ̃ʋ n'ʋ vɛ̃, mãa n'ʋ na ɩ a bɛ dem.

Sɔr-nɛ́ɛ 18:7

Ɛcɛ a fʋ̃ʋ Aarɔ̃ nɩ a fʋ bidɛbr a, nyɩ na tone nɩ a nyɩ bàwr-maal-tome a bàwr-maal-kuur pɛr nɩ a zi-sõw-za-zi-sõw pʋɔ, a pɛn-yawla na bʋ́r a ziir a pùorí. Mãa n'ʋ kʋ̀ nyɩ a tõ-nʋɔr ŋa. Nɩ-zawla wa tawr pɩɛlɛ a, a fɛr'a k'ʋʋ kpi.»

Sɔr-nɛ́ɛ 26:62

A dɛbr za nɩ a dɛbli bɛl za na tɛr cuw-been nɩ dɔwlɛ ɛ́ ɩ levitɩ mɩnɛ a nʋɔr tɩ ɩ n tùr-lɩzɛr'ɩ ata (23 000). Bɛ bɛ tɩ sɔ́r bɛ lãwnɩ a Ɩsɩrayɛl nɩbɛ ŋmãa ɩ. Bʋ̃ʋ n'ʋ vɛ̃, a levitɩ mɩnɛ bɛ tɩ tɛr sɔ́r na tɛr tẽsɔw a Ɩsɩrayɛl nɩbɛ sɔgɔ ɩ.

Wulu-ayi-sob 10:9

Alɛ n'a so a Levi dɔwlʋ bɛ tɛr tẽsɔwr ʋ na so a, mɛ̃ a ʋ yɛbr a ɩ. A Sore n'ɩ a ʋ bom, mɛ̃ a lɛ a Sore nyɩ Naaŋmɩn na yel kʋ̀ ʋ a. —

Wulu-ayi-sob 12:12

A Sore nyɩ Naaŋmɩn zi-sõw pʋɔ be a, nʋ̃ɔ̀ na mɩ́ ɩrɛ nyɩ na, a nyɩɩm, a nyɩ bibiir, a nyɩ tõ-tõ-bi-dɛbr nɩ a nyɩ tõ-tõ-bi-pɔwbɛ, lãwnɩ a levitɩ mɩnɛ na kpɩɛr a nyɩ tẽ-bɛrɛ pʋɔ a, bɛl na bɛ tɛr tẽsɔw bɛ na põ ír kʋ̀ bɛ a nyɩ sɔgɔ a ƴãw.

Wulu-ayi-sob 14:27

Nyɩ taa lɔbr a levitɩ mɩnɛ na kpɩɛr a nyɩ tẽ-kpɛ̃ɛ pʋɔ a bɛrɛ a lɛn daar ɛ, bʋ̃ʋ n'ʋ vɛ̃, bɛ bɛ tɛr tẽsɔw bɛ na põ ír kʋ̀ bɛ a nyɩ sɔgɔ a ɩ.

Wulu-ayi-sob 14:29

A bome á ŋá pʋɔ n'a a levitɩ mɩnɛ na bɛ tɛr tẽsɔw bɛ na põ ír kʋ̀ bɛ a nyɩ pʋɔ a na mɩ́ wa ɩ dɩ tɩw, bɛlɛ nɩ a nʋʋrɩ, a bi-kpebe nɩ a pɔw-kɔbɛ na kpɩɛr a nyɩ pʋɔ a. Lɛ n'a a Sore nyɩ Naaŋmɩn na mɩ́ maalɩ nyɩ a nyɩ tome za pʋɔ.

Zozue 13:14

Ɛcɛ a Moyiir bɛ tɩ kʋ̀ zie a Levi dɔwlʋ nɩbɛ, ʋ ɩ a bɛ sób ɛ: a de-kʋ̀b bome bɛ na mɩ́ kʋ̀ a Sore, a Ɩsɩrayɛl Naaŋmɩn a, alɛ tɩ n'ɩ a bom bɛ na so a, mɛ̃ a lɛ a Sore tɔr za na tɩ yel a.

Zozue 13:33

Ɛcɛ a Moyiir bɛ tɩ kʋ̀ zie a Levi dɔwlʋ nɩbɛ, bɛ so ʋ ɛ. A Sore, a Ɩsɩrayɛl Naaŋmɩn, tɩ n'ɩ a bom bɛ na so a, mɛ̃ a lɛ ʋ na tɩ yel kʋ̀ bɛ a.

Zozue 14:3

Bʋ̃ʋ n'ʋ vɛ̃, a Moyiir tɩ kʋ̀ n zie a dɔwlʋ ayi nɩ ŋmãa al, a Zurdɛ̃ gãwn, ɛcɛ ʋ bɛ tɩ kʋ̀ zie a levitɩ mɩnɛ bɛ so, a dɔwlʋ á ŋá sɔgɔ ɩ.

Zozue 18:7

Ɛcɛ a levitɩ mɩnɛ kʋ̃ páw zie a nyɩ sɔgɔ ɩ, bʋ̃ʋ n'ʋ vɛ̃, a zie bɛ na na so a na ɩ n a Sore bàwr-maalɛ tome bɛ na tone a. A Gadɩ dɔwlʋ nɩ a Urubɛn dɔwlʋ, nɩ a Manase dɔwlʋ ŋmãa a, bɛl páw nɩ ziir bɛ na so a, a Sore tõ-tõ-bie Moyiir na kʋ̀ bɛ a saa-pɛrɩ́, a Zurdɛ̃ gãwn a.»

Yel-wula 21:3

Ɩ̃ tɩ wõ n kɔkɔ-kpɛ̃w na yire a naalʋ-dà-kɔw pɛr a, ʋ tɩ yere na: «Ƴɛrɛŋa a, a Naaŋmɩn kpɛb zie be n a nɩsaalbɛ sɔgɔ. Ʋ na lãw na kpɩɛr'ɩ bɛ, ɛ́ bɛ na ɩ n a ʋ nɩ-bʋʋrɛ, ʋʋ ɩ a Naaŋmɩn na be a bɛ zie a.