Sɔr-nɛ́ɛ 18:1 - A SƐB-SÕW

¹ Lɛ n'a a Sore tɩ yel a Aarɔ̃: «Dɩ̃a na ta a, a fʋ̃ʋ, a fʋ bidɛbr nɩ a fʋ yɛbr Levi dɔwlʋ nɩbɛ, nyɩmɛ na so a sãwna na càarɩ a zi-sõw a. Ɛ́ fʋ̃ʋ nɩ a fʋ bidɛbr so a sãwna al na càarɩ a nyɩ bàwr-maal-tome a.

Sɔr-nɛ́ɛ 18:1 Iomraidhean Croise

Eziptɩ tẽw yib 28:38

A Aarɔ̃ na mɩ́ ƴãw nɩ a pɩ̃ɛmɛ ŋa kʋralɛ a ʋ gbẽé, a lɛn daar ʋ nãà wa waar a mãa Sore niŋé a. À ŋá n'a ɩ̃ na mɩ́ sàw de a Ɩsɩrayɛl nɩbɛ bʋ̃-son bɛ na na kʋ̀rɛ mɛ̃ a, bɛlɛ saa mɩ́ wa tuli a de-kʋ̀b tub pʋɔ a.»

Ɩzayi 53:11

A Sore yere na: «A tuo a ɩ̃ tõ-tõ-bie na wõ a zũú, ʋ na nyɛ̃ nɩ a cãà, nʋ̃ɔ̀ na paalɩ ʋ na. A ɩ̃ tõ-tõ-bie na ɩ a nɩ-mɩŋa tɔr za a na ɩ na nɩ-yaga yaga lɩɛbɩ nɩ-mɩn, ʋ na de a bɛ yel-bebe tuo a ƴãw.

Ɩzayi 53:6

Tɩ za tɩ bɔrɛ na gʋɔr mɛ̃ píir a, ŋa tuur ʋ sɔ́r, ŋa tuur ʋ sɔ́r. Ɛcɛ a Sore ɩ na a tɩ za sãwna lo a ʋ zu.

Ezekɩɛl 4:4

Gã a fʋ gʋba lõbowr zu. Lɛn daar za fʋ na na gã à à ŋá a, fʋ na tuo nɩ a Ɩsɩrayɛl naalʋ-tẽw yel-bebe, fʋ na tuo nɩ a tɩbrʋ.

Levitɩ mɩnɛ 10:17

«Bʋ̃ʋ n'ʋ so nyɩ bɛ 'wɔb a bàwr ŋa nɛn zie na ɩ zi-sõw a pʋɔ, ʋ na ɩ bʋ̃-sõw yaga za a? A Sore tɩ kʋ̀ nyɩ nɩ a dʋ̃w ŋa kɛ́ nyɩ ír'ɩ a Ɩsɩrayɛl lãw nɩbɛ yel-bebe bɛr, ɛ́ tu a yel-bebe suur-dɩ-kʋ̀b tub a bɛ zu.

Levitɩ mɩnɛ 22:16

bɛlɛ wa dɩ a a lɛn daar bɛ na bɛ sɛwnɩ a, a Ɩsɩrayɛl nɩbɛ nɛbɛ bɛ tuore sãwna a na fɛr kɛ́ bɛ maalɩ a. Mãa n'ɩ a Sore, ɛ́ mãa n'ʋ mɩ́ maalɩ a bàwr-maalbɛ bɛ ɩ son a ɩ̃ tome tob ƴãw.»

Levitɩ mɩnɛ 22:9

«A fɛr'a k'aa bàwr-maalbɛ tuur a lɛ ɩ̃ na ƴãw a nʋɔr kʋ̀ bɛ a vla, taa wa tɛrɛ sãwna bʋ̃-dɩra ƴãw ɛ. Bɛlɛ bɛ wa tɛr maal-ɩb a bʋ̃-dɩrɩ á ŋá ƴãw a, bɛ na tʋ̃ɔ́ na kpi a al kũu. Mãa n'ɩ a Sore, ɛ́ mãa n'ʋ maalɩ bɛ bɛ ɩ son a ɩ̃ tome ƴãw.»

Sɔr-nɛ́ɛ 14:34

Bibie lɩz'a ayi n'a nyɩ cɔlɩ jɩ́r a Kanãa tẽw. A na ɩ à ŋá a, yome lɩz'a ayi n'a nyɩ na wõ tuo a nyɩ sãwna ƴãw. Bibi-been za na mɩ́ ɩ n yũon. À ŋá n'a nyɩ na bãw a lɛ a ɩ̃ zawr-bɛrʋ na buore a.

Sɔr-nɛ́ɛ 16:10

A Sore sàw na k'aa fʋ̃ʋ Koore nɩ a fʋ yɛbr levitɩ mɩnɛ za mɩ́ taw pɩɛl ʋ, ɛ́ nyɩ bɔbr a bàwr-maalbɛ ɩb ƴãw pʋɔ ɔ?

Sɔr-nɛ́ɛ 17:13

Ʋ tɩ àr'ɩ a nɩbɛ na kpi baarɩ a, nɩ a nɩbɛ na cãà vʋʋrɛ a cara pʋɔ. Lɛ n'a a bʋ̃-faa tɩ tɛw àr.

Sɔr-nɛ́ɛ 17:3

Bʋ̃ʋ n'ʋ vɛ̃, bɛ de a na kʋ̀ m, nɩbɛ na maalɩ yel-bier kpi a saa tɩ dãw so a a. Bɛ na ŋmɛ ŋmɛ a na mawlɩ a ɩ ɓɛr ɓɛr, bɛ pàw nɩ a bàwr-maal-kuur. A na ɩ n bãwfʋ a Ɩsɩrayɛl nɩbɛ zie.»

Sɔr-nɛ́ɛ 17:7

A Ɩsɩrayɛl nɩbɛ tɩ wa n a Moyiir nɩ a Aarɔ̃ ƴãw, wa ŋmãa jil bɛ. Lɛ n'a a Moyiir nɩ a Aarɔ̃ tɩ lɩɛbɩ jɩ́r a tuor-taa pɛn-sɛw, nyɛ̃ a zʋ̀ʋ́r ʋ pàw ʋ, ɛ́ a Sore yúor-vɩɛlʋ-danʋ sãá.

Sɔr-nɛ́ɛ 18:11

A bome a Ɩsɩrayɛl nɩbɛ na mɩ́ de kʋ̀ m a, nyɩ mɩ̀ na tʋ̃ɔ́ na mɩ́ de a ŋmãa. A nyɩ dem ɩ̃ na kʋ̀rɛ nyɩ kʋralɛ ƴãw a n'a, fʋ̃ʋ nɩ a fʋ bidɛbr nɩ a fʋ pɔwyaar. Bɛlɩ dem za na bɛ tɛr dɛwr a fʋ yir pʋɔ a na tʋ̃ɔ́ na mɩ́ dɩ a.

Sɔr-nɛ́ɛ 3:6

«Ƴãw a Levi dɔwlʋ nɩbɛ bɛ wa, fʋ wa de bɛ kʋ̀ a Aarɔ̃ na ɩ a bàwr-maalɛ a, bɛ sõwne ʋ.

Wulu-ayi-sob 10:8

A ʋlɩ vuo nɛ pʋɔ a, a Sore tɩ kʋ̀ n a Levi bʋʋrɛ tome á ŋá na ɩ a tʋɔra a: bɛ tuore a Sore wõ-taa dágá, bɛ mɩ́ àr a ʋ niŋé a ʋ tome tob ƴãw, bɛ mɩ́ ƴɛ̀r a nɔ-vla kʋ̀ a nɩbɛ a ʋ yúor ƴãw. A levitɩ mɩnɛ cãà na tone a tome á ŋá a dɩ̃a.

Ebre 13:17

Nyɩ sàwr a nyɩ niw-dierbɛ nʋɔr ɛ́ siwre nyɩ tʋɔra a bɛ zie. Bʋ̃ʋ n'ʋ vɛ̃, bɛ kaarɛ nɩ a nyɩ zie kʋralɛ, mɛ̃ Naaŋmɩn nãà wa sowri bɛ na a. Nyɩ ɩrɛ bɛ tʋ̃ɔ́ tone a bɛ tome nɩ nʋ̃ɔ̀, ɛ́ ta tone zɛbr'ɩ ɛ, a kʋ̃ wa n tɔnɛ za a nyɩ zie ɩ.

Ebre 4:15

Bàwr-maal-kara na kʋ̃ tʋ̃ɔ́ lãw nɩ tɩ gú a tɩ bãbàalʋ pʋɔ a bɛ n'ʋ tɩ tɛr ɛ. Bɛ nɩ̃ɛ na ɩ ʋ kaa a za pʋɔ mɛ̃ a tɩɩm a, ʋʋ bɛ maalɩ yel-bier ɛ.

1 Pɩɛr 2:24

ʋl na tuo a tɩ yel-bebe a ʋ ƴã-gan pʋɔ a da-gara zu, kɛ́ tɩ kpi ta cãà pʋɔ yel-bier pʋɔ, ɛ́ vʋʋrɛ vʋʋrʋ na tu yel-mɩnʋ a, a ʋl natɩɛ na sanɩ nyɩ a.

Ƴɛ̀r-dɩrbɛ 17:12

A Mɩka tɩ ka n nũu ƴãw a levitɩ, ʋ ɩ a ʋ bàwr-maalɛ, kpɩɛr a ʋ yir.