Sɔr-nɛ́ɛ 18:10 - A SƐB-SÕW

¹⁰ A na ɩ n a nyɩ bʋ̃-dɩrɩ. Ɛcɛ a nyɩ yie dɛbr nɩ a dɛbli tɛwr nɛbɛ na tʋ̃ɔ́ mɩ́ dɩ a, bʋ̃-dɩ-sõw na n'a a ƴãw.

Sɔr-nɛ́ɛ 18:10 Iomraidhean Croise

Ezekɩɛl 42:13

A nɩr nɛ tɩ yel mɛ̃ na: «A saa-pɛrɩ́-gʋba-lowr nɩ a saa-pɛrɩ́-dʋrʋ-lowr diru na tori a davʋra a ɩ n diru a Naaŋmɩn yõ na so a. A be a, a bàwr-maalbɛ na na tʋ̃ɔ́ kpɛ a zi-sõw pʋɔ a dɩrɛ nɩ a de-kʋ̀b bʋ̃-son. A be n'a a sɛw kɛ́ bɛ mɩ́ ƴãw a de-kʋ̀b bʋ̃-son: a bʋ̃-tɩrɩ nɩ a bàwr-maal pɛ-bʋʋrɛ dʋn bɛ na de tɩr a yel-bebe suur-páwfʋ ƴãw a, bʋ̃ʋ n'ʋ vɛ̃, a zie ŋa ɩ n sõw.

Levitɩ mɩnɛ 10:13

Zie na ɩ sõw a n'a nyɩ na 'wɔb a. A bome bɛ na mɩ́ de kʋ̀ a Sore a pʋɔ a, a nyɩ dem'ɩ à á ŋá, a fʋ̃ʋ Aarɔ̃ nɩ a fʋ bidɛbr mɛ̃ a lɛ a Sore na yel kʋ̀ m a.

Levitɩ mɩnɛ 10:17

«Bʋ̃ʋ n'ʋ so nyɩ bɛ 'wɔb a bàwr ŋa nɛn zie na ɩ zi-sõw a pʋɔ, ʋ na ɩ bʋ̃-sõw yaga za a? A Sore tɩ kʋ̀ nyɩ nɩ a dʋ̃w ŋa kɛ́ nyɩ ír'ɩ a Ɩsɩrayɛl lãw nɩbɛ yel-bebe bɛr, ɛ́ tu a yel-bebe suur-dɩ-kʋ̀b tub a bɛ zu.

Levitɩ mɩnɛ 14:13

Ʋ na ŋmãa nɩ a pʋrale kɔkɔr, a be bɛ na mɩ́ ŋmãa a yel-bier-ír-bɛrʋ bàwr bɩɩ nyɩw-a-za-bàwr dʋ̃w kɔkɔr a, a pɛr lɛ kɛ́ zie na ɩ sõw a, bʋ̃ʋ n'ʋ vɛ̃, a lɛb-kpɛ-taa bàwr bom bɩɩ a yel-bier-ír-bɛrʋ bàwr bom a, a bàwr-maalɛ so ʋ, ʋ na ɩ bʋ̃-sõw yaga za a ƴãw.

Levitɩ mɩnɛ 21:22

Ʋ na tʋ̃ɔ́ na mɩ́ dɩ a bàwr bɛ na maalɩ kʋ̀ m a bome, a bʋ̃-dɩrɩ al a mãa yõ na so a, nɩ a bʋ̃-dɩrɩ al na cɛ a.

Levitɩ mɩnɛ 6:16

Bʋ̃ʋ n'ʋ vɛ̃, bàwr-maalɛ kukur bom de-kʋ̀b mɩ́ ɩ n ʋ za, bɛ bɛ dɩrɛ bom za a ʋ pʋɔ ɩ.»

Levitɩ mɩnɛ 6:18

k'ʋʋ ƴãw tub á ŋá kʋ̀ a Aarɔ̃ nɩ a ʋ bidɛbr: «A tub na càarɩ a yel-bier-ír-bɛrʋ bàwr a n'ɩ á ŋá: bɛ na mɩ́ ŋmãa nɩ a dʋ̃w kɔkɔr a Sore niŋé, a be bɛ na mɩ́ ŋma a nyɩw-a-za-bagɛ dʋn kɔkɛɛ a, bàwr-maal-bom na ɩ sõw yaga za a n'ʋ.

Levitɩ mɩnɛ 7:6

A bàwr-maalbɛ yie dɛbr tɛwr nɛbɛ na tʋ̃ɔ́ 'wɔb a nɛn ŋa, ɛ́ zie na ɩ sõw a pʋɔ n'a bɛ na 'wɔb ʋ, ʋ na ɩ bàwr-maal-bom na ɩ sõw yaga za a ƴãw.

Sɔr-nɛ́ɛ 18:11

A bome a Ɩsɩrayɛl nɩbɛ na mɩ́ de kʋ̀ m a, nyɩ mɩ̀ na tʋ̃ɔ́ na mɩ́ de a ŋmãa. A nyɩ dem ɩ̃ na kʋ̀rɛ nyɩ kʋralɛ ƴãw a n'a, fʋ̃ʋ nɩ a fʋ bidɛbr nɩ a fʋ pɔwyaar. Bɛlɩ dem za na bɛ tɛr dɛwr a fʋ yir pʋɔ a na tʋ̃ɔ́ na mɩ́ dɩ a.

Sɔr-nɛ́ɛ 18:9

Bɛlɛ wa nyɩw a ɩ̃ dem a bàwr-maal-kuur zu baar'a, a nyɩ dem n'ɩ á ŋá a de-kʋ̀b bʋ̃-son son pʋɔ a Ɩsɩrayɛl nɩbɛ na kʋ̀rɛ mɛ̃ a: a kukur bome za, a yel-bier ír-bɛrʋ bagɛ bome nɩ a lɛb-kpɛ-taa bagɛ bome. A de-kʋ̀b bʋ̃-son son á ŋá na ɩ n fʋ̃ʋ nɩ a fʋ bʋʋrɛ dem.