Sɔr-nɛ́ɛ 18:13 - A SƐB-SÕW

¹³ A bɛ tẽw bʋ̃-dan za bɛ na na mɩ́ wa n wa kʋ̀ m a, nyɩmɛ na mɩ́ so a, ɛ́ a nyɩ yie nɩbɛ bɛl nãà bɛ wa tɛr dɛwr a na tʋ̃ɔ́ na mɩ́ dɩ a.

Sɔr-nɛ́ɛ 18:13 Iomraidhean Croise

2 Na-mɩnɛ 4:42

Bibir kãw, nɩr kãw tɩ yi n Baal-Salisa wa. Ʋ tɩ wa n nɩ bʋ̃-dan dipɛ̃ k'ʋʋ wa kʋ̀ a Naaŋmɩn nɩr, ɔɔzʋ dipɛ̃ lɩzɛr nɩ ble paala bie nɩ vʋɔra. A Elize tɩ yel'ɩ a ʋ tõ-tõ-bie: «De a kʋ̀ a nɩbɛ bɛ ŋa za bɛ 'wɔb.»

2 Bibie za yel-manɩ 31:5

A nɩbɛ na dɛ wa wone a ƴɛ̀rʋ ŋa a, a Ɩsɩrayɛl nɩbɛ tɩ wa n nɩ a bɛ kɔb bʋ̃-dan bɛ dɩ vuo ɩ: ble, divɛ̃, kãá, sɩwr nɩ a bʋ̃-kʋ́ɔrɩ al na cɛ a, nɩ a bɛ bʋ̃-dieri za ziir pie sob.

Eziptɩ tẽw yib 22:29

«Nyɩ mɩ̀ na mɩ́ ɩ n a lɛ a nyɩ dʋn ƴãw. Náab, pɛrʋ bɩɩ bʋɔ bil-dãw-dɔwra na mɩ́ be n a ʋ mã zie bibie ayopõi. A bibie ani sob a, nyɩ na mɩ́ nyɔw ʋ na maal'ɩ bàwr kʋ̀ m.»

Eziptɩ tẽw yib 23:19

Nyɩ na wa n nɩ a nyɩ tẽsɔw bʋ̃-dan wa kʋ̀ a mãa Sore nyɩ Naaŋmɩn, a ɩ̃ yir pʋɔ. Nyɩ kʋ̃ dʋw bʋle nɛn a ʋ mã bʋ̀rʋ pʋɔ ɩ.»

Eziptɩ tẽw yib 34:26

Nyɩ na mɩ́ wa n nɩ a nyɩ póru bʋ̃-dan a Sore nyɩ Naaŋmɩn yir. Nyɩ bɛ dʋwr bʋle a ʋ mã bʋ̀rʋ pʋɔ ɩ.»

Zeremi 24:2

A pèlé kãw kãkamɛ tɩ vɩɛl'ɩ yaga yaga, vɩɛl mɛ̃ a kãkamɛ bɛ na mɩ́ de niwn pɔr a. A pèlé ƴen sob kãkamɛ tɩ sãw nɩ a za bɛ tɛr dɩb ɛ.

Ezekɩɛl 44:30

A bàwr-maalbɛ na mɩ́ so nɩ a bʋ̃-dieri bʋ̃-dan nɩ bom za bɛ na mɩ́ de a Ɩsɩrayɛl nɩbɛ tɛra pʋɔ kʋ̀ m a. A nɩbɛ na mɩ́ kʋ̀ bɛ nɩ a zɔ̃-vɩɛlɩ vɩɛlɩ zie k'ɩ̃ɩ tʋ̃ɔ́ maalɩ a bɛ yie.

A naaŋmɩn-ƴèr-manɛ Oze sɛbɛ 9:10

À ŋá n'a a Sore yere: «Ɩ̃ nyɛ̃ nɩ a Ɩsɩrayɛl ʋ ɩ mɛ̃ divɛ̃ tɩ-wɔmɛ bɛ na nyɛ̃ wɛja-kpalɛ pʋɔ a. Ɩ̃ nyɛ̃ nɩ a nyɩ sãàkʋm-kore mɛ̃ kãkãw wɔ̃-dãw bɛ na nyɛ̃ a tɩɛ zu a. Ɛcɛ bɛl a, bɛ na dɛ wa tarɛ a Bàál-Pewɔɔr tẽw a, bɛ bɛr'ɩ bɛ tʋɔra kʋ̀ a Vĩ, lɛ n'a bɛ lɩɛbɩ faalʋ na bɛ maal'ɩ wob a, mɛ̃ a bom ʋl tɔr za bɛ na nɔnɛ a.

Levitɩ mɩnɛ 22:7

A mʋ̃tɔ̃w wa kpɩɛr wa báarɛ a, a ʋ dɛwr baar'a, ʋ na tʋ̃ɔ́ na mɩ́ lɛb dɩ a bàwr-maal-bome a Naaŋmɩn na so a, bʋ̃ʋ n'ʋ vɛ̃, a ʋ bʋ̃-dɩrɩ n'a.

Levitɩ mɩnɛ 23:17

Nyɩ na yi n a nyɩ yie pʋɔ wa n dipɛ̃ ayi wa tu a bom de-tɩrʋ tub de a kʋ̀ m. Kilo ata zɔ̃ n'a nyɩ na mɩ́ maal'ɩ dipɛ̃ za, ɛ́ sɛ̃ ʋ lãwnɩ dãbɩl. A bʋ̃-bie al nyɩ na na de niwn cɛ̀ a, al pʋɔ n'a a de-kʋ̀b bom ŋa na yi.

Mise 7:1

'Woi! Mãa baw-bi-nɩr! Ɩ̃ ɩ na mɛ̃ nɩr na cere tɩ-wɔmɛ pɔrʋ a pɔrʋ daar a, mɛ̃ nɩr bɛ na pɔr a divɛ̃ tɩ-wɔmɛ baarɩ ʋʋ cere a yiiru a: ʋ bɛ nyɛrɛ divɛ̃ tɩ-wɔm-cãacul kãw za dɩrɛ ɩ, ʋ bɛ nyɛrɛ kãkãw wɔ̃-dãw been za a vʋla na tɩ kpɩɛr ʋ a ɩ.

Wulu-ayi-sob 18:4

Nyɩ mɩ̀ na mɩ́ kʋ̀ bɛ nɩ a kukur bʋ̃-dan: a ble, a divɛ̃-paala nɩ a kãá, lãwnɩ a pi-kɔblʋ nyɩ na na de niwn ŋma a.

Wulu-ayi-sob 26:2

ŋa za na mɩ́ ír'ɩ a tẽsɔw ʋ na kɔ a bʋ̃-dan a mɩnɛ, a tẽw a Sore na kʋ̀ nyɩ a pʋɔ. Ʋ na ƴãw a nɩ pèlé pʋɔ wa n a zie ʋl a Sore nyɩ Naaŋmɩn na na kaa ír mɩ́ wul k'aa be n'a ʋ be a.